Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дуудлагаа хүлээн авч, биелүүлэх: Аврагчийн адилаар үйлчлэх нь

“Дуудлагаа хүлээн авч, биелүүлэх: Аврагчийн адилаар үйлчлэх нь,” Хуучин Гэрээний семинарын багшийн гарын авлага (2026)

“Дуудлагаа хүлээн авч, биелүүлэх нь: Аврагчийн адилаар үйлчлэх нь,” Хуучин Гэрээний семинарын багшийн гарын авлага

176-р хичээл: Өсвөр үеийнхний бат бөх байдлын төлөө

Дуудлагаа хүлээн авч, биелүүлэх

Аврагчтай адил үйлчлэх нь

Дуудлага бол чадавхаа хөгжүүлэх, Их Эзэнд илүү ойртох агуу боломж юм. Гэвч зарим суралцагч одоо болон ирээдүйд дуудлага хүлээн авахдаа халгаж магадгүй юм. Энэ хичээл Аврагчийн адилаар дуудлагадаа үйлчлэхэд нь суралцагчдад тусална.

Суралцагчийн бэлтгэл: Суралцагчдад дараах жишээ болон асуултуудыг өг. Тэднээс юу гэж хэлэхээ төсөөлөхийг хүс.

Боломжит суралцах үйл ажиллагаа

Та нарт ямар санагдаж байна вэ?

Дараах жишээг хуваалцаж, доорх асуултуудыг тавьснаар хичээлээ эхлүүл. Суралцагчдадаа илүү хамаатай болгохын тулд жишээг бага зэрэг өөрчил.

Эвлин хэмээх нэгэн залуу эмэгтэй бишопын зөвлөлийн гишүүнтэй уулзах гэж байна. Тэрээр Эвлинийг өөртэй нь уулзахыг уриад, түүнээс бодож үзэхийг хүссэн дуудлага байгаагаа хэлжээ. Эвлин өмнө нь хэзээ ч дуудлага хүлээн авч үзээгүй байв.

Шаардлагатай бол “Их Эзэн өнөө үед Өөрийн үйлчлэгчдийн сүнсээр өдөөгдсөн урилгаар дамжуулж эрэгтэй, эмэгтэйчүүдийг Сүмд үйлчлүүлэхээр дууддаг. Үйлчлэх эдгээр боломжийг дуудлага гэдэг” (Gospel Library, Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь, 30.0) гэснийг тайлбарла.

Эвлинээс ямар дуудлага биелүүлэхийг хүсэж байж болох вэ?

Суралцагчдын хэлж болох зарим хариулт нь ангийн ерөнхийлөгчийн зөвлөлд, тойргийнхоо номлогчийн болон гэр бүлийн түүхийн хороон дээр, тойргийнхоо хэн нэгэнд тохинуулах гэх зэрэг байж болно.
Эвлинд ямар санагдах бол? Яагаад?

Суралцагчдын хуваалцаж болох зарим жишээ нь тэрээр сайн хийж чадахгүй байх вий гэж эмээж байгаа, завгүй байхдаа өөр үүрэг хариуцлага хүлээх талаар санаа зовж байгаа эсвэл бусдад туслах өөр арга замыг хайж байсан учраас үйлчлэхдээ баяртай байгаа гэх мэт байж болно.
Дуудлага хүлээн авч, биелүүлэх талаар та Эвлинийг юу мэдээсэй гэж хүсэж байна вэ?

Дуудлага хүлээн авч, биелүүлэхэд хэр бэлтгэлтэй байгаагаа цаг гарган тунгаан бод. Та нар энэ хичээлийг судалж байхдаа дуудлага хүлээн авч, үйлчлэхэд тань юу хамгийн сайн тусалж болохыг мэдэж, мэдрэхийн тулд Их Эзэнээс удирдамж эрэлхийл.

Бид яагаад дуудлага хүлээн авч, биелүүлдэг вэ?

Арван хоёр төлөөлөгчийн чуулгын ахлагч Дийтр Ф.Угдорф бид дуудлагыг хүлээн авч, биелүүлдэг олон шалтгааны нэгийг ийн заасан.

19:39

Аврагчийн ажилд “өчүүхэн мөн энгийн зүйлүүдээр агуу их зүйлүүд улиран авчрагддаг” [Алма 37:6] нь олонтоо.

Бид ямар нэгэн зүйлийг сайн хийж сурахын тулд ахин дахин давтах шаардлагатай гэдгийг мэддэг. Кларнет хөгжим тоглох, тор луу бөмбөг өшиглөж оруулах, машин засах, онгоц хөөргөх гээд юу ч байсан гэсэн бид дадлага хийснээр илүү сайжирдаг.

Аврагчийн дэлхий дээр бүтээн байгуулсан байгууллага буюу Есүс Христийн Хожмын Үеийн Гэгээнтнүүдийн Сүм бидэнд үүнийг хийхэд тусалдаг. Энэ нь Түүний заасан замаар амьдарч, Түүний арга замаар бусдыг адислахын тулд дадлага хийх газраар хангадаг.

Сүмийн гишүүдийн хувьд бидэнд бусдад өрөвч энэрэнгүй сэтгэлээр үйлчлэх мөн тохинуулах дуудлага, үүрэг хариуцлага, боломжууд өгөгддөг. (“Итгэ, хайрла, үйлд,” 2018 оны 10-р сарын Ерөнхий чуулган, 58)

Та нар ахлагч Угдорфын заасан зүйлийг хэрхэн нэгтгэн дүгнэх вэ?

Суралцагчид өөр өөр үнэнийг хуваалцаж болох юм. Эдгээр үнэн яагаад чухал болохыг тайлбарлахыг тэднээс хүс. Хэрэв суралцагчид аяндаа дурдахгүй байвал дараах үнэнийг самбарт бич. Сүмийн дуудлага нь Аврагчийн адилаар бусдыг адисалж, тэдэнд үйлчлэх боломж юм.

Аврагчийн зургийг харуулаад, дараах асуултуудыг тавь. Суралцагчид хариултаа Аврагчийн зургийг тойруулан бичиж болно.
Хэзээ хэн нэгэн та нарт Аврагч шиг үйлчилж байсан бэ? Энэ нь та нарт хэрхэн нөлөөлсөн бэ?
Хэн нэгэн хүн дуудлага хүлээн авахдаа санаа зовж байсан ч яагаад Аврагчийн адилаар бусдад үйлчлэхийг хүсэж болох вэ?
Дуудлагууд нь ямар арга замаар Аврагчтай адил бусдыг адисалж, тэдэнд үйлчилж сурахад бидэнд тусалдаг вэ?

Аврагчийн адилаар үйлчлэх нь

Дараах үйл ажиллагаа нь дуудлагад үйлчлэх талаар эргэлзэж байсан зүйлээ даван туулахад эсвэл дуудлагаа биелүүлэх хичээл зүтгэлээ сайжруулах арга замуудыг олж мэдэхэд суралцагчдад тусална. Тэд ганцаараа эсвэл жижиг бүлэгт хуваарилагдан үүнийг гүйцэтгэж болно.

Аврагчийн Сүм дэх дуудлагыг хүлээн авч, биелүүлэх талаар бодож үзэхэд тань тусалж чадна гэж бодсон тараах материал дээрх жишээнүүдээс нэгийг эсвэл олныг судал.

Суралцагчдыг үйл ажиллагааг хийж дууссаны дараа юу сурч мэдсэнээ болон энэ нь Аврагчийн адилаар дуудлагаа хүлээн зөвшөөрч, үйлчлэхийг хичээхэд нь хэрхэн нөлөөлсөн тухай хуваалцахад тэднийг урь.

“Би Есүс шиг байхыг хичээнэ“ (Хүүхдийн дууны ном, 40–41) дууг дуулах юм уу унш. Дараа нь, одоо эсвэл ирээдүйд өөрсдийн дуудлагадаа Аврагчийн адилаар үйлчлэхийн тулд хийхийг хүсэж буй нэг зүйлээ бичихэд суралцагчдыг урь.

Нэмэлт эх сурвалж

Би дуудлагын талаар юу мэдэх ёстой вэ?

Тэргүүн зөвлөлийн ерөнхийлөгч Хэнри Б.Айринг ийн амласан.

Нэгдүгээрт, таныг Бурхан дуудсан. Их Эзэн таныг мэддэг. Тэр Өөрийнхөө Сүмийн дуудлага бүрд хэнийг үйлчлүүлэхээ мэддэг. Тэр таныг сонгосон. Тэрбээр та нарын дуудлагыг өгөх замыг бэлдсэн билээ. …

… Та нарын мэдэх хэрэгтэй хоёр дахь зүйл … бол Их Эзэн та нарыг дуудсан шигээ та нарыг илчлэлээр удирдах болно. Та нар юу хийх ёстойгоо мэдэхийн тулд илчлэлийг итгэлээр гуйх ёстой. Та нарын дуудлагатай хамт хариулт ирнэ гэсэн амлалт ирдэг. …

Та нарын мэдэх хэрэгтэй гурав дахь зүйл бий. Бурхан та нарыг дуудаж, удирдан чиглүүлдэг шигээ Тэрээр та нарыг өсгөх болно. …

… Их Эзэн хүч чадлыг тань олон дахин үржүүлэх болно. Түүний хүсдэг зүйл гэвэл биднээс бүх хүчээ дайчилж, бүх зүрх сэтгэлээ зориулаасай гэж хүсдэг. Үүнийг баяр хөөртэйгөөр мөн итгэлээр залбирч хий. Эцэг мөн Түүний Хайрт Хүү та нарыг хөтлөн удирдах Ариун Сүнсийг хамтрагч болгон илгээх болно. Та нарын хүчин чармайлт үйлчилж буй хүмүүсийн тань амьдралд улам үржигдэн өсөх болно. (“Rise to Your Call,” Liahona, Nov. 2002, 76–78)

Бусад туслах эх сурвалж:

Elder Ming-Shun (Vincent) Kuan, “Accepting Callings When We Are Not Quite Ready or Adequately Prepared,” Liahona, Sept. 2018.
Рян Карр, “Аврагчтай адил удирдах нь,” Лиахона, 2014 оны 7-р сар, 117–120.

Бид яагаад дуудлагадаа тусалж чадах хүмүүс дээр анхаарлаа төвлөрүүлэх хэрэгтэй вэ?

Арван хоёр төлөөлөгчийн чуулгын ахлагч Жэффри Р.Холланд ийн заасан.

[Аврагч] ажлаа үргэлж хүмүүсээс эхэлдэг. Тэрээр өмнө нь зогсож буй бүхнийг үргэлж Бурханы хүүхэд хэмээн үздэг. Энэ хүмүүст хийж гүйцэтгэх ёстой ажлууд байсан. Зарим нь хувийн наманчлал, зарим нь хаант улсыг нийтэд нь залах гэх мэт ойрын жижиг зүйлээс эхлээд агуу том зүйл хүртэл бүх зүйл. Гэхдээ Тэрээр ажлаа үргэлж хүмүүсээс эхэлдэг.

Бурханд хүмүүсийн ажил үйлс хамаатай. Хувь хүмүүс, гэр бүлүүдийг аврах нь Түүний ажил, Түүний алдар суу билээ. Иймд бид ч мөн ажлаа хүмүүсээс эхлэх ёстой гэж би бодож байна. Тэгээд бид нэг нэгнээ тэврээд сайн мэдээний хэлхээ холбоог бий болгодог мөн Аврагчийн дүр төрхийг өмнөө залаад, тэгээд дэлхий ертөнцийг даван туулах боломжтой болдог. (Jeffrey R. Holland, “Leading as the Savior Would Lead,” ChurchofJesusChrist.org)

Нэмэлт суралцах үйл ажиллагаа

Их Эзэний хаант улсад чухал ажил хийж буй өсвөр үеийнхний жишээ

Дараах нь хичээлийг эхлүүлэх өөр арга юм.

Судрын ямар ямар түүх Их Эзэн өсвөр үеийнхнийг Өөрийн хаант улсад чухал ажил хийхэд урьдаг тухай харуулдаг вэ?
Өнөө үед өсвөр үеийнхэн Их Эзэний ажилд ямар арга замаар идэвхтэй хувь нэмэр оруулж байна вэ?
Өсвөр үеийнхэн ямар дуудлага хүлээн авч болох вэ?

Нэмэлт дасгал

Та дараах үйл ажиллагааг нэмэлтээр эсвэл тараах материал дээрх үйл ажиллагааны оронд ашиглаж болно.

Үйл ажиллагаа: Хэрэв би дуудлагадаа үйлчлэхдээ юунд анхаарлаа хандуулах ёстойгоо сайн мэдэхгүй байвал

Ерөнхийлөгч Рассэлл М.Нэлсоны дараах мэдэгдлийг унш.

Бидний Сүмд хийдэг бүх зүйл, үйл ажиллагаа, хичээл бүр Их Эзэн рүү болон Түүний ариун өргөө рүү чиглэдэг. (Russell M. Nelson, “Personal Preparation for Temple Blessings,” Ensign, May 2001, 32)

Та нарыг Аврагчид илүү ойртуулсан өсвөр үеийнхний ямар хичээл эсвэл үйл ажиллагаа байдаг вэ?
Аврагчид илүү ойртох нь яагаад чухал вэ?

2 Нифай 25:26-г уншаад, Нифай өөрийнхөө болон бусад хүний удирдагчийн хувиар хийсэн зүйлийн талаар юу гэж хэлснийг олж мэд.

Бид дуудлагадаа үйлчлэхдээ бусдыг Есүс Христ рүү хөтөлж болох ямар арга зам байдаг вэ?
Та нар энэ хэсгээс Аврагчийн адилаар дуудлагуудыг хүлээн авч, тэдгээрт үйлчлэх хүсэлтэй байхад чинь туслах юуг сурч мэдсэн бэ?