Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Ndërtimi i Forcës Emocionale te Zoti: Shpëtimtari Mund të na Ndihmojë ta Rritim Ripërtëritjen Tonë Emocionale

“Ndërtimi i Forcës Emocionale te Zoti: Shpëtimtari Mund të na Ndihmojë ta Rritim Ripërtëritjen Tonë Emocionale”, Manuali i Mësuesit të Seminarit për Dhiatën e Vjetër (2026)

“Ndërtimi i Forcës Emocionale te Zoti: Shpëtimtari Mund të na Ndihmojë ta Rritim Ripërtëritjen Tonë Emocionale”, Manuali i Mësuesit të Seminarit për Dhiatën e Vjetër

Shëndeti Fizik dhe Emocional: Mësimi 181

Ndërtimi i Forcës Emocionale te Zoti

Shpëtimtari Mund të na Ndihmojë ta Rritim Ripërtëritjen Tonë Emocionale

A young boy shielding himself from flying objects.

Sa mirë përshtatesh me sfidat emocionale me të cilat përballesh? Ndjenjat e vështirësisë janë një pjesë normale e jetës. Aftësia jonë për t’i duruar me besnikëri këto ndjenja rritet ndërsa mbështetemi te forca dhe fuqia e Atit Qiellor dhe Jezu Krishtit. Ky mësim mund t’i ndihmojë nxënësit të marrin forcë nga Ati Qiellor dhe Jezu Krishti për t’u përballur me sfidat e tyre emocionale.

Përgatitja e nxënësve: Ftojini nxënësit të mendojnë ose të pyesin dikë që njohin, për përvojat që ka pasur gjatë përballjes me ndjenja të vështira. Si të jetë e përshtatshme, ata mund të përgatiten për t’ia treguar përvojën klasës.

Veprimtari të Mundshme të të Mësuarit

Vorbullat në jetën tonë

Fallen tree and rootball in yard after tornado destruction in Albany, Georgia, USA, January 2017. (horiz)

Cutaway showing the roots of a tree growing in windy conditions.

Për të filluar orën mësimore, merreni parasysh të paraqitni figurën e një peme që është shkulur me rrënjë nga stuhitë dhe figurën e një peme që ka mbetur e ngulitur fort në tokë. Gjithashtu mund të ftoni një nxënës që të vizatojë një pemë në tabelë ndërkohë që pjesa tjetër e anëtarëve të klasës vizatojnë një pemë të ngjashme në ditarët e tyre të studimit. Në anën e majtë të pemës, merreni parasysh t’u kërkoni nxënësve të renditin disa emocione të vështira me të cilat përballen adoleshentët.

Emocionet janë përgjigjja normale e trupit ndaj përvojave të përditshme. Ndonjëherë, këto ndjenja janë të lehta dhe të thjeshta për t’u kontrolluar, si një puhizë vere. Ndonjëherë ne përjetojmë emocione të vështira që mund të duken si vorbulla.

Pemët e rrahura nga vorbullat e erërave shpesh kanë rrënjë që rriten më shpejt, më të trasha dhe shtrihen më shumë, duke e forcuar aftësinë e pemës për të duruar. Pasi era e godit atë, pema gjithashtu krijon struktura qelizore që i bëjnë trungun dhe degët më të trasha. Në të njëjtën mënyrë, të mësuarit t’u përgjigjemi çasteve emocionale të fuqishme duke ndjekur Shpëtimtarin, do ta forcojë aftësinë tonë për të duruar.

Në ditarin tënd të studimit, shkruaj disa nga vorbullat emocionale me të cilat ti je përballur në të kaluarën ose po përballesh sot.

Duke folur për vorbullat e erërave shpirtërore, Plaku Nil L. Andersen, i Kuorumit të Dymbëdhjetë Apostujve, dha mësim:

15:55

“Ju jeni pafundësisht më të çmuar për Perëndinë sesa një pemë. Ju jeni biri i Tij ose bija e Tij. Ai e bëri shpirtin tuaj të fortë dhe të aftë për të qenë i patundur kundrejt vorbullave të jetës. Vorbullat e erës në rininë tuaj, sikurse era kundrejt një peme të njomë, mund ta rritin forcën tuaj shpirtërore, duke ju përgatitur për vitet e ardhshme.” (“Vorbullat e Erërave Shpirtërore”, Liahona, maj 2014, f. 19)

Si mund ta ndihmojë mesazhi i Plakut Andersen një adoleshent që ndien sforcimin prej vorbullave emocionale?

Merreni parasysh të tregoni se aftësia për t’i duruar këto vorbulla quhet ripërtëritje emocionale. Mund të tregoni se gjatë të gjithë vitit nxënësit do të mësojnë zotësi që mund t’i ndihmojnë ata ta rritin ripërtëritjen e tyre emocionale.

Rritja e ripërtëritjes sonë emocionale na ndihmon të zhvillojmë mënyrat e duhura për t’u përballur me mendimet dhe ndjenjat e vështira që përjetojmë. Ne mund të mësojmë të dallojmë se si Ati Qiellor dhe Jezu Krishti po na forcojnë kur ndihemi në këtë mënyrë dhe kur ata po na nxitin të kërkojmë ndihmë shtesë.

Ndërsa studion, ftoje Frymën e Shenjtë të të ndihmojë të përcaktosh mënyrat se si mund të kërkosh ndihmën e Atit Qiellor dhe Jezu Krishtit kur përjeton vorbulla emocionale.

Shpëtimtari premton të jetë me ne dhe të na forcojë

Për t’i ndihmuar nxënësit të shohin një shembull të fuqisë forcuese të Zotit, merreni parasysh të tregoni historinë e Jozueut. Nxënësit mund ta kenë studiuar rrëfimin e Jozueut që u thirr nga Zoti për të udhëhequr Izraelin pas Moisiut te Mësimi 61: “Jozueut 1”.

Jozueu gjendej në një pozitë të vështirë ndërsa mori përsipër rolet e profetit dhe udhëheqësit ushtarak përgjegjës për themelimin e një kombi të ri pas udhëheqjes së Moisiut.

Çfarë emocionesh mendon se do të kishe ndier po të ishe në situatën e Jozueut?

Lexo te Jozueut 1:1, 5–9, duke kërkuar atë që Zoti i premtoi Jozueut ndërsa ai përballej me këto sfida.

Çfarë mund të mësojmë që mund të na ndihmojë të përballemi me sfidat e jetës?

Plotësoji pyetjet vijuese në ditarin tënd të studimit poshtë vizatimit tënd të pemës.

Përshkruaj aftësinë tënde për t’u përballur me sfida emocionale. Cilat emocione mendon se i përballon mirë? Çfarë ndien ende të vështirë?
Përshkruaj aftësinë tënde për të marrë ndihmë nga Zoti për këto emocione. Çfarë suksesesh ke pasur? Çfarë ke provuar që nuk funksionoi aq mirë sa kishe shpresuar?

Përsiatja e shkrimit të shenjtë mund të na ndihmojë ta ndiejmë forcën e Zotit

Lexo te Jozueut 1:8, duke kërkuar sërish atë që do ta ndihmonte Jozueun të ndiqte Zotin.

Çfarë gjete?

Mund të vini në dukje se, ndërsa Jozueu përballej me sfidat e tij, atij iu tha nga Zoti që t’i meditonte ose përsiaste shkrimet e shenjta (“lib[rin e] ligjit”) ditë e natë (shihni te Jozueut 1:8). Merreni parasysh të vini në dukje se një mënyrë se si mund të gjejmë forcë emocionale te Zoti, është nëpërmjet përsiatjes së shkrimeve të shenjta.
Si mund ta ndihmojë dikë përsiatja e fjalëve të Zotit që të përballet me sfida emocionale?

Duke parë listën e emocioneve në tabelë, gjej një ose më shumë fragmente të shkrimeve të shenjta që mund të jenë në gjendje ta ndihmojnë dikë që i ndien këto emocione.

Nxënësit mund t’i gjejnë shkrimet e shenjta duke parë fragmentet e zotërimit doktrinor ose Udhëzuesin për Shkrimet e Shenjta, duke kërkuar fjalë të tilla si “ngushëllim”, “paqe”, “forcë” ose “shpresë”. Mund t’ju ndihmojë edhe artikulli “12 Shkrime të Shenjta Kur Ndihesh …” (Për Forcën e Rinisë, mars 2024, f. 40–41). Ndërsa nxënësit thonë shkrimet e shenjta, renditeni shkrimin e shenjtë në anën e djathtë të pemës pranë emocionit që ata përzgjodhën. Sa vijojnë janë disa shembuj që mund t’i japin nxënësit.

I/E mbingarkuar: Isaia 40:28–31

I/E frikësuar: Gjoni 14:27

I/E trishtuar: Zbulesa 21:3–5

I/E harruar: Lluka 12:6–7

I/E shkurajuar: Isaia 43:1–2, 5

I/E vetmuar: Doktrina e Besëlidhje 68:6

Përsiate fjalën e Tij

Për t’i ndihmuar nxënësit të ushtrojnë përsiatjen e shkrimeve të shenjta kur përballen me emocione sfiduese, paraqitni sa vijon.

Përzgjidh një emocion të renditur në tabelë që po e ndien ose e ke ndier në të kaluarën. Lexoje shkrimin e shenjtë pranë emocionit dhe përsiati fjalët e vargut duke i bërë vetes pyetje të tilla si këto:

Çfarë fjalësh ose frazash do të ishin të dobishme kur ndihem në këtë mënyrë?
Çfarë më ndihmon të kuptoj ky shkrim i shenjtë rreth dashurisë dhe fuqisë së Zotit?

Pas një kohe të mjaftueshme, mund t’i ftoni nxënësit të tregojnë emocionin që zgjodhën, shkrimin e shenjtë që përsiatën dhe arsyen përse mendojnë se reflektimi mbi fjalët e Zotit mund t’i ndihmojë ata të gjejnë më shumë forcë emocionale tek Ai.
Kur e ke gjetur ti ose dikush që ti njeh, ngushëllimin ose forcën e Atit Qiellor dhe Jezu Krishtit nga përsiatja e një fragmenti të shkrimit të shenjtë?

Merreni parasysh ta përfundoni orën mësimore duke dhënë përvojën tuaj të të ndjerit të ngushëllimit ose forcës së Zotit nga një fragment i shkrimit të shenjtë. Ftojini nxënësit të vazhdojnë të mbështeten te shkrimet e shenjta për t’i ndihmuar ata të ndiejnë fuqinë e Atit Qiellor dhe Jezu Krishtit ndërsa përballen me vështirësi emocionale.

Burime Shtesë

Si mund të përgatitemi për vorbullat emocionale të jetës?

Plaku D. Tod Kristoferson, i Kuorumit të Dymbëdhjetë Apostujve, dha mësim:

23:27

“Kuptueshmëria për planin e Atit tonë Qiellor për shëlbimin, veçanërisht për elementin kyç të atij plani, Shlyerjen e Jezu Krishtit, jep sigurinë përfundimtare. Ajo ndërton dhe ruan ripërtëritjen shpirtërore dhe emocionale, duke ditur arsyen për ekzistencën tonë dhe qëllimin tonë në jetën në vdekshmëri. Ne u japim mësim, nëpërmjet parimit dhe shembullit, atyre që kërkojnë çlirim dhe përkrahje. Jetofshin fjalët e Shpëtimtarit në zemrat e tyre: ‘Jua kam thënë këto gjëra, që ta keni paqen në mua; në botë do të keni mundime, por merrni zemër, unë e munda botën’. Besëlidhjet tona na lidhin me Të dhe, me Të, ne gjithashtu e mundim botën.” (“Mirëbesoni te Perëndia”, Transmetimi Vjetor i Sel‑së, 26 janar 2024], broadcasts.ChurchofJesusChrist.org)

Çfarë është e nevojshme të mësojmë për t’u mbështetur te Jezu Krishti për ndihmë lidhur me emocionet?

Presidenti Xhefri R. Holland, i Kuorumit të Dymbëdhjetë Apostujve, tha:

“Në këtë rrugëtim do të përballesh me kohë vështirësie, sprovë vetjake, shkurajim dhe zhgënjim që mund të të ngarkojnë emocionalisht. Ndoshta ndihesh i/e zënë në kurth, pikërisht si tani.

Gjatë kohëve të tilla, të lutem mbaj mend se Ati yt Qiellor të do. Ai gjithmonë të ka dashur dhe Ai gjithmonë do të të dojë. Për shkak të dashurisë së Tij të pafundme dhe të përkryer, Ai dërgoi Birin e Tij, Jezu Krishtin, për të të forcuar dhe për të të ndihmuar që të shkosh përpara. Dhe Jezusi erdhi ngaqë edhe Ai të do ty thellësisht.” (“Gjeje Forcën Tënde te Jezu Krishti”, Për Forcën e Rinisë, mars 2024, f. 2, 4)

Motra Trejsi Y. Brauning, e Presidencës së Përgjithshme të Fillores, shpjegoi:

“U pagëzova kur isha 16 vjeçe dhe jetoja në Nju‑Jork‑Siti. Në fillim ndjeva sikur po kaloja shumë kohë duke gjetur një rrugë midis besimit tim të sapogjetur të ndjekur nga marrëdhënia besëlidhëse me Perëndinë, dhe marrëdhënieve të mia me miqtë.

Shqetësohesha se nuk do të kisha miq në shkollë që të krijoja shoqëri. Por miqtë e mi ishin mësuar të bënin gjëra që unë arrita ta kuptoja se ishin të dëmshme për shpirtin tim dhe nuk ishin në përputhje me marrjen mbi vete të emrit të Jezu Krishtit. E dija se Jezu Krishti dëshironte që të bëja zgjedhje më të mira.

Ajo që nuk e dija, ishte a e kuptonte Shpëtimtari se sa përplasje kisha brenda vetes. Çdo ditë bëhej më e vështirë ngaqë merrja ftesa për të bërë gjëra që e dija se nuk ishin të mira. Nganjëherë i justifikoja ato si të padëmshme, por e dija se po bëja kompromis me gjërat që nuk duhej.

Më nevojitej të dija se Shpëtimtari e kuptonte se sa e vetmuar dhe fajtore ndihesha, qoftë edhe kur e çoja ndërmend që t’i ulja standardet e ungjillit që të mund të kisha një ndjesi përkatësie me miqtë e mi. U ndjeva sikur po mbytesha. Kisha nevojë për shpëtim. Kisha nevojë për Jezu Krishtin.

Marrëdhënia ime me Jezu Krishtin u thellua kur e zbulova vetë përse unë kisha nevojë për Të.” (“Përse Unë Kam Nevojë për Jezu Krishtin”, Për Forcën e Rinisë, mars 2024, f. 11)

Veprimtari Plotësuese të të Mësuarit

Tregime për besnikërinë prej përqendrimit te Krishti

Nxënësit mund të kenë dobi nga të parit e mënyrës se si dishepuj të tjerë të Krishtit u mbështetën tek Ai për forcë dhe përkrahje emocionale. Disa tregime për një larmi sfidash emocionale janë në dispozicion te materiali “Receiving Deliverance from Our Struggles through Heavenly Father and Jesus Christ” [“Të Çlirohemi nga Vështirësitë Tona Nëpërmjet Atit Qiellor dhe Jezu Krishtit”] (Liahona, tetor 2022, vetëm në formatin digjital). Mund të përzgjidhni një nga tregimet në artikull që ka lidhje me klasën tuaj. Mund t’i ftoni nxënësit të përzgjedhin një tregim që është i ngjashëm me vështirësitë e tyre vetjake.

Materiali filmik “Hear Him to Find Peace During Turbulent Times” [“Dëgjojeni Atë për të Gjetur Paqe Gjatë Kohëve të Trazuara”] (2:02) mund t’i ndihmojë nxënësit të ndiejnë fuqinë e Shpëtimtarit për t’i forcuar pavarësisht nga sfidat emocionale me të cilat përballen.

2:2

Dallimi i përvojave emocionale

Nxënësit mund të kenë dobi nga shqyrtimi i disa prej burimeve në dispozicion në MentalHealth.ChurchofJesusChrist.org. Fleta e punës “Përballja me Sfidat: Një Udhëzues për të Ndihmuar Veten” mund të përdoret për t’i ndihmuar nxënësit të përcaktojnë më mirë se çfarë emocionesh po ndiejnë. Kjo mund t’i ndihmojë ata të dallojnë sfidat emocionale që ata po përjetojnë dhe mënyrën se si Shpëtimtari po i forcon ata.