Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Өсвөр үеийнхний бат бөх байдлын төлөө удирдамж: Сонголтоо Христтэй холбох нь

“Өсвөр үеийнхний бат бөх байдлын төлөө удирдамж: Сонголтоо Христтэй холбох нь,” Хуучин Гэрээний семинарын багшийн гарын авлага (2026)

“Өсвөр үеийнхний бат бөх байдлын төлөө удирдамж: Сонголтоо Христтэй холбох нь,” Хуучин Гэрээний семинарын багшийн гарын авлага

171-р хичээл: Өсвөр үеийнхний бат бөх байдлын төлөө: Сонголт хийх нь

Өсвөр үеийнхний бат бөх байдлын төлөө удирдамж

Сонголтоо Христтэй холбох нь

Бид амьдралынхаа туршид сонголт хийдэг. Биднийг зөв шийдвэр гаргахдаа сэтгэл санаа дэндүү зовсон үед Есүс Христ ба Түүний сургаал бидэнд хүч чадал, мөн удирдамж өгч чадна. Өсвөр үеийнхний бат бөх байдлын төлөө: Сонголт хийх удирдамж нь Есүс Христ ба Түүний сургаалын тухай үнэнийг олж болох нэг арга юм. Энэ хичээл суралцагчдад Есүс Христэд болон Түүний сургаал дээр тулгуурлан сүнслэгээр өдөөгдсөн сонголт хийхдээ Өсвөр үеийнхний бат бөх байдлын төлөө гарын авлагыг ашиглан дадлага хийхэд тусална.

Суралцагчийн бэлтгэл: Өсвөр үеийнхний бат бөх байдлын төлөө товхимлоос сонгосон нэг хэсгийг давтахад суралцагчдыг урь. Суралцагчид тухайн хэсэг дэх Есүс Христийн сургаалууд сүнслэгээр өдөөгдсөн шийдвэр гаргахад хэрхэн тусалж чадах талаар бодож үзэж болно.

Боломжит суралцах үйл ажиллагаа

Есүс Христ бол миний хад.

Хичээл эхлэхийн өмнө суралцагчдад Өсвөр үеийнхний бат бөх байдлын төлөө: Сонголт хийх удирдамж товхимлын хувийг тарааж өг эсвэл Gospel Library дээрээс цахим хувилбарыг олоход нь тусал.

Хичээлийн эхэнд шуурга шуурсан үеийн гэрэлт цамхгийн зургийг үзүүлж болно.

Та энэ зургийг ашиглан хэн нэгэнд сайн мэдээний ямар ямар зарчим зааж болох вэ?

Суралцагчдад тусламж хэрэгтэй бол хэрэв гэрэлт цамхаг нь бидний амьдралыг төлөөлж байгаа бол шуурга, хад хоёр юуг илэрхийлж болохыг тэднээс асууж болно. Суралцагчид янз бүрийн зарчмыг хуваалцаж болно. Ярилцлагад хувь нэмрээ оруулсанд нь тэдэнд таларх.

Дуулал 62:5–7-г уншаад, энэ дуулал гэрэлт цамхгийн зурагтай ямар холбоотойг бодож ол.

Яагаад хад нь Есүс Христийг илэрхийлэхэд тохиромжтой дүрслэл вэ?

Арван хоёр төлөөлөгчийн чуулгын ахлагч Дийтр Ф.Угдорфын дараах мэдэгдлийг уншиж, бид хэрхэн Есүс Христийг өөрсдийнхөө хад болгох талаар олж мэд.

Чи Аврагчийн мөнхийн үнэнүүдэд тулгуурлан зөв сонголтуудыг хийх бүрдээ Түүнийг өөрийн амьдралдаа оруулахыг хүсэж буйгаа харуулдаг. Эдгээр сонголт тэнгэрийн үүдний цоожийг тайлж, Түүний хүч чадал чиний амьдралд цутган орж ирдэг. …

… Бид амьдралаа төвхнүүлэх үедээ зөв сонголтууд хийх нь чухал. Мөн Аврагчийн мөнхийн үнэнүүдийн талаар ойлгох нь чухал. Бид өөрсдийн сонголтуудыг Есүс Христ ба Түүний сургаалтай холбох үед амьдралын шуургыг сөрөн зогсоход шаардлагатай хүч чадал ирдэг. Үүнд Өсвөр үеийнхний бат бөх байдлын төлөө товхимол бидэнд тусалдаг. (“Өсвөр үеийнхний бат бөх байдлын төлөө: Чамд зориулсан Аврагчийн захиас,” Өсвөр үеийнхний бат бөх байдлын төлөө, 2024 оны 3-р сар, 38)

Бид ахлагч Угдорфоос юу сурч болох вэ?

Суралцагчдыг хуваалцаж байх хооронд Бид сонголтуудаа Есүс Хрис ба Түүний сургаалтай холбосноор Түүнээс хүч чадал хүлээн авдаг гэсэнтэй төстэй үнэнийг олж тогтооход тэдэнд тусал. Та энэ үнэнийг самбарт бичиж болох юм.
Сонголтоо Есүс Христ ба Түүний сургаалтай холбох гэдэг нь юу гэсэн утгатай гэж та нар бодож байна вэ?

Суралцагчид Есүс Христийн үлгэр жишээг дагах, Түүний заасан зүйлс дээр үндэслэн сонголт хийх эсвэл шийдвэр гаргахдаа Тэнгэрлэг Эцэгээс удирдамж хүсэн залбирах зэрэг зүйлсийг хуваалцаж болно.

Өсвөр үеийнхний бат бөх байдлын төлөө: Сонголт хийх удирдамж нь өөрсдийн сонголтыг Есүс Христтэй холбоход бидэнд туслах хэрэгсэл гэдгийг суралцагчдад ойлгуул.

Та мөн ахлагч Угдорфын дараах жишээг хуваалцаж болно.

Сонголтоо Есүс Христ ба Түүний сургаалтай хэрхэн холбохыг ахлагч Угдорф ийн тайлбарласан.

Найз нөхөд чинь чамайг боловсролыг чухалчилж үзэн, хуулж эсвэл худал ярьдаггүйг мэддэг байх. Гэхдээ тэд “Үнэн чамайг чөлөөлнө” хэмээн Есүс Христ заасан учраас ийм зарчмыг мөрддөгийг чинь мэддэг үү? [Иохан 8:32; “Үнэн таныг чөлөөлнө,” Өсвөр үеийнхний бат бөх байдлын төлөө, 2024 оны 3-р сар, 30]. (“Өсвөр үеийнхний бат бөх байдлын төлөө: Чамд зориулсан Аврагчийн захиас,” Өсвөр үеийнхний бат бөх байдлын төлөө, 2024 оны 3-р сар, 38)

Сонголтоо Есүс Христтэй холбосноор бид амьдралын шуургыг хэрхэн даван туулах хүчтэй болох вэ?

Одоогоор тулгарч буй эсвэл ирээдүйд тулгарах магадлалтай, хэцүү сонголт хийх шаардлагатай нөхцөл байдлын талаар бод. Есүс Христ ба Түүний сургаал хэрхэн танд тусалж болохыг бод.

Өсвөр үеийнхний бат бөх байдлын төлөө гарын авлагын тусламжтайгаар өөрсдийн сонголтыг Есүс Христтэй холбох дадлага хийхдээ Сүнсний өдөөлтийг анхааран сонс.

Удирдамжийн бүтэц

Энэ хэсгийн зорилго бол суралцагчдыг Өсвөр үеийнхний бат бөх байдлын төлөө гарын авлагын бүтэцтэй танилцахад туслах юм. Хэрэв суралцагчид тань энэ удирдамжтай аль хэдийн танилцсан бол та энэ хэсгийг алгасаад, загвар луу орж болно.

Удирдамжийн “Сүнслэгээр өдөөгдсөн сонголтуудыг хийх” хэсгийн доод талд байх графикт суралцагчдыг хандуул эсвэл дараах мэдээллийг үзүүл.

“Та Өсвөр үеийнхний бат бөх байдлын төлөө товхимлоос Есүс Христ ба Түүний бошиглогчдын сургаалыг олж унших болно. Та эдгээр үнэнийг удирдамж болгон ашигласнаар таныг одоо болон үүрд мөнхөд адислах сүнслэгээр өдөөгдсөн сонголтуудыг хийж чадна” (“Сүнслэгээр өдөөгдсөн сонголтуудыг хий,” Өсвөр үеийнхний бат бөх байдлын төлөө: Сонголт хийх удирдамж [2022], 4). Энэхүү гарын авлага нь сэдвүүдэд хуваагдсан бөгөөд сэдэв бүр гурван хэсгээс бүрдэнэ.

Есүс Христийн сэргээгдсэн сайн мэдээний сургаал болох мөнхийн үнэнүүд
Тэдгээр үнэний дагуу үйлдэх урилгууд
Сургаалаар нь амьдардаг хүмүүст Их Эзэний санал болгосон амлагдсан адислалууд

Процессыг загварчлах

Эхлэл 39:9–12-ыг уншаад Иосеф сонголтуудаа Есүс Христ ба Түүний сургаалтай хэрхэн холбосныг олж мэд.

Та нар юу олж мэдсэн бэ?

Гурван суралцагчтай бүлгүүд байгуул. Дараах асуултуудын аль нэгэнд нь хамаатай нэгээс гурав хүртэлх өөр өөр дугаар сонгоход бүлгийн гишүүн бүрийг урь.

Өсвөр үеийнхний бат бөх байдлын төлөө товхимол дахь “Таны бие махбод бол ариун нандин юм” хэсгийг дараах зүйлсийн аль нэгэнд нь төвлөрөн судал.

Иосефт сонголтоо хийхэд нь ямар “Мөнхийн үнэнүүд” тусалсан гэж та бодож байна вэ?
Иосеф ямар “Урилгууд”-ыг дагасан бэ?
Иосеф “Амлагдсан адислалууд”-ын алийг нь хүртсэн гэж та бодож байна вэ?

Бичсэн зүйлээ бүлэгтэйгээ хуваалцаж, ярилцахад суралцагчдыг урь. Иосеф Потифарын эхнэрээс зугтах шийдвэрээсээ болж шоронд орсон ч Их Эзэн түүнтэй хамт байсаар байсан гэдгийг та онцолж болно (Эхлэл 39:20–21; 41:38–43-ыг үзнэ үү).

Дадлага

Суралцагчдыг тараах материалыг бөглөсний дараа та Есүс Христ ба Түүний сургаалтай холбосноор хэрхэн Есүс Христ өөрсдийг нь хүчирхэгжүүлсэн талаар хуваалцахад тэднийг урьж болно.

Та Дуулал 62:5–7-г дахин уншиж болно. Дараа нь дараах асуултыг суралцагчдад тавь.

Шийдвэр гаргахдаа Есүс Христ ба Түүний сургаалтай холбогдож байх талаар өнөөдөр та юу сурч мэдсэн бэ?

Есүс Христийн тухай гэрчлэлээ хуваалц. Та Өсвөр үеийнхний бат бөх байдлын төлөө товхимол дээрх “Есүс Христ танд туслах болно” хэсэг дэх мэдэгдлээр хичээлээ дуусгаж болно. Сонголтоо Түүнтэй, мөн Түүний сургаалтай холбоход суралцагчдыг урамшуулан дэмж.

Нэмэлт эх сурвалж

Өсвөр үеийнхний бат бөх байдлын төлөө: Сонголт хийхэд туслах хөтөч-ийн зорилго юу вэ?

Арван хоёр төлөөлөгчийн чуулгын ахлагч Дийтр Ф.Угдорф ийн заасан.

14:11

Өсвөр үеийнхний бат бөх байдлын төлөө товхимлын шинэ хувилбар нь Сонголт хийхэд туслах хөтөч гэсэн дэд гарчигтай.

Үнэндээ сонголт хийхдээ авч болох хамгийн сайн удирдамж бол Есүс Христ юм. Есүс Христ бол өсвөр үеийнхнийг бат бөх байлгах хүч мөн.

Иймээс Өсвөр үеийнхний бат бөх байдлын төлөө удирдамжийн зорилго нь таныг Түүн рүү чиглүүлэх явдал мөн. Энэхүү удирдамж танд Түүний сэргээгдсэн сайн мэдээний мөнхийн үнэнүүд буюу таны хэн болох, Түүний хэн болох, Түүний хүчээр та юу гүйцэлдүүлж болох талаарх үнэнийг заадаг. Энэ нь тэдгээр мөнхийн үнэнд түшиглэн, хэрхэн зөв шударга сонголт хийхийг танд заана.

Өсвөр үеийнхний бат бөх байдлын төлөө товхимлын хийдэггүй зүйлсийг мэдэх нь бас чухал юм. Энэ нь таны өмнөөс шийдвэр гаргадаггүй бөгөөд танд тулгарсан сонголт бүрд “тийм” эсвэл “үгүй” гэсэн хариултыг өгдөггүй. Өсвөр үеийнхний бат бөх байдлын төлөө товхимол нь таны сонголтын үндэс суурьд төвлөрдөг. Энэ нь зан байдал бүрд анхаарахаас илүүтэй үнэт зүйлс, зарчим, сургаалд төвлөрдөг. (“Есүс Христ бол өсвөр үеийнхнийг бат бөх байлгах хүч мөн,” Лиахона, 2022 оны 11-р сар, 10–11)

Бурхан болон Түүний үнэнд анхаарал төвлөрүүлэх нь шийдвэр гаргахад надад хэрхэн тусалж болох вэ?

Ерөнхийлөгч Рассэлл М.Нэлсон ийн заасан.

18:51

Та уруу татагдахдаа, тэр бүү хэл туйлдаж, ганцаардаж эсвэл буруугаар ойлгогдсон үед тань уруу таталтууд ирэх үед Бурханыг амьдралдаа ялуулах сонголтыг хийж, Түүнээс өөрийгөө хүчирхэгжүүлэхийг хүсэн гуйхад ямар их зориг шаардагдахыг төсөөлөөрэй.

Хэрвээ та Бурханыг ялуулахыг, Израилын нэгэн хэсэг байхыг хамгийн их хүсэж байвал олон шийдвэрийг гаргахад амар хялбар байх болно. Маш олон асуудал асуудал байхаа болино! Та өөрийгөө хэрхэн хувцаслахаа мэдэх болно. Та юу үзэх, юу унших, чөлөөт цагаа хаана, хэнтэй хамт өнгөрүүлэхээ мэднэ. Та юунд хүрэхийг хүсэж байгаагаа ч мэднэ. Та үнэндээ яг ямар хүн болохыг хүсэж байгаагаа мэддэг болно. (“Бурхан ялах болтугай,” 2020 оны 10-р сарын Ерөнхий чуулган, 94).

Нэмэлт суралцах үйл ажиллагаа

Сонголтыг Есүс Христтэй холбодог тухай ахлагч Угдорфын жишээ

Өсвөр үеийнхний бат бөх байдлын төлөө сэтгүүл дэх ахлагч Угдорфын нийтлэлд сонголтуудаа Есүс Христ ба Түүний сургаалтай холбох нь ямар байж болохыг илэрхийлсэн хэд хэдэн жишээг жагсаан бичжээ. Хэрэв суралцагчдад тань өөр жишээ хэрэгтэй байвал “Өсвөр үеийнхний бат бөх байдлын төлөө: Чамд зориулсан Аврагчийн захиас” дээрх түүний бусад жишээг хар.

Наманчлалыг ойлгох нь

“Таны бие махбод бол ариун нандин юм” хэсгээс болон Египетийн Иосефоос загвар авч ашиглахын оронд та Өсвөр үеийнхний бат бөх байдлын төлөө гарын авлагыг ашиглах загварыг “Есүс Христ танд туслах болно” хэсгийг хэрхэн ашиглахыг харуулах боломжтой. Та суралцагчдаас өсвөр насны хүүхдүүдэд наманчлалын юу нь хэцүү санагдаж болохыг жагсаан бичихийг хүсэж болно. Суралцагчид ичиж эсвэл өөрийгөө үнэ цэнгүй гэж мэдрэх, хэд хэдэн удаа өөрчлөгдөх гэж оролдсон ч урам нь хугарах, өршөөгдсөн эсэхдээ эргэлзэх гэх зэрэг зүйлсийг хуваалцаж болно.

Гарын авлагаас “Есүс Христ танд туслах болно” хэсгийг судалж, өсвөр насны хүүхдэд өөрсдийн жагсаасан зүйлсийг мэдрэхэд тусалж болох Их Эзэний тухай болон Түүний сайн мэдээний талаар юу сурах боломжтойг олж мэдэхэд суралцагчдыг урь.

Есүс Христ бол өсвөр үеийнхний хүч чадал мөн

Та Өсвөр үеийнхний бат бөх байдлын төлөө: Сонголт хийх удирдамж-ийг танилцуулахдаа суралцагчдыг дараах шүлгүүдээс нэгийг сонгоод, Есүс Христийн талаар юу сурч мэдсэнээ олж мэдэхэд урьж болно. Суралцагчид олж мэдсэн зүйлсээ самбарт бичиж болно.

Дуулал 18:1–3
Дуулал 28:7–8
Дуулал 62:5–8

Суралцагчид шүлгүүдийг судалсныхаа дараа Есүс Христ хэрхэн бидний хүч болж чадах талаар ярилцаж эсвэл Есүс Христ өөрсдийнх нь хүч чадал хэрхэн байсан талаарх туршлагаасаа хуваалцаж болно.

Дараа нь гарын авлагаас Есүс Христийн тухай мөн өнөө үеийн өсвөр үеийнхнийг хүчирхэгжүүлж чадах Түүний сургаалын талаар юу мэдэж авснаа олж мэдэхэд суралцагчдыг урь.