Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Jeremias 16: “Dad-on Ko Sila [og] Balik”

“Jeremias 16: ‘Dad-on Ko Sila [og] Balik,’” Manwal sa Magtutudlo sa Seminary sa Daang Tugon (2026)

“Jeremias 16: ‘Dad-on Ko Sila [og] Balik,’” Manwal sa Magtutudlo sa Seminary sa Daang Tugon

Jeremias 1–3; 7; 16–18; 20: Leksiyon 132

Jeremias 16

“Dad-on Ko Sila [og] Balik”

Men and women sharing the book of Mormon with another person as they walk.

Ang Manluluwas naghangyo kanato sa pag-apil sa labing dako nga buhat sa yuta karon: ang pagpundok sa Israel, nga naglakip sa pagpakigbahin sa Iyang ebanghelyo. Ang pagpundok sa Israel importante kaayo nga ang Manluluwas midasig sa karaang mga propeta sama ni Jeremias sa pagpanagna niini liboan na ka tuig ang milabay. Kini nga leksiyon makatabang sa mga estudyante nga moapil sa pagpundok sa Israel pinaagi sa pagpakigbahin sa ebanghelyo ni Jesukristo.

Pagpangandam sa estudyante: Dapita ang mga estudyante sa pagpamalandong sa posible nga mga gikabalak-an sa mga ten-edyer nga Mga Santos sa Ulahing mga Adlaw sa pagpakigbahin sa ebanghelyo sa Manluluwas ug sa mga pamaagi sa pagbuntog niana nga mga kabalaka. Sila makaandam sa pagpakigbahin sa ilang mga hunahuna ngadto sa klase.

Posibleng mga Kalihokan sa Pagkat-on

Ang gahom sa Manluluwas

Ikonsiderar ang pagsugod sa klase pinaagi sa paghisgot sa mga estudyante sa mosunod nga pangutana. Kon kinahanglan nila ang tabang, pwede nimo silang pahinumdoman sa mga milagro nga ilang gitun-an sa Daang Tugon. (Pwede nimong himoong mubo kini nga panaghisgotan aron duna kay igong oras sa leksiyon.)

Unsa sa imong hunahuna ang pipila sa labing dako nga mga milagro o mga pagpagkita sa gahom sa Dios?

Kon ang mga estudyante dili mohisgot sa pagbahin sa Pulang Dagat, ikonsiderar ang pagpakita og hulagway ni Moises ug ang Pulang Dagat. Ipasabot nga kini nga panghitabo milagroso kaayo nga sa mga siglo ang mga tawo mobase niini kon magtudlo mahitungod sa gamhanang gahom sa Manluluwas (tan-awa sa Mga Hebreohanon 11:29; 1 Nephi 4:2; Helaman 8:11).

Hunahunaa ang talagsaong mga milagro nga gibuhat sa Dios sa miagi samtang imong basahon ang mosunod nga mga pamahayag gikan ni Presidente Russell M. Nelson:

Daghan kaayong talagsaong mga butang ang anaa sa unahan. Sa umaabot nga mga adlaw, kita makakita sa labing dako nga mga pagpakita sa gahom sa Manluluwas nga sukad wala makita sa kalibotan. (“Buntoga ang Kalibotan ug Pangita og Kapahulayan,” Liahona, Nob. 2022, 95)

Basaha ang Jeremias 16:14–15, nga mangita sa butang nga buhaton sa Manluluwas sa ulahing mga adlaw nga gani mas milagroso pa kay sa Iyang pagluwas sa Israel gikan sa Ehipto.

Unsay imong nadiskobrehan?

Kon ang mga estudyante nagkinahanglan og tabang, mahimo nimong ipasabot nga niini nga mga bersikulo, si Jeremias nanagna sa ulahing adlaw nga pagpundok sa Israel.

Kon gikinahanglan, ipasabot nga si Presidente Nelson mitudlo nga ang pagpundok sa Israel nagpasabaot sa “pagtanyag sa ebanghelyo ni Jesukristo ngadto sa mga anak sa Dios sa duha ka habig sa tabil” (sa Russell M. Nelson and Wendy W. Nelson, “Paglaom sa Israel” [tibuok kalibotan nga debosyonal alang sa kabatan-onan, Hunyo 3, 2018], Librarya sa Ebanghelyo). Kini nga leksiyon magtutok sa pagpundok sa Israel niini nga habig sa tabil.
Kon maghunahuna ka sa plano sa Dios alang sa Iyang mga anak, nganong ang pagpundok sa Israel mahimong mas dako nga milagro kaysa pagluwas sa Israel pagawas sa Ehipto?

Pamalandongi ang imong gihunahuna mahitungod sa mosunod nga mga pangutana:

Ang pagpundok sa Israel importante ba alang kanimo? Ngano o nganong dili?
Unsa ang imong gibati mahitungod sa pag-apil niini nga buhat?

Sama sa Iyang gihimo pinaagi ni Moises, ang Manluluwas makapakita sa Iyang milagrosong gahom pinaagi nimo samtang moapil ka sa pagpundok sa Israel. Samtang imong tun-an ang Jeremias 16 karon, hatagi og pagtagad ang bisan unsang impresyon nga imong madawat gikan sa Espiritu Santo. Pamalandongi kon sa unsang paagi ang Manluluwas mahimong mogamit nimo niining dakong pagpundok.

Pagkatibulaag ug pagpundok

Sa Jeremias 16:10–18, ang Ginoo midasig kang Jeremias sa pagpanagna sa pagbungkag sa mga Israelita, nga miabot tungod sa ilang kamasupilon. Ang Ginoo mitudlo kanila nga “[dili] matago sa [Iyang] mga mata ang ilang kasal-anan” (bersikulo 17) ug niana Siya mopadala kanila og usa ka makiangayon nga silot kon sila magpadayon sa pagrebelde.

Basaha ang Jeremias 16:13, nga mangita sa mga sangpotanan nga masinati sa mga Israelita tungod sa ilang pagkadaotan.

Tabangi ang mga estudyante nga makasabot nga si Jeremias nanagna nga ang Dios mopatibulaag sa mga Israelita sa Jerusalem ngadto sa lainlaing mga yuta tungod sa ilang pagrebelde. Natuman kini dihang daghang Israelita ang nabihag ngadto sa Babilonia. Atol niini nga panahon, ang Ginoo mitibulaag usab sa matarong nga mga indibidwal, sama ni Lehi ug sa iyang pamilya, kinsa gidala didto sa kontinente sa Amerika aron mapreserbar ang ilang kinabuhi gikan sa kadaotan sa mga tawo (tan-awa sa 2 Nephi 10:20–21).

Sa Jeremias 16:14–15, si Jeremias dayon nanagna nga sa ulahing mga adlaw, ang Manluluwas mopakita sa Iyang gahom sa pagpundok sa Israel balik ngadto Kaniya ug sa Iyang Simbahan.

Ikonsiderar ang pagdapit sa mga estudyante sa paghisgot sa mosunod uban sa usa ka pares o sa gamay nga grupo.

Basaha ang Jeremias 16:16, nga mangita sa mga pagkompara nga gihimo sa Ginoo kabahin sa mga tawo nga motabang sa pagpundok sa Israel.

Ngano kaha nga ang pagpangisda ug pagpangayam maayo nga mga pagkompara sa mga tawo nga motabang sa pagpundok sa Israel?
Unsa ang imong nakat-onan mahitungod sa atong tahas sa pagpundok sa Israel?

Uban sa ubang mga kamatuoran nga mahimong ipakigbahin sa mga estudyante, tabangi sila nga makita nga si Jesukristo nagtawag kanato aron mangita sa nagkatibulaag nga Israel ug dad-on sila balik ngadto Kaniya.

Si Elder Ronald A. Rasband sa Korum sa Napulog Duha ka Apostoles mitudlo sa mosunod kabahin niining dako nga pagpundok:

13:48

Ang pagpundok mao ang kinadak-an nga pag-ila nga “ang bili sa mga kalag mahinungdanon sa panan-aw sa Dios” [Doktrina ug mga Pakigsaad 18:10]. Ingon lang niana ka yano. Kita nagpundok sa mga anak sa Dios niining kataposan nga mga adlaw nga sila unta adunay “mga panalangin nga gibubo ngadto sa ilang mga ulo” [3 Nephi 10:18] ug sa mga saad sa “mga katigayonan sa kahangtoran” [Doktrina ug mga Pakigsaad 78:18]. Busa aron mapundok ang Israel kita nagkinahanglan og mga misyonaryo. (“Unsa kaha Kadako ang Imong Hingpit nga Kalipay,” Liahona, Nob. 2023, 52)

Unsa ang gitudlo sa pamahayag ni Elder Rasband kaninyo mahitungod sa Langitnong Amahan ug ni Jesukristo?

Pag-apil diha sa pagpundok

Mahimong mohatag og mga tubag ang mga estudyante sa mosunod nga pangutana. Ikonsiderar ang pagdapit og usa ka estudyante sa paglista niini nga mga tubag diha sa pisara.

Unsa ang mga kabalaka nga aduna tingali sa mga ten-edyer nga Santos sa Ulahing mga Adlaw kabahin sa pagpakigbahin sa ebanghelyo sa Manluluwas ug pagpundok sa Israel?

Aron matabangan ang mga estudyante nga matubag kini nga mga kabalaka, ikonsiderar ang pagpakita sa mga instruksiyon sa ubos.

Pwede nimong grupohon ang mga estudyante ngadto sa gagmayng grupo, nga ang matag estudyante magtrabaho sa lainlaing opsiyon sa pagtuon. Kon mahuman na sila, makatudlo sila sa usag usa kon unsa ang ilang nakat-onan.

Pilia ang usa sa mosunod nga mga opsiyon sa pagtuon. Pag-andam sa pagpakigbahin hain sa kabalaka o mga kabalaka nga inyong gibati nga ang tudling sa kasulatan labing makatubag ug ngano.

Basaha ang Jeremias 1:6–9, nga mangita kon unsa ang gisulti sa Ginoo dihang Iyang gitawag si Jeremias aron mopakigbahin sa ebanghelyo.
Basaha ang Doktrina ug mga Pakigsaad 123:12, 16–17, nga mangita kon unsay gitudlo ni Joseph Smith sa nag-unang mga Santos sa Ulahing Adlaw nga may kalabotan sa pagpakigbahin sa ebanghelyo.
Basaha ang Moises 6:32–34, nga mangita kon unsay gisulti sa Ginoo dihang Iyang gitawag si Enoch sa pagpakigbahin sa ebanghelyo.
Pangita og laing kasulatan nga gibati nimo nga makatabang sa bisan unsa sa mga kabalaka diha sa pisara.

Ang mga estudyante mahimong maghisgot sa mosunod nga mga pangutana isip usa ka klase o magkapares o sa ginagmayng grupo.

Samtang magtuon mo ug maningkamot nga masulbad ang kabalaka diha sa pisara, unsa ang inyong nakat-onan bahin sa Manluluwas?
Sa unsang paagi nga ang inyong nakat-onan bahin Kaniya makaapekto sa inyong tinguha sa pagpakigbahin sa Iyang ebanghelyo ngadto sa uban?

Paghimo og plano

Unsay imong mga kasinatian o sa mga tawo nga imong nailhan sa pagpakigbahin sa ebanghelyo sa Manluluwas ngadto sa uban?

Mahimo nimong ipakigbahin ang bisan unsang mga kasinatian nga ikaw aduna. Ipakita dayon ang mosunod nga pamahayag aron ang mga estudyante makatan-aw niini samtang maghimo sila sa ilang plano.

Si Presidente Russell M. Nelson mipadangat sa mosunod nga pagdapit:

Walay laing nahitabo niini nga yuta nga mas importante kaysa pagpundok sa Israel alang Kaniya. Pahibaloa ang inyong Langitnong Amahan nga gusto kamong motabang. Hangyoa Siya nga ibutang kamo sa pagbuhat niining mahimayaon nga kawsa. (“Mga Pagpili alang sa Kahangtoran” [tibuok kalibotan nga debosyonal alang sa mga young adult, Mayo 15, 2022], Librarya sa Ebanghelyo)

Sa inyong journal sa pagtuon, paghimo og personal nga plano sa pagpakigbahin sa ebanghelyo sa Manluluwas ngadto sa uban. Sa dili pa himoon kini nga plano, pwede ninyong sundon ang pagdapit ni Presidente Nelson pinaagi sa mainampoong pagpahayag sa inyong mga tinguha sa pagtabang sa pagpundok sa Israel alang sa Langitnong Amahan.

Ikonsiderar ang paglakip diha sa inyong plano ang bisan unsang impresyon nga naggikan sa Espiritu Santo nga tingali inyong madawat. Pananglitan, mahimo ninyong ilakip kon kinsa ang gusto ninyo nga ipakigbahin ang ebanghelyo, sama sa mga indibidwal nga dili miyembro sa Simbahan o kinsa dili aktibong miapil diha sa Simbahan. Ikonsiderar usab ang paglakip kon unsaon ug kanus-a ninyo mahimong ipakigbahin ngadto kanila.

Ikonsiderar ang pagtapos uban ang imong mga pagbati bahin sa Manluluwas ug bahin sa pagtabang nga madala ang mga kalag ngadto Kaniya.

Dugang nga mga Kapanguhaan

Unsa kaimportante ang pagpundok sa Israel?

Si Presidente Russell M. Nelson mipasabot:

Gipadala kamo sa yuta niining tukma nga panahon … aron motabang sa pagpundok sa Israel. Walay laing panghitabo dinhi niini nga kalibotan sa pagkakaron dayon nga mas importante kay sa niana. …

Kini nga panagpundok kinahanglan nga mahinungdanon nganha kaninyo. (sa Russell M. Nelson ug Wendy W. Nelson, “Paglaom sa Israel” [tibuok kalibotan nga debosyonal alang sa mga kabatan-onan, Hunyo 3, 2018], Librarya sa Ebanghelyo)

Unsa ang atong tahas sa pagpundok sa Israel?

Si Elder Quentin L. Cook sa Korum sa Napulog Duha ka Apostoles mipakigbahin:

14:48

Sama nga klarong masabtan, ang mga miyembro sa Ang Simbahan ni Jesukristo sa mga Santos sa Ulahing mga Adlaw adunay dako nga pribilehiyo sa paghigugma, pagpakigbahin, pagdapit, ug pagtabang sa pagpundok sa Israel aron makadawat sa kahingpitan sa pakigsaad nga mga panalangin sa Ginoo. … “Kini nga pagpundok magpadayon hangtod ang mga matarong matigom diha sa mga kongregasyon sa mga Santos diha sa mga nasod sa kalibotan” (Spencer W. Kimball, The Teachings of Spencer W. Kimball, 438). (“Luwas nga Pagapundokon Pauli sa Panimalay,” Liahona, Mayo 2023, 22)

Unsa nga mga panalangin ang atong madawat pinaagi sa pagpakigbahin sa ebanghelyo ni Jesukristo?

Si Elder Quentin L. Cook sa Korum sa Napulog Duha ka Apostoles miingon:

14:48

Palihog sabta nga adunay talagsaon nga mga panalangin sa pagpakigbahin sa ebanghelyo ni Jesukristo. Ang mga kasulatan namulong bahin sa hingpit nga kalipay ug kalinaw, kapasayloan sa mga sala, panalipod gikan sa mga tentasyon, ug maabagon nga gahom gikan sa Dios. Maglantaw lapas niining mortal nga kinabuhi, mahimo kitang andam sa pagpakigbahin sa ebanghelyo ngadto niadtong “anaa sa kangitngit ug ubos sa pagkaulipon sa sala diha sa dako nga kalibotan sa mga espiritu sa mga patay” [Doktrina ug mga Pakigsaad 138:57]. (“Luwas nga Pagapundokon Pauli sa Panimalay,” Liahona, Mayo 2023, 23)

Dugang nga mga Kalihokan sa Pagkat-on

Mga ideya alang sa pagpakigbahin sa ebanghelyo

Aron tabangan ang mga estudyante nga makahimo og mga ideya alang sa pagpakigbahin sa ebanghelyo, mahimo nimong dapiton sila sa pagpangita sa share.ChurchofJesusChrist.org.

Jeremias 17. Pagtuman sa adlaw nga Igpapahulay

Kon sa imong hunahuna makabenepisyo ang mga estudyante sa paghisgot sa pagtuman sa adlaw nga Igpapahulay, dapita sila sa pagbasa sa Jeremias 17:21–27, sa pagmarka sa mga pulong kon ug dayon. Mahimo nimong dapiton ang mga estudyante sa pagpakigbahin sa mga saad sa Ginoo kon ang mga Israelita mobalaan sa adlawng Igpapahulay ug ang negatibong mga sangpotanan kon sila mopili sa pagbalewala niini.

Mahimo dayon nimong dapiton ang mga estudyante sa pagpakigbahin kon unsa nga mga baroganan ang ilang nakat-onan kabahin sa pagbalaan sa adlawng Igpapahulay. Pwede silang mogamit og lainlaing mga pulong, apan tabangi sila nga mailhan ang mosunod nga baroganan: Kon kita mobalaan sa adlaw nga Igpapahulay, nan ang Ginoo motagana kanato ug motabang kanato nga mouswag. Mahimong mopakigbahin ang mga estudyante og mga kasinatian gikan sa ilang kinabuhi nga nagpamatuod sa kamatuoran niini nga baroganan.

Jeremias 18–19. Lapok diha sa mga kamot sa Ginoo

Aron matabangan ang mga estudyante nga makasabot nga ang Ginoo andam ug makahimo sa pag-usab sa atong kinabuhi, ikonsiderar ang pagdala og tibugol sa humok nga lapok. Dapita ang usa ka estudyante nga maghimo dayon og kolon gamit ang lapok. Mahimo dayon nimong pangutan-on ang estudyante kon unsay ilang mahimo kon dili sila ganahan sa kolon nga bag-o lang nilang gihimo. Dayon dapita ang estudyante sa pagsugod og usab ug pagporma og laing kolon.

Dapita ang mga estudyante sa pagbasa sa Jeremias 18:1–6, nga mangita kon giunsa niining butang nga gigamit sa leksiyon nga may kalabotan sa mensahe sa Ginoo ngadto sa mga Israelita. Ikonsiderar ang pagpangutana og parehas sa mosunod:

Unsa ang ipasabot nga mahimong lapok diha sa mga kamot sa Ginoo?
Sa imong hunahuna, unsay ipasabot sa paghulma ug pagporma og usab pinaagi sa Ginoo?

Tabangi ang mga estudyante nga mailhan ang kamatuoran nga susama sa mosunod: Kon mopili kita nga maghinulsol, ang Ginoo makahimo sa paghulma ug pagporma og usab sa atong kinabuhi.

Ipasabot nga ang mga Judeo misalikway sa mga pulong ni Jeremias (tan-awa sa Jeremiah 18:11–12). Dapita ang mga estudyante sa pagbasa sa Jeremias 19:1–2, 10–11, nga mangita sa unsay gisulti sa Ginoo nga mahitabo tungod sa pagsalikway sa mga Judeo sa Iyang pagdapit sa paghinulsol.

Ang mga estudyante mahimong mopakigbahin og mga paagi nga ilang nakita nga ang Dios mihulma o miporma og usab sa ilang kinabuhi o sa mga kinabuhi sa uban nga ilang nailhan.

Jeremias 20:7–9. Pagpakigbahin sa ebanghelyo—bisan kon lisod kini

Ikonsiderar ang pagdugang sa mosunod nga opsiyon sa pagtuon diha sa “Pag-apil sa pagpundok” nga seksiyon sa leksiyon. Mahimo nimong ipasabot una nga daghang tawo sa panahon ni Jeremias ang dayag nga misalikway sa ebanghelyo. Ang iyang paningkamot sa pagpakigbahin sa ebanghelyo gisugat og kapintas ug pagbiay-biay (tan-awa sa Jeremias 20:7–8). Mahimong makatabang usab ang pagpasabot nga ang pulong nga “pagkakalma” nagpasabot sa paghunong og kadiyot, paglangay, o paghunong; ang pulong nga pabilin niini nga konteksto nagpasabot sa paghunong o dili maglihok.

Basaha ang Jeremias 20:9, nga mangita kon nganong nagpadayon si Jeremias sa paghisgot mahitungod sa Manluluwas ug sa Iyang ebanghelyo, bisan og gitental siya sa paghunong tungod kay ang mga tawo misalikway sa iyang mensahe.

Ang epekto nga mahimo sa usa ka tawo

Ikonsiderar ang pagpakita sa bidyo nga “Inviting All to Come unto Christ: Sharing the Gospel” (4:30) human sa kalihokan sa pagtuon diha sa “Pag-apil sa pagpundok” nga seksiyon sa leksiyon. Mahimo nimong dapiton ang mga estudyante nga mangita sa epekto nga mahimo sa usa ka tawo samtang magtrabaho sila sa pagpundok sa Israel, bisan kon lisod kini.

4:30