“Faafoefoeina o Tekinolosi: ‘Ia Tatou Faaeteete ma Aua Le Manatu Faasamasamanoa i lo Tatou Faaaogaina o Tekonolosi,’” Tusi Lesona a le Faiaoga Seminare o le Feagaiga Tuai (2026)
“Faafoefoeina o Tekinolosi: ‘Ia Tatou Faaeteete ma Aua Le Manatu Faasamasamanoa i lo Tatou Faaaogaina o Tekonolosi,’” Tusi Lesona a le Faia’oga Seminare o le Feagaiga Tuai
Mo Le Malosi o le Autalavou: Faia o Filifiliga: Lesona 174
Faafoefoeina o Tekinolosi
“Ia Tatou Faaeteete ma Aua le Manatu Faasamasamanoa i lo Tatou Faaaogaina o Tekinolosi”
O nisi taimi e faigofie le manatu faasamasamanoa nai lo o le magafagafama le mataalia pe a faaaogaina tekinolosi.Pe afai tatou te faaeteete ma faaaoga tatau, e mafai ona faia e le Alii ia tekinolosi o se faamanuiaga ia i tatou ma isi.O lenei lesona e mafai ona fesoasoani i tagata a’oga e faaaoga a’oa’oga a Iesu Keriso e toe iloilo ai lo latou faaaogaina o tekinolosi.
Sauniuniga a le tagata a’oga: Valaaulia tagata a’oga e manatunatu e uiga i lo latou faaaogaina o tekinolosi ma ona aafiaga e ono oo ia i latou ma isi.Ina ia fesoasoani i lenei mea, e mafai ona siaki e nisi tagata a’oga a latou masini mo se faatulagaga po o se polokalama e iloa ai le tele [o le taimi] o lo o faaaogaina ai le masini po o polokalama.
Gaoioiga e Ono Mafai Ona Aoaoina Ai
Faaiuga e uiga i le faaaogaina o tekinolosi
Mafaufau e tusi se ata o se tagata o lo o tu i se fetaulaiga o auala eseese.
-
O a ni auala eseese e faaaoga ai e talavou tekinolosi i aso nei?
E ono faasoa mai e tagata a’oga auala e faaaogaina ai e pei o le talanoa atu ai i isi, suesueina o tusitusiga paia, fiafia ai i faafiafiaga, maua ai faamatalaga mai faasalalauga faaagafesootai, ma fai ai meaa’oga i le fale.A o tali e tagata a’oga le fesili, e mafai ona e faia se lisi pe faaigoa auala i luga o le laupapa e faaaoga ai tali a tagata aoga.O le a fesoasoani lenei lisi i se taimi mulimuli ane o le lesona.
-
E mafai faapefea ona tatou iloa mea e talafeagai pe le talafeagai ai le faaaogaina o tekinolosi?
E pei o lenei tagata i le tele o auala e filifili mai ai, e mafai ona tatou feagai ma faafitauli i le faia o filifiliga lelei e uiga i auala e faaaoga ai tekinolosi.
Faitau fuaiupu nei ma vaavaai pe mafai faapefea ona taitaia e le Alii a tatou faiga-faaiuga.
-
Esoto 13:21–22
-
Salamo 119:105
-
Isaia 2:3, 5
E mafai ona e valaaulia tagata a’oga e faasoa mai mea latou te ono faaopoopo atu i le ata ma pe aisea foi.Latou te ono faaopoopo atu se molī, ao po o se afi faaniutu, po o ni mau i le atatusi i le amataga o auala.
-
E faapefea ona e aoteleina nei a’oa’oga i se fuaiupu se tasi?
Fesoasoani i tagata a’oga ia iloa se upumoni e pei o le e tuuina mai e le Alii le fesoasoani e taitaia ai o tatou olaga.
-
O a ni auala e mafai ai e le Alii ma Ana a’oa’oga ona taitaia i tatou i le faia o faaiuga e uiga i auala e faaaoga ai le tekinolosi?
Faaalu sina taimi ma mafaufau pe faapefea ona e faaaogaina tekinolosi ma po o le a se mea o taitaia oe i le faaaogaina o tekinolosi i le taimi nei.A o latou suesue i le asō, gauai atu i uunaiga a le Agaga.
Faafoefoeina o Tekinolosi
Ua faia e le Ekalesia se puna’oa mo talavou ua faaigoaina o le Faafoefoeina o Tekinolosi.O ona mataupu faavae autu e tolu, e mafai ona fesoasoani ia i tatou i le faia o faaiuga lelei sili atu e uiga i lo tatou faaaogaina o tekinolosi.
-
Faamoemoega. E mafai ona ou faaaogaina tekinolosi ma se faamoemoega.E na te le pulea a’u.
-
Fuafuaga. Pe a ou fuafua mamao, ou te maua se lagona lelei ma faia ni filifiliga lelei sili atu.
-
Taofi. E lelei mo a’u le taofi teisi ma faia se malologa.
Afai e fesoasoani, e mafai ona e faasino atu tagata a’oga i le ata i luga o le laupapa ma fesili atu pe faapefea e nei mataupu faavae e tolu ona fesoasoani i le tagata o loo i le ata, e faia faaiuga lelei sili atu e uiga i le faaaogaina o tekinolosi.
E ui e taua uma nei mataupu faavae e tolu, o le vaega o totoe o le lesona o le a taulai atu i le iai o se faamoemoega.Ina ia fesoasoani i tagata a’oga e mafaufau e uiga i le iai o se faamoemoega i le faaaogaina o tekinolosi, mafaufau e fai atu se fesili e pei o lenei:
-
O le a sou manatu i le finagalo o le Alii i le auala e te faaaogaina ai tekinolosi?
Faaaogaina o le tekinolosi ma se faamoemoega
Ina ia fesoasoani ia i tatou e faaaoga tekinolosi ma se faamoemoega [tatau], e mafai ona tatou liliu atu i le Alii ma Ana apoapoaiga o lo o i tusitusiga paia ma upu a Ana perofeta.E faavae i a’oa’oga a le Alii, e mafai ona tatou faia ni fesili e toe iloilo ai lo tatou faaaogaina o tekinolosi, ma fesoasoani ia i tatou ia sili atu le mataalia.
Faaali atu faatonuga nei ma valaaulia tagata a’oga e faamae’a taitoatasi laasaga uma e lua pe faia i ni vaega to’alaiti.Afai e fesoasoani i tagata a’oga se faataitaiga i le auala e faia ai lenei mea, mafaufau e faitau atu o se vasega se tasi o mau mai le laasaga muamua .E mafai foi ona e faaali atu faailo fesili, e pei o nei, e fesoasoani i tagata a’oga ia iloa pe faapeī foliga o nei fesili.
-
Pe o le faaaogaina o tekinolosi i lenei auala …?
-
Pe o lo’u faaaogaina o tekinolosi ua faalavelaveina ai a’u mai …?
O fesili e ono mafai ona latou faia e maua i le faaiuga o faatonuga mo lenei gaoioiga.
Faataitai le faia o fesili tomanatu e faavae i luga o a’oa’oga a le Alii.
-
Faitau se tasi o mau nei.Faaaoga mea ua e a’oa’oina e fatu ai se fesili e mafai ona fesoasoani ia i tatou ia faaaoga tatau ma tomanatu e uiga i lo tatou faaaogaina o tekinolosi.
Isaia 55:2; 2 Nifae 9:51
Mataio 22:36–39
-
Faitau se tasi o parakalafa e fa i lalo o le ulutala “O Valaaulia” o le vaega “Savali i le Malamalama o le Alii” o le Mo le Malosi o le Autalavou: O se Taiala i le Faia o Filifiiga.Faaaoga mea ua e a’oa’oina e fatu ai se fesili e ono mafai ona fesoasoani ia i tatou ia faaaoga tatau ma tomanatu e uiga i lo tatou faaaogaina o tekinolosi.
Mafaufau e valaaulia tagata a’oga e tusi fesili na latou fatuina i luga o le laupapa, pe tusi i luga o se pepa ma faapipi’i faataamilo i luga o puipui o le potu.O ni nai faataitaiga nei o fesili atonu e fatuina e tagata aoga:
-
Pe o le faaaogaina ea o tekinolosi i le auala lenei o le a aumaia ai le faamalieina ia te a’u po o le tuua ai o a’u i se lagona gaogao?(Isaia 55:2; 2 Nifae 9:51
-
Pe o lo’u faaaogaina o tekinolosi ua faalavelavea ai a’u mai le faaalia o le alofa i le Atua po o isi tagata?(Mataio 22:36–39)
-
Pe o le faaaogaina ea o tekinolosi i lenei auala o le a taitai atu ai a’u ina ia ou matau’a ai i isi ma faatusatusa a’u i isi?(Moronae 7:45)
-
E faapefea ona ou faaaoga tekinolosi i se auala e aumai ai le malamalama faateleina i lo’u olaga?(Mataupu Faavae ma Feagaiga 50:23–25)
-
Pe o lenei faaaogaina o tekinolosi o le a faatupu ai manaoga tuinanau?(Mataupu Faavae ma Feagaiga 63:16)
-
Pe o lo’u faaaogaina o tekinolosi o fesoasoani pe o afaina ai a’u so’otaga ma isi?(“Savavali i le malamalama o le Atua,” Mo Le Malosi o le Autalavou: O Se Taiala mo le Faia o Filifiliga [2022], 19)
Valaaulia ni nai tagata a’oga po o ni vaega e faasoa mai mea na latou faitauina ia na taitai atu ai i a latou fesili.
-
E faapefea e le faaaogaina o a’oa’oga a le Alii i lenei auala ona fesoasoani ia i tatou ia iai se faamoemoega tatau i le auala e faaaoga ai tekinolosi?
Faataitai
O lenei gaoioiga e mafai ona fesoasoani i tagata a’oga e faaaoga fesili na latou fatuina e iloilo ai lo latou lava faaaogaina o tekinolosi.
Afai na faapipi’i e tagata a’oga a latou fesili faataamilo i le potu, uunaia tagata aoga e tutu i luga ma faasolo fesuisuia’i i isi fesili ia faauma ai le gaoioiga.
I totonu o lau api talaaga mo suesuega, lisi ni nai auala o lo o e faaaogaina ai tekinolosi.I le faaaogaina ai o fesili na fatuina e tagata o le vasega, toe iloilo lau lava faaaogaina o tekinolosi.Mafaufau i mea o lo o lelei ona e faia po o fea foi e te iloa e mafai ona e faaleleia.Tusi i lalo so’o se musumusuga e te ono maua mai le Agaga Paia.
O tagata aoga naunautai e mafai ona faasoa mai mea na latou a’oa’oina.Afai e fesoasoani, e mafai ona e faasoa atu le faamatalaga lenei.
Na a’oa’o mai e Elder Peter M. Johnson o le Fitugafulu le mea lenei, e uiga i le auala e mafai ai e lo tatou faaaoga o tekinolosi ona tatou fesootai atu ai i le Alii ma Lona mana.
O suiga fou faatekinolosi e ofoofogia, ae afai tatou te le faaeteete, e mafai ona faalavelave ia i tatou mai le faataunuuina o o tatou gafatiaga paia.O le faaaogaina ai talafeagai o nei mea, e mafai ona aumaia ai le mana o le lagi. …
Ia tatou faaeteete ma aua le manatu faasamasamanoa i lo tatou faaaogaina o tekinolosi.Ia sailiili pea mo auala e mafai ai e tekinolosi ona tatou latalata atili atu i le Faaola ma faatagaina ai i tatou e faataunuu Lana galuega a o tatou sauni mo Lona Afio Mai Faalua.(“Mana e Faatoilalo ai le Fili,” Liahona, Nov. 2019, 110, 111)
Faamanatu i tagata a’oga e faapea, o le a faamanuiaina i latou e le Faaola ma faamalosia i latou a o latou faatino so’o se musumusuga na latou ono mauaina i le asō (tagai i le Salamo 29:11).