“Sukda ang Imong Nakat-onan 5: Ruth–1 Mga Hari 11,” Manwal sa Magtutudlo sa Seminary sa Daang Tugon (2026)
“Sukda ang Imong Nakat-onan 5: Ruth–1 Mga Hari 11,” Manwal sa Magtutudlo sa Seminary sa Daang Tugon
2 Samuel 11–12; 1 Mga Hari 3; 6–9; 11: Leksiyon 80
Sukda ang Imong Nakat-onan 5
Ruth–1 Mga Hari 11
Ang pagpamalandong ug ang pagsukod sa atong espirituhanong pagkat-on makatabang kanato nga mas maduol sa Langitnong Amahan ug ni Jesukristo. Kini nga leksiyon gituyo aron matabangan ang mga estudyante nga makapamalandong sa mga tumong nga ilang gitakda ug ang personal nga paglambo nga ilang nasinati atol sa kasamtangan nilang pagtuon sa Daang Tugon.
Pagpangandam sa estudyante: Dapita ang mga estudyante sa pagkonsiderar sa ilang espirituhanong paglambo sa seminary atol niini nga tuig. Awhaga sila sa pagtimbang-timbang sa ilang mga paningkamot pinaagi sa pagrebyo sa mga entry sa journal, mga kasulatan nga ilang gimarkahan, ug mubo nga mga sulat nga ilang gihimo.
Posibleng mga Kalihokan sa Pagkat-on
Ang pagtuon sa imong estudyante sa Daang Tugon mahimong nakatutok sa lain nga mga resulta kay sa niadtong nagsukod niini nga leksiyon. Kon mao, ipahaom ang mga kalihokan aron masukod ang paglambo sa mga estudyante nga nasinati gikan sa mga resulta nga imong gipili alang sa klase.
Niini nga leksiyon, makabaton og higayon ang mga estudyante nga masukod ang ilang nakat-onan sumala sa mosunod nga mga resulta:
-
Ipasabot ang mga titulo ug mga tahas ni Jesukristo nga gitun-an sa mga estudyante niini nga tuig. (Timan-i: Kini nga kalihokan nagtugot sa mga estudyante nga mogamit unsay ilang nakat-onan mahitungod sa mga titulo ug mga tahas ni Jesukristo, sama sa Tinapay sa Kinabuhi, Hari sa Zion, Tiglalang, Tigluwas, ug Manunubos).
-
Pagbati og dugang nga tinguha sa pagsimba sa Langitnong Amahan ug ni Jesukristo diha sa templo. (Timan-i: Ang mga kalihokan sa pagkat-on gikan sa duha ang Leksiyon 52: “Exodo 25, 35–40” ug Leksiyon 79: “1 Mga Hari 6–9” mag-andam sa mga estudyante alang niini nga kalihokan sa pagsukod.)
-
Madugangan ang ilang abilidad sa pagdawat ug pag-ila sa personal nga pagpadayag. (Timan-i: Kini nga kalihokan nagtabang sa mga estudyante nga maghunahuna sa ilang tumong nga gitakda sa Leksiyon 70: “1 Samuel 3” ug nag-awhag sa mga estudyante sa paghinumdom sa nangagi nga oportunidad sa klase sa pagdapit sa Espiritu Santo sa pagbuhat sa Iyang tahas diha sa proseso sa pagtuon.)
Pagtimbangtimbang sa atong espirituhanon nga pagtubo ug pag-uswag
IKonsiderar ang pagpakita sa imahe sa taas, o usa ka butang nga kapareho, nga nagpakita sa pagtubo sa usa ka liso ngadto sa usa ka tanom o kahoy sa tibuok leksiyon. Sa matag kalihokan, ang mga estudyante kinahanglang motan-aw niini nga imahe atol sa pagpamalandong o sa pagtubag sa mga pangutana sama sa mosunod.
-
Ngano kaha nga makatabang ang paggahin og panahon sa kanunay nga paghiling sa pagtubo sa usa ka tanom?
-
Unsa tingali ang kalahian sa pag-amuma sa tanom sa matag ang-ang? Unsa man kaha ang kapareho?
Tingali ang mga estudyante maghisgot sa pagbisbis, pag-ibot sa sagbot, paggamit og abuno, o sa pagseguro nga ang tanom adunay igong init sa adlaw o landong, dependi sa ang-ang sa pagtubo. Mahimo nimong ipasabot nga ang usa ka gamay nga liso mahimong nagkinahanglan og lahi nga pagtagad, init sa adlaw, ug tubig kay sa dako na nga kahoy.
-
Unsa ang pipila ka paagi nga ang pagtubo sa usa ka tanom mahimong susama sa atong pagtubo sa espirituhanon?
Ipakigbahin sa mga estudyante nga ang katuyoan sa Pagsukod sa Imong Nakat-onan nga leksiyon mao ang paghunong kadali ug pagdapit sa Espiritu Santo sa pagtabang nila nga makabantay sa ilang mga paningkamot ug pag-uswag, pagkahimong mas mahisama sa Manluluwas. Ang mga estudyante mahimong makapamalandong sa pagpahiangay nga ilang gikinahanglang buhaton samtang sila nag-uswag sa dalan sa pakigsaad padulong sa Langitnong Amahan ug ni Jesukristo. Mahimo tingali ninyong ipakigbahin ang inyong pagsaksi nga ang atong pag-uswag sa espirituhanon makapalig-on sa atong relasyon uban Kanila ug makatabang kanato nga mahimong mas sama Kanila.
Pamalandongi asa kamo mibati nga kamo espirituhanon samtang kamo nagsugod sa pagtuon sa Daang Tugon ug asa kamo karon. Ipahisama ang inyong espirituhanon nga pagtubo ngadto sa imahe sa nagtubo nga liso. Diha sa inyong journal sa pagtuon, kompletoha ang mosunod nga pagbansay.
-
Diha sa walang pahina sa inyong journal sa pagtuon, pagdrowing og tanom (A, B, C, D, o E) nga nagrepresentar asa kamo mibati nga kamo espirituhanon sa sinugdanan sa tuig.
-
Sa tuong pahina sa inyong journal sa pagtuon, pagdrowing og tanom (A, B, C, D, o E) nga nagrepresentar asa ninyo gibati nga kamo espirituhanon karon.
Pagsulat og mubo nga parapo nga naghulagway sa inyong paningkamot nga mouswag diha ni Jesukristo sa inyong espirituhanon nga pagtubo sa seminary karong tuiga. Dayon dapita ang Espiritu Santo sa pagtabang kaninyo nga mailhan ang usa o duha ka pagpahiangay nga inyong mahimo aron mas mapaduol sa Manluluwas. Isulat kini nga mga pagpahiangay diha sa inyong journal sa pagtuon.
Tingali pwede nimong dapiton ang mga estudyante nga ipakigbahin ang unsay ilang gisulat, kon ugaling dili kaayo kini personal. Ikonsiderar ang pag-awhag sa mga estudyante kinsa wala mobati nga sila naghimo og espirituhanon nga pag-uswag pinaagi sa pagpahibalo nila nga, sama sa nagtubo nga mga liso, ang espirituhanon nga pagtubo nagkinahanglan og igong panahon ug paningkamot. Ipasalig sa mga estudyante nga ang Ginoo nahigugma kanila ug dapita sila nga magmapailobon ug mopadayon.
Ipasabot ang mga titulo ug mga tahas ni Jesukristo
Dapita ang mga estudyante sa pagrebyo sa ilang mga kasulatan ug ang journal sa pagtuon sa pag-ila sa pipila ka titulo ni Jesukristo nga ilang natun-an sa Daang Tugon.
Aron sa pagtabang sa mga estudyante nga mapakita ang ilang pagsabot, mahimo nimong isulat sa pisara ang pipila ka titulo o mga tahas ni Jesukristo nga imong natun-an niini nga tuig. Tingali makatabang ang paghatag sa mga estudyante sa nahiuyon nga mga pakisayran sa Daang Tugon. Mahimo nimong ipakigbahin ang mga titulo ug mga tahas sama niini:
-
Manunubos (Ruth)
-
Tigluwas (Mga Hukom 2–4)
-
Tiglalang (Genesis 1:1–23)
-
Magbabalaod (Exodo 20)
-
Hari sa Zion (Moises 7)
Handurawa nga gihangyo kamo sa pagpresentar og usa ka mubo nga hunahuna sa Dominggo mahitungod sa unsang paagi ang Manluluwas mibuhat niini nga tahas o titulo. Pagsulat og mubo nga outline nga motubag sa mosunod nga mga pangutana:
-
Unsa ang gitudlo niini nga titulo o tahas kanato mahitungod ni Jesukristo?
-
Sa unsang paagi gipakita ni Jesukristo kana nga titulo o tahas diha sa Daang Tugon (lakipi og usa ka bersikulo o istorya aron pagpakita sa Iyang tahas)?
-
Sa unsang paagi mapanalanginan ang mga batan-on pinaagi sa pagtuman sa Manluluwas niini nga tahas sa ilang kinabuhi?
Mahimo tingaling hatagan nimo ang mga estudyante og kahigayonan sa pagpakigbahin sa ilang outline. Tingali kon angay dapita ang pipila ka andam nga mga estudyante sa pagpakigbahin sa ilang mga hunahuna diha sa klase.
Mobati og dugang nga tinguha sa pagsimba sa Langitnong Amahan ug ni Jesukristo diha sa templo
Aron pagtabang sa mga estudyante nga maandam alang niini nga pagsukod nga kalihokan, ikonsiderar ang pagpakita sa usa ka imahe sa templo. Mahimong templo ni Solomon, ang Kirtland Temple, o ang usa ka duol nga templo.
Tan-awa ang inyong journal sa pagtuon alang sa mga mubo nga sulat nga inyong girekord o mga kasulatan nga inyong gimarkahan nga nakatabang kaninyo nga mas makasabot kabahin sa templo isip balay sa Ginoo o ang inyong tinguha nga mosimba Niya diha.
Ang pipila ka kasulatan mahitungod sa templo nga bag-ohay lang nga gitun-an sa mga estudyante lakip ang mosunod:
-
Exodo 25; 35–40
-
2 Samuel 7; Doktrina ug mga Pakigsaad 88:119–120
-
1 Mga Hari 5–9; Doktrina ug mga Pakigsaad 109:10–18
-
1 Mga Cronicas 22; Doktrina ug mga Pakigsaad 97:10–16
-
2 Mga Cronicas 7; Doktrina ug mga Pakigsaad 110:2–10
Human marebyo sa mga estudyante ang ilang mubo nga mga sulat ug mga kasulatan, mahimo tingaling modapit ka og pipila kanila sa pagpakigbahin sa usa ka butang nga nakapahinuklog kanila. Mahimo nimong ipakita ang mga pangutana sama niini.
-
Unsa nga mga kausaban ang inyong nabantayan sa inyong mga pagbati mahitungod sa balay sa Ginoo niining tuiga?
-
Kon inyong namatikdan ang mga kausaban, unsa kaha ang nagdala niining maong mga kausaban?
Ikonsiderar ang paghatag og kahigayonan sa andam nga mga estudyante sa pagpakigbahin sa ilang pagpamatuod mahitungod sa balay sa Ginoo.
Padawat ug pag-ila sa personal nga pagpadayag
IKonsiderar ang pagpakita sa usa ka litrato sa batan-ong propeta Samuel nga naminaw sa tingog sa Ginoo. Atol sa ilang pagtuon sa 1 Samuel 3, gidapit ang mga estudyante sa pagpraktis sa pagpaminaw sa pulong sa Ginoo sa ilang kinabuhi matag adlaw. Mahimo nimong dapiton ang mga estudyante sa pagpakigbahin unsay ilang nahinumdoman gikan sa istorya o sa pagrebyo sa 1 Samuel 3:1–16.
Ang paghatag og oportunidad sa mga estudyante nga rebyohon ang usa ka tumong nga kanhi nila gitakda mahimong modapit sa Espiritu Santo sa pag-awhag kanila sa pagpadayon sa ilang mga paningkamot o pagtabang nila sa paghimo sa gikinahanglang mga pagpahiangay niana nga tumong. Usa ka paagi sa pagbuhat niini mao ang paghatag sa mga estudyante og usa ka higayon sa pagrebyo sa tumong nga ilang gitakda atol sa Leksiyon 70: “1 Samuel 3.” (Alang sa dugang nga mga pagbansay sa pag-follow up sa mga imbitasyon nga gihatag sa klase, tan-awa sa “Dapita ang mga tigkat-on sa pagsunod unsay ilang nakat-onan” diha sa Pagpalambo sa mga Kahanas sa Magtutudlo).
Sa inyong pagtuon sa 1 Samuel 3, mahimong nagtakda kamo og usa ka tumong sa pagpalambo sa inyong abilidad sa pag-ila ug pagdawat og personal nga pagpadayag gikan sa Langitnong Amahan ug ni Jesukristo. Rebyoha ang imong tumong, ug tubaga ang dili mominos duha sa mosunod nga mga pangutana diha sa inyong journal sa pagtuon.
-
Unsa nga mga kasinatian ang inyong nadawat bag-ohay lang mahitungod sa personal nga pagpadayag?
-
Unsay nagtabang ninyo nga mailhan nga ang maong pagpadayag gikan sa Langitnong Amahan?
-
Unsay nakaimpluwensiya sa inyong abilidad sa pag-ila ug pagdawat sa pagpadayag?
-
Kon ang usa ka tawo mibati nga wala makadawat sa personal nga pagpadayag, unsay inyong nakat-onan o nabati nga makatabang nila?
Pwede nimong dapiton ang mga estudyante nga mopasalig pag-usab sa ilang tumong. Aron sa pagtabang sa mga estudyante sa ilang tumong, tingali makatabang nga ilang isulat sa usa ka butang nga ilang madala sa balay, sama sa sticky note o usa ka gamay nga papel. Ang mga estudyante mahimo usab nga motext og tumong sa ilang kaugalingon. Mahimo kang mopasalig sa mga estudyante nga nagkinahanglan og oras ug pagpraktis sa pag-ila sa personal nga pagpadayag gikan sa Langitnong Amahan. Dayega sila sa ilang mga paningkamot ug pagkaandam sa pagpadayon sa pagpaduol sa Langitnong Amahan ug ni Jesukristo.