“2 Samuel 11–12: Dili Kita Makatago sa Atong mga Sala gikan sa Ginoo,” Manwal sa Magtutudlo sa Seminary sa Daang Tugon (2026)
“2 Samuel 11–12: Dili Kita Makatago sa Atong mga Sala gikan sa Ginoo,” Manwal sa Magtutudlo sa Seminary sa Daang Tugon
2 Samuel 11–12; 1 Mga Hari 3; 6–9; 11: Leksiyon 77
2 Samuel 11–12
Dili Kita Makatago sa Atong mga Sala gikan sa Ginoo
Uban ang Ginoo sa iyang kiliran, napildi ni David si Goliat, midaog sa gubat, ug nahimong hari sa Israel. Apan, tungod sa iyang maibogon nga tinguha kang Batseba, si David mitalikod sa Langitnong Amahan ug ni Jesukristo ug nahulog gikan sa iyang kahimayaan (tan-awa sa Doktrina ug mga Pakigsaad 132:39). Kini nga leksiyon makatabang sa mga estudyante nga mahibaloan nga dili sila makatago sa ilang mga sala gikan sa Ginoo, apan mahimo silang modangop ngadto Kaniya aron mabuntog ang tentasyon.
Pag-andam sa estudyante: Dapita ang mga estudyante sa paghimo og lista sa pipila ka mga bakak nga gigamit ni Satanas sa pagtental nato sa pagpakasala (pananglitan, ang mga estudyante mahimong morebyo sa 2 Nephi 28:6–9, 20–22). Dayon dapita sila sa pagpamalandong kon sa unsang paagi ang mga kamatuoran nga gitudlo sa ebanghelyo ni Jesukristo makatabang nato sa pagdangop sa Ginoo kon kita mag-atubang og tentasyon.
Posibleng mga Kalihokan sa Pagkat-on
Mga desisyon nga makapabalik nato o makapalayo gikan sa Ginoo
Ipakita ang hulagway sa Manluluwas nga dunay mga pana nga nagtumong ug nagpalayo sa imahe. Dapita ang mga estudyante sa pagtubag sa mosunod nga mga pangutana. Ang mga estudyante mahimong mosulat sa ilang mga tubag ubos sa angay nga mga pana diha sa pisara.
-
Unsa ang pipila ka butang nga gidapit sa Ginoo nga atong buhaton aron modangop ngadto Kaniya?
-
Unsa ang mga bakak nga gigamit ni Satanas aron makombinser kita nga mopalayo gikan sa Ginoo?
Mahimong mopakigbahin ang mga estudyante og lain-laing hugpong sa mga pulong sama niini: “Dili ra na dako nga butang”; “Makahinulsol ra ka unya”; ug “Wala man ko nakapasakit sa lain.” Kon wala kini mahisgoti sa mga estudyante, isulat ang Walay usa nga masayod diha sa pisara. Ang mosunod nga parapo mao ang usa ka pagdapit alang sa mga estudyante sa paglakip sa Espiritu samtang ilang ikonsiderar ang ilang mga panghunahuna kon nakahimo sila og mga sayop.
Paggahin og higayon sa pagdapit sa Espiritu Santo sa pagtabang ninyo nga mailhan ang mga panghunahuna o mga aksiyon sa inyong kinabuhi nga nakapabalik o nakapalayo ninyo gikan sa Langitnong Amahan ug ni Jesukristo. Samtang kamo magtuon, pangitaa ang mga impresyon sa Espiritu nga makatabang ninyo sa pagpili nga mobalik ngadto Kanila.
Ang mga desisyon ni David sa pagtalikod gikan sa Ginoo
Dapita ang mga estudyante sa paghinumdom sa mga istorya nga ilang gitun-an nga nagpakita nga ang Ginoo naggiya ug nagdumala ni David. Pwede nimong ipakigbahin nga ang istorya nga ilang tun-an karon magpakita kon unsay nahitabo dihang si David mihimo og sunod-sunod nga mga desisyon nga mipahilayo kaniya gikan sa Langitnong Amahan ug ni Jesukristo.
Samtang ang mga estudyante nagbasa sa matag bersikulo sa mosunod nga mga tudling, ang uban diha sa klase mahimong mopataas sa pulong nga Hunong o lihok kon ilang makita si David nga mohimo og desisyon nga makapalayo niya gikan sa Ginoo. Sa matag higayon nga mohunong sila, mahimong hisgotan sa mga estudyante ang pangutana sa ubos.
Basaha og maayo ang 2 Samuel 11:1–5, nga mangita sa mga desisyon nga gihimo ni David nga migiya kaniya ngadto sa sayop nga direksyon.
-
Unsa nga mga desisyon ang inyong nadiskobrehan?
Dapita ang mga estudyante sa paghimo og lista diha sa pisara sa mga desisyon nga gihimo ni David niini nga mga bersikulo ug sa pagmarka niini diha sa ilang mga kasulatan. Ang wala nga kolum sa tsart niini nga leksiyon naglakip sa mga ehemplo sa unsay mahimong makit-an sa mga estudyante.
Kitang tanan mag-atubang og mga tentasyon nga kinahanglan natong suklan. Sa pagkahibalo niini, mihatag ang Ginoo og gamhanang kasegurohan diha sa 1 Mga Taga-Corinto 10:13. Basaha kini nga bersikulo nga mangita sa tabang nga gisaad sa Ginoo kanato.
-
Unsay inyong nadiskobrehan?
Ang mosunod nga kalihokan mao ang usa ka paagi sa pagtabang sa mga estudyante nga makita nga bisan sa mga tentasyon nga sama niadtong giatubang ni David, ang Ginoo mihatag og mga pagtulun-an nga makatabang nato nga makalikay sa tentasyon ug makaiskapo sa sala. Mahimo dayon nimong ipakita ang mosunod nga mga instruksiyon aron sundon sa mga estudyante diha sa gagmayng grupo o sa tagsa-tagsa. Nagdepende sa mga abilidad sa imong mga estudyante, mahimo nimong ipakita ang mga kasulatan diha sa ikaduhang kolum ug ipahaom ang ikaduha nga lakang aron mabasa sa mga estudyante ang kasulatan o mga kasulatan imbes nga pangitaon kini.
Kompletoha ang mosunod nga mga instruksiyon:
-
Pagpili og usa o sobra sa mga desisyon nga gihimo ni David nga mipalayo kaniya gikan sa Ginoo.
-
Pangita og kasulatan nga naglakip o naghulagway sa usa sa mga pagtulun-an sa Manluluwas nga makatabang kanato nga makalikay sa tentasyon ug makalingkawas sa susama nga pagpili.
-
Pangandam sa pagpakigbahin sa unsay inyong nakaplagan.
|
Ang desisyon ni David |
Mga pagtulun-an sa Manluluwas ug sa Iyang apostoles |
|---|---|
Ang desisyon ni David 2 Samuel 11:1—Nagpabilin si David sa Jerusalem dihang ang mga hari miadto sa panggubatan uban ang ilang mga kasundalohan. | Mga pagtulun-an sa Manluluwas ug sa Iyang apostoles |
Ang desisyon ni David 2 Samuel 11:2—Nakita ni David si Batseba nga naligo ug mipadayon sa pagtan-aw kaniya. | Mga pagtulun-an sa Manluluwas ug sa Iyang apostoles |
Ang desisyon ni David 2 Samuel 11:3—Gipadayon ni David ang iyang intensyon kaniya. | Mga pagtulun-an sa Manluluwas ug sa Iyang apostoles |
Ang desisyon ni David 2 Samuel 11:4—Pagkahibalo nga si Batsheba minyo, gipaadto siya ni David sa iyang palasyo. | Mga pagtulun-an sa Manluluwas ug sa Iyang apostoles Genesis 39:9 |
Ang desisyon ni David 2 Samuel 11:4—Gisupak ni David ang balaod sa kaputli. | Mga pagtulun-an sa Manluluwas ug sa Iyang apostoles |
-
Unsay mipatigbabaw diha kaninyo?
-
Unsa ang inyong nakat-onan mahitungod sa Ginoo gikan niining kalihokan sa pagtuon?
Sa pag-summarize sa 2 Samuel 11:6–13, pwede nimong ipasabot nga dihang iyang nahibaloan nga si Batsheba mabdos, gipatawag ni David ang iyang bana, si Uriah, nga papaulion gikan sa panggubatan. Gisugo ni David si Uria nga mogahin niana nga gabii uban ni Batsheba aron maingon nga si Uria ang responsable sa iyang pagmabdos.
Basaha ang 2 Samuel 11:14–17, 26–27, nga mangita sa unsay gibuhat ni David dihang ang iyang plano sa pagtago sa iyang pagpanapaw wala magmalamposon.
-
Unsa nga mga hunahuna o mga pagbati ang anaa ninyo samtang inyong gibasa kini nga mga bersikulo?
I-refer ngadto sa lista sa mga desisyon ni David diha sa pisara ug idugang ang Misulay si David sa pagtago sa iyang mga sala.
Ipasabot ngadto sa mga estudyante nga human sa kamatayon ni Uria, ang Ginoo mipadala sa Iyang propeta nga si Nathan ngadto ni Hari David. Samtang ilang basahon ang mosunod nga sambingay, mahimong ihulagway sa mga estudyante ang istorya diha sa pisara o diha sa ilang mga journal sa pagtuon.
Basaha ang 2 Samuel 12:1–10, nga mangita sa unsay gisulti ni Nathan ngadto ni David.
-
Unsa ang mipatigbabaw kaninyo niini nga sambingay?
-
Unsa nga mga kamatuoran ang makat-onan kaha sa usa ka tawo gikan sa istorya ni David?
Agig dugang sa ubang mga kamatuoran nga tingali nailhan sa mga estudyante, hatagi og pagtagad nga dili kita makatago sa atong mga sala gikan sa Ginoo.
Mahimo nimong dapiton ang mga estudyante sa pag-cross reference o i-link ang 2 Samuel 12:7–9 sa 2 Nephi 9:20 ug Alma 39:8.
-
Sa unsang paagi kini usa ka panalangin nga dili nato matago ang atong mga sala gikan sa atong mahigugmaong Langitnong Amahan?
-
Sa unsang paagi kaha nga ang pagsabot niini nga kamatuoran motabang nato nga modangop ngadto sa Langitnong Amahan ug ni Jesukristo ug maghinulsol?
Kon gikinahanglan, mahimo nimong i-refer ngadto sa Doktrina ug mga Pakigsaad 132:39, ipakigbahin nga ang pagpatay ni Uria mao ang kataposang pagsulay ni David sa pagtago sa iyang mga sala. Tungod niini nga desisyon, nawad-an si David sa iyang kahimayaan. Pasaligi pag-usab ang mga estudyante nga ang Ginoo nahigugma gihapon ni David, apan adunay mga panalangin nga dili madawat ni David isip usa ka sangpotanan sa iyang mga desisyon.
Mahimo kitang mobalik ngadto sa Ginoo
Dapita ang mga estudyante nga pamalandongan sa hilom kon unsay ilang nakat-onan ug gibati gikan sa istorya ni David. Tabangi nga masabtan sa mga estudyante nga tungod ang Langitnong Amahan ug si Jesukristo hingpit nga nakaila kanato, Sila makasabot sa atong mga kahimtang, nganong mihimo kita og mga pagpili, ug unsaon sa pagtabang kanato nga mobalik ngadto Kanila.
Ang ubang mga estudyante mahimong mobati nga mawad-an og kadasig pinaagi sa mga sayop nga ilang nahimo. Aron matabangan sila nga makatutok sa tinguha sa Ginoo nga mapasaylo, mahimo nimong ipasalida ang bidyo nga “Ang Manluluwas Gusto nga Mopasaylo” (5:50) o “Ako Nagpabilin nga Natingala” (5:15). Ang duha anaa sa ChurchofJesusChrist.org.
Ipakigbahin unsa ang imong nakat-onan
Aron tabangan ang mga estudyante nga ipakigbahin ang ilang pagsabot sa gitudlo nga mga kamatuoran, ikonsiderar ang paggamit sa imahe gikan sa sinugdanan sa klase. Mahimo nimong dapiton ang mga estudyante sa pagdrowing og susama nga butang diha sa ilang mga journal sa pagtuon. Dayon ipakita ang mosunod nga mga instruksiyon aron kompletohon sa mga estudyante.
Sa inyong journal sa pagtuon, pagpili og usa sa mga desisyon nga gihimo ni David o usa ka tentasyon nga tingali giatubang sa usa ka tin-edyer karon. Hunahunaa nga kamo naghatag og tambag sa usa ka tawo nga naghunahuna kabahin sa paghimo niana nga desisyon. Pagpili og labing menos duha ka opsyon gikan sa mosunod nga lista aron ipakigbahin ang inyong nakat-onan.
-
Usa ka summary sa unsay inyong nakat-onan karon kabahin sa dili pagtago sa mga sala ug hinoon, modangop ngadto sa Langitnong Amahan ug ni Jesukristo.
-
Usa ka tudling sa kasulatan nga naghulagway kon unsay gitudlo sa Manluluwas ug sa Iyang mga propeta mahitungod sa pagbuntog sa tentasyon nga inyong gipili.
-
Usa sa kasinatian nga nasinati ninyo o sa usa ka tawo nga inyong kaila nga nakatabang ninyo nga modangop ngadto sa Langitnong Amahan ug ni Jesukristo kon mag-atubang kamo og tentasyon.
-
Usa ka mubo nga pagpamatuod sa gahom sa Manluluwas sa pagtabang kanato sa pagbuntog sa tentasyon ug paghinulsol kon kita makasala.
Ikonsiderar ang pagtapos sa klase uban sa imong pagsaksi nga ang Langitnong Amahan ug si Jesukristo hingpit nga nakaila ug nahigugma sa mga estudyante. Mahimo nimong pasaligan ang mga estudyante nga bisan unsa pa ang mga panlimbasog nga atong giatubang, ang Langitnong Amahan ug si Jesukristo nahigugma kanato ug naghinam-hinam sa pagtabang kanato nga maghinulsol.