Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հոգ տանենք մեր ֆիզիկական մարմնի մասին. Բարելավենք մեր ֆիզիկական և էմոցիոնալ առողջությունը

«Հոգ տանենք մեր ֆիզիկական մարմնի մասին. Բարելավենք մեր ֆիզիկական և էմոցիոնալ առողջությունը», Հին Կտակարան․ Սեմինարիայի ուսուցչի ձեռնարկ (2026)

«Հոգ տանենք մեր ֆիզիկական մարմնի մասին. Բարելավենք մեր ֆիզիկական և էմոցիոնալ առողջությունը», Հին Կտակարան․ Սեմինարիայի ուսուցչի ձեռնարկ

Ֆիզիկական և էմոցիոնալ առողջություն․ Դաս 182

Հոգ տանենք մեր ֆիզիկական մարմնի մասին

Բարելավենք մեր ֆիզիկական և էմոցիոնալ առողջությունը

Երկնային Հայրը մեզ տվել է ֆիզիկական մարմին՝ որպես Իրեն նմանվելու Իր ծրագրի մաս: (տես «Ընտանիք՝ Հայտարարություն աշխարհին», ChurchofJesusChrist.org): Սակայն մեր մարմինների հանդեպ մեր հոգատարությունը ազդում է ոչ միայն մեր ապագայի վրա, այլև մեր ինքնազգացողության վրա ներկայումս։ Այս դասը կօգնի ուսանողներին հասկանալ, թե ինչպես են մեր ընտրություններն ազդում մեր ֆիզիկական և էմոցիոնալ առողջության վրա:

Ուսանողի նախապատրաստում․ ուսանողներին առաջարկեք մտածել վերջին շաբաթվա ընթացքում իրենց առողջությանը վերաբերող ընտրությունների (սնունդ, քուն, մարզանք և այլն) մասին։ Խրախուսեք նրանց գնահատել, թե ինչպես են այդ ընտրություններն ազդել իրենց ֆիզիկական և էմոցիոնալ զգացողության վրա։

Հնարավոր ուսումնական վարժություններ

Մեր ընտրություններն ազդում են մեզ վրա ֆիզիկական և էմոցիոնալ առումով

Հետևյալ սցենարն օգտագործվելու է ամբողջ դասի ընթացքում՝ օգնելու ուսանողներին հասկանալ, թե յուրաքանչյուր օր կայացրած մեր առողջ կամ անառողջ որոշումներն ինչպես են ազդում մեր ֆիզիկական և էմոցիոնալ զգացումների վրա: Սցենարում օգտագործվում է «Մայա» անունը, բայց դուք կարող եք առաջարկել ուսանողներին ընտրել այլ անուն և ավելացնել կամ փոփոխել պատմության մանրամասները:

Վերջին մի քանի շաբաթվա ընթացքում Մայան իրեն հոգնած և հուսահատված էր զգում: Հետևյալ նկարում պատկերված են ընտրություններից մի քանիսը, որոնք Մայան կատարել է այդ ընթացքում:

Late night office work with tired woman sleep on desk illustration.

Մայայի կատարած ո՞ր ընտրությունները կարող են ազդել նրա ինքնազգացողության վրա:

Ուսանողները կարող են նշել, որ նա ուշ է պառկում քնելու, անառողջ սնունդ է ուտում և զբաղված է լինում հեռախոսով: Ուսանողներին առաջարկեք ավելացնել այն ընտրությունները, որոնք կարող են կատարել ձեր տարածաշրջանի դեռահասները և որոնք կարող են բացասաբար ազդել նրանց ֆիզիկական և էմոցիոնալ առողջության վրա:

Օգտակար կլինի ուսանողներին բացատրել, որ որպես Երկնային Հոր երջանկության ծրագրի մաս, մեր մարմիններն ու հոգիները սերտորեն կապված են (տես Վարդապետություն և Ուխտեր 88.15): Հետևաբար, մեր առողջության վերաբերյալ մեր կատարած ընտրություններն ավելի շատ են ազդում մեզ վրա, քան մեր ֆիզիկական զգացողությունը։
Ինչպե՞ս կարող են Մայայի կատարած ընտրություններն ազդել նրա ֆիզիկական և էմոցիոնալ զգացողության վրա:
Ուրիշ ի՞նչ ընտրություններ կարող ենք կատարել՝ մեր ֆիզիկական մարմնի մասին հոգ տանելիս, և որոնք կարող են ազդել մեր զգացողության վրա:

Կարող եք գրատախտակին գրել նախորդ հարցի ուսանողների պատասխանները երկու սյունակով՝ «առողջ» և «անառողջ» ընտրություններ: Հաջորդ վարժության աղյուսակը լրացնելու համար ուսանողները կարող են օգտագործել գրատախտակին գրված պատասխանները կամ ինքնուրույն գրած այլ պատասխաններ։

Սուրբ գրությունների ուսումնասիրության ձեր օրագրում պատկերեք հետևյալ աղյուսակը: Առաջին երեք վանդակում գրեք և՛ առողջ, և՛ անառողջ գործողությունները, որոնք ազդել են ձեր զգացողության վրա վերջին շաբաթվա ընթացքում: Ուսումնասիրելիս հրավիրեք Սուրբ Հոգուն, որպեսզի օգնի ձեզ ճանաչել այն եղանակները, որոնցով կարող եք բարելավել ձեր մարմնի մասին ձեր հոգատարությունը և գրեք դրանք 4-րդ վանդակում:

1. Ընտրություններ, որոնք ես չեմ կատարել	2. Ընտրություններ, որոնք ես կատարել եմ մի քանի անգամ
3. Ընտրություններ, որոնք ես հաճախ եմ կատարում	4. Ընտրություններ, որոնք ես կարող էի կատարել

Մեր ֆիզիկական մարմնի մասին հոգ տանելն օրհնություններ է բերում

Պատկերացրեք, որ դուք խոսում եք Մայայի հետ, ով ասում է. «Կցանկանայի, որ կարողանայի դադարել անընդհատ հոգնած և հուսահատված լինել»: Դուք հասկանում եք, որ Մայան չի գիտակցում, թե իր կատարած ընտրություններն ինչպես են ազդում իր վրա:

Պատրաստեք պատասխան, որը ներառում է սուրբ գրություններ և Եկեղեցու ղեկավարների ուսմունքներ, որոնք կարող են օգնել Մայայի նման մարդուն հասկանալ.

Ինչպես են իր կատարած ընտրություններն ազդում իր վրա ֆիզիկապես և էմոցիոնալ առումով։
Ինչու է Աստված ուշադրություն դարձնում, թե մենք ինչպես ենք հոգ տանում մեր մարմնի մասին։
Օրհնություններ, որոնք Աստված խոստանում է նրանց, ովքեր հոգ են տանում իրենց մարմնի մասին։

Փրկիչը կօգնի մեզ առողջ ընտրություն կատարել

Ճշմարտություններից մեկը, որն ուսանողները կարող են նշել աշխատաթերթից, կարող է ներառել հետևյալը․ քանի որ մեր մարմինն Աստծո պարգև է, Նա ակնկալում է, որ մենք հոգ տանենք դրա մասին:

Որպեսզի օգնեք ուսանողներին մտածել այն մասին, թե Երկնային Հայրը և Հիսուս Քրիստոսը ինչպես կարող են օգնել իրենց հոգ տանել իրենց մարմնի մասին, քննարկեք հետևյալ հարցերից մեկը.

Տեսե՞լ եք արդյոք, թե Տերն ինչպե՞ս է օրհնում է նրանց, ովքեր ձգտում են հոգ տանել իրենց ֆիզիկական մարմնի մասին:
Ինչպե՞ս կարող են Երկնային Հայրը և Հիսուս Քրիստոսը օգնել մեզ ավելի լավ ընտրություններ կատարել՝ մեր մարմնի մասին հոգ տանելու համար, նույնիսկ, երբ մենք դրա ցանկությունը չունենք:

Ուսանողներին առաջարկեք ավելացնել իրենց մտքերը դասի սկզբում տրված առողջ ընտրությունների աղյուսակի 4-րդ բաժնում:

Նայեք ձեր ուսումնասիրության օրագրում գծված աղյուսակին: Ավելացրեք ստորև ներկայացվող հարցերի ձեր պատասխանները.

Ելնելով ձեր ուսումնասիրածից՝ ո՞ր ընտրությունները կարող եք հարմարեցնել, որպեսզի բարելավեք ձեր ֆիզիկական և էմոցիոնալ առողջությունը:
Ինչպե՞ս եք ներգրավելու Երկնային Հորը և Հիսուս Քրիստոսին ձեր ջանքերում:

Կարող եք ավարտել դասը ձեր վկայությամբ՝ Երկնային Հոր, Նրա փրկության ծրագրի և առողջ ընտրություններ կատարելու ձգտման արդյունքում տեսած օրհնությունների մասին։

Օժանդակ նյութեր

Ինչու՞ պետք է հոգ տանեմ իմ ֆիզիկական մարմնի մասին հենց հիմա:

Նախագահող եպիսկոպոս Ժերալդ Կոսեն ուսուցանել է․

Ձեզանից ոմանք կարող են մտածել, որ որպես երիտասարդներ դուք պաշտպանված եք ֆիզիկական խնդիրներից: Ընդհակառակը, այն սովորությունները, որոնք ձեռք եք բերում հիմա՝ կապված ձեր անձնական բարեկեցության հետ, ձեր ողջ կյանքում կազդեն ձեզ վրա և՛ աշխարհիկ, և՛ հոգևոր առումներով: Ձեր ուշադրությունը չպետք է կենտրոնացած լինի աշխարհիկ սին միտումներին հետևելու վրա: Հարցը պարզապես նրանում չէ, որ այս կամ այն մասում որոշ քանակությամբ ճարպ կորցնեք կամ լրացուցիչ քսան ֆունտ քաշ բարձրացնեք, որպեսզի ձեր հարևանի պես առույգ երևաք: Նպատակն այն է, որ ձեզ ավելի լավ զգաք և գտնեք աշխարհիկ և հոգևոր հավասարակշռություն: Սա ձեզ համար լավագույն հնարավորություն է՝ ողջ կյանքի ընթացքում լինել առողջ, որն իր հերթին ձեզ ուրախություն և վստահություն կբերի ձեր մահկանացու կարողությունների նկատմամբ, ինչպես նաև ձեր հավերժական ներուժի ավելի լավ գիտակցում: («Harmony of Body and Spirit: A Key to Happiness» [Brigham Young University devotional, հոկտ․ 13, 2020], 5, speeches.byu.edu)

Նախկինում Առաջին Նախագահությունից նախագահ Դիտեր Ֆ․ Ուխդորֆը կիսվել է.

Կարող է տարօրինակ թվալ, որ կարող ենք ինքներս մեզ հետ հարաբերություններ ունենալ, սակայն դա այդպես է: Որոշ մարդիկ չենք կարողանում իրենք իրենց հետ հաշտ ապրել: Նրանք ամբողջ օրը քննադատում և թերագնահատում են իրենց, մինչև որ սկսում են ատել իրենց: Թույլ տվեք խորհուրդ տալ ձեզ՝ պակասեցնել իրարանցումը և ավելի շատ ժամանակ հատկացնել՝ ինքներդ ձեզ ավելի լավ ճանաչելու համար: … Սովորեք ձեզ նայել այնպես, ինչպես տեսնում է Երկնային Հայրը՝ որպես աստվածային ներուժ ունեցող Նրա թանկարժեք դստեր կամ որդու: («Of Things That Matter Most», Լիահոնա, նոյ․ 2010, 22)

Ի՞նչ պետք է անեմ, եթե մաքառում եմ իմ ֆիզիկական մարմնի հետ կապված անառողջ ընտրությունների դեմ:

Տասներկու Առաքյալների Քվորումից երեց Դեյվիդ Ա. Բեդնարը խորհուրդ է տվել․

14:33

Մենք այս կյանքում կատարելության չենք հասնի, բայց կարող ենք և պետք է հավատքով առ Քրիստոս առաջ շարժվենք նեղ ու անձուկ արահետով և կայուն առաջընթաց գրանցենք դեպի մեր հավերժական ճակատագիրը: Հոգևոր զարգացման համար Տիրոջ օրինակն է՝ «տող առ տող, ցուցում առ ցուցում՝ մի քիչ այստեղ և մի քիչ այնտեղ» (2 Նեփի 28.30): Փոքր, հաստատուն, առանձին հոգևոր բարելավումներն այն քայլերն են, որոնք Տերը ցանկանում է, որ մենք կատարենք: Մահկանացու կյանքում և գալիք կյանքում մեր առաջնային նպատակներից մեկն է՝ պատրաստվել անմեղ քայլելու Աստծո առաջ: Դրան չեն հասնում կտրուկ, ոչ կանոնավոր հոգևոր գործողությունների արդյունքում։

Ես վկայում եմ, որ Փրկիչը կզորացնի և կօգնի մեզ՝ հաստատուն և համաչափ առաջընթաց գրանցելու համար: («Սուրբ ձեռքեր և անարատ սիրտ», Լիահոնա, նոյ․ 2007, 82)

Լրացուցիչ ուսումնական վարժություններ

Լրացուցիչ նյութեր՝ առողջ ընտրություն կատարելու համար

Երբ ուսանողներն ուսումնասիրեն աշխատաթերթը, կարող եք տրամադրել լրացուցիչ նյութեր, որոնք կարող են օգնել նրանց պատասխանել Մայայի հարցերին:

Առողջ սնվելու սովորություններ. «The Word of Wisdom: What It Is, What It Isn’t», New Era, օգօստ. 2019, 26–27
Առողջ մարմնի նկար. «More Than a Body: Seeing as God Sees», New Era, օգոստ․ 2019, 8–11
Քնելու սովորություններ. «Six Ways to Get Your ZZZs», Լիահոնա, մարտ. 2003, 68–69
Ակտիվ ապրելակերպ. «Move More, Stress Less!» Ensign, օգոստ. 2004, 58–59
«Blessings of the Word of Wisdom», Լիահոնա, մարտ 2021, 49

Լրացուցիչ նյութեր կարելի է գտնել Healthy Living կայքում։

Մեր մարմնի նկատմամբ հոգատարությունն ազդում է մեր ինքնազգացողության վրա

Ուսանողների համար օգտակար կլինի ավելի լավ հասկանալ, թե ինչպես կարող են անձնական հիգիենային վերաբերող ընտրություններն ազդել մեր ֆիզիկական և էմոցիոնալ զգացումների վրա: Հետևյալը հարցը կարող է լրացուցիչ լինել աշխատաթերթի վարժության ընթացքում:

Ինչպե՞ս է իմ անձնական հիգիենայի պահպանումն ազդում իմ ինքնազգացողության վրա:

Վարդապետություն և Ուխտեր 42․41
Բ Կորնթացիներին 7․1
«General Standards for Grooming», Միսիոներական չափանիշներ Հիսուս Քրիստոսի աշակերտների համար, 4.9.2

Նախագահ Գորդոն Բ. Հինքլին (1910–2008) ուսուցանել է հետևյալը.

Որքան իրական է մարմնով և մտքով մաքուր խնամված երիտասարդ կնոջ գեղեցկությունը: Նա Աստծո դուստր է, որով կարող է հպարտանալ իր Հավերժական Հայրը: Որքան գեղեցիկ է խնամված երիտասարդը։ Նա Աստծո որդի է, որն արժանի է կրելու Աստծո սուրբ քահանայությունը: («A Prophet’s Counsel and Prayer for Youth», Լիահոնա, հունվ. 2001, 2)

Մեր ֆիզիկական մարմնի կարևորությունը

Որպեսզի օգնեք ուսանողներին ամրացնել ճշմարտությունն այն մասին, որ մեր ֆիզիկական մարմինը Երկնային Հոր ծրագրի մասն է, կարող եք ցուցադրել հետևյալ տեսանյութերից մեկը.

2:51
Լորենս Ե. Քորբրիջ, «Inspiring Short: The Miracle of the Ordinary» (3:00)

Ապա հարցրեք ուսանողներին, թե մեր ֆիզիկական մարմնի մասին հոգ տանելն ինչպես է օգնում մեզ կատարել մեր արարման ամբողջ չափը՝ որպես Երկնային Հոր ծրագրի մաս: