« សុខភាពខាងរាងកាយ និងខាងសតិអារម្មណ៍ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« សុខភាពខាងរាងកាយ និងខាងសតិអារម្មណ៍ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
សុខភាពខាងរាងកាយ និងខាងសតិអារម្មណ៍
សុខភាពខាងរាងកាយ និងខាងសតិអារម្មណ៍
ទិដ្ឋភាពទូទៅ
ជាផ្នែកធម្មតានៃជីវិតរមែងស្លាប់របស់យើង យើងប្រឈមមុខនឹងឧបសគ្គខាងផ្លូវចិត្ត ខាងសតិអារម្មណ៍ និងខាងរាងកាយជាច្រើន ។ នៅពេលដែលយើងទាញយកកម្លាំងមកពីព្រះវរបិតាសួគ៌ និងព្រះយេស៊ូវគ្រីស្ទ នោះទ្រង់ទាំងទ្វេនឹងជួយយើងឲ្យមានភាពធន់ខាងសតិអារម្មណ៍ រៀនជំនាញដោះស្រាយដែលវិជ្ជមានសម្រាប់អ្វីក៏ដោយដែលយើងប្រឈមមុខ ។ មេរៀនខាងក្រោមនេះលើកទឹកចិត្តសិស្សឲ្យថែរក្សារូបកាយរបស់ពួកគេ អភិវឌ្ឍលំនាំការគិតវិជ្ជមាន និងស្វែងរកជំនួយរបស់ព្រះអម្ចាស់ជាមួយនឹងអារម្មណ៍ដូចជាភាពតានតឹង ការថប់បារម្ភ ភាពសោកសៅ ការធ្លាក់ទឹកចិត្ត កំហឹង ហើយនឹងនៅក្នុងការបង្កើតទម្លាប់វិជ្ជមាន ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗ អំពីអ្វីដែលអ្នកអាចនឹងត្រូវរៀបចំសម្រាប់មេរៀននីមួយៗ ។
ការផ្ដល់យោលបល់ស្តីពីល្បឿនបង្រៀន ៖ មេរៀនទាំងនេះអាចបង្រៀននៅពេលណាមួយក៏បាននៅក្នុងឆ្នាំសិក្សា ឬក្នុងអំឡុងសប្តាហ៍ណាមួយនៅក្នុងកាលវិភាគ ចូរមកតាមខ្ញុំ ។ ទោះជាយ៉ាងណាក្តី មេរៀនទី ១៨១ ៖ « ការស្ថាបនាភាពរឹងមាំខាងសតិអារម្មណ៍នៅក្នុងព្រះអម្ចាស់ » និង មេរៀនទី ១៨៣ ៖ « ការស្ថាបនាគន្លងនៃការគិតដែលមានភាពវិជ្ជមាន » ផ្ដល់នូវការយល់ដឹងជាមូលដ្ឋាន និងជំនាញសម្រាប់មេរៀនទាំងឡាយដែលនៅបន្ទាប់ពីមេរៀនទាំងនេះនៅក្នុងផ្នែកនេះ ។ ការបង្រៀនមេរៀនទាំងនេះមុនពេលមេរៀនផ្សេងទៀតនៅក្នុងផ្នែកនេះអាចជួយសិស្សឲ្យរៀនជំនាញដែលពួកគេអាចអនុវត្តបាន ខណៈពេលរៀនសូត្រអំពីវិធីសាស្ដ្រវិជ្ជមានដើម្បីតទល់នឹងអារម្មណ៍របស់ពួកគេ ។
ការស្ថាបនាភាពរឹងមាំខាងសតិអារម្មណ៍នៅក្នុងព្រះអម្ចាស់
ការផ្ដល់យោលបល់ស្តីពីល្បឿនបង្រៀន ៖ អ្នកអាចពិចារណាបង្រៀនមេរៀននេះនៅក្នុងពេលតែមួយដែលអ្នកបង្រៀនមេរៀនទី ៦១ ៖ « យ៉ូស្វេ ១ » ។ ខទី ៨ អញ្ជើញយើងឲ្យទទួលបានកម្លាំង និងភាពក្លាហានដែលព្រះអម្ចាស់បានសន្យាចំពោះអស់អ្នកដែលត្រិះរិះពិចារណា ( ជញ្ជឹងគិត ) អំពីព្រះបន្ទូលរបស់ទ្រង់ នៅពេលដោះស្រាយបញ្ហាលំបាកៗ ។
គោលបំណងមេរៀន ៖ ដើម្បីជួយសិស្សទាញយកកម្លាំងមកពីព្រះវរបិតាសួគ៌ និងព្រះយេស៊ូវគ្រីស្ទដើម្បីទប់ទល់នឹងឧបសគ្គខាងសតិអារម្មណ៍របស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពី ឬសួរនរណាម្នាក់ដែលពួកគេស្គាល់អំពីបទពិសោធន៍ដែលពួកគេបានមាននៅក្នុងការប្រឈមមុខនឹងអារម្មណ៍ពិបាកៗ ។ បើសមរម្យ ពួកគេអាចរៀបចំដើម្បីចែកចាយបទពិសោធន៍នេះជាមួយសិស្សក្នុងថ្នាក់ ។
-
សម្ភារដែលត្រូវបង្ហាញ ៖ រូបភាពនៃដើមឈើពីរដើម—មួយដែលត្រូវដួលរលំដោយសារខ្យល់បក់បោកខ្លាំង ហើយមួយទៀតដែលចាក់ឬសជាប់នឹងដី សេចក្តីថ្លែងការណ៍មកពីអែលឌើរ នែល អិល អាន់ឌើរសិន
-
វីដេអូ ៖ « ខ្យល់គួចខាងវិញ្ញាណ » នាទីទី ០:០០ ដល់ ១:១០ និងនាទីទី ១:៣៣ ដល់ ២:១២ « ខ្យល់គួចខាងវិញ្ញាណ » នាទីទី ៣:៤៥ ដល់ ៤:១២ និងនាទីទី ៤:១២ ដល់ ៤:៤៨
ការថែរក្សារូបកាយខាងសាច់ឈាមរបស់យើង
គោលបំណងមេរៀន ៖ ដើម្បីជួយសិស្សឲ្យយល់ពីរបៀបដែលការជ្រើសរើសរបស់យើងប៉ះពាល់ដល់សុខភាពខាងរាងកាយ និងខាងសតិអារម្មណ៍របស់យើង ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីជម្រើសខាងសុខភាពរបស់ពួកគេ ( ការទទួលទាន ដំណេក ការហាត់ប្រាណ ។ល។ ) នៅសប្តាហ៍មុន ។ សូមលើកទឹកចិត្តពួកគេឲ្យវាយតម្លៃពីរបៀបដែលការជ្រើសរើសទាំងនោះមានឥទ្ធិពលលើរបៀបដែលពួកគេមានអារម្មណ៍ខាងរាងកាយ និងខាងសតិអារម្មណ៍ ។
-
សម្ភារដែលត្រូវបង្ហាញ ៖ រូបភាពរបស់ក្មេងវ័យជំទង់ម្នាក់ដែលធ្វើការជ្រើសរើសអវិជ្ជមានជាច្រើន
-
សំណៅមេរៀន ៖ « ការមើលថែរូបកាយខាងសាច់ឈាមរបស់យើង »
ការស្ថាបនាគន្លងនៃការគិតដែលមានភាពវិជ្ជមាន
គោលបំណងមេរៀន ៖ ដើម្បីជួយសិស្សឲ្យមើលទៅព្រះអង្គសង្រ្គោះនៅពេលពួកគេស្ថាបនាគន្លងនៃការគិតដែលមានភាពវិជ្ជមាន ។
-
ការរៀបចំសិស្ស ៖ សូមអញ្ជើញសិស្សឲ្យយកចិត្តទុកដាក់ចំពោះគំនិតដែលពួកគេមានពេញមួយថ្ងៃ ។ ពួកគេថែមទាំងអាចគិតពិចារណាពីរបៀបដែលគំនិតទាំងនោះធ្វើឲ្យពួកគេទទួលអារម្មណ៍ ។
-
សម្ភារដែលត្រូវបង្ហាញ ៖ គំនូរពីរចេញពីមេរៀន រូបភាពមនុស្សចង្កឹះពីរ ផ្លូវ រណ្តៅ ពពុះគំនិត
-
វីដេអូ ៖ « Filling Our Minds with the Power of Jesus Christ » ( ២:០៧ )
ការគ្រប់គ្រងភាពតានតឹង និងការថប់បារម្ភ
ការផ្ដល់យោលបល់ស្តីពីល្បឿនបង្រៀន ៖ មេរៀននេះប្រើជំនាញដែលបានបង្ហាញដោយការទូន្មានរបស់យេត្រូទៅកាន់ម៉ូសេនៅក្នុង និក្ខមនំ ១៨ ដើម្បីជួយយើងគ្រប់គ្រងអារម្មណ៍នៃភាពតានតឹង និងការថប់បារម្ភ ។ អ្នកអាចពិចារណាបង្រៀនមេរៀននេះនៅអំឡុងមេរៀននៅក្នុង ចូរមកតាមខ្ញុំ នៃសប្តាហ៍ និក្ខមនំ ១៤–១៨ ។
គោលបំណងមេរៀន ៖ ដើម្បីជួយសិស្សឲ្យអនុវត្តជំនាញដែលប្រើប្រាស់ព្រះចេស្ដារបស់ព្រះអង្គសង្រ្គោះដើម្បីគ្រប់គ្រងភាពតានតឹង និងការថប់បារម្ភ ។
-
ការរៀបចំសិស្ស ៖ អញ្ជើញសិស្សឲ្យគិតពីស្ថានភាពនៅពេលដែលពួកគេមានអារម្មណ៍តានតឹង ឬថប់បារម្ភ និងរបៀបដែលពួកគេអាចបែរទៅរកព្រះអម្ចាស់សម្រាប់ជំនួយ ។
-
សម្ភារដែលត្រូវបង្ហាញ ៖ សេចក្តីថ្លែងការណ៍ដោយប្រធាន រ័សុល អិម ណិលសុន
-
វីដេអូ ៖ « ព្រះវិហារបរិសុទ្ធ និងគ្រឹះខាងវិញ្ញាណរបស់បងប្អូន » ចាប់ពីនាទីទី ៥:៣៣ ដល់ ៥:៥៥
-
សំណៅមេរៀន ៖ « ភាពតានតឹង និងការថប់បារម្ភ »
ការតទល់នឹងភាពសោកសៅ និងការធ្លាក់ទឹកចិត្ត
ការផ្ដល់យោលបល់ស្តីពីល្បឿនបង្រៀន ៖ ផ្នែកមួយនៃមេរៀននេះបង្រៀនពីរបៀបជាច្រើនដែលព្រះអម្ចាស់អាចជួយសិស្សឲ្យដោះស្រាយភាពសោកសៅ និងការធ្លាក់ទឹកចិត្ត ដូចដែលទ្រង់បានធ្វើជាមួយអេលីយ៉ា ។ អ្នកអាចពិចារណាបង្រៀនមេរៀននេះនៅក្នុងពេលតែមួយដែលអ្នកបង្រៀនមេរៀនទី ៨២ ៖ « ពង្សាវតារក្សត្រ ទី១ ១៨ » ។
គោលបំណងមេរៀន ៖ ដើម្បីជួយសិស្សយល់ពីរបៀបដែលព្រះវរបិតាសួគ៌ និងព្រះយេស៊ូវគ្រីស្ទនឹងជួយពួកគេស៊ូទ្រាំនឹងអារម្មណ៍សោកសៅ និងការធ្លាក់ទឹកចិត្ត ។
-
ការរៀបចំសិស្ស ៖ សូមអញ្ជើញសិស្សឲ្យស្វែងរកបទគម្ពីរ ឬសម្រង់សម្តីមកពីថ្នាក់ដឹកនាំសាសនាចក្រដែលអាចជួយនរណាម្នាក់ផ្ដោតលើព្រះវរបិតាសួគ៌ និងព្រះយេស៊ូវគ្រីស្ទ នៅពេលពួកគេសោកសៅ ឬធ្លាក់ទឹកចិត្ត ។ ពួកគេអាចរៀបចំដើម្បីចែកចាយបទគម្ពីររបស់ពួកគេជាមួយសិស្សក្នុងថ្នាក់ ។
-
សម្ភារដែលត្រូវបង្ហាញ ៖ រូបភាពរបស់អ្នកឡើងភ្នំស្ពាយកាបូបធ្ងន់ៗ ។ សេចក្តីថ្លែងការណ៍មកពីប្រធាន រ័សុល អិម ណិលសុន រូបភាពអេលីយ៉ា
-
វីដេអូ ៖ « Because Jesus Christ died … » ( ១:០៦ ), « Rise » ( ១:៤២ ), « Mental Health: Compassion for Those Who Struggle » ( ២:២៦ )
-
សំណៅមេរៀន ៖ « ព្រះអម្ចាស់ជួយយើងឲ្យស៊ូទ្រាំ »
ការគ្រប់គ្រងកំហឹង
ការផ្ដល់យោលបល់ស្តីពីល្បឿនបង្រៀន ៖ មេរៀននេះប្រើដំណើររឿងរបស់យ៉ាកុប និងអេសាវ ដើម្បីបង្ហាញពីតម្រូវការក្នុងការឆ្លើយតបដោយសមស្របចំពោះអារម្មណ៍នៃកំហឹង ។ វាអាចមានប្រយោជន៍ដើម្បីបង្រៀនមេរៀននេះនៅជិតមេរៀនទី ៣០ ៖ « លោកុប្បត្តិ ២៥–២៧ » ។
គោលបំណងមេរៀន ៖ ដើម្បីជួយសិស្សឲ្យធ្វើតាមគំរូរបស់ព្រះយេស៊ូវគ្រីស្ទនៅពេលប្រឈមនឹងអារម្មណ៍ខឹង ។
-
ការរៀបចំសិស្ស ៖ សូមអញ្ជើញសិស្សឲ្យរៀបរាប់ស្ថានភាពដែលពួកគេអាចត្រូវបានល្បួងឲ្យឆ្លើយតបដោយកំហឹង ។ ពួកគេក៏អាចវាយតម្លៃថាតើពួកគេខឹងញឹកញាប់ប៉ុនណា និងរបៀបដែលពួកគេគ្រប់គ្រងអារម្មណ៍ទាំងនេះ ។
-
សម្ភារដែលត្រូវបង្ហាញ ៖ កំប៉ុងទឹកក្រូចមួយកំប៉ុង ឬរូបភាពកំប៉ុងទឹកក្រូច រូបភាពកំប៉ុងទឹកក្រូចដែលបានក្រឡុកកំពុងតែបើក និងរូបភាពអេសាវ
-
វីដេអូ ៖ « Jacob and Esau » នាទីទី ១:១០ ដល់ ១:៥៣
-
សំណៅមេរៀន ៖ « ជំហានដើម្បីគ្រប់គ្រងកំហឹង »
ការអភិវឌ្ឍទម្លាប់វិជ្ជមាន
គោលបំណងមេរៀន ៖ ដើម្បីជួយសិស្សដើម្បីស្វែងរកជំនួយពីព្រះវរបិតាសួគ៌ និងព្រះយេស៊ូវគ្រីស្ទ ដើម្បីអភិវឌ្ឍទម្លាប់វិជ្ជមាន ។
-
ការរៀបចំសិស្ស ៖ អញ្ជើញសិស្សឲ្យគិតអំពីអ្វីៗដែលពួកគេធ្វើជារៀងរាល់ថ្ងៃ ដែលបានប្រែក្លាយជាទម្លាប់ ។ ពួកគេក៏អាចគិតពិចារណាពីរបៀបដែលទម្លាប់ទាំងនេះ ទាំងល្អ និងអាក្រក់គឺប៉ះពាល់ដល់ការរីកចម្រើនផ្នែកខាងវិញ្ញាណរបស់ពួកគេ ។
-
សម្ភារដែលត្រូវបង្ហាញ ៖ រូបភាពនៃបំណះស្មៅ សួនច្បារ ផ្កា និងស្មៅ ។ សេចក្តីថ្លែងការណ៍របស់ប្រធាន ជែហ្វ្រី អ័រ ហូឡិន
-
សំណៅមេរៀន ៖ « ការបង្កើតទម្លាប់ដែលវិជ្ជមាន »