Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faamanuiaga Faapeteriaka: O se Faaaliga o le Alofa o le Atua ma le Tautinoga o le Tupuaga

“Faamanuiaga Faapeteriaka: O se Faaaliga o le Alofa o le Atua ma le Tautinoga o le Tupuaga,” Tusi Lesona a le Faia’oga Seminare o le Feagaiga Tuai (2026)

“Faamanuiaga Faapeteriaka: O se Faaaliga o le Alofa o le Atua ma le Tautinoga o le Tupuaga,” Tusi Lesona a le Faia’oga Seminare o le Feagaiga Tuai

Mo Le Malosi o le Autalavou: Faia o Filifiliga: Lesona 175

Faamanuiaga Faapeteriaka

O se Faaaliga o le Alofa o le Atua ma le Tautinoga o le Tupuaga

A young man sits and looks over his Patriarchal blessing. He is on a couch and reads the blessing.

O le mauaina o le faamanuiaga faapeteriaka, e mafai ona avea ma se tasi o mea e sili ona taua i o tatou olaga.E ala mai i o tatou faamanuiaga faapeteriaka, ua faaali mai ai e le Tamā Faalelagi Lona finagalo mo i tatou, fesoasoani ia i tatou e lagona Lona alofa, ma tautino mai lo tatou tupuaga i le aiga o Isaraelu.O lenei lesona e mafai ona fesoasoani i tagata a’oga ia malamalama ai, i le auala e avea ai le faamanuiaga faapetiriaka o se faailoga o le alofa o le Atua ma tautino mai ai lo latou tupuaga i le aiga o Isaraelu.

Sauniuniga a le tagata a’oga: Mafaufau e valaaulia tagata a’oga e faia se tasi o mea nei ae le’i amatalia le vasega: (1) faitau a latou faamanuiaga faapeteriaka po o le (2) fai atu i tagata ua maua o latou faamanuiaga faapeteriaka e faasoa mai pe ua faapefea ona fesoasoani o latou faamanuiaga ia i latou.

Gaoioiga e Ono Mafai Ona Aoaoina Ai

Faamanuiaga faapeteriaka

Manatua: O nisi tagata a’oga ua latou maua se faamanuiaga faapeteriaka, a o isi atonu o lo o sauniuni ia maua.O lenei lesona e talanoaina ai vaega uma e lua ia o tagata a’oga.Saili mo se fesoasoani mai le Agaga Paia ina ia e iloa ai le auala e mafai ai ona e ausia manaoga eseese o au tagata aoga.A o talanoa mai tagatai a’oga e uiga i a latou faamanuiaga faapeteriaka, faamanatu atu ia i latou e aua ne’i faasoaina mai faamatalaga auiliili patino o a latou faamanuiaga.

A’o le’i suesue e uiga i le faamanuiaina e Iakopo o lona aiga, e te ono manao e amatalia le lesona e ala i le tuu atu i tagata a’oga e mafaufau e uiga i lo latou malamalamaaga o lo o iai nei i faamanuiaga faapeteriaka.O se tasi o auala e mafai ona e faia ai lenei mea o le tusi lea o le fasifuaitau faamanuiaga faapeteriaka i luga o le laupapa, faatasi ai ma koluma e tolu o lo o faamatalaina i lalo.

Valaaulia tagata a’oga e toe manatunatu i mea latou te iloa e uiga i faamanuiaga faapeteriaka ma po o a ni a latou fesili e ono iai.O se tasi auala e faia ai lenei mea o le valaaulia lea o tagata a’oga e tusi ni koluma se tolu i se itulau i a latou api talaaga mo suesuega.

Koluma muamua: O mea ou te iloa e uiga i faamanuiaga faapeteriaka
Koluma lua: O mea ou te fia iloa e uiga i faamanuiaga faapeteriaka
Koluma tolu: O mea o lo o o’u a’oa’oina e uiga i faamanuiaga faapeteriaka

E mafai ona faatumu e tagata a’oga koluma e lua muamua i le taimi nei.O le a faaopoopo atu e tagata a’oga manatu i le koluma lona tolu a o faagasologa le lesona.

Preparatory sketch in casein on illustration board by artist Harry Anderson for his painting "Jacob Blessing Joseph." The sketch depicts the Old Testament Prophet Jacob (Israel) with his sons gathered around him. Jacob has his hand on the head of his son Joseph as he gives him a blessing. (Genesis 49:22)

A’o le’i maliu o ia, na faapotopotoina e le perofeta ma le peteriaka o Iakopo lona aiga.

Faitau le Kenese 48:8–9 ma le Kenese 49:1–2, vaavaai mo mea na ia faia mo i latou.(Manatua: O upu ta’u atu o lo o faasino atu i mea o le a ia fai atu ai i ana faamanuiaga.)

O le a se mea na e mauaina?

O faamanuiaga na tuuina atu e Iakopo i ona atali’i, o faamanuiaga faapeteriaka (tagai i le Kenese 48:9–22; 49:1–28).I o tatou aso, “O tagata agavaa uma ua papatisoina, ua iai le avanoa tatau e maua ai se faamanuiaga faapeteriaka, lea e maua ai le taitaiga musuia mai le Tamā Faalelagi” (Tusitaulima Aoao: Auauna atu i Le Ekalesia a Iesu Keriso o le Au Paia o Aso e Gata Ai, 18.17, Gospel Library).

Na faasoa mai e Elder Gerrit W. Gong o le Korama a Aposetolo e To’asefululua, mafuaaga tatou te maua ai faamanuiaga faapeteriaka i o tatou aso:

I le salafa o le lalolagi, e saunia ai faaleagaga peteriaka faamamaluina e fai faamanuiaga faapeteriaka.Pe a faaee atu e le peteriaka ona aao i luga o lou ao, na te lagonaina ma faaali atu le alofa o le Atua mo oe.Na te tautino atu lou tupuaga i le aiga o Isaraelu.Na te faailoa atu faamanuiaga mai le Alii.(“Auai Ai i Feagaiga,” Liahona, Nov. 2019, 82)

O le a se mea ua e a’oa’oina e uiga i faamanuiaga faapeteriaka mai lenei faamatalaga?

E mafai ona tali mai tagata a’oga ni upumoni e pei o nei:

E ala i lo’u faamanuiaga faapeteriaka, e mafai ona ou:

lagona le alofa o le Atua mo a’u.
a’oa’o e uiga i lo’u tupuaga i le aiga o Isaraelu.
iloa faamanuiaga a le Atua mo a’u.

Faamanatu atu i tagata a’oga e faaopoopo mea ua latou a’oa’oina e uiga i faamanuiaga faapeteriaka i le koluma “A’oa’oga”.E mafai foi ona latou tusi fesili o ono ia i latou i le koluma “Fia iloa”.

O le vaega o totoe o le lesona ua taulai atu i le auala e fesoasoani ai faamanuiaga faapeteriaka ia tatou lagona ai le alofa o le Atua, ma pe faapefea ona tautino lo tatou tupuaga i le aiga o Isaraelu.I le Gaoioiga Faaopoopo e A’oa’o ai mo lenei lesona, i le Gospel Library, o le a e maua ai mea e uiga i le auala e fesoasoani ai faamanuiaga faapeteriaka, ia tatou iloa ai faamanuiaga a le Atua mo i tatou.

O faamanuiaga faapeteriaka o ni faailoaga o le alofa o le Atua

Na molimau mai Elder Kazuhiko Yamashita o le Fitugafulu, i le auala ua avea ai faamanuiaga faapeteriaka o se faailoaga o le alofa o le Atua:

Uso e ma tuafafine, ou te molimau atu o loo soifua le Tama Faalelagi ma Lona Alo Pele e Toatasi na Fanaua, o le Alii o Iesu Keriso.E alolofa i La’ua ia i tatou.O faamanuiaga faapeteriaka o meaalofa paia mai ia i La’ua.A ua mauaina lou faamanuiaga, o le a e iloa ai ma lagonaina lo La’ua alolofa ia te oe ma lo La’ua taulai atu ia te oe lava ia.(“O Afea e Tatau Ona Maua Ai Lou Faamanuiaga Faapeteriaka,” Liahona, Me 2023, 90)

O le a sou manatu, e faapefea ona avea faamanuiaga faapeteriaka o se faailoaga o le alofa o le Atua?

Ina ia fesoasoani i tagata a’oga ia iloa se faataitaiga o le avea o faamanuiaga faapeteriaka o se faailoaga o le alofa o le Atua, e mafai ona e faaali atu le “Bethany’s Story” mai le faailo taimi 7:02 i le 8:55.Valaaulia tagata a’oga e vaavaai pe faapefea e le suesueina o lona faamanuiaga faapeteriaka ona fesoasoani ia te ia na te lagona ai sa silafia ma alofa le Atua ia te ia.

11:8
Na faapefea ona e lagona le alofa o le Atua e ala i lou faamanuiaga faapeteriaka?

Faamanatu atu i tagata a’oga e faaopoopo mea ua latou a’oa’oina e uiga i faamanuiaga faapeteriaka i le koluma “A’oa’oga”.

O faamanuiaga faapeteriaka e tautino mai ai o tatou tupuaga

A’o le’i amatalia lenei vaega, e mafai ona e valaaulia tagata a’oga e faasoa mai mea latou te iloa e uiga i le tautinoga o le tupuaga ma pe aisea e taua ai.E mafai foi e tagata a’oga ona tusi fesili o ia i latou e uiga i le tautinoga o le tupuaga i le koluma “Fia iloa”, ma vaavaai mo tali a o latou suesue.

Na a’oa’o mai Elder David A. Bednar o le Korama a Aposetolo e To’asefululua e uiga i le tautinoga o le tupuaga:

O se tasi o mafuaaga autu ua tatou maua ai se faamanuiaga faapeteriaka, o le fesoasoani lea ia i tatou ina ia malamalama atoatoa ai po o ai i tatou i le avea ai ma fanau a Aperaamo, ma ia iloa le tiutetauave ua faaee mai i o tatou luga. …Na muai faauuina i tatou i le muai olaga ma fananau mai i le olaga faitino ina ia faataunuuina le feagaiga ma le folafolaga na faia e le Atua ia Aperaamo. ( “Avea Ai o se Faifeautalai,” Liahona, Nov. 2005, 47)

O le a se mea mai lenei faamatalaga e mafai ona e faaopoopo atu i le koluma “A’oa’oga”?

E fua i mea e faasoa mai e tagata a’oga, e mafai ona e faitau pe aotele le parakalafa lenei, ina ia fesoasoani i tagata a’oga ia malamalama i le fesootaiga i le va o Aperaamo ma le tupuaga ua tautinoina i o latou faamanuiaga faapeteriaka.

Na faia e le Atua se feagaiga ma le perofeta o Aperaamo ua faaigoaina o le feagaiga faaAperaamo.Na toe faafouina e le Atua lenei feagaiga ma Iasaako ma Iakopo—o lē ua taua foi o Isaraelu (tagai i le Kenese 26:3–4; 28:12–15).O atalii o Iakopo ua taua o ituaiga o Isaraelu.O o tatou faamanuiaga faapeteriaka ua faaalia ai le auala ua avea ai i tatou ma fanau a Aperaamo ma suli o le aiga o Isaraelu.O suli ta’itasi o le aiga o Isaraelu, tusa lava po o le a le ituaiga, e mafai ona maua faamanuiaga ma tauave faatasi matafaioi o le feagaiga faaAperaamo.

Afai na suesueina e tagata a’oga le Lesona 23: “Kenese 12:17;” po o le Lesona 24: “Aperaamo 2:9–11,” e mafai ona e valaaulia i latou e faasoa mai mea latou te manatua e uiga i le feagaiga faaAperaamo.

Mafaufau e valaaulia tagata a’oga e suesue fuaiupu nei i ni vaega to’alaiti ma fai se lisi o mea latou te maua i luga o le laupapa.

Faitau le Aperaamo 2:9–11, vaavaai mo faamanuiaga ma matafaioi ua folafolaina mai e le Alii ia Aperaamo ma lana fanau.

O a ni o tatou faamanuiaga ma matafaioi o iai i le avea ai o ni fanau a Aperaamo?
O a mea tatou te a’oa’oina mai o tatou faamanuiaga faapeteriaka e fesoasoani ia i tatou e faataunuu ai nei matafaioi?

Mafaufau e valaaulia tagata a’oga ua maua se faamanuiaga faapeteriaka e toe iloilo mea ua a’oa’o mai e uiga i taleni ma uiga ua tuuina mai e le Atua ia i latou, e faataunuuina ai nei matafaioi.Afai e mafai, e mafai ona maua e tagata a’oga o latou faamanuiaga i le Gospel Library.

Faamanatu atu i tagata a’oga e faaopoopo mea ua latou a’oa’oina e uiga i faamanuiaga faapeteriaka i le koluma “A’oa’oga”.

O mea na ou a’oa’oina

Valaaulia tagata a’oga e toe iloilo mea na latou tusia i le koluma “A’oa’oga”.Latou te ono li’o se tasi pe lua o mea na sili ona faagaeetia ai i latou.E mafai ona faasoa mai e tagata a’oga i le vasega pe i ni vaega to’alaiti nisi o mea na latou tusia.

E mafai ona tali atu tagata a’oga i se tasi po o le sili atu o fesili nei i a latou api talaaga mo suesuega.

O a ni mea ua e a’oa’oina pe lagona e uiga i le Tamā Faalelagi?
O a ni mea ua e a’oa’oina e faaosofia ai oe e suesue i lou faamanuiaga faapeteriaka?
O a ni mea ua e a’oa’oina e faaosofia ai oe e sauniuni i le mauaina o lou faamanuiaga faapeteriaka?

Mafaufau e faasoa atu ou manatu ma lagona e uiga i faamanuiaga faapeteriaka.Valaaulia tagata a’oga e le’i maua se [faamanuiaga faapeteriaka], e mafaufau ma le agaga tatalo pe o le a le taimi talafeagai mo i latou e maua ai se faamanuiaga.Valaaulia tagata a’oga ua maua se [faamanuiaga faapeteriaka], e suesue iai e le aunoa.

Afai e tumau pea le iai o ni fesili a tagata a’oga e uiga i faamanuiaga faapeteriaka, uunaia i latou e faaauau ona saili mo ni tali.E mafai ona latou suesue i Autu ma Fesili: Faamanuiaga Faapeteriaka pe talanoa atu i se matua po o se taitai o le Ekalesia.

O Puna’oa Faaopoopo

O le a le mea taua e uiga i le tautinoga o le tupuaga i o tatou faamanuiaga faapeteriaka?

Na a’oa’o mai Elder Kazuhiko Yamashita o le Fitugafulu:

10:47

A’o e mauaina se tautinoga o le tupuaga, o le a e iloa ai o oe lava o se tasi o le aiga o Isaraelu ma o le fanau [lava] a Aperaamo.Ina ia malamalama i le taua o lenei mea, ia taulai i folafolaga na faia e le Alii i le aiga o Isaraelu e ala atu ia Aperaamo.

O na folafolaga e aofia ai:

“O le a toatele Lana fanau (tagai i le Kenese 17:5–6; Aperaamo 2:9; 3:14).

“O Lana fanau, po o suli, o le a maua le talalelei ma umia le perisitua (tagai i le Aperaamo 2:9).

“E ala atu i auaunaga a lana fanau, ’[o le a] manuia ai aiga uma o le lalolagi, e o’o lava i faamanuiaga o le Talalelei, o faamanuiaga ia o le faaolataga, e o’o lava i le ola faavavau’ (Aperaamo 2:11).”

I le avea ai ma tagata o le Ekalesia, o i tatou o fanau o le feagaiga.Tatou te maua faamanuiaga o le feagaiga faaAperaamo pe a tatou usiusitai i tulafono ma sauniga o le talalelei. (“O Afea e Tatau Ona Maua Ai Lou Faamanuiaga Faapeteriaka,” Liahona, Me 2023, 89)

E faapefea ona faamanuia i tatou e le Atua e ala mai i faamanuiaga faapeteriaka?

Na molimai mai Elder Randall K. Bennett o le Fitugafulu:

9:28

Sa matuai taua lava lo’u faamanuiaga faapeteriaka ia te a’u a’o ou talavou mo le tele o mafuaaga.Muamua, e ala i le mana o le Agaga Paia, sa fesoasoani lo’u faamanuiaga faapeteriaka ou te malamalama ai i lo’u faasinomaga moni e faavavau—po o ai moni lava a’u ma po o ai o le a avea ai a’u.Sa fesoasoani ou te iloa ai, e pei ona sa a’oa’o mai Peresitene Nelson, o a’u “o se atali’i/afafine o le Atua,” “o se [tama] o le feagaiga,” ma “o se soo o Iesu Keriso.”Sa ou iloa sa iloa ma alofaina a’u e lo’u Tama Faalelagi ma lo’u Faaola, ma sa La’ua aofia patino i lo’u olaga.Na fesoasoani lenei mea ou te manao ai ia faalatalata atili atu ia i La’ua ma faateleina lo’u faatuatua ma le talitonuina o i La’ua.(“O Lou Faamanuiaga Faapeteriaka—Taitaiga Musuia mai le Tamā Faalelagi,” Liahona, Me 2023, 42)

E faapefea ona ou maua se faamanuiaga faapeteriaka?

O ta’iala nei o loo faamatalaina i le Tusitaulima Aoao: Auauna Atu i le Ekalesia a Iesu Keriso o le Au Paia o Aso e Gata Ai:

E faatalanoa e le epikopo po o se fesoasoani e tofia ia tagata e mananao e maua se faamanuiaga faapeteriaka.Afai ua agavaa se tagata [o le ekalesia], e saunia e lē na faia le faatalanoaga se Pepa Faataga mo Faamanuiaga Faapeteriaka. …

A mae’a ona maua se pepa faataga, e faafesootai e le tagata le peteriaka e faatulaga se aso ma se taimi e maua ai se faamanuiaga faapeteriaka.I le aso ua tuupoina, e tatau i le tagata ona alu i le peteriaka ma se uiga faaalia o le lototatalo ma i laei o le Sapati.E mafai ona anapopogi tagata [o le au paia], [e ui] o le anapogi e le o se mea e manaomia.(Tusitaulima Aoao, 18.17; 18.17.1, Gospel Library) .

Gaoioiga Faaopoopo e A’oa’o Ai

O faamanuiaga faapeteriaka e aofia ai faamanuiaga ua folafolaina mai e le Atua

O lenei manatu e mafai ona a’oa’o e faaopoopo atu i vaega o le lesona e uiga i auala e avea ai faamanuiaga faapeteriaka o se faailoga o le alofa o le Atua ma tautinoga o lo tatou tupuaga.

Mafaufau e faasoa atu le faamatalaga lenei mai ia Elder Kazuhiko Yamashita o le Fitugafulu, a’o le’i talanoaina fesili o loo tuuina atu faatasi ai.

O lou faamanuiaga faapeteriaka o se savali mai lou Tama Faalelagi ma e ono aofia ai folafolaga ma fautuaga musuia e taiala ai oe i lou olaga atoa.O le a le faataatiaina mai e se faamanuiaga faapeteriaka lou olaga pe tali uma ai au fesili. Afai e le ta’ua mai ai se mea taua e tupu i lou olaga, aua ne’i avea lena mea e te faapea ai o le a e le maua lena avanoa. E faapena foi, e leai se faamaoniga faapea o le a taunuu mea uma o lou faamanuiaga i lenei olaga.O se faamanuiaga faapeteriaka e faavavau, ma afai e te ola agavaa, o folafolaga e le faataunuuina i lenei olaga o le a e maua i le isi olaga.(“O Afea e Tatau Ona Maua Ai Lou Faamanuiaga Faapeteriaka,” Liahona, Me 2023, 89)

O a ni auala eseese e fesoasoani ai faamanuiaga faapeteriaka ia i tatou?(E mafai ona maua ai le taitaiga, apoapoaiga, lapataiga, faamafanafanaga.)
Ua avea faapefea lou faamanuiaga faapeteriaka ma faamanuiaga i lou olaga?

Uunaia tagata a’oga e faaopoopo atu mea ua latou a’oa’oina e uiga i faamanuiaga faapeteriaka i le koluma “A’oa’oga” o la latou siata.E mafai ona e valaaulia tagata a’oga ua maua o latou faamanuiaga faapeteriaka e faaavanoa se taimi e suesue ai ma vaavaai mo faamanuiaga ua folafolaina mai e le Tamā Faalelagi ia i latou.

O le auala e fesoasoani ai faamanuiaga faapeteriaka ia i tatou ia iloa faamanuiaga a le Atua mo i tatou

Ina ia fesoasoani i tagata a’oga e iloa se faataitaiga pe faapefea ona avea faamanuiaga faapeteriaka o se faaaliga o le alofa o le Atua, po o le auala latou te faamanuiaina ai o tatou olaga, e mafai ona e faaali atu le vitiō “How the Priesthood Blesses Youth” (6:07) i le ChurchofJesusChrist.org, mai le faailo taimi 2:33 i le 3:35.I lenei vitiō, ua faasoa mai ai e se tamaita’i talavou lona faamanuiaga faapeteriaka ma le auala ua fesoasoani ai ia te ia e faailoa faamanuiaga ua folafolaina mai e le Atua mo lona olaga.

6:7

E faapefea ona ou iloa ua ou saunia e maua se faamanuiaga faapeteriaka?

Afai e iai ni fesili a tagata a’oga e uiga i le iloaina o le taimi latou te sauni ai e maua se faamanuiga faapeteriaka, e mafai ona e suesue le tusiga “Sauni mo Lo’u Faamanuiaga Faapeteriaka” (Mo le Malosi o le Autalavou, Aok. 2023, 6–7) I lenei tusiga, ua faasoa mai ai e talavou eseese le auala na latou iloa ai ua latou saunia.