Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Taiala Mo le Malosi o le Autalavou: Fesootaiina O a Tatou Filifiliga ia Keriso

“Mo Le Malosi o le Autalavou: Fesootaiina O a Tatou Filifiliga ia Keriso,” Tusi Lesona a le Faia’oga Seminare o le Feagaiga Tuai (2026)

“Mo Le Malosi o le Autalavou: Fesootaiina O a Tatou Filifiliga ia Keriso,” Tusi Lesona a le Faia’oga Seminare o le Feagaiga Tuai

Mo Le Malosi o le Autalavou: Faia o Filifiliga: Lesona 171

Taiala Mo Le Malosi o le Autalavou

Fesootaiina O a Tatou Filifiliga ia Keriso

I o tatou olaga atoa, tatou te faia pea e le aunoa ni filifiliga.Pe afai tatou te lagona le lofituina i le faia ai o faaiuga tonu, e mafai e Iesu Keriso ma Ana a’oa’oga faavae ona aumai ia i tatou le malosi ma le taitaiga.O leMo le Malosi o le Autalavou: O se Taiala i le Faia o Filifiliga o se tasi o nofoaga e mafai ona tatou maua ai upumoni e uiga ia Iesu Keriso ma Ana a’oa’oga faavae.O lenei lesona e mafai ona fesoasoani i tagata a’oga e faataitai le faaaogaina o le tusi taiala Mo le Malosi o le Autalavou e faia ai filifiliga musuia e faavae mai ia Iesu Keriso ma Ana a’oa’oga faavae.

Sauniuniga a le tagata a’oga: Valaaulia tagata a’oga e toe iloilo se vaega se tasi latou te filifilia mai le Mo le Malosi o le Autalavou.E mafai ona manatunatu tagata a’oga pe faapefea e a’oa’oga a Iesu Keriso i lena vaega ona mafai ona fesoasoani ia i latou ina ia faia faaiuga musuia.

Gaoioiga e Ono Mafai Ona Aoaoina Ai

O Iesu Keriso o lo’u papa

A e le’i amatalia le lesona, tufa atu i tagata a’oga kopi o le Mo le Malosi o le Autalavou: O se Taiala i le Faia o Filifiliga pe fesoasoani ia i latou e saili le kopi faaeletonika i le Gospel Library.

Mafaufau e amatalia le vasega e ala i le faaali atu o se ata o se molī faailoilo i le taimi o se afā.

O a ni mataupu faavae o le talalelei e mafai ona e a’oa’o atu i se tasi e ala i le faaaogaina o lenei ata?

Afai e manaomia e tagata a’oga se fesoasoani, e mafai ona e fesili atu pe o le a se mea ua faatusaina iai le afā po o le papa pe afai o o tatou olaga o lo o faa’ata mai e le molī faailoilo.E ono faasoa mai e tagata a’oga ni mataupu faavae eseese.Faafetai atu ia i latou mo lo latou sao i le talanoaga.

Faitau le Salamo 62:5–7, vaavaai pe faapefea e upu o lenei salamo ona fesootai i le ata o le molī faailoilo.

Aisea e talafeagai ai le papa e faamatalaina ai Iesu Keriso?

Faitau le faamatalaga lenei mai ia Elder Dieter F. Uchtdorf o le Korama a Aposetolo e To’asefululua, vaavaai pe faapefea ona tatou avea Iesu Keriso ma o tatou papa.

O taimi uma lava e te faia ai se filifiliga amiotonu e faavae i upumoni e faavavau a le Faaola, ua e faaali atu e te manao ia te Ia i lou olaga.O na filifiliga e tatalaina ai faitotoa o le lagi, ma o Lona malosiaga o le a liligiina mai i lou olaga. …

… A o tatou fausia o tatou olaga, e taua le faia o filifiliga lelei.Ma e taua le malamalama i le upumoni e faavavau a le Faaola.Ae o le malosi o le a tatou manaomia e tetee atu ai i afā o le olaga e oo mai pe a tatou faafesootai a tatou filifiliga ia Iesu Keriso ma Ana aoaoga faavae.O le mea lena ua fesoasoani le Mo le Malosi o le Autalavou ia i tatou e faia. (“Mo le Malosi o le Autalavou: O le Savali a le Faaola ia te Oe,” Mo le Malosi o le Autalavou, Mati 2024, 38)

O le a se mea e mafai ona tatou a’oa’oina mai ia Elder Utchdorf?

A o fefaasoaa’i tagata a’oga, fesoasoani ia i latou ia faailoa se upumoni e pei o lenei: tatou te maua le malosiaga mai ia Iesu Keriso pe a tatou fesootai a tatou filifiliga ia te Ia ma Ana a’oa’oga faavae.Atonu e te manao e tusi lenei upumoni i luga o le laupapa.
O le a sou manatu i le uiga o le fesootai o a tatou filifiliga ia Iesu Keriso ma Ana a’oa’oga faavae?

E ono faasoa mai e tagata a’oga mea e pei o le mulimuli i le faataitaiga a Iesu Keriso, faia o filifiliga e faavae mai i Ana a’oa’oga, pe o le tatalo mo le taitaiga mai i le Tamā Faalelagi a o faia faaiuga.

Faamautinoa e malamalama tagata a’oga i le uiga o le Mo le Malosi o le Autalavou: O se Taiala i le Faia o Filifiliga o se mea faigaluega e mafai ona fesoasoani ia i tatou e fesootai atu ai a tatou filifiliga ia Iesu Keriso.

E mafai foi ona e faasoaina atu le faataitaiga lenei mai ia Elder Utchdorf.

Na faamatala mai e Elder Utchdorf le mea e ono foliga iai le fesootai o a tatou filifiliga ia Iesu Keriso ma Ana a’oa’oga faavae.

Atonu e iloa e au uo o le a e le faimamago pe pepelo ma e te manatu mamafa i le aoga.Ae pe ua latou iloa ea o lenei mea e mafua ona sa a’oa’o mai Iesu Keriso e faapea “o le upu moni e faasaolotoina ai oe”?[Ioane 8:32; “O le upu moni e faasaolotoina ai oe,” Mo le Malosi o le Autalavou, Mati 2024, 30].(“Mo Le Malosi o le Autalavou: O Le Savali a le Faaola ia te Oe,” Mo le Malosi o le Autalavou, Mati 2024, 38)

E ono faapefea e le fesootai o a tatou filifiliga ia Iesu Keriso ona faamalosia ai i tatou e talitalia afā o le olaga.

Mafaufau i se tulaga o lo o feagai ma oe i le taimi nei, pe o manatu e feagai i le lumanai lea e ono manaomia ai lou faia o ni filifiliga faigata. Mafaufau i le auala e mafai ai e Iesu Keriso ma Ana a’oa’oga faavae ona fesoasoani ia te oe.

Faalogo mo musumusuga a le Agaga a o e faataitai le faafesootai o au filifiliga ia Iesu Keriso faatasi ai ma le fesoasoani a le tusi taiala Mo le Malosi o le Autalavou .

O le faatulagaga o le tusi taiala

O le faamoemoe o lenei vaega e fesoasoani i tagata a’oga ia latou faamasani i le auala ua faatulagaina ai le tusi taiala Mo le Malosi o le Autalavou .Afai ua mae’a ona taufaamasani au tagata a’oga i le tusi taiala, e mafai ona laaloa le vaega lenei ma agai i le vaega faataitai.

Faasino atu tagata a’oga i le kalafi i le pito i lalo o le “Faia o filifiliga musuia” i totonu o le tusi taiala, pe faaali atu faamatalaga nei mai le kalafi.

“I le Mo Le Malosi o le Autalavou, o le a e maua ai a’oa’oga a Iesu Keriso ma Ana perofeta.O le avea ai o nei upumoni ma ou taiala, e mafai ona e faia ai filifiliga musuia e faamanuiaina ai oe i le taimi nei ma e oo atu i le faavavau” (“Faia o filifiliga musuia,” Mo le Malosi o le Autalavou: O se Taiala i le Faia o Filifiliga [2022], 4).O le tusi taiala ua vaevaeina i autu eseese, ma o autu ta’itasi e iai ona vaega e tolu:

O upumoni e faavavau, po o aoaoga faavae o le talalelei toefuataiina a Iesu Keriso
O valaaulia ia faatino na upumoni
Faamanuiaga folafolaina ua ofoina mai e le Alii ia i latou o e ola i Ana aoaoga

Faataitaiga o le faagasologa

Faitau le Kenese 39:9–12, vaavaai i le auala na fesootai ai e Iosefa ana filifiliga ia Iesū Keriso ma Ana a’oa’oga faavae.

O le a se mea na e mauaina?

Mafaufau e faatulaga i ni vaega ta’ito’atolu tagata aoga.Valaaulia se sui o vaega ta’itasi e filifili se numera mai le tasi i le tolu, e fesootai atu i se tasi o fesili nei.

Suesue le vaega “E paia lou tino” i le Mo le Malosi o le Autalavou ma se tasi o taulaiga nei:

O a “Upumoni e faavavau” e te manatu atonu sa fesoasoani ia Iosefa e faia le filifiliga na ia faia?
O a ni “Valaaulia” na mulimulitaia e Iosefa?
O le fea o “Faamanuiaga folafolaina” e te manatu na oo ia Iosefa?

Valaaulia tagata a’oga e faasoa ma a latou vaega mea na latou mauaina.E te ono faasino atu e faapea e ui na tuuina atu Iosefa i le falepuipui mo lana faaiuga e sola ese mai i le avā a Potifara, na faaauau pea ona faatasi le Alii ma ia (tagai i le Kenese 39:20–21; 41:38–43).

Faataitai

2026 Old Testament Seminary Teacher Materials

A mae’a ona faauma e tagata a’oga le pepa e tufa atu, e mafai ona e valaaulia i latou e faasoa mai auala ua faamalosia ai i latou e ala mai ia Iesu Keriso, a o latou faafesootai atu a latou filifiliga ia te Ia ma Ana a’oa’oga faavae.

E te ono toe faasino atu i le Salamo 62:5–7.Ona mafaufau lea e fai atu le fesili lenei i tagata a’oga:

O le a se mea na e a’oa’oina i le asō e uiga i le tumau ai i le fesootai atu ia Iesu Keriso ma Ana a’oa’oga faavae i au faaiuga?

Mafaufau e faasoa atu lau molimau ia Iesu Keriso.E te ono faauma le vasega i se faamatalaga mai le vaega “O le a fesoasoani Iesu Keriso ia te oe,” i le Mo le Malosi o le Autalavou.Uunaia tagata a’oga e faafesootai a latou filifiliga ia te Ia ma Ana a’oa’oga faavae.

O Puna’oa Faaopoopo

O le a le faamoemoega o le Mo Le Malosi o le Autalavou: O Se Taiala mo le Faia o Filifiliga?

Na a’oa’o mai Elder Dieter F. Uchtdorf o le Korama a Aposetolo e To’asefululua:

14:11

O lenei lomiga fou o le Mo Le Malosi o le Autalavou o lo o soāulutalaina O Se Taiala mo le Faiga o Filifiliga.

Ina ia matuā manino, o le taiala aupito silisili e mafai ona e mauagofie mo le faia o filifiliga, o Iesu Keriso.O Iesū Keriso o le malosiaga o le autalavou.

O le faamoemoega la o le Mo Le Malosi o le Autalavou o le faasino atu lea o oe ia te Ia.E aoao ai oe i upumoni e faavavau o Lana talalelei toefuataiina—upumoni e uiga i le po o ai oe, po o ai o Ia, ma mea e mafai ona e ausiaina faatasi ma Lona malosi.E aoao ai oe i le auala e fai ai filifiliga amiotonu e fua i na upumoni e faavavau.

E taua foi le iloa o mea e le faia e le Mo Le Malosi o le Autalavou .Na te lē faia ni faai’uga mo oe.Na te lē avatua ia te oe se “ioe” po o se “leai” e uiga i filifiliga taitasi uma atonu e te feagai ai.E taulai atu leMo Le Malosi o le Autalavou i le faavae mo au filifiliga.E taulai atu i tulaga faatauaina, mataupu faavae, ma aoaoga faavae nai lo amioga patino taitasi uma.(“O Iesu Keriso o le Malosi o le Autalavou,” Liahona, Nov. 2022, 10–11)

E faapefea e le taulai atu i le Atua ma Lana upumoni ona fesoasoani ia te a’u i le faia o filifiliga?

Na a’oa’o mai Peresitene Russell M. Nelson:

18:52

Pe a e feagai ma faaosoosoga—e tusa lava pe o’o mai le faaosoosoga i le taimi ua e lēlavā ai pe lagonaina le tuua to’atasi pe malamalama sese foi—mafaufau i le lototele e mafai ona e tapu’eina mai a o e filifili ia manumalo le Atua i lou olaga ma a o e aioi atu ia te Ia ina ia faamalosi mai ia te oe.

Afai o lou manao silisili o le tuuina atu ia manumalo le Atua, ia avea ma se vaega o Isaraelu, o le a faigofie le tele o faaiuga.E tele na’ua faafitauli o le a lē avea ma ni faafitauli!E te iloa le auala sili e teuteu ai oe lava ia.E te iloa po o a mea e matamata ma faitau ai, po o fea e faaalu ai lou taimi, ma po o ai e te aumea atu iai.E te iloa le mea e te manao e ausia.E te iloa le ituaiga o tagata e te manao moni lava e avea ai oe.(“Ia Manumalō le Atua,” Liahona, Nov. 2020, 94)

Gaoioiga Faaopoopo e A’oa’o Ai

O le faataitaiga a Elder Uchtdorf i le faafesootaiina o filifiliga ia Iesu Keriso

I le tusiga a Elder Uchtdorf i le mekasini Mo le Malosi o le Autalavou na ia lisiina ai ni nai faataitaiga o le mea e ono foliga iai le fesootai o a tatou filifiliga ia Iesu Keriso ma Ana a’oa’oga faavae.Afai e aoga mo tagata a’oga se isi faataitaiga ese, tagai i isi ana faataitaiga i le “Mo le Malosi o le Autalavou: O le Savali a le Faaola ia te Oe.”

Malamalama i le salamo

Nai lo o le liliu atu i le vaega “E paia lou tino” ma Iosefa o Aikupito mo le faataitaiga, e mafai ona e faataitai le auala e faaaoga ai le tusi taiala Mo le Malosi o le Autalavou ma le vaega “O le a fesoasoani Iesu Keriso ia oe.”E te ono fai atu i tagata a’oga e lisi mea e ono luitauina ai se talavou e uiga i le salamo.E ono faasoa mai e tagata a’oga mea e pei o lagona maasiasi pe o le lē agavaa, pe o le lotovaivai i le mavae ai o ni taumafaiga e sui, po o le masalosalo foi pe ua faamagaloina i latou.

Valaaulia tagata a’oga e suesue le vaega “O le a fesoasoani Iesu Keriso ia oe” mai le tusi taiala, vaavaai mo mea latou te a’oa’oina e uiga i le Alii ma Lana talalelei e mafai ona fesoasoani i se talavou o lo o feagai ma mea na latou lisiina.

O Iesu Keriso o le malosiaga o le autalavou

Ina ia faailoa atu le Mo le Malosi o le Autalavou: O se Taiala mo le Faia o Filifiliga, e mafai ona e valaaulia tagata a’oga e filifili se tasi o fuaiupu nei, vaavaai mo mea ua latou a’oa’oina e uiga ia Iesu Keriso.E mafai ona tusi e tagata a’oga i luga o le laupapa mea latou te maua.

Salamo 18:1–3
Salamo 28:7–8
Salamo 62:5–8

A mae’a ona suesueina fuaiupu, e mafai ona talanoaina e tagata a’oga le auala e mafai ona avea ai Iesu Keriso ma o tatou malosiaga pe faasoa mai mea na oo iai latou na avea ai Iesu Keriso ma o latou malosiaga.

Ona valaaulia lea o tagata a’oga e faitau le tusi taiala, saili mo mea ua latou a’oa’oina e uiga ia Iesu Keriso ma Ana a’oa’oga faavae ia e ono mafai ona faamalosia ai talavou i aso nei.