Հաղթահարել զայրույթի զգացումը

• Ի՞նչ տեղի կունենա գազավորված ըմպելիքի չբացված շշի ներսում, եթե այն մի քանի անգամ թափահարեք: Ի՞նչ կարող է տեղի ունենալ, եթե բացեք այն:

• Ինչպե՞ս կարող եք այս օրինակը կապել զայրույթի զգացման հետ:

Բոլորը զայրույթի զգացում են ունենում: Եթե նորմալ է այն, որ ճնշումը մեծանում է թափահարված գազավորված ըմպելիքի շշի ներսում, մեզ համար էլ նորմալ է զայրույթի զգացում ունենալը: Սակայն մենք կարող ենք ընտրել, թե ինչպես արձագանքենք այդ զգացումներին:

Խորհեք հետևյալ հարցերի շուրջ.

• 1-5 միավոր սանդղակով (1=ցածր, 5=բարձր) գնահատեք, թե որքա՞ն հաճախ եք զայրանում: Ինչպե՞ս կարող են ուրիշները գնահատել, թե որքան հաճախ եք զայրանում:

• Ո՞րն է ձեր ամենից հաճախ տրվող արձագանքը՝ զայրույթի զգացումներ ունենալիս:

Այսօրվա ուսումնասիրության ընթացքում առաջնորդություն խնդրեք Սուրբ Հոգուց, որը կօգնի ձեզ իմանալ, թե Երկնային Հայրը և Հիսուս Քրիստոսը ինչպես կարող են օգնել ձեզ կառավարել զայրույթի զգացումը:

Որպես զայրույթի հետևանքների սուրբգրային օրինակ՝ կարող եք քննարկել Եսավի պատմությունը Ծնունդ 27 գլխից։ Եթե ուսանողներն արդեն ուսումնասիրել են այդ պատմությունը Դաս 30. «Ծնունդ 25–27»-ում, կարող եք օգտագործել այլ պատմություն, օրինակ՝ Կայենի պատմությունը (տես Մովսես 5.21–23, 26–27, 32) կամ Ասայի պատմությունը (տես Բ Մնացորդաց 16.7–13):

Որպեսզի օգնեք ուսանողներին հասկանալ Եսավի պատմությունը, կարող եք ցուցադրել հետևյալ նկարը և առաջարկել ուսանողներին կիսվել նրա մասին իրենց իմացածով: Ապա կարդացեք կամ ամփոփ ներկայացրեք հետևյալ պարբերությունը։ Կամ կարող եք ցուցադրել «Jacob and Esau» տեսանյութը (1:10–1:53), որը հասանելի է ChurchofJesusChrist.org կայքում։

2:5

Իսահակն ու Ռեբեկան ունեցան երկվորյակ տղաներ՝ Եսավ և Հակոբ։ Որպես ավագ որդի՝ Եսավն ուներ իր հոր անդրանիկության օրհնության իրավունքը։ Անդրանիկութայն օրհնությունը նշանակում էր, որ Եսավը պետք է ժառանգեր իր հոր ունեցվածքը և դառնար ընտանիքի կարիքները հոգացողն ու հոգևոր առաջնորդը: Եսավի անարդար գործողությունների հետևանքով (տես Ծնունդ 25.31–34, 26.34–35), անդրանիկության օրհնությունը տրվեց Հակոբին (տես Ծնունդ 27.1–33):

Կարդացեք Ծնունդ 27.41–45 հատվածները՝ փնտրելով Եսավի արձագանքը, երբ նա իմացավ, որ իր հայրն անդրանիկության օրհնությունը տվել է Հակոբին:

• Ի՞նչ եղավ Եսավի զայրույթի արդյունքում:

• Ի՞նչ այլ հետևանքներ կարող են լինել զայրույթի պահին գործող մարդու մոտ:

Կարդացեք հետևյալ հատվածները՝ փնտրելով, թե ինչ եք սովորում զայրույթի զգացումին արձագանքելու մասին.

Սաղմոսներ 103․8

Առակներ 16.32

• Ինչպե՞ս կարող եք ամփոփ ներկայացնել այն, ինչ մենք կարող ենք սովորել զայրույթի դեմ պայքարելու մասին:

  Օգնեք ուսանողներին նշել հետևյալ ճշմարտությունը. երբ մենք չենք շտապում զայրանալ, մենք հետևում ենք Տիրոջ օրինակին:

• Ի՞նչ է նշանակում ձեզ համար չշտապել զայրանալ։

Մտաբերեք մի օրինակ, երբ Հիսուսը չէր շտապում զայրանալ։

• Ինչպե՞ս կարող է դա օգնել մարդուն տեսնել, թե Հիսուսը ինչպես արձագանքեց այդ իրավիճակներում:

• Ի՞նչ սովորեցիք այսօր, որը կարող է օգնել այն մարդուն, որը մաքառում է, որպեսզի կառավարի իր զայրույթը:

• Զայրույթը քրիստոսանման եղանակով կառավարելու ի՞նչ փորձառություններ եք ունեցել դուք կամ ուրիշները: