Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faatomuaga i le Tusi Lesona a le Faia’oga Seminare o le Feagaiga Tuai

“Faatomuaga i le Tusi Lesona a le Faia’oga Seminare o le Feagaiga Tuai,” Tusi Lesona a le Faia’oga Seminare o le Feagaiga Tuai (2026)

“Faatomuaga i le Tusi Lesona a le Faia’oga Seminare o le Feagaiga Tuai,” Tusi Lesona a le Faia’oga Seminare o le Feagaiga Tuai

Faatomuaga i le Tusi Lesona a le Faia’oga Seminare o le Feagaiga Tuai

A woman teacher standing in front of a group of youth during a Sunday School class in Ghana.

O le faamoemoega o Seminare ma Inisitituti o Mataupu Faalelotu, “o le fesoasoani lea i le autalavou ma talavou matutua e faalolotoina lo latou liua ia Iesu Keriso ma Lana talalelei toefuataiina, agavaa ai mo faamanuiaga o le malumalu, ma ia saunia i latou lava, o latou aiga, ma isi mo le ola e faavavau faatasi ma lo latou Tamā oi le Lagi” (“O le faamoemoega o Seminare ma Inisitituti” [2022], Gospel Library).

Ina ia fesoasoani e ausia lenei faamoemoega, o lenei tusi lesona e tuuina atu ai i tagata a’oga ni aafiaga eseese o le aotauina e ala i ituaiga o lesona eseese e lua: Lesona o le Feagaiga Tuai ma lesona o Sauniuniga mo le Olaga.O lesona o le Feagaiga Tuai e o faatasi ma poloka mau o lo o faamamafaina i vaiaso ta’itasi i le Sau, Mulimuli Mai ia te A’u—Mo Le Aiga ma le Ekalesia.O lesona o Sauniuniga mo le Olaga e fesoasoani i tagata a’oga e aoao ai e aumaia le malosi mai ia Iesu Keriso ma faaaoga Ana aoaoga e saunia ai mo luitau o le olaga.

I le faaaogaina ai o fautuaga faafaia’oga o lo o maua i nei lesona ma mulimuli ai i le taitaiga a le Agaga, e mafai ai ona e fesoasoani i tagata a’oga e faaaoga le mana o Iesu Keriso i le tele o vaega o o latou olaga.O le a e fesoasoani foi ia i latou e saunia mo o latou lumanai ma le faatuatua ia Iesu Keriso.

O lenei tusi lesona a faia’oga o lo o maua i le Gospel Library i le upegatafailagi ChurchofJesusChrist.orgma e maua ai foi ma se PDF download.E mafai ona talosagaina se kopi lolomi o le tusi lesona mai se taitai faamaopoopo i lou lotoifale po o se faatonu o le polokalama.

Mea faigaluega e Fesoasoani ia te Oe e Saunia ai e Aoao Atu

Mo lesona uma e lua o le Feagaiga Tuai ma Sauniuniga mo le Olaga, o mea faigaluega nei o le a fesoasoani ia te oe e saunia ai e aoao atu.

O Tusitusiga Paia

O le suesueina ai faatasi ma le poloka mau o le Sau, Mulimuli Mai ia te A’u o se auala taua lea e saunia ai e aoao tagata a’oga.O lesona o lo o iai i lenei tusi lesona e manaomia ai se faiaoga e suesue e le aunoa i tusitusiga paia ma sailia le mafutaga a le Agaga Paia.A o e faia lenei mea, e mafai ona e maua ai le mautinoa e ala i Lona Agaga, o le a musuia oe e le Tamā Faalelagi i le auala e faaaoga ai nei anomea ina ia ausia manaoga o lau vasega.

O Vaaiga Aoao

O lo o tuuina atu se vaaiga aoao i le amataga o vaiaso ta’itasi o lesona o le Feagaiga Tuai ma vaega ta’itasi o lesona o Sauniuniga mo le Olaga.O nei vaaiga aoao ua tuuina mai ai ni faamatalaga o lesona patino e fesoasoani ia te oe e saunia mamao anomea mo aoaoga, e aofia ai mea nei:

O faamoemoega o lesona (o nei mea ua faaaofia o se fuaiupu mulimuli o le faatomuaga o lesona ta’itasi)
Manatu mo sauniuniga a tagata aoga
O se lisi o lesona faitino, pepa e tufa atu, ata, vitio, po o isi anomea e ono manaomia ona saunia mamao i ai

Saili le vaaiga aoao faalevaiaso mo lesona o le isi vaiaso e sosoo ai o le a e aoaoina atu.

O a faamatalaga ua e maua iinei e aoga ona e muai iloa?
E ono mafai faapefea ona e faaaogaina lenei faamatalaga a o e sauni e aoao atu?

Motugaafa Faafaiaoga

O vaaiga aoao ta’itasi e muamua atu i lesona o le Feagaiga Tuai, o lo o iai se fautuaga faafaia’oga lea e faamatala ai faiga po o mataupu faavae fautuaina mai le Aoaoina Atu i le Ala a le Faaola: Mo I Latou Uma o E Aoao Atu i le Aiga ma le Ekalesia.O nei motugaafa o loo faailogaina i le aikona lenei: A e lagona ua e saunia, taumafai e faatino nei faiga ma mataupu faavae a o aoao atu.O le a e maitauina o le faaaogaina o nei fautuaga e mafai ona fesoasoani e faaleleia ai ou tomai faafaiaoga.

O le tele o fautuaga faafaia’oga e faasino atu i se lesona lea o lo o faataitai ai le faatinoga po o le mataupu faavae fautuaina.O le aikona faaleaoaoga i le lesona, ua faapupulaina ai se faataitaiga i le auala e faaaoga ai le fautuaga.O nei fautuaga faaleaoaoga e faapupula ai Teacher Development Skills [Atinaeina o Tomai Faafaia’oga] ia e mafai ona fesoasoani ia te oe e iloa atili ai le faataitaiga fautuaina po o le mataupu faavae ua faamamafaina.O le faatinoina ai o nei faataitaiga ma mataupu faavae, e mafai ona fesoasoani ia te oe i le faaleleia o ou tomai e aoao atu ai.

Toe iloilo le fautuaga faaleaoaoga i le vaaiga aoao mo se vaiaso o lo o loma o lesona o le a e aoao atu.

E mafai faapefea ona e faataitaia lenei fautuaga faaleaoaoga?

Fautuaga mo le Saoasaoa

O le tele o vaaiga aoao mo vaega ta’itasi o lesona o Sauniuniga mo le Olaga e aofia ai fautuaga o le saoasaoa.O nei fautuaga e maua ai manatu i le mea e mafai ona faaaofia ai nei lesona i se taiala o le saoasaoa.E mafai e taitai faamaopoopo ma taitai o polokalama ona faaaoga nei fautuaga a o latou fatuina se taiala o le saoasaoa.

Mo se faataitaiga, tagai i le fautuaga o le saoasaoa i le Vaaiga Aoao mo le Atiina A’e o le Ola Faalagolago o le Tagata ia te Ia Lava.

Sauniuniga a le Tagata A’oga

O vaaiga aoao ta’itasi e aofia ai fautuaga mo le valaauliaina o tagata a’oga e saunia o latou mafaufau ma loto mo lesona ta’itasi.E mafai ona e iloiloina nei manatu i le amataga o le vaiaso ma filifili ma le agaga tatalo po o a manatu e te lagona o le a sili ona fesoasoani ai i au tagata a’oga.E le manaomia ona e faaaogaina fautuaga taitasi uma mo sauniuniga a le tagata aoga.E mafai ona e fetuunaia pe fatu ni ou lava manatu.O nei valaaulia fautuaina ua fuafuaina e tuuina atu i tagata a’oga ia le itiiti ifo ma le tasi i le aso ae le’i amatalia le faatinoga faaleaoaoga.

Toe iloilo manatu o sauniuniga a le tagata a’oga i le vaaiga aoao mo se vaiaso o lesona o lo o loma o le a e aoao atu.Mafaufau po o fea o manatu o le a e faaaogaina, fetuunai, pe le faaaogaina.Afai e te filifili e valaaulia au tagata a’oga e saunia, e faapefea ona e faasoa atu lenei manatu mo sauniuniga ia i latou?Mo se faataitaiga, e mafai ona e faasoaina atu i upu pe faaali atu i le faaiuga o le vasega na sei faatoa mavae atu.I le tulaga e talafeagai ai, e mafai ona e lafoina atu e auala i le polokalama Wise po o se polokalama o feau tusitusia.

Gaoioiga e Ono Mafai Ona Aoaoina Ai

O lesona taitasi o loo i ai manatu o auala e ono mafai ona e taulimaina ai le faatinoga faaleaoaoga.Mo au tagata a’oga ina ia maua le aafiaga sili ona lelei, e tatau ona e faaaogaina le anotusi o le vaega lenei e fai ma taiala nai lo se tusiga tautu.Afai faatoa e amata o se faia’oga seminare, atonu e sili atu le amata i le mulimuli ai ma le toto’a i gaoioiga o le aoao atu ua fautuaina atu.Faatasi ai ma le faateleina o le poto masani, o le a faaleleia ai lou tomai e fetuunai ai anotusi o lenei tusi lesona ina ia fetaui lelei ma manaoga o au tagata a’oga.

O le tele o gaoioiga fautuaina faaleaoaoga o le a valaaulia ai tagata a’oga e faaaogaina se api talaaga mo suesuega.O lo o maua se kopi PDF o se api talaaga mo suesuega i le ChurchofJesusChrist.org/si/seminary/manuals.Afai e avanoa, e mafai foi e tagata a’oga ona faaaoga le vaega o api faamaumau i le polokalama Gospel Library, e tali atu atu ai i uunaiga o le apitalaaga i totonu o lesona.

Faatonuga Faafaia’oga

I totonu o lesona, o le a e maitauina ai pusa o lo o iai faatonuga faafaiaoga mo faia’oga.O nei faatonuga ua faamoemoe e fesoasoani ia te oe e saunia ai ma faaaoga ai gaoioiga e aoao ai o lo o fautuaina atu i le lesona.E ono fa’amalamalama ai fa’amoemoega o gaoioiga o lesona pe avatu ai ni fautuaga i le auala e fetu’una’i ai le anotusi o le lesona, ina ia ausia lelei ai mana’oga o tagata a’oga.O nei fautuaga e mafai ona aofia ai isi auala faaleoleo, fesili, po o gaoioiga e fesoasoani ia te oe e fetuunai ai anotusi ma gaoioiga pe a talafeagai.

Toe faamanatu nisi o faatonuga faafaiaoga i se lesona o le a e aoaoina atu i se taimi lata mai.

O le a se mea e te maitauina e uiga i nei faatonuga faafaia’oga e mafai ona fesoasoani ia te oe e sauni ai e aoao atu?

O Punaoa Faaopoopo

O le tele o lesona o loo i ai se vaega o “Punaoa Faaopoopo” i le faaiuga o le lesona.O lenei vaega o loo aofia ai faamatalaga e mafai ona fesoasoani e faaloloto ai le aoaoina.E mafai ona e maua fesili e ono iai a tagata a’oga, ma faamatalaga a taitai o le Ekalesia e mafai ona fesoasoani e tali ai nei fesili.O nei faamatalaga mai taitai o le Ekalesia e ono mafai ona aofia i le lesona.O le vaega lenei ua na’o le polokalama o le Gospel Library e maua ai po o le Gospel Library i le upega tafailagi i le ChurchofJesusChrist.org.O le vaega o “Punaoa Faaopoopo” e le o aofia ai i le lomiga PDF o le tusi lesona a le faiaoga.

Vaai pe o le lesona o loo sosoo ona e aoao atu e aofia ai le “Punaoa Faaopoopo.”

E iai ni puna’oa i lenei vaega e ono aoga ona faasoa atu ma lau vasega?

Gaoioiga Faaopoopo e Aoao Ai

O lenei vaega, o loo aofia ai foi i le faaiuga o le lesona, o loo i ai ni manatu faaopoopo mo le taulai atu ai i le faatinoga faaleaoaoga.O nei gaoioiga faaleaoaoga e aofia ai auala e fetuunai ai gaoioiga o lo o iai nei i le lesona, po o auala e aoao atu ai anomea e le o aofia i le lesona.O gaoioiga faaleaoaoga faaopoopo e na o le tusi lesona a le faiaoga e aofia ai pe afai o loo e mauaina e ala i le polokalama o le Gospel Library po o le Gospel Library i le upega tafailagi i le ChurchofJesusChrist.orgO lenei vaega e le o aofia ai i le lomiga PDF o le tusi lesona a le faiaoga.

Afai o lau lesona o le a sosoo ai e aofia ai se vaega o “Galuega Faatino Faaopoopo e Aoao Mai Ai”, toe iloilo gaoioiga nei.

Pe o iai ni gaoioiga e te manatu o le a aoga e faaaoga faatasi ma au tagata a’oga e faaopoopo iai, po o le suitulaga ai o gaoioiga faaleaoaoga o lo o aofia ai i le vaega autu o le lesona?

Lesona o le Feagaiga Tuai ma Lesona o Sauniuniga mo le Olaga.

E tatau ona aoaoina tagata a’oga i lesona o le Feagaiga Tuai ma lesona o Sauniuniga mo le Olaga i le aluga o le tausaga.O le faamatalaga lenei e mafai ona fesoasoani ia te oe e malamalama ai i le faamoemoega o lesona eseese i le tusi lesona a le faia’oga.

O Lesona o le Feagaiga Tuai

O lesona o le Feagaiga Tuai e talafeagai ma poloka mau o lo o faamamafaina i vaiaso ta’itasi i le Sau, Mulimuli Mai ia te A’u.O nei lesona e tuuina atu ai i tagata a’oga ni avanoa ia maua ni aafiaga loloto i le suesueina o le afioga a le Atua i le Feagaiga Tuai.O lesona Faataitai o le Atamai i Aoaoga Faavae ma lesona o le Iloilo o Lou Aoaoina, ua aofia i le vaega o lesona o le Feagaiga Tuai o le tusi lesona.

O Lesona Faataitai o le Atamai i Aoaoga Faavae

O lesona Faataitai o le Atamai i Aoaoga Faavae ua faamoemoe e fesoasoani ai i tagata aoga e galulue agai i le ausiaina o taunuuga o le atamai i aoaoga faavae.O nei taunuuga e aofia ai le fesoasoani i tagata a’oga e faia le vaega lenei:

Aoao ma faaaoga mataupu faavae paia mo le mauaina o le malamalama faaleagaga.

Ia atamai i fuaitau o le atamai i aoaoga faavae o tusitusiga paia, ma aoaoga faavae o le talalelei a Iesu Keriso o lo o latou aoao atu.

O le taulotoina o fuaitau filifilia ma le aoaoga faavae o le talalelei a Iesu Keriso lea e aoao mai e nei fuaitau, o lona uiga o le a mafai e tagata ao’ga ona faia o mea nei:

Iloa ma malamalama i aoaoga faavae o lo o aoao atu i fuaitau o mau o le atamai i aoaoga faavae.

Faamatala manino le aoaoga faavae i le faaaogaina o fuaitau o mau e fesootai i le atamai i aoaoga faavae.

Faaaoga le aoaoga faavae o le talalelei a Iesu Keriso ma mataupu faavae o le mauaina o le malamalama faaleagaga i a latou filifiliga o aso taitasi ma i a latou tali i faafitauli ma fesili tau i aoaoga faavae, faaletagata lava ia, faaagafesootai, ma faasolopito.

Manatua ma maua ia fuaitau o le atamai i aoaoga faavae ma tauloto o latou fasifuaitau autu o mau.

O le Polokalama o le Atamai i Aoaoga Faavae e mafai ona fesoasoani i tagata aoga e ausia ai nisi o taunuuga o le taulotoina o aoaoga faavae.Ua mamanuina e fesoasoani ai i tagata aoga e tauloto le mau faasino ma le fuaitau autu o mau mo fuaitau taitasi o le atamai i aoaoga faavae.Atonu e te manao e faaaoga le polokalama i le vasega ma uunaia tagata aoga e sii mai i a latou lava masini, pe a mafai.E maua mo masini iOS ma Android .

Mo nisi faamatalaga e uiga i faamoemoega o le taulotoina o aoaoga faavae, matamata i le “O Le A Le Atamai i Aoaoga Faavae?” (3:56), e maua i le ChurchofJesusChrist.org.

3:56

O Lesona o le Iloilo Lou Aoaoina

O le iloiloga o se vaega taua o le aoaoina.O avanoa e malolo ai ma manatunatu i aoaoga, e mafai ona iai sona aafiaga lelei mo tagata a’oga.O iloiloga faavaitaimi e mafai ona uunaia ai tagata a’oga i lo latou tuputupu a’e ma le atiina a’e faaauau e agai atu i le avea atili ai e pei o le Tamā Faalelagi ma Iesu Keriso.I le iloiloina o lo latou aoaoina, e avea ai tagata a’oga ma i latou e auai malolosi i le faagasologa o le aoaoina ma ia sili atu ona tali atu mo lo latou aoaoina.

O lesona Iloilo o Lou Aoaoina e maua ai e tagata a’oga ni avanoa e faamalamalama ai le aoaoga faavae autū mai le Feagaiga Tuai, tomanatu i o latou lagona, uiga faaalia, ma manaoga e faatatau i le fuafuaga a le Tamā Faalelagi ma le talalelei a Iesu Keriso, ma toe iloilo fuafuaga po o sini o lo o latou galulue ai ina ia faaaoga mea ua latou aoaoina ma ia faalolotoina le avea o i latou ma soo o Iesu Keriso.O nei lesona e mafai ona fesoasoani i tagata a’oga ia iloaina lo latou tuputupu a’e ma faailoa mai vaega i le lumanai mo se alualu i luma faaopoopo.O le a maua e tagata a’oga ni togi e ala i le auai ai ia le itiiti ifo ma le tasi se lesona o le Iloiloina o Lou Aoaoina i afa ta’itasi o le vasega.

Mo nisi faamatalaga e uiga i le auala e faatino ai lesona o le Iloilo Lou Aoaoina, tagai i le “Aoaoga mo Iloiloga” i le Aoaoga mo Mataupu Aoaoina a le Seminare.

O Lesona o Sauniuniga mo le Olaga

O lesona o Sauniuniga mo le Olaga e tuuina atu ai i tagata a’oga avanoa e faaaoga ai aoaoga a le Faaola i tulaga nei:

Taulimaina o fesili faigata ma tulaga luitauina o le olaga
Fai ni filifiliga musuia e faaaoga ai aoaoga a Iesu Keriso ma Ana perofeta.
Atiina a’e le ola faalagolago o le tagata ia te ia lava e tausia ai i latou lava ia ma o latou aiga.
Avea ia sili atu ona maloloina faaletino ma faalelagona.
Fai ni fuafuaga e saunia ai mo aoaoga ma galuega i le lumanai.
Atiina a’e tomai e faamanuiaina ai i aoaoga.
Saunia mo le auaunaga faafaifeau talai ma le ekalesia.
Saunia e osia ma tausia feagaiga i le malumalu.

Taumafai e aoao atu ni lesona se lua o Sauniuniga mo le Olaga i vaiaso ta’itasi.O nisi vaiaso e mafai ona tele atu ni lesona e te aoao atu ma isi vaiaso atonu e itiiti ifo, ae o le fua masani, e tatau ona e taumafai e aoao atu ni lesona se lua i le vaiaso i le tele o taimi e mafai ai.O lenei faiga o le a tuu atu ai se avanoa mo tagata a’oga e aoaoina ai nei lesona uma i le aluga o le tausaga aoga.

Ia mautinoa e maua se kopi o se taiala o le saoasaoa ua saunia mo oe e lou taitai faamaopoopo po o le faatonu o le polokalama.

Mo faamatalaga atili e uiga i lesona o Sauniuniga mo le Olaga, tagai i le “Lesona mo Aoaoga o Sauniuniga mo le Olaga” i le Aoaoga mo Mataupu Aoaoina a le Seminare.