Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հաղթահարել տխրությունը և ընկճվածությունը․ Հիսուս Քրիստոսը կկրի մեր վիշտն ու ցավը

«Հաղթահարել տխրությունը և ընկճվածությունը․ Հիսուս Քրիստոսը կկրի մեր վիշտն ու ցավը», Հին Կտակարան․ Սեմինարիայի ուսուցչի ձեռնարկ (2026)

«Հաղթահարել տխրությունը և ընկճվածությունը․ Հիսուս Քրիստոսը կկրի մեր վիշտն ու ցավը», Հին Կտակարան․ Սեմինարիայի ուսուցչի ձեռնարկ

Ֆիզիկական և էմոցիոնալ առողջություն․ Դաս 185

Հաղթահարել տխրությունը և ընկճվածությունը

Հիսուս Քրիստոսը կկրի մեր վիշտն ու ցավը

Artwork entitled "Healer" by Lightweave. Jesus Christ stands with his arms outstretched and comforting and elderly woman.

Երկնային Հայրը գիտեր, որ այս մահկանացու կյանքը տխրության, հուսահատության, հիասթափության և ընկճվածության պահեր կբերի: Նա ուղարկեց Իր Որդուն՝ զգալու այն ամենը, ինչի միջով մենք պետք է անցնենք, խոստանալով, որ Իր զորությունը կարող է օգնել մեզ հանգստություն գտնել (տես Մատթեոս 11.28–30): Այս դասը կօգնի ուսանողներին հասկանալ, թե Երկնային Հայրը և Հիսուս Քրիստոսը ինչպես կօգնեն իրենց դիմակայել տխրության և ընկճվածության զգացումներին:

Ուսանողի նախապատրաստում․ ուսանողներին առաջարկեք գտնել որևէ սուրբ գրություն կամ Եկեղեցու ղեկավարի մեջբերում, որը կարող է օգնել մարդուն կենտրոնանալ Երկնային Հոր և Հիսուս Քրիստոսի վրա, երբ նա իրեն տխուր կամ ընկճված է զգում։ Նրանք կարող են պատրաստվել՝ կիսվելու իրենց սուրբ գրությամբ դասարանի հետ:

Հնարավոր ուսումնական վարժություններ

Մեր կյանքի բեռները

Նշում․ այս դասն ուսուցանելու համար կարիք չկա հոգեկան առողջության մասնագետ լինել: Աղոթեք Երկնային Հորը առաջնորդության համար, հետևեք դասի նյութերին և վստահեք Սուրբ Հոգուն: Եթե ուսանողները կիսվեն անձնական դժվարություններով, որոնց բախվում են, կամ հարցեր են տան, որոնց չեք կարող պատասխանել, վստահեցրեք նրանց, որ Երկնային Հայրը և Հիսուս Քրիստոսը սիրում են նրանց: Խրախուսեք նրանց լրացուցիչ խորհուրդների համար դիմել ծնողներին, Եկեղեցու ղեկավարներին, դպրոցի խորհրդականին կամ էմոցիոնալ առողջության այլ մասնագետներին:

Կարող եք սկսել դասը՝ ցուցադրելով լեռնային արահետով քայլող արշավորդների նկարը: Ուսանողներին առաջարկեք քննարկել, թե ինչով է դա նման մեր երկրային ճամփորդությանը: Ապա ուսանողներին խնդրեք պատկերացնել, որ արշավորդներից մեկը պետք է ծանր ուսապարկ կրեր իր ճամփորդության ընթացքում:

Ինչպե՞ս կարող է ծանր ուսապարկը մեծացնել ճամփորդության դժվարությունը: Ինչպե՞ս կարող է դա օրհնություն լինել։

Ապա ուսանողներին խնդրեք կիսվել այն էմոցիոնալ «ուսապարկերով», որոնք կարող են այսօր կրել դեռահասները: Կիսվելուց հետո ուսանողներին բացատրեք, որ այս դասը կկենտրոնանա տխրության կամ ընկճվածության զգացողության վրա, որոնք երբեմն ունենում ենք կյանքում:

Նույնիսկ էմոցիոնալ դժվարությունները, օրինակ՝ տխրությունը և ընկճվածությունը, մեր մահկանացու ճամփորդության նորմալ մասն են: Ծանր ուսապարկի նման զգացմունքային դժվարությունները կարող են մեր ճամփորդությունը սարսափելի դարձնել, բայց այդ էմոցիաները կարող են նաև օգնել մեզ ուշադիր լինել և կարեկցել այն մարդկանց, որոնք մաքառում են:

Ձեր ուսումնասիրության օրագրում գրեք, թե տխրության և ընկճվածության զգացումներն ինչպես կարող են ազդել ձեր կյանքի վրա հիմա կամ արդյոք ազդել են անցյալում:

Հիսուս Քրիստոսը ճշգրիտ գիտի, թե մենք ինչ ենք զգում

Հիշեցրեք ուսանողներին, որ հին և ժամանակակից մարգարեներն ուսուցանել են, որ Փրկիչը կարող է օգնել մեզ դիմանալ զգացմունքային բոլոր դժվարություններին:

Կարդացեք Եսայի 53.3–5 և Ալմա 7.11–12 հատվածները՝ փնտրելով ճշմարտություններ Փրկչի զորության մասին, որոնք կօգնեն մեզ տխրության, հուսահատության կամ ընկճվածության պահին։

Ո՞ր բառերն ու արտահայտություններն են նշանակալից ձեզ համար։
Ինչպե՞ս կարող են դրանք օգնել այն մարդուն, որը մաքառում է՝ դիմանալու այդ էմոցիոնալ բեռների ծանրությանը:

Իմանալով, որ Երկնային Հոր զավակները տառապելու են այս կյանքում, նախագահ Ռասսել Մ. Նելսոնն ասել է.

Ես աղերսում եմ ձեզ գալ [Հիսուս Քրիստոսի] մոտ, որպեսզի Նա կարողանա բժշկել ձեզ։ … Նա կբժշկի ձեզ տխրությունից և վախից։ Նա կբժշկի ձեզ այս աշխարհի հասցրած վերքերից։

Ինչ հարց կամ խնդիր էլ ունենաք, պատասխանը միշտ գտնվում է Հիսուս Քրիստոսի կյանքի և ուսմունքների մեջ։ Իմացեք ավելին Նրա Քավության, Նրա սիրո, Նրա ողորմածության, Նրա վարդապետության և Նրա բժշկող և զարգացնող վերականգնված ավետարանի մասին։ Դիմեք Նրան։ Հետևեք Նրան։ («Պատասխանն է՝ Հիսուս Քրիստոս», Լիահոնա, մայիս 2023, 127)

Ինչպե՞ս կամփոփեք այն, ինչ սովորեցիք Եսայուց, Ալմայից և նախագահ Նելսոնից տխրության ու վշտի ծանրության մասին:

Ի թիվս այլ բաների, որոնցով ուսանողները կարող են կիսվել, օգնեք նրանց նշել հետևյալ ճշմարտությունը. երբ մենք գանք Փրկչի մոտ, Նա կօգնի մեզ կրել տխրության և վշտի բեռները:

Ուսանողների համար օգտակար կլինի դիտել «Because Jesus Christ died …» (1:06) կամ «Rise» (1:42) տեսանյութերը Come Unto Christ Facebook-ից ComeUntoChrist/facebook.com կայքում։
Ի՞նչ կարող են նշանակել «գալ Նրա մոտ», «դիմել Նրան» և «հետևել Նրան» արտահայտություններն այն մարդու համար, որը խնդրում է Փրկչի օգնությունը տխրության, հուսահատության կամ ընկճվածության ժամանակ:
Ըստ ձեզ, այս ճշմարտությունը հասկանալն ինչպե՞ս կարող է օգնել այն մարդուն, որը մաքառում է այդ զգացմունքների դեմ:

Հրավիրեք Սուրբ Հոգուն՝ օգնելու ձեզ հասկանալ, թե ինչպես է Փրկիչը անձամբ ծառայում ձեզ, երբ բախվում եք տխրության, վշտի կամ այլ էմոցիոնալ բեռի:

Փրկչի հետ մենք կարող ենք դիմանալ

Elijah sitting among rocks with a ray of light shining on him.

Եղիա մարգարեի պատմությունը կարող է օգնել մեզ հասկանալ, թե ինչպես է Փրկիչը օգնում մեզ դիմանալ էմոցիոնալ դժվարություններին:

Կարող եք ցուցադրել սարի լանջին միայնակ կանգնած Եղիայի նկարը։ Երբ ուսանողները լսեն պատմության հետևյալ մանրամասները, առաջարկեք նրանց պատկերացնել, թե իրենք ինչպես կզգային իրենց նմանատիպ իրավիճակում:

Երբ Եղիան Կարմեղոս սարի մոտ դատապարտեց Բահաղի կեղծ մարգարեներին (տես Գ Թագավորների 18), ամբարիշտ Հեզաբել թագուհին ցանկացավ սպանել նրան։ Տերը զգուշացրեց Եղիային, և նա միայնակ փախավ անապատ (տես Գ Թագավորների 19.1–3):

Ի՞նչ զգացողություն կարող էիք ունենալ այդ իրավիճակում:

Կարդացեք Գ Թագավորների 19.4 հատվածը՝ փնտրելով, թե ինչ զգաց Եղիան։

Ինչպիսի՞ այլ եղանակներ եք նկատել, որոնցով Երկնային Հայրը և Հիսուս Քրիստոսը օգնում են ձեզ կամ ձեզ ծանոթ մարդուն դիմակայել էմոցիոնալ բեռներին:

Ուսանողներին առաջարկեք կիսվել իրենց սիրելի սուրբ գրությամբ, օրհներգով կամ նկարով, որն օգնել է իրենց ապավինել Երկնային Հորը և Հիսուս Քրիստոսին տխրության կամ ընկճվածության պահին:

Գ Թագավորների 19․4 հատվածը կարող է ինքնավնասման կամ ինքնասպանության վերաբերյալ հարցեր առաջացնել։ Այդ թեմաներին միշտ պետք է լուրջ վերաբերվել: Հիշեցրեք ուսանողներին, որ նրանք գործում են հավատքով առ Հիսուս Քրիստոս, երբ ինչ-որ մեկի ասում են, թե ինչ են զգում: Ընկճվածության և ինքնասպանության կանխարգելման վերաբերյալ լրացուցիչ նյութեր կարող եք գտնել Gospel Library հավելվածում և այս ձեռնարկի առցանց տարբերակում՝ Օժանդակ ուսումնական վարժություններ բաժնում:

Կիսվեք ձեր զգացածով

Նշում․ ուսանողներին օգնեք հասկանալ, որ նույնիսկ Տիրոջ մեղմ, սիրող և մշտական հոգատարության դեպքում, երբեմն էմոցիոնալ դժվարությունները պահպանվում են: Ընկճվածությունը երբեմն կարող է խանգարել Փրկչի սերը զգալու կամ Սուրբ Հոգու օգնությունը ճանաչելու մեր կարողությանը:

Ձեր ուսումնասիրության օրագրում ընտրեք հետևյալ կետերից մեկը կամ մի քանիսը և լրացրեք դրանք:

Այսօրվա ձեր սովորածից կամ զգացածից գրեք մի բան, որը կօգնի ձեզ ապավինել Երկնային Հորը և Հիսուս Քրիստոսին՝ տխրության կամ ընկճվածության պահին:
Գրեք սուրբգրային մի հատված, որը կօգնի ձեզ տխրության կամ ընկճվածության պահին (օրինակ՝ Եսայի 53.3–5, Սաղմոսներ 34.18 կամ Ալմա 7.11–12): Ինչպե՞ս կարող են այդ հատվածների բառերը կամ արտահայտությունները օգնել ձեզ մոտենալ Երկնային Հորը և Հիսուս Քրիստոսին:
Եթե ձեր ընկերը տխուր կամ ընկճված լիներ, ի՞նչ կցանկանայիք, որ նա հասկանար Երկնային Հոր, Հիսուս Քրիստոսի և այսօրվա ձեր սովորածի մասին: Գրեք, թե ինչով կկիսվեիք նրա հետ։

Օժանդակ նյութեր

Փրկիչը գիտի՞, թե ինչ եմ ես զգում:

Տասներկու Առաքյալների Քվորումից նախագահ Ջեֆրի Ռ. Հոլլանդը հիշեցրել է.

Գուցե դժվար է ձեզ համար հավատալ, որ Հիսուսը հետաքրքրված կլինի օգնելու ձեզ՝ մեկին միլիոնների մեջ, որ ձեր նույն տարիքին են։ Եթե երբևէ մտածեք, որ Նա ավելի կարևոր գործեր ունի անելու, քան ձեզ զորացնելը ձեր կարիքի ժամին, մտածեք Նրա մասին այն պարտեզում, մտածեք Նրա մասին այն խաչի վրա։ «Նա տառապեց, նա արյունահոսեց և մահացավ» ձեզ համար, քանի որ Նա գիտեր, որ դուք արժանի եք դրան։ Նա հիմա ևս գիտի դա։ Նա չափազանց հետաքրքրված է, պատրաստակամ և կարող է օգնել ձեզ` հենց հիմա և ընդմիշտ։ Նա տվեց Իր կյանքը, որպեսզի կարողանա զորացնել ձեզ, երբ դուք ընդունեք կյանքը փոխող Նրա հրավերը՝ «Ինձ մո՛տ եկեք» (Մատթեոս 11․28)։ («Ուժ գտեք Հիսուս Քրիստոսում», Երիտասարդներին զորացնելու համար, մարտ 2024, 5)

Տասներկու Առաքյալների Քվորումից երեց Ուլիսես Սոարեսն ասել է.

Փրկիչը կարող է բժշկել մահկանացու կյանքի ցանկացած դժվարին հանգամանքների հետևանքները ավելի լավ, քան որևէ մեկը։ Որոշ դեպքերում մենք կարող ենք անմիջապես ֆիզիկապես չբուժվել մեր ցավից կամ հիվանդությունից, բայց մենք կարող ենք հոգևորապես բժշկվել, երբ ուժ, հասկացողություն և համբերություն ստանանք՝ կրելու մեզ վրա դրված բեռները։ Այսպիսով, երբ մենք մեր սիրտը դարձնենք դեպի մեր Փրկիչը, Նա հրաշքներ կգործի մեր կյանքում։ («Enduring Trials» [համաշխարհային հոգևոր հավաք չափահաս երիտասարդների համար, փետր․ 18, 2024], broadcasts.ChurchofJesusChrist.org)

Որտեղի՞ց կարող եմ ավելին իմանալ տխրության, ընկճվածության և ինքնասպանության կանխարգելման մասին:

«Dealing with Depression»
«Mourn With Those That Mourn: Hope Works» (2:20–5:55)

11:48
«Suicide Prevention and Ministering», ChurchofJesusChrist.org կայքում

Լրացուցիչ ուսումնական վարժություններ

Փրկիչը վիշտ զգաց

Կարող եք սկսել դասը՝ գրատախտակին ցուցադրելով հետևյալ հարցը. «Ե՞րբ եք լաց եղել և ինչո՞ւ»: Ուսանողներին մի քանի րոպե տրամադրեք՝ խորհելու իրենց հիշած փորձառության շուրջ: Հիշեցրեք դասարանին, որ սուրբ գրություններում կա մի քանի օրինակ, երբ Փրկիչը անկեղծորեն արտասվում է: Ապա ցուցադրեք հետևյալ նկարները։

Ուսանողներին առաջարկեք ընտրել հետևյալ սուրբգրային հատվածներից մեկը՝ փնտրելով, թե ինչ ենք սովորում Փրկչի մասին: Օգտակար կլինի կարդալ բաժնի վերնագիրը՝ Փրկչի փորձառության համատեքստը հասկանալու համար:

Հովհաննես 11․32–35
Մատթեոս 26․36–39
3 Նեփի 17․14–16

Ուսանողներին առաջարկեք զուգընկերոջ հետ կամ փոքր խմբերում կիսվել իրենց սովորածով։ Եթե գտնում եք, որ ուսանողների համար օգտակար կլինի իմանալ, թե երբ կարող են իրենք կամ իրենց ծանոթը շատ տխուր լինել և օգնության կարիք ունենալ, կարող եք կիսվել հետևյալով:

Երբ դա ավելին է, քան տխրությունը

Կարեկցանք ցուցաբերեք նրանց հանդեպ, ովքեր վշտացած են

Ուսանողների համար օգտակար կլինի քննարկել, թե ինչպես կարող ենք ծառայել մեկին, ով մաքառում է: Կիսվեք, որ հետևելով Փրկչի օրինակին՝ մենք առաջին հերթին սեր ենք ցուցաբերում:

Ուսանողներին առաջարկեք կարդալ Հոբ 2.11–13 հատվածները՝ փնտրելով, թե ինչ է այն մեզ ուսուցանում տխուր կամ մաքառող մարդկանց մասին հոգ տանելու վերաբերյալ:

Կարող եք կիսվել հետևյալով․ քանի որ մենք հստակ չգիտենք, թե ինչ է զգում այդ մարդը (նույնիսկ երբ անցել ենք նման բանի միջով), մենք կարող ենք կիսվել սեր և կարեկցանք ցուցադրող պնդումներով: Առաջարկեք ուսանողներին կարողանալ արձագանքել մարդու մաքառումներին:

Հետևյալ պնդումները օգնում են կարեկցանք արտահայտել.

«Չգիտեմ՝ ինչ ասեմ, բայց ուզում եմ, որ իմանաս, որ քեզ շատերն են սիրում, այդ թվում՝ ես»:
«Դու կարող ես չխոսել, եթե չես ցանկանում, բայց ես այստեղ եմ՝ լսելու քեզ, եթե ցանկանում ես»:
«Նորմալ է, երբ տարբեր օրերին կամ տարբեր պահերին տարբեր զգացողություններ ենք ունենում»:
«Չկա զգալու մեկ ճիշտ եղանակ։ Ինքդ քեզ թույլ տուր ապրել այդ էմոցիաները, երբ ունենում ես դրանք»:
«Ես սիրում եմ քեզ, ես աղոթում եմ քեզ համար»:

Ուսանողների հետ կիսվեք, որ թեև սկզբում Հոբի ընկերները լավ էին արձագանքում, սակայն հետագայում նրանք ավելի քիչ օգուտ տվեցին, քանի որ նա շարունակում էր մաքառել (տես Հոբ 4):

Օգնեք ուսանողներին հասկանալ, որ որոշ լավ մտածված պնդումներ կարող են օգտակար չլինել սգացող մարդուն: Կարող եք վերհիշել որոշ ոչ այնքան օգտակար պնդումներ, օրինակ՝

«Դա Աստծո ծրագրի մի մասն է»:
«Առնվազն …» («Գոնե չեն տառապել»:)
«Դու պետք է …» կամ «Քեզ անհրաժեշտ է …»
«Ես նման փորձառություն ունեցել եմ»։
«Ժամանակի ընթացքում ամեն ինչ լավ կլինի»։

Սգացողներին ծառայելու վերաբերյալ լրացուցիչ օգնության համար տես «Grief and Loss» նյութը Խորհրդատվական նյութեր բաժնում ChurchofJesusChrist.org կայքում։