Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Përballimi i Trishtimit dhe Depresionit: Jezu Krishti do të Mbartë Brengën dhe Dhembjen Tonë

“Përballimi i Trishtimit dhe Depresionit: Jezu Krishti do të Mbartë Brengën dhe Dhembjen Tonë”, Manuali i Mësuesit të Seminarit për Dhiatën e Vjetër (2026)

“Përballimi i Trishtimit dhe Depresionit: Jezu Krishti do të Mbartë Brengën dhe Dhembjen Tonë”, Manuali i Mësuesit të Seminarit për Dhiatën e Vjetër

Shëndeti Fizik dhe Emocional: Mësimi 185

Përballimi i Trishtimit dhe Depresionit

Jezu Krishti do të Mbartë Brengën dhe Dhembjen Tonë

Artwork entitled "Healer" by Lightweave. Jesus Christ stands with his arms outstretched and comforting and elderly woman.

Ati Qiellor e dinte se kjo jetë e vdekshme do të sjellë çaste trishtimi, shkurajimi, zhgënjimi dhe depresioni. Ai dërgoi Birin e Tij që të përjetonte gjithçka që do të vuanim ne, me një premtim që fuqia e Tij mund të na ndihmojë të gjejmë prehje (shih te Mateu 11:28–30). Ky mësim mund t’i ndihmojë nxënësit të kuptojnë mënyrën se si Ati Qiellor dhe Jezu Krishti do t’i ndihmojnë ata të durojnë ndjenjat e trishtimit dhe depresionit.

Përgatitja e nxënësve: Ftojini nxënësit të gjejnë një shkrim të shenjtë ose citim nga një udhëheqës/e i/e Kishës që mund ta ndihmojë dikë të përqendrohet tek Ati Qiellor dhe Jezu Krishti kur ndihet i/e trishtuar ose i/e dëshpëruar. Ata mund të përgatiten për t’ia treguar shkrimet e tyre të shenjta klasës.

Veprimtari të Mundshme të të Mësuarit

Barrët e jetës sonë

Shënim: Nuk është nevoja të jeni një ekspert i shëndetit mendor për ta dhënë këtë mësim. Lutuni për udhërrëfimin e Atit Qiellor, ndiqni materialet e mësimit dhe mirëbesojini Frymës së Shenjtë. Nëse nxënësit tregojnë vështirësitë vetjake me të cilat përballen, ose bëjnë pyetje që nuk mund t’i trajtoni, sigurojini se Ati Qiellor dhe Jezu Krishti i duan ata. Inkurajojini ata të kërkojnë këshillë shtesë nga prindërit, udhëheqësit e Kishës, këshilltarët e shkollës ose specialistë të tjerë të shëndetit mendor.

Merreni parasysh ta filloni orën mësimore duke paraqitur një figurë të ekskursionistëve që ecin në një shteg malor. Ftojini nxënësit të diskutojnë mënyrën se si kjo mund të jetë si udhëtimi ynë tokësor. Më pas, kërkojuni nxënësve të imagjinojnë një ekskursionist që iu desh të mbante një çantë shpine të rëndë gjatë gjithë udhëtimeve të tij.

Si mund ta rritë çanta e rëndë e shpinës vështirësinë e udhëtimit? Si mund të jetë ajo një bekim?

Mund t’u kërkoni më pas nxënësve të tregojnë disa nga “çantat e shpinës” emocionale që adoleshentët mund të jenë duke i mbajtur sot. Pasi nxënësit të flasin, shpjegoni se ky mësim do të përqendrohet në ndjenjat e trishtimit ose depresionit që ndonjëherë i mbajmë në jetë.

Edhe emocionet sfiduese si trishtimi dhe depresioni janë pjesë normale të udhëtimit tonë në vdekshmëri. Si një çantë shpine e rëndë, ndjenjat e vështirësisë mund ta bëjnë udhëtimin tonë të duket shkurajues, por këto emocione gjithashtu mund të na ndihmojnë të jemi të ndjeshëm dhe të kemi dhembshuri për të tjerët që kanë vështirësi.

Në ditarin e studimit, shëno se si ndjenjat e trishtimit dhe depresionit mund të jenë duke ndikuar në jetën tënde tani ose nëse kanë ndikuar në të kaluarën.

Jezu Krishti e di saktësisht se si ndihemi

Kujtojuni nxënësve se profetët e lashtë dhe bashkëkohorë kanë dhënë mësimin se Shpëtimtari mund të na ndihmojë t’i durojmë të gjitha ndjenjat e vështirësisë.

Lexo tek Isaia 53:3–5 dhe Alma 7:11–12, duke kërkuar të vërtetat rreth fuqisë së Shpëtimtarit për të na ndihmuar kur jemi të trishtuar, të shkurajuar ose të dëshpëruar.

Cilat fjalë ose fraza të bëjnë më shumë përshtypje?
Si mund ta ndihmojë kjo dikë që e ka të vështirë të durojë peshën e këtyre barrëve emocionale?

Duke e ditur se fëmijët e Atit Qiellor do të vuanin në këtë jetë, Presidenti Rasëll M. Nelson tha:

“Unë ju përgjërohem që të vini tek [Jezu Krishti] që Ai të mund t’ju shërojë ju! … Ai do t’ju shërojë nga trishtimi dhe frika. Ai do t’ju shërojë nga plagët e kësaj bote.

Çfarëdo pyetjesh apo problemesh të keni, përgjigjja gjendet gjithmonë në jetën dhe mësimet e Jezu Krishtit. Mësoni më shumë për Shlyerjen e Tij, dashurinë e Tij, mëshirën e Tij, doktrinën e Tij dhe ungjillin e Tij të rivendosur të shërimit dhe përparimit. Drejtohuni tek Ai! Ndiqeni Atë!” (“Përgjigjja Është Gjithmonë Jezu Krishti”, Liahona, maj 2023, f. 127)

Si do ta përmblidhje atë që mësove nga Isaia, Alma dhe Presidenti Nelson rreth përballjes me barrë të tilla si trishtimi dhe hidhërimi?

Ndër gjërat e tjerat që mund të tregojnë nxënësit, ndihmojini ata të përcaktojnë një të vërtetë si: Ndërsa vijmë tek Ai, Shpëtimtari do të na ndihmojë të mbajmë barrët e trishtimit dhe hidhërimit.

Nxënësit mund të kenë dobi nga materialet filmike “Ejani te Krishti” në Facebook “Because Jesus Christ died …” [“Për Shkak se Jezu Krishti vdiq …”] (1:06) ose “Rise” [“Ngrihuni”], (1:42) nga ComeUntoChrist/facebook.com.
Çfarë kuptimi mund të kenë shprehjet “të vijë tek Ai”, “të drejtohet tek Ai” dhe “ta ndjekë Atë” për dikë që kërkon ndihmën e Shpëtimtarit lidhur me trishtimin, shkurajimin ose depresionin?
Si mendon se kuptueshmëria e kësaj të vërtete mund ta ndihmojë dikë që ka vështirësi me këto ndjenja?

Ftoje Frymën e Shenjtë të të ndihmojë të dallosh mënyrat se si Shpëtimtari po të jep ty vetë shërbesë ndërsa përballesh me trishtim, brengë ose ndonjë barrë tjetër emocionale.

Me Shpëtimtarin ne mund të durojmë

Elijah sitting among rocks with a ray of light shining on him.

Historia e profetit Elija mund të na ndihmojë të përcaktojmë mënyrat se si Shpëtimtari na ndihmon t’i durojmë sfidat emocionale.

Merreni parasysh të paraqitni një figurë të Elijas i vetëm në anën e malit. Ndërsa nxënësit i dëgjojnë hollësitë vijuese nga historia, ftojini ata të imagjinojnë mënyrën se si mund të ndiheshin në një situatë të ngjashme.

Pasi Elija i dënoi profetët e rremë të Baalit në malin Karmel (shih te 1 Mbretërve 18), mbretëresha e ligë Jezebel kërkoi ta vrisnin atë. Zoti e paralajmëroi Elijan, i cili ia mbathi në shkretëtirë i vetëm (shih te 1 Mbretërve 19:1–3).

Çfarë ndjesish mund të kishe pasur në këtë situatë?

Lexo te 1 Mbretërve 19:4, duke kërkuar mënyrën se si u ndje Elija.

Cilat janë disa mënyra të tjera se si i ke parë Atin Qiellor dhe Jezu Krishtin të të ndihmojnë ty ose dikë që ti njeh, të përballeni me barrët emocionale?

Merreni parasysh t’i ftoni nxënësit të tregojnë një shkrim të shenjtë të parapëlqyer, himn, ose figurë që i ka ndihmuar ata të mbështeten tek Ati Qiellor dhe Jezu Krishti kur janë të trishtuar ose të dëshpëruar.

1 Mbretërve 19:4 mund të krijojë pyetje rreth lëndimit të vetes ose vetëvrasjes. Këto tema duhet të merren gjithmonë seriozisht. Kujtojuni nxënësve se ata po veprojnë me besim te Jezu Krishti kur i thonë dikujt se çfarë po ndiejnë. Burime shtesë rreth parandalimit të depresionit dhe vetëvrasjes mund të gjenden te Gospel Library [Biblioteka e Ungjillit] dhe te Veprimtari Plotësuese të të Mësuarit në variantin në internet të këtij manuali.

Tregoje atë që ke ndier

Shënim: Ndihmojini nxënësit të kuptojnë se, edhe me kujdesin e dhembshur, të dashur dhe të vazhdueshëm të Zotit, ndonjëherë ndjesitë negative vazhdojnë. Depresioni mund të pengojë ndonjëherë aftësinë tonë për të ndier dashurinë e Shpëtimtarit ose për të dalluar ndihmën e Frymës së Shenjtë.

Në ditarin e studimit, përzgjidh një ose më shumë nga pikat vijuese për ta plotësuar:

Shkruaj diçka që mësove ose ndjeve sot, që mund të të ndihmojë të mbështetesh tek Ati Qiellor dhe Jezu Krishti kur ndihesh i trishtuar ose i dëshpëruar.
Shkruaj një fragment të shkrimit të shenjtë që mund të të ndihmojë kur ndihesh i trishtuar ose i dëshpëruar (të tillë si Isaia 53:3–5; Psalmeve 34:18; or Alma 7:11–12). Si mund të të ndihmojnë fjalët ose frazat nga ky fragment të ndihesh pranë Atit Qiellor dhe Jezu Krishtit?
Po të kishe një shok që ishte i trishtuar ose i dëshpëruar, çfarë do të doje që të kuptonte ky person rreth Atit Qiellor, Jezu Krishtit dhe asaj që mësove sot? Shkruaj atë që do t’i thoshe.

Burime Shtesë

A e di Shpëtimtari se si ndjehem?

Presidenti Xhefri R. Holland, i Kuorumit të Dymbëdhjetë Apostujve, na kujtoi:

“Ndoshta është e vështirë për ty që të besosh se Jezusi do të tregojë interes për të të ndihmuar ty si të vetmin person mes milionave që kanë të njëjtën moshë me ty. Nëse mendon ndonjëherë se Ai ka gjëra më të mira për të bërë sesa të të forcojë në rastet e tua të nevojës, mendo për Të në atë kopsht, mendo për Të në atë kryq. Ai ‘vuajti, u gjakos dhe vdiq’ për ty, sepse Ai e dinte që ia vlente ta bënte për ty. Ai ende e di këtë. Ai është jashtëzakonisht i interesuar, i gatshëm dhe i aftë për të të ndihmuar ty, pikërisht tani dhe përgjithmonë. Ai dha jetën e Tij me qëllim që të të forcojë kur ti e pranon ftesën e Tij jetëndryshuese: ‘Ejani tek unë’ (Mateu 11:28).” (“Gjeje Forcën Tënde te Jezu Krishti”, Për Forcën e Rinisë, mars 2024, f. 5)

Plaku Ulises Soares, i Kuorumit të Dymbëdhjetë Apostujve, tha:

“Shpëtimtari mundet, më mirë se çdokush tjetër, të shërojë pasojat e çfarëdo rrethane sfiduese në vdekshmëri. Në disa raste, mund të mos shërohemi menjëherë fizikisht nga dhembja apo sëmundja jonë, por mund të shërohemi shpirtërisht teksa marrim forcë, kuptueshmëri dhe durim për t’i mbajtur barrët që na janë vënë mbi supe. Pra, kur e kthejmë zemrën te Shpëtimtari, Ai do të bëjë çudira në jetën tonë.” (“Durimi i Sprovave” [takim shpirtëror mbarëbotëror për të rinjtë e të rejat në moshë madhore, 18 shkurt 2024], broadcasts.ChurchofJesusChrist.org)

Ku mund të mësoj më shumë rreth parandalimit të trishtimit, depresionit dhe vetëvrasjes?

“Dealing with Depression”
“Mourn With Those That Mourn: Hope Works” [“Vajtoni Me Ata Që Vajtojnë: Shpresa Funksionon”] (kodi kohor 2:20 deri në 5:55)

11:48
“Suicide Prevention and Ministering” [“Parandalimi i Vetëvrasjes dhe Dhënia e Shërbesës”] në ChurchofJesusChrist.org

Veprimtari Plotësuese të të Mësuarit

Shpëtimtari përjetoi hidhërim

Merreni parasysh ta filloni orën mësimore duke paraqitur pyetjen vijuese në tabelë: “Kur ishte një kohë kur qave dhe përse?” Jepuni nxënësit disa çaste për ta përsiatur përvojën që u vjen në mendje. Kujtojini klasës se ka disa shembuj në shkrimin e shenjtë për Shpëtimtarin që vajton haptazi. Më pas, paraqitni figurat vijuese.

Ftojini nxënësit të përzgjedhin një nga fragmentet vijuese të shkrimit të shenjtë, duke kërkuar atë që mësojmë rreth Shpëtimtarit. Mund të jetë e dobishme të lexojmë kreun e kapitullit për të kuptuar kontekstin e përvojës së Shpëtimtarit.

Gjoni 11:32–35
Mateu 26:36–39
3 Nefi 17:14–16

Ftojini nxënësit t’ia tregojnë një partneri ose grupi të vogël atë që mësuan. Nëse mendoni se nxënësit do të kishin dobi nga dijenia se kur ata ose dikush që ata njohin mund të jetë më shumë se i trishtuar dhe ka nevojë për më shumë ndihmë, mund të jepni sa vijon.

Kur Është Më Shumë se Trishtim

Shfaqja e ndjeshmërisë ndaj atyre që janë të hidhëruar

Nxënësit mund të kenë dobi nga diskutimi i disa prej mënyrave se si mund t’i japim shërbesë dikujt që po vuan. Tregoni se duke ndjekur shembullin e Shpëtimtarit, ne para së gjithash tregojmë dashuri.

Ftojini nxënësit të lexojnë te Jobit 2:11–13, duke kërkuar atë që na mëson ai rreth përkujdesjes për ata që janë të trishtuar ose vuajnë.

Merreni parasysh të tregoni se, për shkak se nuk e dimë me saktësi se si ndihet ai person (edhe kur kemi përjetuar diçka të ngjashme), ne mund t’u themi gjëra që tregojnë dashuri dhe dhembshuri (ndjeshmëri). Ju mund t’i vini nxënësit të ushtrohen se si të reagojnë ndaj dikujt që po vuan.

Pohime të tilla si vijueset ndihmojnë për të transmetuar ndjeshmëri:

“Nuk e di se çfarë të them, por dua që të dish se shumë njerëz të duan, përfshirë mua”.
“Nuk duhet të flasësh nëse nuk do, por unë jam këtu që të të dëgjoj nëse ti do.”
“Është normale të kesh ndjenja të ndryshme nga një ditë në tjetrën apo nga një çast në tjetrin.”
“Nuk ekziston vetëm një mënyrë se si duhet të ndihet njeriu. Përjetoji emocionet si të të vijnë.”
“Të dua dhe po lutem për ty.”

Thuajuni nxënësve se, megjithëse u përgjigjën mirë në fillim, shokët e Jobit qenë më pak të dobishëm më vonë ndërsa ai vazhdonte në vështirësi (shihni te Jobit 4).

Ndihmojini nxënësit të kuptojnë se disa pohime dashamirëse mund të mos jenë të dobishme për dikë që është i pikëlluar. Mund të shqyrtoni disa pohime më pak të dobishme të tilla si:

“Është pjesë e planit të Perëndisë”.
“Të paktën …” (“Të paktën nuk vuajtën.”)
“Duhet …” ose “Nuk duhet …”
“Pata një përvojë të ngjashme.”
“Gjërat do të përmirësohen me kalimin e kohës.”

Për ndihmë shtesë mbi dhënien e shërbesës për ata që janë të pikëlluar, shihni “Pikëllimi dhe Humbja” në Burimet për Këshillim te ChurchofJesusChrist.org.