Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Zhvillimi i Modeleve të të Menduarit të Shëndetshëm: “Mendjes që Pushon te Ti”

“Zhvillimi i Modeleve të të Menduarit të Shëndetshëm: ‘Mendjes që Pushon te Ti’”, Manuali i Mësuesit të Seminarit për Dhiatën e Vjetër (2026)

“Zhvillimi i Modeleve të të Menduarit të Shëndetshëm: ‘Mendjes që Pushon te Ti’”, Manuali i Mësuesit të Seminarit për Dhiatën e Vjetër

Shëndeti Fizik dhe Emocional: Mësimi 183

Zhvillimi i Modeleve të të Menduarit të Shëndetshëm

“Mendjes që Pushon te Ti”

Young woman sitting looking off into the distance

Mendimet tona mund të ndikojnë në mënyrën se si ndihemi dhe në zgjedhjet që bëjmë çdo ditë. Disa mendime na ndihmojnë të marrim vendime të mira ndërkohë që të tjera mund të ndikojnë negativisht në ndjenjat dhe veprimet tona. Ndërsa Ati Qiellor dhe Jezu Krishti i njohin dhe i kuptojnë mendimet tona (Psalmeve 139:1–2), përqendrimi tek Ata mund të na ndihmojë të krijojmë modele të shëndetshme të të menduarit. Ky mësim mund t’i ndihmojë nxënësit të shohin te Shpëtimtari ndërsa krijojnë modele të shëndetshme të të menduarit.

Përgatitja e nxënësve: Ftojini nxënësit t’u kushtojnë vëmendje mendimeve që kanë gjatë ditës. Ata mund të reflektojnë edhe për mënyrën se si i bëjnë të ndihen këto mendime.

Veprimtari të Mundshme të të Mësuarit

Pasoja e mendimeve tona

Nëse dëshironi, mund ta filloni orën mësimore duke u dhënë nxënësve 30 sekonda për të shkruar disa nga mendimet që kanë pasur dje ose sot.

Merreni parasysh ta paraqitni figurën vijuese në tabelë. Ju mund të shpjegoni se ky diagram mund të përfaqësojë pasojën që kanë modelet tona të të menduarit në veprimet dhe përparimin tonë. Nëse nuk i mbajmë nën kontroll në një mënyrë të shëndetshme, modelet e padobishme të të menduarit mund të shkaktojnë ndjesinë se kemi ngecur në vend. Ndonjëherë ne mund të supozojmë se aftësia jonë për të marrë vendime dhe për të ndërmarrë veprime, është e kufizuar. Kur përqendrohemi te këto mendime, ato mund të bëjnë që të ndihemi keq në lidhje me veten dhe të tjerët. Modelet e dobishme të të menduarit na ndihmojnë të shkojmë përpara. Ato na ndihmojnë të dallojmë aftësinë tonë për të vepruar me besim te Jezu Krishti.

Çfarë lloj mendimesh mund të na shkaktojnë ndjesinë se kemi ngecur në vend (gropa)? Çfarë lloj mendimesh na ndihmojnë të shkojmë përpara (shtegu)?

Nxënësit mund të përmendin se mendime si “Ti më zemërove” mund t’i bëjnë ata të ndiejnë se kanë ngecur në vend. Të menduarit “Mund ta provoj sërish” mund t’i ndihmojë ata të shkojnë përpara.
Cilat janë disa prej vendimeve që mund të marrë dikush bazuar te mendimet e pasakta ose të padobishme?

Ndalu një çast për ta ftuar Shpirtin të të ndihmojë të dallosh mënyrën se si i ke parë mendimet e tua të ndikojnë në veprimet që ti ndërmerr. Ndërsa studion, kërko frymëzim për të ditur se çfarë mund të bësh për t’i mposhtur këto modele negative të të menduarit.

Përqendrimi i mendjes sonë te Jezu Krishti

Ndërsa përpiqemi të mbajmë nën kontroll modelet e padobishme ose të pasakta të të menduarit, mund të jetë e dobishme ta ripërqendrojmë mendjen tonë tek Ati Qiellor dhe Jezu Krishti. Për t’i ndihmuar nxënësit të shohin mënyrat se si Zoti premton të na bekojë ndërsa përqendrohemi tek Ai, merreni parasysh të paraqitni fragmentet vijuese të shkrimit të shenjtë. Mund t’i organizoni nxënësit në grupe me nga tre veta dhe ta vini secilin nxënës të studiojë një fragment dhe ta tregojë atë që mësoi.

Isaia 26:3–4

Jakobi [LiM] 3:1–2

Doktrina e Besëlidhje 6:23, 36–37

Çfarë bekimesh mund të marrim kur e përqendrojmë mendjen (mendimet) tonë te Jezu Krishti?

Mund ta shkruani parimin vijues në tabelë: Ndërsa e përqendrojmë mendjen te Jezu Krishti, Ai do të na japë paqe dhe forcë.

Për të rritur vetëbesimin e nxënësve se Shpëtimtari do t’i ndihmojë ata ta përqendrojnë mendjen tek Ai, mund të shfaqni materialin filmik “Filling Our Minds with the Power of Jesus Christ” [“Mbushja e Mendjes me Fuqinë e Jezu Krishtit”] (2:07) në vend të thënies së Plakut Andersen më poshtë.

2:7
Në ç’mënyrë mendon se përqendrimi i mendjes sonë te Jezu Krishti na jep paqe dhe forcë?

Plaku Nil L. Andersen, i Kuorumit të Dymbëdhjetë Apostujve, na mësoi mënyrën se si mund ta përqendrojmë mendjen te Jezu Krishti.

13:25

“Mbushja e mendjes sonë me fuqinë e Jezu Krishtit nuk do të thotë se Ai është i vetmi mendim që kemi. Por nënkupton se të gjitha mendimet tona brendashkruhen në dashurinë e Tij, jetën dhe mësimet e Tij, flijimin e Tij shlyes dhe Ringjalljen e Tij të lavdishme. Jezusi nuk është kurrë në një qoshe të harruar, sepse mendimet tona për Të janë gjithnjë të pranishme dhe ‘gjithçka që është në [ne, e adhuron] Atë!’ Ne lutemi dhe risjellim në mendjen tonë përvojat që na kanë sjellë më pranë Tij. Mirëpresim në mendjen tonë imazhe hyjnore, shkrime të shenjta dhe himne të frymëzuara që t’i zbutin lehtë mendimet e panumërta të përditshme që vërshojnë gjatë jetës sonë të ngjeshur. Dashuria jonë për Të nuk na mbron nga trishtimi dhe hidhërimi në këtë jetë në vdekshmëri, por na lejon t’i përshkojmë sfidat me një forcë shumë më të madhe se e jona.” (“Mendja Ime po më Përqendrohej në Këtë Mendim për Jezu Krishtin”, Liahona, maj 2023, f. 92) (kodi kohor 3:50 deri në 5:02)

Cilat rekomandime nga Plaku Andersen të bëjnë përshtypje?
Si të kanë ndihmuar ty ose dikë që ti njeh figurat, shkrimet e shenjta ose muzika e shenjtë që të përqendroheni te Jezu Krishti?

Ushtrohu për të reaguar ndaj mendimeve të padobishme

Hapat vijues mund të na ndihmojnë t’i mposhtim modelet negative të të menduarit. Merreni parasysh t’i shkruani ato në tabelë.

Kur kemi mendime të padobishme, ne mund:

T’i dallojmë mendimet ndërsa vijnë dhe ndjesitë që vijnë për pasojë.
Të rregullojmë të menduarit tonë.
Të shkojmë përpara me besim te Jezu Krishti.

1. Dalloni. Skenari vijues mund t’i ndihmojë nxënësit të dallojnë disa mendime të padobishme që mund të ketë një person gjatë gjithë ditës. Rregullojeni skenarin që të përputhet me situatat që mund të përjetojnë nxënësit tuaj.

Gjatë orës së matematikës, Tani e pati të vështirë të kuptonte koncepte që për nxënësit e tjerë kishin kuptim.

Kur Tani u kthye nga shkolla në shtëpi, prindërit e kërcënuan t’ia hiqnin telefonin nëse nuk do ta pastronte dhomën e tij.

Atë mbrëmje, Tani zbuloi se shokët e tij do të shkonin në një festë ku atë nuk e kishin ftuar.

Çfarë mendimesh mund të ketë pasur Tani gjatë gjithë ditës?
Ja disa mënyra të mundshme se si mund të përgjigjen nxënësit. Shpjeguesit janë etiketa të modeleve të zakonshme, të pasakta të të menduarit. Mund të mësoni më shumë rreth tyre te Gjetja e Forcës te Zoti: Ripërtëritja Emocionale, “Modele të të Menduarit të Shëndetshëm: Mësoni”.
- “Nuk jam i zoti në matematikë. Të gjithë janë më të zgjuar se unë.” (Etiketim i gabuar)
- “Prindërit e mi nuk më thonë asnjëherë se çfarë bëj mirë; ata më thonë gjithmonë çfarë është e nevojshme ta bëj më mirë.” (Gjithçka ose Asgjë)
- “Shokët e mi nuk më kanë qejf.” (Nxjerrja e Përfundimeve të Menjëhershme)
- “Sot nuk ndodhi asgjë e mirë. Ishte thjesht dështim pas dështimi.” (Filtri Mendor Negativ; Zhvleftësimi i të Menduarit Pozitiv)
Çfarë emocionesh mund të përjetojë Tani me këto mendime?
Cilat janë disa mënyra të dobishme se si Tani mund të tundohet të veprojë bazuar në këto emocione?

2. Të rregullojmë të menduarit tonë. Merreni parasysh të lexoni tek Isaia 55:8–9 dhe të diskutoni mënyrën se si mendimet e Zotit janë më të larta sesa tonat. Rregullimi i të menduarit tonë mund të na ndihmojë t’i lartësojmë mendimet tona që të jenë më shumë si të Zotit. Merreni parasysh të paraqitni sa vijon për nxënësit:

Përkufizo

Rregullimi i mendimeve tona nënkupton se kur vjen një mendim i padobishëm, ne e vlerësojmë atë nga një këndvështrim i ndryshëm. Ne mund ta bëjmë këtë duke bërë pyetje si:

A është i saktë ky mendim?
A është i dobishëm?
Si mund të më ndihmojë të menduarit për Atin Qiellor, Jezu Krishtin dhe mësimet e Tyre për këtë mendim?

Mund t’i shkruani këto pyetje në tabelë që nxënësit t’i përdorin ndërsa e ndihmojnë Tanin.

Jep Modelin

Hiqu sikur je Tani dhe je i mendimit “Nuk jam i zoti në matematikë”.

Ndihmoje Tanin ta rregullojë këtë mendim duke iu përgjigjur pyetjeve vijuese:

A është i saktë ky mendim?
A është i dobishëm?
Si mund të më ndihmojë të menduarit për Atin Qiellor, Jezu Krishtin dhe mësimet e Tyre për këtë mendim?

Mund ta rregullosh mendimin e Tanit me diçka të tillë: “Ky mendim nuk është i dobishëm (edhe nëse tani është i saktë). Unë e di se Ati Qiellor ka premtuar t’u përgjigjet lutjeve të mia. Unë mund të lutem për ndihmën e Tij. Mësuesi im do të më ndihmojë dhe unë mund të bëj punë shtesë.”

Cilat janë disa mënyra të tjera se si Tani mund ta rregullojë të menduarit e tij? Çfarë mund të bëjë ai për të ecur përpara me besim te Krishti?

Ushtrohu

Zgjidh një nga mendimet e Tanit për të ushtruar zotësinë e rregullimit të mendimeve duke iu përgjigjur pyetjeve.

Ushtro modele të të menduarit të shëndetshëm

Paraqiteni figurën vijuese. Nxënësit gjithashtu mund të vizatojnë një kopje në ditarët e studimit. Shpjegoni se shkalla mund të përfaqësojë mënyrat se si Shpëtimtari na ndihmon të përqendrohemi tek Ai, të rregullojmë modelet tona të të menduarit dhe të ecim përpara.

Dallo. Shkruaj një mendim negativ ose të padobishëm që ke pasur ose mund të kesh në të ardhmen në flluskën e mendimit në gropë. Përcakto çdo ndjesi që mund ta shoqërojë mendimin.
Rregullo të menduarit tënd. Bëji vetes pyetjet vijuese për të të ndihmuar ta rregullosh atë mendim. Ti mund t’i shkruash përgjigjet afër shkallës.
- A është i saktë ky mendim? A është i dobishëm?
- Si mund të më ndihmojë përqendrimi tek Ati Qiellor, Jezu Krishti dhe mësimet e Tyre për këtë mendim?
Të shkojmë përpara me besim te Jezu Krishti. Shkruaj një mendim të ri që do të të ndihmojë të shkosh përpara me besim te Jezu Krishti, në flluskën e mendimit jashtë gropës. Shkruaj një shkrim të shenjtë ose himn, gjej një figurë ose rendit një mënyrë tjetër se si mund ta ruash përqendrimin tënd te Krishti (Isaia 26:3–4; Doktrina e Besëlidhje 6:36) për ta mbajtur nën kontroll atë mendim.

Pas një kohe të mjaftueshme, ftojini nxënësit e gatshëm të tregojnë se çfarë u bëri më shumë përshtypje nga mësimi.

Kujtojuni nxënësve se krijimi i modeleve të të menduarit të shëndetshëm shpesh kërkon përpjekje të përsëritura dhe Shpëtimtari do t’i ndihmojë ata. Mund ta përfundoni orën mësimore duke lexuar tek Isaia 26:3–4 për t’u kujtuar atyre bekimet që do të sjellë Jezu Krishti në jetën e tyre ndërsa përpiqen ta përqendrojnë mendjen tek Ai.

Burime Shtesë

Si mund të bekohem duke e përqendruar mendjen te Shpëtimtari?

Plaku Nil L. Andersen, i Kuorumit të Dymbëdhjetë Apostujve, dha mësim:

13:25

“Duke e fokusuar vëmendjen tonë te Jezu Krishti, gjithçka tjetër rrotull nesh – ndërkohë që është ende e pranishme – shihet nëpërmjet dashurisë sonë për Të. Shpërqendrimet më pak të rëndësishme zbehen dhe ne i largojmë ato gjëra që nuk janë në përputhje me dritën dhe karakterin e Tij. Ndërsa vazhdoni të përqendroheni me vëmendje në këtë mendim për Jezu Krishtin, i mirëbesoni Atij dhe i zbatoni urdhërimet e Tij, ju premtoj jo vetëm udhërrëfim qiellor por edhe fuqi qiellore – fuqi që iu sjell forcë besëlidhjeve tuaja, paqe vështirësive tuaja dhe gëzim bekimeve tuaja.” (“Mendja Ime po më Përqendrohej në Këtë Mendim për Jezu Krishtin”, Liahona, maj 2023, f. 93) (kodi kohor 8:48 deri në 9:33)

Presidentja Kamill N. Xhonson, e Presidencës së Përgjithshme e Shoqatës së Ndihmës, dha mësim:

“Ne të gjithë përjetojmë barrët e vdekshmërisë. Ne përjetojmë sëmundje, humbje, brenga, zhgënjim dhe vështirësi; por ndërsa e përputhim zemrën dhe mendjen tonë me Jezu Krishtin, Ai do të na përkrahë. Ai do të ofrojë lehtësim.” (Facebook, 2 qershor 2023, facebook.com/RSGeneralPresident)

Ku mund të mësoj më shumë rreth modeleve të të menduarit?

Gjetja e Forcës te Zoti: Ripërtëritja Emocionale, Kapitulli 2, “Modele të të Menduarit të Shëndetshëm”

“Gospel Living: Are any of these familiar?”

Veprimtari Plotësuese të të Mësuarit

Mënyra për të vlerësuar mendimet tona

Mund të përdorni disa nga pyetjet vijuese për t’i ndihmuar nxënësit të vlerësojnë mendimet e Tanit ose për t’i ndihmuar nxënësit të vlerësojnë mendimet e tyre.

A është kjo diçka që Shpëtimtari do të donte që unë të mendoja ose të ndieja?
A është ky mendim sipas modelit “gjithçka ose asgjë” – “gjithçka e mirë ose gjithçka e keqe”, “të fitosh ose të humbasësh”, “i vërtetë ose i rremë”?
Si ndihem kur e kam këtë mendim?
Çfarë di për veten time dhe të tjerët që më tregon se kjo nuk është e saktë?
Çfarë do t’i thosha shokut tim të ngushtë po t’i mendonte këto gjëra?

Një mënyrë shtesë për të ndihmuar për rregullimin e mendimeve tona

Një mënyrë tjetër për të rregulluar të menduarit tonë, është t’i vlerësojmë mendimet tona nga këndvështrimi i një personi tjetër. Nxënësit mund të vlerësojnë një nga mendimet e tyre duke bërë pyetjen vijuese:

Çfarë do t’i thosha një shoku që pati po këtë mendim?

Përvoja e mëposhtme nga Plaku Rajan K. Olsen, i Të Shtatëdhjetëve, ilustron se si të parit e mendimeve tona nga një këndvështrim tjetër mund të na ndihmojë t’i korrigjojmë mendimet e pasakta (kodi kohor 6:01 deri në 8:00).

10:52

Shpëtimtari do të sjellë paqe në mendjen tonë

Mund të shfaqni materialin filmik “Am I Good Enough?” [“A Jam Mjaftueshëm i Mirë?”] (3:28) si një shembull të korrigjimit të modeleve të pashëndetshme të të menduarit. Mund ta ndaloni materialin filmik në kodin kohor 1:00 dhe t’i ftoni nxënësit të renditin mendimet negative të përshkruara në materialin filmik. Më pas, nxënësit mund të shohin pjesën e mbetur të materialit filmik, duke kërkuar mënyra se si të përqendrohen te Jezu Krishti për të kapërcyer mendimet negative të renditura.

3:33

Shembuj modelesh të të menduarit në Dhiatën e Vjetër

Vajtimeve 3:18–26. Nxënësit mund t’i studiojnë këto vargje për të parë një shembull të përqendrimit të mendjes sonë te Jezu Krishti. Shpjegoni se libri i Vajtimeve reflekton ndjenjat e Jeremias dhe të popullit hebre pasi Jerusalemi u shkatërrua nga babilonasit dhe populli u mor në robëri.

Lexoni te Vajtimeve 3:18–26, duke kërkuar mendimet dhe ndjenjat e ndryshme që përjetuan njerëzit.

Ju mund t’i ndihmoni nxënësit të dallojnë mendimet negative te vargjet 18–20, ndryshimin e të menduarit te vargu 21 dhe përqendrimin te Jezu Krishti në vargjet 22–26. Nxënësit mund të tregojnë mënyrën se si ky shembull mund t’i ndihmojë ata për mendimet e tyre.

Numrat 13–14. Nxënësit mund të studiojnë shembullin e Kalebit, Jozueut dhe 10 vëzhguesve të tjerë të dërguar për të inspektuar tokën e premtuar (shihni te Numrat 13–14). Merreni parasysh të paraqitni një listë të modeleve të zakonshme të të menduarit të pasaktë (shihni te Gjetja e Forcës te Zoti: Ripërtëritja Emocionale, “Modele të të Menduarit të Shëndetshëm: Mësoni”). Ftojini nxënësit të lexojnë te Numrat 13:27–33, duke kërkuar shembuj të modeleve të pasakta të të menduarit. Krahasojini mendimet e Kalebit dhe Jozueut te Numrat 14:6–9 me ato të dhjetë vëzhguesve të tjerë te Numrat 13:31–33.