Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Qetësimi i Ndjenjave të Zemërimit: T’i Përgjigjemi Zemërimit Duke Ndjekur Shpëtimtarin

“Qetësimi i Ndjenjave të Zemërimit: T’i Përgjigjemi Zemërimit Duke Ndjekur Shpëtimtarin”, Manuali i Mësuesit të Seminarit për Dhiatën e Vjetër (2026)

“Qetësimi i Ndjenjave të Zemërimit: T’i Përgjigjemi Zemërimit Duke Ndjekur Shpëtimtarin”, Manuali i Mësuesit të Seminarit për Dhiatën e Vjetër

Shëndeti Fizik dhe Emocional: Mësimi 186

Qetësimi i Ndjenjave të Zemërimit

T’i Përgjigjemi Zemërimit Duke Ndjekur Shpëtimtarin

The Old Testament characters Jacob and Esau embracing one another. A desert landscape is portrayed in the background.

Është normale të përjetojmë ndjenja zemërimi. Megjithëse mund të mos jemi në gjendje t’i kontrollojmë situatat që na bëjnë të ndihemi të zemëruar, ne mund të vendosim se si të përgjigjemi. Ndërsa shohim te Jezu Krishti, Ai mund të na ndihmojë të përgjigjemi siç do të përgjigjej Ai. Ky mësim mund t’i ndihmojë nxënësit të ndjekin shembullin e Jezu Krishtit kur përjetojnë ndjenja zemërimi.

Përgatitja e nxënësve: Ftojini nxënësit të renditin situata ku mund të tundohen të reagojnë me zemërim. Ata mund të vlerësojnë edhe se sa shpesh zemërohen dhe se si i përballojnë këto ndjenja.

Veprimtari të Mundshme të të Mësuarit

Presioni i Grumbulluar

Merreni parasysh të paraqitni figurën vijuese në tabelë ose të sillni një kanoçe të pahapur me pije freskuese në klasë. Ndërsa e diskutoni pyetjen vijuese, ju mund ta tundni kanoçen, por mos e hapni atë.

Çfarë ndodh brenda një kanoçeje me pije freskuese të pahapur nëse e tund vazhdimisht? Çfarë do të ndodhte po ta hapje atë?

Merreni parasysh të paraqitni figurën vijuese. Nëse sollët një kanoçe dhe e tundët atë, mos e hapni. Mund të vazhdoni ta paraqitni atë gjatë gjithë mësimit.

Thirsty man opens a can of shaken up beer during picnic

Cilat janë disa mënyra se si mund ta lidhësh këtë shembull me të ndierit e zemërimit?

Nëse nxënësit kanë nevojë për ndihmë, mund të shpjegoni se kanoçja mund të na përfaqësojë ne dhe pija freskuese mund të përfaqësojë ndjesitë tona. Tundja e kanoçes mund të reflektojë veprime, situata ose ndërveprime që mund të çojnë në shtimin e presionit (ndjenjat e zemërimit) brenda nesh.

Çdokush përjeton zemërim. Ashtu siç është normale që presioni të rritet brenda një kanoçeje me pije freskuese të tundur, është normale që ne të përjetojmë ndjenja zemërimi. Megjithatë, ne mund të zgjedhim se si t’u përgjigjemi këtyre ndjenjave.

Përsiati pyetjet vijuese:

Në një shkallë nga 1 në 5 (1=i ulët; 5=i lartë), sa shpesh zemërohesh? Si mund ta vlerësojnë të tjerët se sa shpesh zemërohesh?
Cila është përgjigjja jote më e shpeshtë kur vijnë ndjenjat e zemërimit?

Ndërsa studion sot, kërko udhërrëfim nga Fryma e Shenjtë për të të ndihmuar të mësosh se si Ati Qiellor dhe Jezu Krishti do të të ndihmojnë të mbash nën kontroll ndjenjat e zemërimit.

Pasojat e të vepruarit me zemërim

Isaku dhe Rebeka patën dy djem binjakë, Esaun dhe Jakobin. Si më i madhi, Esaut i takonte bekimi i të drejtës së trashëgimisë të babait të tij. E drejta e trashëgimisë nënkuptonte se Esau do të trashëgonte zotërimet e babait të tij dhe do të bëhej siguruesi i të mirave materiale dhe udhëheqësi shpirtëror i familjes. Për shkak të veprimeve të padrejta të Esaut (shih te Zanafilla 25:31–34; 26:34–35), në vend të tij, bekimi i të drejtës së trashëgimisë iu dha Jakobit (shih te Zanafilla 27:1–33).

Lexo te Zanafilla 27:41–45 duke kërkuar mënyrën se si Esau u përgjigj kur mësoi se babai i tij i dha Jakobit bekimin e të drejtës së trashëgimisë.

Cili ishte rezultati i zemërimit të Esaut?
Çfarë pasojash të tjera mund të përjetojë dikush nga të vepruarit me zemërim?

Mund të jetë e dobishme të shpjegoni se të dy vëllezërit u ndanë për 20 vjet derisa u pajtuan përfundimisht (shihni te Zanafilla 33:4).

Shembulli i Shpëtimtarit

Merreni parasysh t’i organizoni nxënësit në dyshe, ku çdo nxënës lexon një nga fragmentet e mëposhtme. Më pas, çdo dyshe mund të diskutojë mënyrën se si do t’i përgjigjej pyetjes më poshtë.

Lexoje sa vijon, duke kërkuar atë që mëson rreth reagimit ndaj ndjenjave të zemërimit:

Psalmeve 103:8

Fjalët e Urta 16:32

Si do ta përmblidhje atë që mund të mësojmë rreth përballjes me zemërimin?

Ndihmojini nxënësit të përcaktojnë një të vërtetë të tillë si: Kur jemi të ngadalshëm në zemërim, ne ndjekim shembullin e Zotit.
Çfarë do të thotë për ty të jesh i ngadalshëm në zemërim?

Mendo për një shembull kur Jezusi u tregua i ngadalshëm në zemërim.

Nëse nxënësit kanë nevojë për ndihmë, mund t’i drejtoni ata te shembuj të tillë si vijuesit:

Lluka 9:51–56 (Jezusin nuk e pranuan në një fshat samaritan.)
Lluka 23:8–11 (Jezusi u mor në pyetje nga Herodi.)
Gjoni 19:3–12 (Jezusin e arrestuan.)

Si mund ta ndihmojë dikë të shohë se si Jezusi u përgjigj në këto situata?

Hapat për të mbajtur nën kontroll zemërimin

Përfundimi

Pasi nxënësit ta kenë plotësuar fletushkën, merreni parasysh të bëni pyetjet vijuese të diskutimit nëse e lejon koha:

Çfarë mësove sot që mund ta ndihmojë dikë që ka vështirësi me mbajtjen nën kontroll të zemërimit të tij?
Çfarë përvojash ke pasur ti ose të tjerë me mbajtjen nën kontroll të zemërimit në një mënyrë si e Krishtit?

Disa nxënës mund të ndiejnë se është e pamundur që të mos e humbin gjakftohtësinë. Merreni parasysh ta përmbyllni duke i ftuar ata të lexojnë tek Ethëri 12:27, duke kërkuar mënyrën se si Jezu Krishti mund ta ndihmojë dikë që ka vështirësi me ndonjë dobësi. Dëshmoni se, për shkak të Shlyerjes së Tij, Jezu Krishti mund t’i shndërrojë dobësitë tona në pika të forta, duke përfshirë mbajtjen nën kontroll të zemërimit tonë.

Burime Shtesë

Përse është e rëndësishme ta mbaj nën kontroll zemërimin tim?

Plaku Ulises Soares, i Kuorumit të Dymbëdhjetë Apostujve, tha:

14:29

“[N]ëse duam që Shpirti i Zotit të jetë i pakufizuar në jetën tonë, ne thjesht nuk mund dhe nuk duhet të kemi ndjenja dashakeqe ndaj askujt. Kur bëjmë vend në zemër ose mendje për ndjenja ose mendime dashakeqe, kjo do të sjellë fjalë dhe veprime të pakëndshme, qoftë në mediat shoqërore apo në shtëpi duke bërë që Shpirti i Zotit të largohet nga zemrat tona.” (“Siguria që Vjen nga Besëlidhjet nëpërmjet Jezu Krishtit”, Liahona, maj 2024, f. 21) (kodi kohor 12:50 deri në 13:21)

Plaku Lin G. Robins, i Të Shtatëdhjetëve, dha mësim:

7:36

“Zemërimi është një nënshtrim ndaj ndikimit të Satanit duke dorëzuar vetëkontrollin tonë. Ai është mëkati i mendimit që çon në ndjenja ose sjellje armiqësore. Ai është ndezësi i tërbimit në autostradë, shpërthimeve në arenën e sporteve dhe dhunës në familje.

I pakontrolluar, zemërimi mund të shkaktojë menjëherë një shpërthim të fjalëve mizore dhe forma të tjera të keqtrajtimit emocional që mund të lërë shenjë në një zemër të brishtë. Është ‘ajo që del nga goja’, tha Shpëtimtari; që ‘e ndot njeriun’ (Mateu 15:11).” (“Agency and Anger”, Ensign, maj 1998, f. 81) (kodi kohor 5:01 deri në 5:35)

A mund të më zemërojë dikush?

Presidenti Tomas S. Monson (1927–2018) dha mësim:

18:16

“Të jesh i zemëruar do të thotë t’i dorëzohesh ndikimit të Satanit. Askush nuk mund të na zemërojë. Është zgjedhja jonë. Nëse ne dëshirojmë të kemi shpirtin e duhur me vete në të gjitha kohërat, ne duhet të zgjedhim të përmbahemi nga të zemëruarit. Unë dëshmoj që kjo është e mundur.” (“O Vëllai Im, Disiplino Ndjenjat e Tua”, Liahona, nëntor 2009, f. 67) (kodi kohor 8:34 deri në 8:57)

Cilat janë mënyrat se si mund të manifestohet zemërimi?

Presidenti Diter F. Uhtdorf, në atë kohë i Presidencës së Parë, këshilloi:

“[K]ur është fjala për vetë paragjykimet dhe ankesat tona, ne tepër shpesh justifikohemi se zemërimi ynë është i drejtë dhe gjykimi ynë është i besueshëm dhe me vend. Edhe pse nuk mund të shohim brenda zemrës së dikujt tjetër, ne e marrim me mend se e njohim një qëllim të keq ose madje një njeri të keq kur e shohim një të tillë. Ne bëjmë përjashtime kur është fjala për vetë ashpërsinë tonë, sepse ne ndiejmë se, në rastin tonë ne kemi të gjithë informacionin që na duhet, për ta parë dikë me përbuzje. …

Të dashur vëllezër e motra të mia, quajini pyetjet vijuese si një provim për veten:

A mbani mëri kundrejt dikujt?

A bëni thashetheme, madje edhe kur ajo që thoni mund të jetë e vërtetë?

A i përjashtoni, i largoni nga vetja apo i ndëshkoni të tjerët për shkak të diçkaje që ata kanë bërë?

A jeni në fshehtësi ziliqarë ndaj dikujt?

A dëshironi t’i bëni keq dikujt?

Nëse iu përgjigjët ‘po’ ndonjërës prej këtyre pyetjeve, ju mund të dëshironi të zbatoni predikimin e mëparshëm dyfjalësh: ndalojeni atë!” (“Të Mëshirshmit Gjejnë Mëshirë”, Liahona, maj 2012, f. 70, 76)

Kur veprimet në zemërim e sipër dënohen nga Zoti, përse shkrimet e shenjta i referohen shpesh zemërimit të Perëndisë?

Nëpër të gjithë Dhiatën e Vjetër, ne lexojmë rreth zemërimit, tërbimit dhe indinjatës së Zotit (shihni tek Eksodi 4:14; Ligji i Përtërirë 1:37; 4:25; 9:18; Psalmeve 85:4; Isaia 48:9; 65:3; Jeremia 8:19; 32:30). Leximi rreth përshkrimeve të zemërimit të Perëndisë mund të jetë pështjellues dhe të çojë në keqkuptim në lidhje me shkrimet e shenjta ose karakterin e Perëndisë. Presidenti Dallin H. Ouks, i Presidencës së Parë, shpjegoi se zemërimi i Perëndisë është provë e dashurisë së Tij:

15:2

“Ne lexojmë vazhdimisht në Bibël dhe në shkrimet e shenjta moderne për zemërimin e Perëndisë ndaj të ligjve dhe për veprimin e Tij sipas zemërimit të Tij kundër atyre që shkelin ligjet e Tij. Si është zemërimi provë e dashurisë së Tij? Jozef Smithi na mësoi se Perëndia ‘[themeloi] ligje me anë të të cilave [shpirtrat që Ai do të dërgonte në botë] të mund të kish[in] privilegjin që të përparonin si Ai vetë’ [Teachings of Presidents of the Church: Joseph Smith (2009), f. 220]. Dashuria e Perëndisë është aq e përsosur, sa Ai me dashuri na kërkon t’u bindemi urdhërimeve të Tij, sepse Ai e di se vetëm nëpërmjet bindjes ndaj ligjeve të Tij, ne mund të bëhemi të përsosur siç është Ai. Për këtë arsye, zemërimi i Perëndisë dhe zemërata e Tij nuk janë një kundërshtim i dashurisë së Tij, por një provë e dashurisë së Tij.” (Dallin H. Ouks, “Dashuria dhe Ligji”, Liahona, nëntor 2009, f. 27) (kodi kohor 4:30 deri në 5:22)

Veprimtari Plotësuese të të Mësuarit

Ne mund të kontrollojmë mënyrën se si i përgjigjemi zemërimit

Për t’i ndihmuar nxënësit të kuptojnë se ata mund ta kontrollojnë mënyrën se si u përgjigjen ndjenjave të zemërimit, merreni parasysh t’u bëni atyre pyetjen vijuese:

Cilat janë disa justifikime që mund të përdorin njerëzit për të justifikuar të vepruarit për shkak të zemërimit?

Nxënësit mund të japin përgjigje të tilla si: “Po i tillë jam unë”, “Nuk munda të përmbahesha”, “Ai m’i ngriti nervat” e me radhë.

Mund të shfaqni më pas materialin filmik “Kërkohen Paqebërës”, nga kodi kohor 0:23 deri në 1:48, në të cilin Presidenti Nelson foli për një kirurg që humbi gjakftohtësinë. Ose mund të shfaqni “Agency and Anger” [“Liria e Zgjedhjes dhe Zemërimi”], nga kodi kohor 2:50 deri në 3:28, që tregon Plakun Robins duke folur rreth një basketbollisti në shkollën e mesme, i cili mësoi se si të kontrollonte gjaknxehtësinë e tij.

19:4

7:36

Ndihmojini nxënësit të shohin se mënyra se si u përgjigjemi ndjenjave të zemërimit është një zgjedhje dhe ne mund ta përdorim lirinë e zgjedhjes për të vepruar siç duhet.

Kur keni zgjedhur t’u përgjigjeni ndjenjave të zemërimit siç duhet?
Çfarë mjetesh ju ndihmojnë të përgjigjeni mirë ndaj zemërimit tuaj?
Përse mund të jetë të drejtuarit te Shpëtimtari mjeti më i rëndësishëm kundër zemërimit? (Nëse nxënësit kanë nevojë për ndihmë për t’iu përgjigjur kësaj pyetjeje, mund t’i referoni ata tek Ethëri 12:27 ose Alma 7:12.)

Vlerësimi i vetes

Për t’i ndihmuar nxënësit të vlerësojnë ndjenjat e mundshme të zemërimit që mund të kenë, mund të përdorni thënien e Presidentit Uhtdorf te Burime Shtesë. Nxënësit mund të përsiatin mënyrën se si do t’i përgjigjeshin secilës prej pyetjeve të tij.

Sugjerime për mposhtjen e ndjenjave të zemërimit

Për zotësi shtesë për mposhtjen e ndjenjave të zemërimit, merreni parasysh t’i ftoni nxënësit të kërkojnë nëpër sugjerimet që gjenden te kapitulli 3 i manualit “Përshtatja me Jetën si Misionar/e me Shërbim: Broshura e Burimeve”. Nxënësit mund të zgjedhin një ose dy sugjerime ku do të donin të përqendroheshin.