Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pangangalaga sa Ating Pisikal na Katawan: Pagpapabuti ng Ating Pisikal at Emosyonal na Kalusugan

“Pangangalaga sa Ating Pisikal na Katawan: Pagpapabuti ng Ating Pisikal at Emosyonal na Kalusugan,” Manwal ng Titser ng Seminary para sa Lumang Tipan (2026)

“Pangangalaga sa Ating Pisikal na Katawan: Pagpapabuti ng Ating Pisikal at Emosyonal na Kalusugan,” Manwal ng Titser ng Seminary para sa Lumang Tipan

Pisikal at Emosyonal na Kalusugan: Lesson 182

Pangangalaga sa Ating Pisikal na Katawan

Pagpapabuti ng Ating Pisikal at Emosyonal na Kalusugan

Binigyan tayo ng Ama sa Langit ng pisikal na katawan bilang bahagi ng Kanyang plano na maging katulad Niya (tingnan sa “Ang Mag-anak: Isang Pagpapahayag sa Mundo,” ChurchofJesusChrist.org). Ngunit hindi lang naaapektuhan ng paraan ng pangangalaga natin sa ating katawan ang ating kinabukasan; naaapektuhan din nito ang ating nadarama ngayon. Makatutulong sa mga estudyante ang lesson na ito na maunawaan kung paano naaapektuhan ng ating mga pagpili ang ating pisikal at emosyonal na kalusugan.

Paghahanda ng estudyante: Anyayahan ang mga estudyante na pag-isipan ang tungkol sa kanilang mga pagpili sa kalusugan (pagkain, pagtulog, pag-eehersisyo, at iba pa) sa nakalipas na linggo. Hikayatin silang suriin kung paano nakaapekto ang mga pagpiling iyon sa kanilang pisikal at emosyonal na nadarama.

Mga Posibleng Aktibidad sa Pag-aaral

Ang ating mga pagpili ay pisikal at emosyonal na nakaaapekto sa atin

Ang sumusunod na sitwasyon ay ginagamit sa buong lesson upang tulungan ang mga estudyante na maunawaan kung paano nakaaapekto ang mga nakabubuti o nakasasamang desisyon na ginagawa natin araw-araw sa ating pisikal at emosyonal na nadarama. Ginagamit sa sitwasyon ang pangalang “Maya,” pero maaari mong anyayahan ang mga estudyante na pumili ng pangalan at dagdagan o baguhin ang mga detalye ng kuwento.

Napapagod at pinanghihinaan-ng-loob si Maya nitong mga nakaraang linggo. Ipinapakita ng sumusunod na larawan ang ilan sa mga pagpiling ginawa ni Maya sa panahong iyon.

Late night office work with tired woman sleep on desk illustration.

Ano ang ilan sa mga pagpiling ginagawa ni Maya na maaaring makaapekto sa kanyang nadarama?

Maaaring banggitin ng mga estudyante na siya ay nagpupuyat, kumakain ng hindi masusustansyang pagkain, at nagagambala ng kanyang telepono. Maaari mong anyayahan ang mga estudyante na magbigay ng mga karagdagang pagpili na puwedeng ginagawa ng mga tinedyer sa inyong lugar na maaaring negatibong makaapekto sa kanilang pisikal at emosyonal na kalusugan.

Maaaring makatulong na ipaliwanag sa mga estudyante na, bilang bahagi ng plano ng kaligayahan ng Ama sa Langit, ganap na magkaugnay ang ating katawan at espiritu (tingnan sa Doktrina at mga Tipan 88:15). Samakatuwid, naaapektuhan tayo ng mga pagpiling ginagawa natin na may kaugnayan sa ating kalusugan sa mga paraang higit pa sa pisikal na nadarama natin.
Paano maaaring makaapekto ang mga pagpili ni Maya sa kanyang pisikal na nadarama? sa emosyonal niyang nadarama?
Ano ang ilan pang pagpili na maaari nating gawin habang pinangangalagaan natin ang ating pisikal na katawan na maaaring makaapekto sa ating nadarama?

Maaari mong ilista sa pisara ang mga sagot ng mga estudyante sa nakaraang tanong sa dalawang column, “nakabubuti” at “nakasasamang” pagpili. Maaaring gamitin ng mga estudyante ang mga sagot na ito sa pisara o ang iba pang naisip nila sa kanilang sarili upang kumpletuhin ang chart sa susunod na aktibidad

Gawin ang sumusunod na chart sa inyong study journal. Ilista ang kapwa nakabubuti at nakasasamang aktibidad sa unang tatlong kahon na nakaapekto sa inyong nadama noong nakaraang linggo. Habang nag-aaral kayo, anyayahan ang Espiritu Santo na tulungan kayong makilala ang mga paraan kung paano ninyo mapapabuti ang inyong paraan ng pangangalaga sa inyong katawan at ilista ang mga ito sa kahon 4.

1. Mga hindi ko pinili	2. Mga pinili ko nang ilang beses
3. Madalas kong pinipili	4. Mga maaari kong piliin

Ang pangangalaga sa ating pisikal na katawan ay naghahatid ng mga pagpapala

Isipin na kunwari ay nakikipag-usap kayo kay Maya na nagsasabing, “Sana ay hindi na ako makadama ng sobrang pagod at hindi na ako panghinaan-ng-loob palagi.” Alam ninyong hindi nauunawaan ni Maya kung paano siya naaapektuhan ng kanyang mga pagpili.

Maghanda ng sagot na may mga kasamang banal na kasulatan at turo ng mga lider ng Simbahan na maaaring makatulong sa pag-unawa ng isang taong katulad ni Maya:

Paano siya naaapektuhan ng kanyang mga pagpili sa pisikal at emosyonal na aspekto.
Bakit mahalaga sa Diyos kung paano natin pinangangalagaan ang ating katawan.
Ang mga pagpapalang ipinapangako ng Diyos sa mga nag-aalaga ng kanilang katawan.

Tutulungan tayo ng Tagapagligtas na gumawa ng mga nakabubuting pagpili

Maaaring kabilang sa isa sa mga katotohanang maaaring matukoy ng mga estudyante sa handout ang dahil ang ating katawan ay kaloob ng Diyos, inaasahan Niyang aalagaan natin ito.

Para matulungan ang mga estudyante na isipin kung paano sila matutulungan ng Ama sa Langit at ni Jesucristo na pangalagaan ang kanilang katawan, talakayin ang isang tanong tulad ng isa sa mga sumusunod:

Paano ninyo nakitang pinagpala ng Panginoon ang mga nagsisikap na pangalagaan ang kanilang pisikal na katawan?
Paano tayo matutulungan ng Ama sa Langit at ni Jesucristo na gumawa ng mas mabubuting pagpili sa pangangalaga ng ating katawan, kahit na hindi natin ito gusto?

Maaari mong anyayahan ang mga estudyante na magdagdag sa bahagi 4 ng chart ng mga nakabubuting pagpili mula sa simula ng lesson.

Tingnan ang chart na ginawa ninyo sa inyong study journal. Idagdag ang inyong mga sagot sa mga sumusunod na tanong:

Mula sa inyong napag-aralan, aling mga pagpili ang maaari ninyong iakma upang tulungang mapabuti ang inyong pisikal at emosyonal na kalusugan?
Paano ninyo isasama ang Ama sa Langit at si Jesucristo sa inyong mga pagsisikap?

Maaari kang magwakas gamit ang iyong patotoo tungkol sa Ama sa Langit, sa Kanyang plano ng kaligtasan, at mga pagpapalang nakita mo sa pagsisikap na gumawa ng mga nakabubuting pagpili.

Karagdagang Resources

Bakit ko dapat pangalagaan ang aking pisikal na katawan ngayon?

Itinuro ni Bishop Gérald Caussé, ang Presiding Bishop:

Maaaring iniisip ng ilan sa inyo na bilang mga kabataan, hindi na kayo makararanas ng mga pisikal na problema. Sa halip, ang mga gawi na itinatakda ninyo ngayon na nauukol sa inyong personal na kapakanan ay kapwa temporal at espirituwal na makaaapekto sa buong buhay ninyo. Hindi ninyo dapat pagtuunan ang pagsunod sa mga walang kabuluhang uso sa mundo. Hindi ito dapat umikot sa pagbabawas ng kaunting timbang o pagbubuhat ng dagdag na dalawampung libra upang maging kasing maskulado ng roommate ninyo! Ang mithiin ay ang gumaan ang pakiramdam at makahanap ng balanse sa temporal at espirituwal. Binibigyan kayo nito ng pinakamagandang pagkakataon na magkaroon ng mabuting kalusugan na panghabambuhay, na magdudulot sa inyo ng kagalakan at tiwala sa inyong mga kakayahan sa buhay na ito at ng mas mabuting kamalayan sa inyong walang-hanggang potensyal. (“Harmony of Body and Spirit: A Key to Happiness” [Debosyonal sa Brigham Young University, Okt. 13, 2020], 5, speeches.byu.edu)

Ibinahagi ni Pangulong Dieter F. Uchtdorf, na noon ay kabilang sa Unang Panguluhan:

Parang kakatwa kung iisipin na makakaugnay natin ang ating sarili, pero ginagawa natin iyon. May mga taong hindi kasundo ang kanilang sarili. Walang-sawa nilang binabatikos at minamaliit ang kanilang sarili hanggang sa kamuhian nila ang kanilang sarili. Iminumungkahi ko na bawasan ang pagmamadali at bigyan ng kaunting panahon na mas makilala ang inyong sarili. … Matutuhang tingnan ang sarili tulad ng pagtingin sa inyo ng Ama sa Langit—bilang Kanyang mahal na anak na babae o lalaki na may dakilang potensyal. (“Sa mga Bagay na Pinakamahalaga,” Liahona, Nob. 2010, 22)

Ano ang dapat kong gawin kung nahihirapan ako sa mga nakasasamang pagpili na may kaugnayan sa aking pisikal na katawan?

Ipinayo ni Elder David A. Bednar ng Korum ng Labindalawang Apostol:

14:33

Hindi natin matatamo ang kalagayan ng pagiging ganap sa buhay na ito, pero maaari at dapat tayong sumulong nang may pananampalataya kay Cristo sa makipot at makitid na landas at patuloy na sumulong patungo sa ating walang-hanggang tadhana. Ang huwaran ng Panginoon sa espirituwal na pag-unlad ay “taludtod sa taludtod, ng tuntunin sa tuntunin, kaunti rito at kaunti roon” (2 Nephi 28:30). Ang maliit, matatag, at nag-iibayong espirituwal na pagpapaunlad ay ang mga hakbang na gusto ng Panginoon na gawin natin. Ang paghahandang makalakad nang walang kasalanan sa harapan ng Diyos ay isa sa mga pangunahing layunin ng buhay at panghabambuhay na mithiin; hindi ito bunga ng pabugsu-bugsong paggawa ng mga masidhing espirituwal na bagay.

Pinapatotohanan ko na palalakasin at tutulungan tayo ng Tagapagligtas na gumawa ng patuloy at mabilis na pag-unlad. (“Clean Hands and a Pure Heart,” Liahona, Nob. 2007, 82)

Mga Karagdagang Aktibidad sa Pag-aaral

Karagdagang resources sa paggawa ng mga nakabubuting pagpili

Habang pinag-aaralan ng mga estudyante ang handout, maaari kang magbigay ng karagdagang resources na makatutulong sa kanila na sumagot sa mga tanong ni Maya.

Mabubuting Gawi sa Pagkain ng Masustansyang Pagkain: “Ang Word of Wisdom: Ano Ito, Ano ang Hindi Ito,” Liahona, Ago. 2019, 26–27
Magandang Pagtingin sa Katawan: “More Than a Body: Seeing as God Sees,” New Era, Ago. 2019, 8–11
Mga Gawi sa Pagtulog: “Six Ways to Get Your ZZZs,” Liahona, Mar. 2003, 68–69
Aktibong Pamumuhay: “Move More, Stress Less!” Ensign, Ago. 2004, 58–59
“Mga Pagpapala ng Word of Wisdom,” Liahona, Ago. 2021, 49

Ang karagdagang resources ay matatagpuan sa Healthy Living.

Naaapektuhan ng pangangalaga sa ating katawan ang ating nadarama

Maaaring makinabang ang mga estudyante mula sa mas mahusay na pag-unawa sa kung paano maaapektuhan ng mga pagpapasiya sa personal na kalinisan sa katawan ang ating pisikal at emosyonal na nadarama. Ang sumusunod ay maaaring maging karagdagang tanong sa panahon ng aktibidad ng handout.

Paano nakaaapekto ang aking personal na kalinisan sa aking nadarama?

Doktrina at mga Tipan 42:41
2 Corinto 7:1
“Mga Pangkalahatang Pamantayan para sa Pag-aayos ng Sarili,” Mga Pamantayan ng Missionary para sa mga Disipulo ni Jesucristo, 4.9.2

Itinuro ni Pangulong Gordon B. Hinckley (1910–2008) ang sumusunod:

Tunay ngang napakaganda ng isang palaayos na dalagang malinis sa katawan at isipan. Isa siyang anak ng Diyos na maipagmamalaki ng Amang Walang-Hanggan. Talagang kay guwapo ng isang binatang nag-aayos ng sarili. Isa siyang anak ng Diyos, itinuring na karapat-dapat na maging mayhawak ng banal na priesthood ng Diyos. (“A Prophet’s Counsel and Prayer for Youth,” Liahona, Ene. 2001, 2)

Ang kahalagahan ng ating pisikal na katawan

Para makatulong na patibayin ang katotohanan na bahagi ng plano ng Ama sa Langit ang ating pisikal na katawan, maaari mong ipanood ang isa sa mga sumusunod na video:

2:47
Lawrence E. Corbridge, “Inspiring Short: The Miracle of the Ordinary” (3:00)

Pagkatapos ay itanong sa mga estudyante kung paano tayo tinutulungan ng pangangalaga sa ating pisikal na katawan na isakatuparan ang ganap na layunin ng ating pagkalikha bilang bahagi ng plano ng Ama sa Langit.