Զարգացրեք առողջ մտածողության մոդելներ

• Ինչպիսի՞ մտքեր կարող են տանել մեզ դեպի փակուղի (փոսը): Ինչպիսի՞ մտքեր են օգնում մեզ առաջ շարժվել (ուղին):

  Ուսանողները կարող են նշել նմանատիպ մտքեր, որոնք կարող են տանել իրենց դեպի փակուղի. «Դու ինձ զայրացրիր»: «Ես կարող եմ նորից փորձել» միտքը կարող է օգնել նրանց առաջ շարժվել:

• Ինչպիսի՞ որոշումներ կարող է կայացնել մարդը ոչ ճիշտ կամ ոչ օգտակար մտքերի հիման վրա:

Մի քանի րոպե տրամադրեք՝ հրավիրելու Հոգուն, որպեսզի օգնի ձեզ հասկանալ, թե ինչպես եք զգացել, թե ձեր մտքերն ինչպես են ազդում ձեր գործողությունների վրա: Ուսումնասիրելիս ոգեշնչում փնտրեք, որպեսզի իմանաք, թե ինչ կարող եք անել՝ այդ բացասական մտածողության մոդելները հաղթահարելու համար:

Եսայի 26․3–4

Հակոբոս 3․1–2

Վարդապետություն և Ուխտեր 6․23, 36–37

• Ի՞նչ օրհնություններ կարող ենք ստանալ՝ մեր միտքը (մտքերը) Հիսուս Քրիստոսի վրա կենտրոնացնելիս:

  Կարող եք գրատախտակին գրել հետևյալ սկզբունքը. Հիսուս Քրիստոսի վրա մեր միտքը կենտրոնացնելու դեպքում Նա մեզ խաղաղություն և զորություն կտա:

  Որպեսզի մեծացնեք ուսանողների վստահությունը նրանում, որ Փրկիչը կօգնի նրանց կենտրոնացնել իրենց միտքն Իր վրա, կարող եք երեց Անդերսենի ստորև բերված խոսքերի փոխարեն ցուցադրել «Filling Our Minds with the Power of Jesus Christ» տեսանյութը (2:07):

  

  2:7

• Ըստ ձեզ, Հիսուս Քրիստոսի վրա մեր մտքերը կենտրոնացնելն ինչպե՞ս է մեզ խաղաղություն և զորություն տալիս:

Տասներկու Առաքյալների Քվորումից երեց Նիլ Լ․ Անդերսենը կիսվել է, թե մենք ինչպես կարող ենք ամրացնել Հիսուս Քրիստոսի հանդեպ մեր հավատքը:

13:25

Լցնել մեր միտքը Հիսուս Քրիստոսի զորությամբ. սա չի նշանակում, որ Նա է միակ միտքը, որ մենք ունենք: Այլ դա նշանակում է, որ մեր բոլոր մտքերը սահմանափակված են Նրա սիրո, Նրա կյանքի, ուսմունքների և Նրա քավիչ զոհաբերության ու փառահեղ Հարության մեջ: Հիսուսը երբեք մի մոռացված անկյունում չէ, որովհետև մեր մտքերը Նրա վերաբերյալ միշտ ներկա են, և «այն ամենը, ինչ [մեր մեջ է, պաշտում է] Նրան»: Մենք աղոթում ենք և մեր մտքում կրկնում այն փորձառությունները, որոնք մեզ ավելի են մոտեցրել Նրան: Մենք մեր մտքում սիրով ընդունում ենք աստվածային պատկերները, սուրբ գրությունները և ոգեշնչված օրհներգերը, որոնք մեղմորեն հանգստացնում են մեր զբաղված կյանքին բնորոշ ամենօրյա անհամար մտքերը: Մեր սերը Նրա հանդեպ չի պաշտպանում մեզ այս մահկանացու կյանքի տխրությունից ու վշտից, բայց այն մեզ թույլ է տալիս մարտահրավերների միջով տոկալ այնպիսի մի զորությամբ, որը վեր է մեր անձնականից: («Դատողությունս որսաց այդ միտքը Հիսուս Քրիստոսի մասին», Լիահոնա, մայիս 2023, 92) (3:50–5:02)

• Երեց Անդերսենի ո՞ր առաջարկություններն են նշանակալից ձեզ համար:

• Նկարները, սուրբ գրությունները կամ հոգևոր երաժշտությունն ինչպե՞ս են օգնել ձեզ կամ ձեզ ծանոթ մարդուն կենտրոնանալ Հիսուս Քրիստոսի վրա:

Ոչ օգտակար մտքեր ունենալիս մենք կարող ենք.

1. Ճանաչել առաջացած մտքերը և դրանց հետևանքով առաջացած զգացմունքները:

2. Վերաձևակերպել մեր մտածողությունը:

3. Առաջ շարժվել առ Հիսուս Քրիստոս հավատքով:

Մաթեմատիկայի դասի ժամանակ Թոնին դժվարանում էր հասկանալ մյուս ուսանողների համար իմաստալից հասկացությունները:

Երբ Թոնին դպրոցից տուն վերադարձավ, նրա ծնողները սպառնացին թույլ չտալ նրան օգտվել հեռախոսից, եթե նա չմաքրի իր սենյակը:

Այդ երեկո Թոնին իմացավ, որ իր ընկերներից շատերը գնացել են մի երեկույթի, որին նա հրավիրված չէր:

• Ի՞նչ մտքեր կարող էր ունենալ Թոնին ողջ օրվա ընթացքում:

  Ահա հնարավոր եղանակները, որոնցով ուսանողները կարող են պատասխանել հարցին: Փակագծերը տարածված ոչ ճիշտ մտածողության մոդելների պիտակներ են: Կարող եք ավելին իմանալ դրանց մասին՝ Finding Strength in the Lord: Emotional Resilience, «Healthy Thinking Patterns: Learn» նյութերում։

  • «Ես մաթեմաթիկա առարկայից հաջողություններ չունեմ։ Բոլորն ինձնից խելացի են»։ (Ոչ ճիշտ ենթադրություն)

  • «Ծնողներս երբեք ինձ չեն ասում, թե ինչն եմ ճիշտ անում, նրանք միշտ ասում են, թե ինչը պետք է ավելի լավ անեմ»: (Ամեն ինչ կամ ոչինչ)

  • «Իմ ընկերները չեն սիրում ինձ»: (Հապճեպ եզրակացություններ)

  • «Այսօր ոչ մի լավ բան տեղի չի ունեցել։ Դրանք պարզապես մեկը մյուսին հաջորդող ձախողումներ էին»: (Բացասական մտավոր զտիչ, թերագնահատել դրականը)

• Ի՞նչ զգացմունքներ կարող է ունենալ Թոնին այս մտքերի առկայության դեպքում:

• Ինչպիսի՞ ոչ օգտակար եղանակներով կարող է գայթակղվել Թոնին՝ գործելու այս էմոցիաներով:

Սահմանեք

Վերաձևակերպել մեր մտածողությունը նշանակում է, որ ոչ օգտակար միտք առաջանալու դեպքում, մենք այն գնահատում ենք այլ տեսանկյունից: Մենք կարող ենք դա անել՝ տալով նմանատիպ հարցեր.

• Ճի՞շտ է արդյոք այս միտքը:

• Արդյո՞ք դա օգտակար է:

• Ինչպե՞ս կարող է Երկնային Հոր, Հիսուս Քրիստոսի և Նրանց ուսմունքների մասին մտածելն օգնել ինձ այս միտքն ունենալու դեպքում:

Մոդելավորեք

Պատկերացրեք, որ դուք Թոնին եք, և մտածում եք․ «Ես մաթեմատիկա առարկայից հաջողություններ չունեմ»:

Օգնեք Թոնիին վերաձևակերպել այդ միտքը՝ պատասխանելով հետևյալ հարցերին.

• Ճի՞շտ է արդյոք այս միտքը:

• Արդյո՞ք դա օգտակար է:

• Ինչպե՞ս կարող է Երկնային Հոր, Հիսուս Քրիստոսի և Նրանց ուսմունքների մասին մտածելն օգնել ինձ այս միտքն ունենալու դեպքում:

Կարող եք վերաձևակերպել Թոնիի միտքը հետևյալ կերպ. «Այս միտքն օգտակար չէ (նույնիսկ եթե հիմա այն ճիշտ է): Ես գիտեմ, որ Երկնային Հայրը խոստացել է պատասխանել իմ աղոթքներին: Ես կարող եմ աղոթել Նրա օգնության համար: Իմ ուսուցիչը կօգնի ինձ, և ես կարող եմ լրացուցիչ աշխատանք կատարել»:

• Ի՞նչ այլ եղանակներ կան, որոնցով Թոնին կարող է վերաձևակերպել իր մտածողությունը: Ի՞նչ կարող է նա անել՝ առ Քրիստոս հավատքով առաջ շարժվելու համար:

Վարժվեք

Ընտրեք Թոնիի մտքերից մեկը, որպեսզի վարժվեք և վերաձևակերպեք հմտությունը՝ պատասխանելով հարցերին:

1. Ճանաչեք։ Փոսի մեջ գտնվող մտքերի պղպջակի մեջ գրեք բացասական կամ ոչ օգտակար միտք, որն ունեցել եք կամ կարող եք ունենալ ապագայում: Նշեք ցանկացած էմոցիա, որը կարող է ուղեկցել այդ մտքին:

2. Վերաձևակերպեք ձեր մտածողությունը: Ինքներդ ձեզ տվեք հետևյալ հարցերը, որոնք կօգնեն ձեզ վերաձևակերպել այդ միտքը: Պատասխանները կարող եք գրել սանդուղքի կողքին:

   • Ճի՞շտ է արդյոք այս միտքը: Արդյո՞ք դա օգտակար է:

   • Ինչպե՞ս կարող է Երկնային Հոր, Հիսուս Քրիստոսի և Նրանց ուսմունքների վրա կենտրոնանալն օգնել ինձ այս միտքն ունենալու դեպքում:

3. Առաջ շարժվել առ Հիսուս Քրիստոս հավատքով: Փոսից դուրս գտնվող մտքերի պղպջակի մեջ գրեք մի նոր միտք, որը կօգնի ձեզ առաջ շարժվել առ Հիսուս Քրիստոս հավատքով: Գրեք սուրբ գրություն կամ օրհներգ, գտեք նկար կամ առաջարկեք մեկ այլ եղանակ, որով կարող եք կենտրոնանալ Քրիստոսի վրա (Եսայի 26.3–4, Վարդապետություն և Ուխտեր 6.36)՝ այդ միտքը կառավարելու համար: