Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Зорилго тавих: Үр дүнтэй зорилго тавих, үүндээ хүрэх

“Зорилго тавих: Үр дүнтэй зорилго тавих, үүндээ хүрэх,” Хуучин Гэрээний семинарын багшийн гарын авлага (2026)

“Зорилго тавих: Үр дүнтэй зорилго тавих, үүндээ хүрэх,” Хуучин Гэрээний семинарын багшийн гарын авлага

172-р хичээл: Өсвөр үеийнхний бат бөх байдлын төлөө: Сонголт хийх нь

Зорилго тавих

Үр дүнтэй зорилго тавих, үүндээ хүрэх

Олон хүн зорилго тавьж, үүндээ хүрэхээр адислагдсан байдаг ч зарим нь зорилгоо хойш тавьж эсвэл бүтэлгүйтвэл сэтгэлээр унадаг. Их Эзэн биднийг Өөртэй нь болон Тэнгэрлэг Эцэгтэй адил болоосой хэмээн хүсдэг (3 Нифай 12:48-ыг үзнэ үү). Тэрээр биднийг сурч, өсөж хөгжих үед бидэнд туслах болно. Энэ хичээл суралцагчдад Их Эзэний тусламжтайгаар хувийн зорилгоо тавьж, үүндээ хүрэхээр суралцах үедээ Түүнд илүү ойртоход тусалж чадна.

Суралцагчийн бэлтгэл: Биелүүлэхийг хүсэж буй урт, богино хугацааны зорилгуудаа тунгаан бодоход суралцагчдыг урь. Тэд мөн таньдаг хүмүүсээсээ зорилго тавьж, түүндээ хүрэх талаар юу сурсан талаар нь асууж болно.

Боломжит суралцах үйл ажиллагаа

Зорилго ба сонголт

Дараах бүдүүвч зургийг самбар дээр зурж хичээлийг эхлүүл. Судлах тэмдэглэлдээ ижил зургийг зурахад суралцагчдыг урь.

Суралцагчид хариултаа баруун гар талд байх зураасан хүний дүрс бүрийн хажууд бичиж болно.

Та гурван сарын дараа юунд хүрэхийг хүсэж байна вэ? Нэг жилийн дараа? 5 жилийн дараа?

Дараах асуултуудын талаар суралцагчдыг тунгаан бодоход урь. Суралцагчид хүсвэл дараа нь хариултаа ангийнхантайгаа хуваалцаж болно.
Эдгээр зорилгын талаар бодох үед та нарт ямар бодол, мэдрэмж төрж байна вэ? Яагаад?

Тэнгэрлэг Эцэг, Есүс Христ хоёр та нарыг өөрийнхөө хамгийн сайн хувилбар болоосой, эцэст нь бүр Тэдэн шиг болоосой хэмээн хүсдэг (3 Нифай 12:48-ыг үзнэ үү). Хувийн зорилгоо тавьж, үүндээ хүрэхэд тань Тэд хэрхэн тусалж чадахыг харахын тулд Сүнсний удирдамжийг өнөөдрийн хичээлээр эрэлхийл.

Их Эзэний тусламж

Арван хоёр төлөөлөгчийн чуулгын ахлагч Үлиссэс Соарэсын хэлсэн дараах мэдэгдлийг уншиж, зорилго тавьж, түүндээ хүрэх талаар юу сурснаа олж мэд.

Бидний зорилго, зөв шударга зорилтууддаа Их Эзэнээс хүлээн авах тусламж хязгааргүй бөгөөд Тэрээр биднийг ямар ч сайн бөгөөд зөв шударга хичээл зүтгэлд дэмждэг. … Би та бүхнийг нөхцөл байдлаасаа үл хамааран амьдралдаа зөв шударга зорилгыг хэрэгжүүлэх арга замуудын талаар бодож үзээрэй гэж урьж байна. Их Эзэн бидний хүн нэг бүрийг хайрладаг бөгөөд бидэнд тулгарч байгаа нөхцөл байдлаас үл хамааран Тэр үргэлж бидэнд туслахад бэлэн байдаг гэдгийг би та нарт батлан хэлж байна. (Gospel Library, Liahona, Jan. 2023, “Goals, Growth, and Progress—Recent Messages from Prophets and Apostles,” [зөвхөн дижитал нийтлэл])

Ахлагч Соарэсын захиас зорилго тавих, үүндээ хүрэхтэй хэрхэн холбогдож болох вэ?

Суралцагчид өөр өөрөөр хэлж болох ч Их Эзэн бидэнд зөв шударга зорилго тавьж, үүндээ хүрэхэд тусална гэдгийг олж харахад тэдэнд тусал. Энэ үнэнийг самбар дээр бичиж болно.

Дараа нь самбарт хичээлийн эхэн дэх бүдүүвч зургийн дээр Их Эзэн гэж бичээд, дараах асуултыг тавь.
Таныг зорилго тавьж, зорилгодоо хүрэхээр эрэлхийлэх үед Их Эзэн танд туслах болно гэдгийг мэдэх нь таны хувьд хэр чухал вэ?

Бид боловсрол, харилцаа, эрүүл мэнд зэрэг амьдралынхаа олон талбарт зорилго тавьж чадна гэдгийг тайлбарлах нь тустай байж болох юм. Христийнхтэй адил арга замаар өсөж хөгжих, сайжрах эсвэл ахиц дэвшил гаргах аливаа хүчин чармайлт нь зөв шударга зорилго байж болно.

Зарим суралцагч зорилго тавихдаа амжилт олохоосоо илүүтэй бүтэлгүйтдэг гэж боддог учраас сэтгэлээр унадаг. Эдгээр суралцагчид туслахын тулд дараах асуултыг тавь.
Бид зорилгодоо хүрч чадаагүй үедээ ахлагч Соарэсын заасан шиг, Их Эзэн бидэнд хайртайг мөн бидэнд туслахад бэлэн байдгийг санах нь яагаад чухал вэ?

Та 2 Нифай 4:17–21, 26–28-ыг уншаад, Нифай алдаа дутагдлаа мэдэрч байх үедээ Их Эзэнд хэрхэн хандсаныг олж мэдэхэд суралцагчдыг урьж болно.

Бидний зорилго боломжгүй мэт санагдсан үед ч гэсэн Их Эзэн бидэнд хэрхэн тусалж чадах тухай жишээ болгохын тулд Абрахамын жишээг ашигла. Суралцагчид 22-р хичээл: “Абрахам 1”-ээс энэ түүхийг аль хэдийн давтан уншсан байж болох юм. Хэрэв тийм бол та доорх үйл ажиллагааг суралцагчдын хэрэгцээнд тохируулан өөрчилж болно.

Абрахам Их Эзэний бошиглогчоор дуудагдахаасаа хэдэн жилийн өмнө ёс бус, хиймэл шүтээний нутаг дээр өссөн. Бүр төрсөн эцэг нь хүртэл “[түүний] амийг авах” (Aбрахам 1:30) гэж шийдсэн байв.

Абрахам 1:1–2, 4-ийг уншаад, Абрахамын өөртөө тавьсан зорилгыг олж мэд.

Та нар юу олж мэдсэн бэ?
Абрахамын нөхцөл байдлыг бодож үзвэл зорилгодоо хүрэх нь хэр хэцүү байсан бэ?

Их Эзэн гайхамшигтай байдлаар Абрахамын амийг аварч, зөв шударга зорилгуудаа гүйцэлдүүлэхэд нь түүнд тусална хэмээн амласан (Aбрахам 1:15–20-ийг үзнэ үү).

Абрахам 1:18–19-ийг уншаад, Их Эзэн хэрхэн Абрахамд тусалж байсныг олж мэд.

Танд Абрахамд тохиолдсон явдал зорилгынхоо талаар бодоход тань хэрхэн нөлөөлж болох вэ?
Тэнгэрлэг Эцэг, Есүс Христ хоёр танд эсвэл таны таньдаг хэн нэгэнд зөв шударга зорилго тавьж биелүүлэхэд нь хэрхэн тусалсан бэ?

Зорилго тавих үйл явц

Тараах материал дээрх зарчмуудыг дахин харж, дараах асуултуудад хариулахад бэлд.

Энэ үйл явцын аль хэсгийг та сайн хийдэг вэ? Таны хувьд аль хэсэг хамгийн хэцүү вэ? Яагаад?
Энэ үйл явцын туршид Их Эзэнийг оролцуулж, Түүний тусламжийг эрэлхийлэх нь ямархуу харагдаж болох вэ?

Хангалттай хугацаа өгсний дараа цөөн суралцагч хариултаа ангийнхантайгаа хуваалцаж болно.

Зорилго тавих дадлага хий

Хэрэв цаг гарвал энэ үйл явцыг ашиглан, зорилго тавьж, биелүүлэх дадлага хийхэд нь суралцагчдадаа тусал. Тэд дараах үйл ажиллагааг хоёр хоёроороо эсвэл жижиг бүлгээр хийж болно. Эсвэл шууд “Таны зорилго” гэсэн хэсэг рүү орж болно.

Өсвөр насны хүүхдүүдийн амьдралдаа тавьж болох зөв шударга, үр дүнтэй зорилгуудын жишээг судлах тэмдэглэлдээ жагсаан бич.

Дараа нь дээрх зорилгуудаас нэгийг сонгоод, тараах материал дээрх зарчмуудыг ашиглан, хувь хүнд алхам бүрийг бодитойгоор хийж болох жишээг зохио. Энэ үйл явцад Их Эзэнийг хэрхэн оролцуулж болох талаар бод.

Та бүхэн дараах жишээг загвар болгон ашиглаж болно.

Жэйдэн зорилго тавихад туслахыг Тэнгэрлэг Эцэгээс гуйв. Тэрээр Мормоны Номоос өдөр бүр 10 минут судлахаар шийджээ.
Тэр хичээлдээ явахаасаа өмнө судлахын тулд эрт босохоор шийдэв.
Нэг долоо хоногийн дараа Жэйдэн эрт босохгүй унтсаар байгаагаа анзаарчээ. Тэр тусламж гуйн залбирав.
Хоёр долоо хоногийн дараа Жэйдэнд зорилгодоо хүрч чадаагүй юм шиг санагдаж байв. Тэрээр Өөрийнх нь болон Есүс Христийн хайрыг мэдрэхэд туслахыг Тэнгэрлэг Эцэгээс гуйв. Тэр урам авч, Тэнгэрлэг Эцэг, Есүс Христ хоёрт найдан, дахин оролдохоор шийджээ. Тэр илүү амархан сэрэхийн тулд орой болгон эрт унтахаар шийдэв.

Хангалттай хугацаа өнгөрсний дараа зарим суралцагчийг өөрсдийн жишээг хуваалцахад урь.

Таны зорилго

Дараах үйл ажиллагаа нь суралцагчид зорилгодоо Их Эзэнийг оролцуулах төлөвлөгөө гаргах нэг арга юм. Тэд зорилго, төлөвлөгөөгөө судлах тэмдэглэл эсвэл тараах материал дээрээ бичиж болно.

Тараах материал дээрх эхний алхмыг ашиглан, хувийн зорилгоо тунгаан бод. Үүнийг хийхийн тулд хичээлийн эхэнд зурсан зургаа тунгаан бодож болно.

Биелүүлэхийг хүсэж байгаа нэг юм уу хоёр зорилго бич. Тэдгээрийг биелүүлэхийн тулд хийх алхмуудынхаа нарийвчилсан төлөвлөгөөг гарга. Төлөвлөгөөндөө Их Эзэнийг зорилгууддаа хэрхэн оролцуулж болохыг багтаа.

Суралцагчдыг зорилгодоо хүрэх хичээл зүтгэлд нь урамшуулан дэмжиж, Тэнгэрлэг Эцэг, Есүс Христ хоёрын тусламжийг сануул. Ахлагч Соарэсын мэдэгдлийг дахин уншиж, заасан зүйлсийнх нь талаар гэрчлэлээ хуваалцаж болно.

Нэмэлт эх сурвалж

Зорилго миний амьдралыг хэрхэн адисалж чадах вэ?

Миний сайн мэдээг номло: Есүс Христийн сайн мэдээг хуваалцах удирдамж дээр дараахыг заадаг. Үүнд:

Зорилго тавьж, төлөвлөгөө гаргаж сурах нь таныг насан туршид тань адислах болно. Энэ нь танд Бурхантай гэрээ байгуулан, сахиж, мөн Сүмд үнэнчээр үйлчилж, боловсрол эзэмшиж, ажилдаа амжилт гарган, бат бөх гэр бүлийг бий болгоход тусалж чадна. (Preach My Gospel [2023], 147)

Би сайжрахыг хүсэж байгаа ч чадавхаа олж харж чадахгүй байвал яах вэ?

Арван хоёр төлөөлөгчийн чуулгын ахлагч Дийтр Ф.Угдорф ийн гэрчилсэн.

14:11

Аврагч Есүс Христ Өөрийгөө та нарын хүч чадал гэдгийг ойлгож, мэдэрч, мэдээсэй хэмээн та нараас хүсдэг гэж би боддог. Түүний тусламжтайгаар та нарын гүйцэлдүүлж болох зүйлсэд хязгаар гэж үгүй. Та нарын чадавх хэмжээлшгүй. Тэрээр та нараас өөрсдийгөө Өөрийнх нь мэлмийгээр харахыг хүсдэг. Энэ нь дэлхий та нарыг хардгаас тэс өөр юм. (“Есүс Христ бол өсвөр үеийнхнийг бат бөх байлгах хүч мөн,” Лиахона, 2022 оны 11-р сар, 9)

Хэрэв би зорилгоо биелүүлж чадахгүй бол яах вэ?

Тэргүүн зөвлөлийн гишүүн асан ерөнхийлөгч Дийтр Ф.Угдорф ийн тайлбарлажээ.

Богино хугацаагаар ч гэсэн бүтэлгүйтэж, амжилт олохгүй байх нь—байх л зүйл. Харин бид үүнийг ойлгосноор яг одоо төгс байна гэсэн дарамтаас ангижрах учраас хүч чадалтай болж чадна. Эхлэлээсээ бид хэзээ нэгэн өдөр бүтэлгүйтэж болно. Үүнийг урьдаас мэдэж байх нь бүтэлгүйтсэнээс болж цочирдох мөн урам хугарахаас маш сайн сэргийлдэг.

Биднийг энэ замаар зорилгодоо хүрэх үед бүтэлгүйтэл бидэнд саад учруулж чадахгүй. Бид туйлын зорилгоо биелүүлж, хүссэн түвшиндээ хүрэх гээд бүтэлгүйтсэн ч уг зорилго руу хөтлөх замд ахиц дэвшил гаргасан байх болно гэдгийг санагтун.

Энэ нь маш чухал зүйл юм.

Бид барианы шугам дээрээ бүтэлгүйтэж мэдэх ч аянаа цааш үргэлжлүүлэх нь биднийг урьд нь байснаасаа илүү хүч чадалтай болгодог. (“Мод тарих хамгийн тохиромжтой цаг,” Лиахона, 2014 оны 1-р сар, 6)

Нэмэлт суралцах үйл ажиллагаа

Сонголтоо зорилготойгоо нийцүүлэх

Суралцагчдад зорилгодоо хүрэх явцдаа сонголтынхоо ач холбогдлыг ойлгоход нь туслахын тулд ахлагч Квинтин Л.Күкийн “Ухаалаг сонголт хий” видеоны цагийн код 3:51-ээс 4:52 хүртэлх хэсэгт ярьсан түүхийг хуваалцаж болно. Та энэ залуу эрэгтэйн сонголтоос анзаарсан асуудлуудаа олж харахад суралцагчдыг урьж болно.

15:20

Дараа нь та дараахтай адил асуултуудыг тавьж болно.

Энэ залуу эрэгтэйн сонголтууд зорилгод нь хэрхэн нөлөөлж болох вэ?
Та энэ залуу эрэгтэйд зорилгоо гүйцэлдүүлэхэд нь туслах ямар зөвлөгөө өгөх вэ?

Өөрийн зорилгын талаар тунгаан бод. Судлах тэмдэглэлдээ зорилгодоо хүрэхэд туслахын тулд өөртөө өгөх зөвлөгөөг бич.

Зорилго тавихад Бурханы жишээ

Суралцагчдад зорилго тавьж, үүндээ хүрэхийн ач холбогдлыг ойлгоход нь туслахын тулд Мосе 1:39-ийг уншаад, Тэнгэрлэг Эцэгийн ажил, алдар сууг олж мэдэхэд тэднийг урь. Дараа нь та Тэнгэрлэг Эцэг Өөрийн ажил, алдар сууг гүйцэлдүүлэхийн тулд юу хийснийг асууж болно. Суралцагчид Тэр дэлхийг бүтээсэн, бидний сонгох эрхийг хадгалж, Аврагчийг өгсөн, авралын ёслолуудыг бий болгосон гэх мэт хариултуудыг хуваалцаж болно.

Эсвэл та Бүтээлтийн дараах бүдүүвч зургийг үзүүлж эсвэл зурж болно.

Суралцагчид Мосе 2:1–27-г хоёроороо эсвэл жижиг бүлгүүдэд оноож, жишиг зурган дээрх Бүтээлтийн өдөр бүрийг судрын шүлгүүдтэй тохируулж болно. Энэ үйл ажиллагааны дараа дараах асуултыг тавь.

Бүтээлтийн цэдгээс бид зорилгодоо хүрэх талаар юу сурч болох вэ?

Суралцагчид цаг хугацаа шаардсан, бүх зүйлийг төлөвлөгөөний дагуу хийсэн, маш их хичээл зүтгэл гаргасан гэх мэт хариултуудыг хуваалцаж болно.

Сурч мэдсэнээ хувийн зорилгодоо хэрхэн хэрэгжүүлж болох вэ?

Ажил урагшилж байна

Зорилго тавьж, зорилгодоо хүрсэн хүний жишээг харуулахын тулд “A Work in Progress” видеог цагийн код 1:33-аас 5:04 хүртэл үзүүлж болно. Та тараах материалын талаар ярилцсаны дараа видеог үзүүлээд, зорилго тавих үйл явцын жишээнүүдийг олж мэдэхэд суралцагчдыг урьж болно.

7:30