Seminare
Mo Le Malosi o le Autalavou: Faia o Filifiliga: Vaaiga Aoao

“Mo Le Malosi o le Autalavou: Faia o Filifiliga: Vaaiga Aoao,” Tusi Lesona a le Faia’oga Seminare o le Feagaiga Tuai (2026)

“Mo Le Malosi o le Autalavou: Faia o Filifiliga: Vaaiga Aoao,” Tusi Lesona a le Faia’oga Seminare o le Feagaiga Tuai

Mo Le Malosi o le Autalavou: Faia o Filifiliga

Mo Le Malosi o le Autalavou: Faia o Filifiliga

Vaaiga Aoao

O Iesu Keriso o le malosiaga o le autalavou.E mafai ona tatou vaai atu ia te Ia ma Ana a’oa’oga faavae pe a faia ni faaiuga.O le iloaina o lo tatou faasinomaga paia ma le faamoemoega o ni fanau a le Atua, ma le faatutuina o sini e mafai ona fesoasoani ia i tatou e avea atili ai e faapei o Ia.O a’oa’oga a le Faaola e mafai ona fesoasoani ia i tatou e faafoefoe ai le faaaogaina o auala faatekinolosi.O tatou faamanuiaga faapeteriaka e mafai ona fesoasoani tatou te lagona ai le alofa o le Atua, ma tautino mai lo tatou tupuaga i le aiga o Isaraelu.O le taliaina ma le faataunuuina o valaauga a le Ekalesia e mafai ona fesoasoani ia i tatou e auauna atu ai i isi e pei ona sa faia e le Faaola.

Fautuaga i le faafoefoeina: O nei lesona e mafai ona a’oa’o atu i so’o se taimi i le tausaga a’oga po o so’o se vaiaso i le faafoefoeina ai o le Sau, Mulimuli Mai ia te A’u.O nisi fautuaga o loo tuuina atu i lalo.

Ia Sauni e A’oa’o Atu

TaialaMo Le Malosi o le Autalavou

Fautuaga i le faafoefoeina: O lenei lesona ua faaaogaina ai Iosefa o Aikupito o se faataitaiga o se tasi na faia faaiuga musuia e faavae mai ia Iesu Keriso ma Ana a’oa’oga faavae.E te ono mafaufau e a’oa’o atu lenei lesona i le taimi e tasi o lo o e a’oa’o atu ai le Lesona 34: “Kenese 39.”

Faamoemoega o le lesona: O lenei lesona e mafai ona fesoasoani i tagata a’oga e faataitai ai le faaaogaina o le Mo le Malosi o le Autalavou: O se Taiala i le Faia o Filifiliga ina ia faia filifiliga musuia e faavae mai ia Iesu Keriso ma Ana a’oa’oga faavae.

Faatuina o Sini

Faamoemoega o le lesona: O lenei lesona e mafai ona fesoasoani i tagata a’oga ia faaaofia ai le Alii a o latou faatu ma ausiaina a latou sini patino.

  • Sauniuniga a le tagata a’oga: Valaaulia tagata a’oga e mafaufau loloto i sini mamao ma lata mai latou te mananao e ausia.E mafai ona latou fesili atu i tagata latou te iloa, po o a mea ua latou a’oa’oina e uiga i le faatuina ma le ausiaina o sini.

  • Anotusi e faaalia: Atatusi o sini mo le tolu masina, tasi le tausaga, ma le lima tausaga

  • Pepa e tufa atu: “Mataupu Faavae mo le Faatuina ma le Ausiaina o Sini”

O Lo Tatou Faasinomaga Paia ma le Faamoemoega

Fautuaga i le faafoefoeina: O le autu o le faasinomaga paia ma le faamoemoega e faamamafaina malosi i nai vaiaso muamua o lenei vasega.Afai na faia le vasega i na vaiaso, e te ono mafaufau e a’oa’o atu lenei lesona i se isi taimi mulimuli ane i le tausaga, e tuuina atu ai le faamamafa faaopoopo mulimuli ane i le vasega.Afai e le’i faia se vasega i nai vaiaso muamua, e mafai ona e a’oa’o atu lenei lesona i se taimi tau amata o le tausaga, ina ia tuuina atu ai i tagata a’oga se vaaiga aoao i nisi o anotusi atonu sa latou misia.

Faamoemoega o le lesona: O lenei lesona o le a tuuina atu ai i tagata a’oga le avanoa e toe manatunatu ai i o latou faasinomaga paia ma faamoemoega.

  • Sauniuniga a le tagata a’oga: Valaaulia tagata a’oga e toe manatunatu i le laina muamua o le “Autu a Tamaita’i Talavou” po o le “Autu o le Korama a le Perisitua Arona.”E mafai ona latou taumafai e taulotoina pe faataitai faatele i le āluga o le aso atoa.E mafai ona faasoa mai e tagata a’oga pe faapefea e le faia o lenei mea ona aafia ai o latou uiga ma faatinoga.

  • Anomea e faaalia: O se fā’ata

  • Anomea mo tagata a’oga: O se kopi o le faamatalaga lenei mo tagata a’oga ta’itasi

    O le toatele o outou e amata o outou aso i le tutu ai i luma o se fā’ata.O taeao, i lenei vaiaso, i lenei tausaga, ma aso uma lava, ia faatali laitiiti a o e tilotilo atu ia te oe lava i le fā’ata.Mafaufau ifo ia te oe lava, pe fai leotele pe a e manao ai, “Oka, sei vaaia ia te a’u!E ofoofogia a’u!O a’u o se atali’i/afafine o le Atua!Na te silafia a’u!E alofa o Ia ia te a’u!”(Gary E. Stevenson, “Uunaiga a le Agaga,” Liahona, Nov. 2023, 45)

  • Vitiō: “Uunaiga a le Agaga” mai le faailo taimi 13:08 i le 13:38; “Ia Manumalo le Atua” mai le faailo taimi 10:40 i le 12:23

  • Anotusi e faaalia: Siata e aofia ai fuaitau faatusi paia o le Feagaiga Tuai e uiga i le faasinomaga paia, faatonuga mo tagata a’oga i le vaega “Suesuega ma talanoaga a tagata a’oga” o le lesona

Faafoeina o Tekinolosi

Faamoemoega o le lesona: O lenei lesona e mafai ona fesoasoani i tagata a’oga e faaaoga a’oa’oga a Iesu Keriso e toe iloilo ai lo latou faaaogaina o tekinolosi.

  • Sauniuniga a le tagata a’oga: Valaaulia tagata a’oga e manatunatu e uiga i lo latou faaaogaina o tekinolosi ma ona aafiaga e ono oo ia i latou ma isi.Ina ia fesoasoani i lenei mea, e mafai ona siaki e nisi tagata a’oga a latou masini mo se faatulagaga po o se polokalama e iloa ai le tele [o le taimi] o lo o faaaogaina ai le masini po o polokalama.

  • Anotusi e faaalia: O se ata o se tagata i se fetaulaiga ala, faatonuga mo tagata a’oga i le vaega “Faaaogaina o tekinolosi ma se faamoemoega” o le lesona

  • Anomea mo tagata a’oga: Kopi o le Mo le Malosi o le Autalavou

  • Vitiō: “Power to Overcome the Adversary” mai le faailo taimi 3:12 i le 3:46

Faamanuiaga Faapeteriaka

Fautuaga i le faafoefoeina: E te ono mafaufau e a’oa’o atu lenei lesona pe a mae’a ona a’oa’oina le Lesona 35: “Kenese 42–45.”Na tuuina atu e Iakopo (po o Isaraelu) faamanuiaga faapeteriaka i lana fanau i le Kenese 48–49.

Faamoemoega o le lesona: O lenei lesona e mafai ona fesoasoani i tagata a’oga ia malamalama ai pe faapefea ona avea faamanuiaga faapeteriaka o se faailoaga o le alofa o le Atua ma faailoa mai ai lo latou tupuaga i le aiga o Isaraelu.

  • Sauniuniga a le tagata a’oga: Mafaufau e valaaulia tagata a’oga e faia se tasi o mea nei ae le’i amatalia le vasega: (1) faitau a latou faamanuiaga faapeteriaka po o le (2) fai atu i tagata ua maua o latou faamanuiaga faapeteriaka e faasoa mai pe ua faapefea ona fesoasoani o latou faamanuiaga ia i latou.

  • Vitiō: “Bethany’s Story” (11:08) mai le faailo taimi 7:18 i le 8:55

Taliaina ma le Faataunuuina o Valaauga

Faamoemoega o le lesona: O lenei lesona e mafai ona fesoasoani i tagata a’oga e auauna atu i o latou valaauga e pei o le Faaola.

  • Sauniuniga a le tagata: Mafaufau e tuuina atu i tagata a’oga le ata faataitai lenei ma fesili.Valaaulia i latou e vaai faalemafaufau i mea o le a latou fai atu ai.

    • O a nisi o valaauga atonu e talosagaina Evelina e faataunuu?

    • O a ni lagona o Evelina?Aisea?

    • O a mea e te ono manao ia malamalama iai Evelina e uiga i le taliaina ma le faataunuuina o valaauga?

  • Vitiō: “Talitonu, Alofa, Faatino” mai le faailo taimi 11:00 i le 12:08

  • Pepa e tufa atu: “Auauna Atu e Pei o le Faaola”