Զարգացնել առողջ սովորություններ

Պատկերացրեք, որ ձեր ընկերը ցանկանում է իմանալ, թե ինչ պետք է անի՝ մոլախոտով պատված հողատարածքը պարտեզ դարձնելու համար:

• Ի՞նչ խորհուրդ կտայիք նրան։

  Ուսանողները կարող են նշել հետևյալը․ հեռացնել մոլախոտերը, նախապատրաստել հողը, սերմեր տնկել, պարարտացնել հողը և ջրել բույսերը:

• Ինչպե՞ս կարելի է պարտեզ հիմնելու գործընթացը համեմատել առողջ սովորություններ ձևավորելու հետ:

  Ուսանողներին առաջարկեք մտածել իրենց սովորությունների մասին: Ուսանողները կարող են դիմել Սուրբ Հոգու օգնությանը, որպեսզի հասկանան, թե ինչն է իրենց մոտ լավ ստացվում և ինչը կարող են բարելավել:

  Իրենց ուսումնասիրության օրագրերում ուսանողները կարող են նկարել մոլախոտ և ծաղիկ: Ուսանողները կարող են մոլախոտն անվանել «Սովորություններ, որոնք ես ցանկանում եմ փոխել», իսկ ծաղիկը՝ «Սովորություններ, որոնք ցանկանում եմ ձևավորել կամ շարունակել»:

  Եթե ուսանողներն օրինակ տեսնելու կարիք ունենան, կարող եք ցուցադրել հետևյալ նկարը կամ նկարել այն գրատախտակին:

  

• Ի՞նչ ազդեցություն են ունենում սովորությունները մեր կյանքում:

• Ի՞նչը կարող է դժվարացնել անառողջ սովորությունների շտկումը կամ առողջ սովորությունների ձևավորումը:

Կարդացեք Եզեկիել 36.26–27, Մոսիա 3.19 և Եթեր 12.27 հատվածները՝ փնտրելով, թե ինչ են ուսուցանում այս սուրբ գրություններն այն մասին, թե Հիսուս Քրիստոսը ինչպես կարող է օգնել մեզ փոխվել:

• Մեր սովորությունները փոխելու համար ինչպե՞ս կարող են կիրառվել այդ հատվածները։

Տասներկու Առաքյալների Քվորումից նախագահ Ջեֆրի Ռ. Հոլլանդը նաև ուսուցանել է մեր սովորությունները փոխելու մասին.

Իհարկե, բոլորս ունենք որոշ սովորություններ, թերություններ կամ անձնական պատմություն, որը կարող է մեզ այս գործին ամբողջովին նվիրվելուց հետ պահել: …[Ա]ստվածային օգնությունը հասանելի է յուրաքանչյուրիս համար՝ ցանկացած պահի, երբ զգում ենք, որ պատրաստ ենք փոփոխություն կատարել մեր վարքագծում: Աստված Սավուղին «ուրիշ մի սիրտ» տվեց: Եզեկիելը կոչ արեց ամբողջ հին Իսրայելին թողնել իր անցյալը և «նոր սիրտ և նոր հոգի» ստանալ: Ալման «հզոր փոփոխության» կոչ արեց, որպեսզի մարդկանց հոգին բացվի, իսկ Հիսուսը Ինքը ուսուցանեց, որ եթե մարդ «ջրից ու Հոգուց չծնվի, նա չի կարող մտնել Աստծու արքայությունը»: Ակնհայտ է, որ փոփոխության և հոգևոր բարձրության վրա ապրելու հնարավորությունը միշտ եղել է Աստծո պարգևներից մեկն այն փնտրողների համար: («Մեծագույն հարստությունը», Լիահոնա, նոյ. 2021, 9)

• Ինչպե՞ս կարող եք ճշմարտություն արտահայտող մեկ նախադասությամբ ամփոփ ներկայացնել այն, ինչ ուսուցանում են այս սուրբ գրությունները և նախագահ Հոլլանդը:

  Երբ ուսանողները կիսվեն, օգնեք նրանց նշել հետևյալ ճշմարտությունը. եթե մենք գանք Հիսուս Քրիստոսի մոտ, Նա կօգնի մեզ փոխել մեր սովորությունները:

• Ըստ ձեզ, ինչո՞ւ մենք ունենք Հիսուս Քրիստոսի օգնության կարիքը, որպեսզի փոխենք մեր սովորությունները:

• Ինչպե՞ս կարող ենք գալ Նրա մոտ, որպեսզի Նա կարողանա օգնել մեզ փոխել մեր սովորությունները:

Ամբարշտության ժամանակաշրջանից հետո իսրայելացիները ճնշման էին ենթարկվում մադիանացիների կողմից։ Տերը նախապատրաստեց Գեդեոն անունով մի մարդու՝ օգնելու Իսրայելին ազատվել իրենց թշնամիներից (տես Դատավորներ 6.11–14):

Տիրոջ հանձնարարությունը ստանալիս Գեդեոնը մտահոգություն հայտնեց, որ չի կարողանա կատարել այն:

Կարդացեք Դատավորներ 6.15–16 հատվածները՝ փնտրելով, թե Տերը ինչպես արձագանքեց Գեդեոնի մտահոգություններին:

Գեդեոնն իր մտահոգությունների մասին պատմեց Տիրոջը: Տերը հավաստիացրեց Գեդեոնին, որ նա միայնակ չի լուծելու այդ խնդիրը (տես Դատավորներ 6.17–24):

Կարդացեք Դատավորներ 6.25–26 հատվածները՝ փնտրելով, թե Տերը Գեդեոնին ինչ փոփոխություններ խնդրեց կատարել:

• Ըստ ձեզ, ինչո՞ւ է Տերը պատվիրել Գեդեոնին նախ քանդել Բահաղի զոհասեղանը, ապա նոր զոհասեղան կառուցել Տիրոջ համար:

• Եթե մենք համեմատենք այդ երկու զոհասեղանները (Տիրոջ համար կառուցված նոր զոհասեղանը Բահաղի զոհասեղանը քանդելուց հետո) մեր սովորությունների հետ, ի՞նչ կարող է ուսուցանել այս օրինակն այն մասին, թե Տերը ի՞նչ է կամենում, որ մենք փոխենք: Նա ինչպե՞ս կարող է օգնել մեզ:

Կարդացեք Ալմա 13.28–29 հատվածները՝ փնտրելով, թե ինչպես կարող ենք գալ Հիսուս Քրիստոսի մոտ, որպեսզի Նա կարողանա օգնել մեզ փոխել մեր սովորությունները:

• Ի՞նչ գտաք:

• Ի՞նչ լրացուցիչ ուղիներով կարող ենք գալ Նրա մոտ:

Բացել PDF-ը

Որպեսզի պատրաստեք ուսանողներին կիսվել իրենց փորձառություններով, կարող եք ցուցադրել «Come unto Christ: 2014 Theme Song» տեսանյութը (4:48): Կարող եք նաև կիսվել անձնական փորձառությամբ այն մասին, թե Փրկիչը ինչպես է օգնել ձեզ կամ ձեզ ծանոթ մարդուն փոխվել, որպեսզի ավելի շատ նմանվեք Իրեն:

4:49

• Ինչպե՞ս է Փրկիչը ոգեշնչել ձեզ կամ ձեզ ծանոթ մարդուն փոխվել, որպեսզի ավելի շատ նմանվեք Իրեն:

• Եթե որևէ մեկն ասեր, որ դժվարանում է փոխել իր սովորությունները, ի՞նչ կցանկանայիք, որ նա հիշի Երկնային Հոր և Հիսուս Քրիստոսի մասին: