Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Aperaamo 2:9–11: O o Tatou Tiutetauave i le Feagaiga Faa-Aperaamo

“Aperaamo 2:9–11: O o Tatou Tiutetauave i le Feagaiga Faa-Aperaamo,” Tusi Lesona a le Faiaoga Seminare o le Feagaiga Tuai (2026)

“Aperaamo 2:9–11: O o Tatou Tiutetauave i le Feagaiga Faa-Aperaamo,” Tusi Lesona a le Faiaoga Seminare o le Feagaiga Tuai

Kenese 12–17; Aperaamo 1–2: Lesona 24

Aperaamo 2:9–11

O o Tatou Tiutetauave i le Feagaiga Faa-Aperaamo

A young man in a black shirt standing and showing an open Book of Mormon to another young man standing beside him.

Na osia e le Alii se feagaiga ma Aperaamo ma ana fanau. I le avea ai ma fanau a Aperaamo, ua ia i tatou se tiutetauave o le feagaiga e avatu faamanuiaga o le talalelei a le Faaola i aiga uma o le lalolagi. O lenei lesona o le a fesoasoani i tagata aoga e faatino ai tiutetauave ua tuuina atu e le Alii ia i latou i le avea ai o fanau a Aperaamo.

Sauniuniga a le tagata aoga: Valaaulia tagata aoga e mafaufau e uiga i fesili nei ma talanoaina ma se tagata o le aiga: Aisea e taua ai le talalelei a Iesu Keriso ia te oe? Aisea e te manatu ai e manaʻomia e tagata uma?”

Gaoioiga E Ono Mafai Ona Aoao Ai

O fanau a Aperaamo

E mafai ona e amataina le vasega i le tuu atu i tagata aoga o le 30 sekone e lisi ai le tele o upu latou te mafaia e faamatala ai i latou lava. Sosoo ai, fai i le vasega e li’o upu e tolu e sili ona faamatalaina ai i latou. E mafai e ni nai tagata aoga ona faasoa mai i le vasega.

O a ni auala e faatosinaina ai e nei faailoaga lau amio?

Na aoao mai e Elder David A. Bednar o le Korama a Aposetolo e Toasefululua mea nei e uiga i o tatou fasinomaga:

17:8

E mafai ona outou fiafia i musika, afeleti, po o le matele atu foi i le faaenisinia, ma o le a i ai foi se aso atonu e te galue ai i se matata po o se galuega po o i faatufugaga. Pe o le a lava le taua e mafai ona oo i ai ni gaoioiga ma galuega, e le mafai ona faamatalaina patino ai po o ai i tatou. O le vaega muamua lava ma le sili, o i tatou o tagata faaleagaga. O i tatou o atalii [ma afafine] o le Atua ma o fanau a Aperaamo. (“Avea ma se Faifeautalai,” Liahona, Nov. 2005, 47)

O le a se mea e tulaga ese mai ia te oe mai mea na aoao mai e Elder Bednar e uiga i o tatou faasinomaga aupito taua?

Afai na suʻesuʻeina e tagata aʻoga le Lesona 23: “Kenese 12; 17,” valaaulia i latou e aotele faatasi ma se tasi o le vasega mea latou te manatua e uiga i le feagaiga Faa-Aperaamo. Fesoasoani i tagata aoga ia iloa e faapea o le avea ai ma fanau, po o suli o Aperaamo, e le gata ua folafola mai ia i tatou faamanuiaga taua, ae ua tatou osifeagaiga foi e faataunuu ni tiutetauave taua. Valaaulia i latou e faamae’a le ioiloga faaletagata lava ia lenei.

Filifili po o fea o faamatalaga nei e moni e uiga ia te oe:

Ua ou malamalama i o’u tiutetauave o se fanau a Aperaamo.
O loo ou saili e faataunuu o’u tiutetauave o se fanau a Aperaamo.
Ua ou maua le olioli tele i le faataunuuina o o’u tiutetauave i le avea ai o fanau a Aperaamo.
Ou te le malamalama po o a o’u tiutetauave i le avea ai o fanau a Aperaamo.
E i ai a’u fesili e uiga i o’u tiutetauave i le avea ai o fanau a Aperaamo.

Valaaulia tagata aoga e tusifaamaumau soo se fesili atonu latou te maua po o ni uunaiga sa latou lagonaina a o latou mafaufau ai i nei faamatalaga. Valaaulia i latou e saili faaaliga mai lo latou Tama oi le Lagi e ala i le Agaga Paia e iloa ai pe mafai faapefea ona latou faataunuuina lelei o latou tiutetauave i le avea ai o ni fanau a Aperaamo.

O leAperaamo 2:9–11 o se fuaitau o le atamai i aoaoga faavae. Mafaufau e valaaulia tagata aoga e faailoga ia fuaitau o le atamai i aoaoga faavae i se auala iloga ina ia faigofie ona latou mauaina.

Faitau le Aperaamo 2:8–11, ma vaavaai mo o tatou tiutetauave i le avea ai o ni fanau a Aperaamo.

O le a se mea o faamoemoeina e le Faaola mai ia i tatou?

E mafai ona e valaaulia tagata aoga e fai mai ni fesili e uiga i fuaiupu. A o outou talanoaina tiutetauave o le feagaiga FaaAperaamo, fesoasoani i tagata aoga e faailoa mai se upumoni e talitutusa ma le: I le avea ai ma fanau a Aperaamo, ua tuuina mai e le Faaola ia i tatou se tiutetauave e faamanuia aiga uma o le lalolagi i faamanuiaga o Lana talalelei.

Atonu e manuia tagata aoga mai le iloaina e mafai ona latou faataunuuina lo latou tiutetauave o le feagaiga e ala i le fesoasoani e faapotopoto Isaraelu.
O a nisi o auala e mafai ona tatou faamanuiaina ai aiga uma o le lalolagi i le talalelei a le Faaola?

Faitau le 1 Nifae 15:18, ma vaavaai mo le taimi o le a faataunuuina ai le feagaiga Faa-Aperaamo.

Na molimau mai Peresitene Russell M. Nelson:

O lo tatou tiutetauave o le fesoasoani e faataunuu le feagaiga Faa-Aperaamo. O i tatou o le fanau na muai faauuina ma saunia e faamanuia ai tagata uma o le lalolagi. O le pogai lena ua aofia ai le galuega faafaifeautalai i tiute o le perisitua. Ina ua mavae pe a ma ni tausaga e 4,000 o le nofo faatalitali ma sauniuniga, o le aso atofaina lenei e tatau ona avatu ai le talalelei i tagatanuu uma o le lalolagi. O le taimi lenei o le faapotopotoga folafolaina o Isaraelu. Ma e ao ona tatou auai ai! Pe le o se mea matagofie ea lena? (“Feagaiga,” LiahonaNov. 2011, 88)

Soo se taimi tatou te faia ai soo se mea e fesoasoani ai i soo se tasi—po o le fea lava itu o le veli—i le osia ma le tausia o a latou feagaiga ma le Atua, ua tatou fesoasoani lea i le faapotopotoina o Isaraelu. (“Ia Faamuamua le Atua,” Liahona, Nov. 2020, 92–93)

E faapefea lou lagona e uiga i le talalelei a Iesu Keriso?
Aisea e te manatu ai e manaʻomia e tagata uma?
O a ni ou aafiaga (po o tagata e te iloa) na i ai i le faapotopotoina o Isaraelu?

Faataunuuina o o tatou tiutetauave

O a ni mea na e faia po o a ni fuafuaga na e faia e faamanuia ai isi i le talalelei a le Faaola?
O le a se mea na e lagonaina na uunaia oe e fai i aso ma vaiaso o i luma atu e:
- Fesoasoani i isi e osia pe tausia feagaiga?
- Faasoa atu le talalelei a le Faaola?
- Fesoasoani atu i tagata o loo i le isi itu o le veli?

Mafaufau e molimau atu i lo tatou tiutetauave taua, i le avea ai ma fanau a Aperaamo, e faasoa atu faamanuiaga o le talalelei a le Faaola i tagata uma.

Tauloto

Atonu e te manao e fesoasoani i tagata aoga e tauloto le mau faasino o le atamai i aoaoga faavae ma le fuaitau autu o le mau i le taimi o lenei lesona ma toe faamanatu i latou i lesona i le lumanai. O le fasifuaitau autu o le mau mo le Aperaamo 2:9–11 o le “Na folafola atu e le Alii ia Aperaamo e faapea o ana fanau o le a ‘tauaveina atu lenei auaunaga ma le Perisitua i atunuu uma.’” O manatu mo gaoioiga o le taulotoina o loo i ai i anomea faaopoopo i lalo o le “Gaoioiga Toe Faamanatu o le Atamai i Aoaoga Faavae.”

Punaoa Faaopoopo

O a o’u faasinomaga autu?

Na aoao mai Peresitene Russell M. Nelson:

Ia, se’i liliu atu la le fesili ia te outou. O ai oe?

O le mea muamua lava ma le sili, o oe o se atalii/afafine o le Atua.

Lua, i le avea ai ma se tagata o le Ekalesia, o oe o se tama o le feagaiga. Ma le tolu, o oe o se soo o Iesu Keriso. (“Choices for Eternity” [faigalotu i le lalolagi atoa mo talavou matutua, Me 15, 2022], Potutusi o le Talalelei)

O le a lo’u tiutetauave o se fanau a Aperaamo?

Na aoao mai Elder David A. Bednar o le Korama a Aposetolo e Toasefululua e faapea:

E moni lava, o le tiutetauave tele e faalagolago i le fanau a Aperaamo i nei aso e gata ai. …

… Na muai faauuina i tatou i le muai olaga ma fananau mai i le olaga faitino ina ia faataunuuina le feagaiga ma le folafolaga na faia e le Atua ia Aperaamo. Ua tatou i ai iinei i le lalolagi i lenei taimi e faalauteleina le perisitua ma talai atu le talalelei. O i tatou na, ma o le mafuaaga lena ua tatou i ai iinei. (“Avea ma se Faifeautalai,” Liahona, Nov. 2005, 47)

Na folafola mai e Peresitene Russell M. Nelson:

61:34

Matou te mananao ia outou iloa o le faapotopotoina o Isaraelu o lona uiga tupito lava o le ofoina atu o le talalelei a Iesu Keriso i fanau a le Atua i itu uma e lua o le veli o e e lei osia ni feagaiga taua ma le Atua pe mauaina foi a latou sauniga taua.

O fanau taitasi uma a lo tatou Tama Faalelagi ua tatau iai le avanoa e filifili ai e mulimuli ia Iesu Keriso, e talia ma maua Lana talalelei ma ona faamanuiaga uma---ioe, faamanuiaga uma na folafola mai e le Atua i le gafa o Aperaamo, Isaako, ma Iakopo, o lē, pei ona outou iloa, ua lauiloa foi o Isaraelu. (“Hope of Israel,” [faigalotu a le autalavou i le lalolagi atoa, 3 Iuni, 2018], Russell M. Nelson ma Wendy W. Nelson, Gospel Library)

Na aoao mai ia Peresitene Camille N. Johnson, Peresitene Aoao a le Aualofa:

10:19

O lo tatou faamanuiaga faalefeagaiga o le faipaaga lea ma Iesu Keriso i le tuuina atu o le mapusaga, faaletino ma le faaleagaga, i fanau uma a le Atua. O i tatou o se auala Na Te aumaia ai le mapusaga.

Ma o lea, e faapei o uo a le tagata ma’i supa, tatou te “fesoasoani i e vaivai, sii ae lima o loo tautau i lalo, ma faamalolosia tulivae vaivai” [Mataupu Faavae ma Feagaiga 81:5]. Tatou te “tauave … avega a le tasi ma le isi, ua tatou faataunuuina le tulafono a Keriso” [Kalatia 6:2]. A tatou faia, tatou te iloa o Ia, ma avea e faapei o Ia, ma maua Lana mapusaga. (“O Iesu Keriso o le Mapusaga,” Liahona, Me 2023, 83)

Gaoioiga Faaopoopo e Aoao Ai

Auala faaopoopo e faataunuu ai o tatou tiutetauave

E mafai ona e faaaofia ai nei filifiliga o ni nofoaga aoao faaopoopo mo le gaoioiga o loo i le lesona.

Faasoa Atu le Tusi a Mamona. O le Tusi a Mamona o le meafaigaluega a le Atua e faapotopoto ai Isaraelu. Mafaufau i se tasi e mafai ona e faasoa atu i ai le Tusi a Mamona. E mafai ona e valaaulia i latou e sii mai le polokalama o le Tusi a Mamona. Tusi pe faasoa atu lau molimau e uiga i le Faaola ma le Tusi a Mamona ma filifili se fuaitau e mafai ona e faasoa atu. Fuafua po o afea o le a e faasoa atu ai le Tusi a Mamona i lenei tagata pe auina atu ia i latou se savali i le taimi nei.

Auai faatasi atu i le autau talavou a le Alii. Filifili se tasi pe sili atu o valaaulia nei mai ia Peresitene Russell M. Nelson. Na Ia tuuina atu nei valaaulia e fesoasoani ai i le autalavou ia saunia e auai i le faapotopotoina o Isaraelu:

Faia se taofiga mai faasalalauga faaagafesootai mo aso e fitu.
Fai se ositaulaga faalevaiaso o le taimi mo le Alii mo le tolu vaiaso.
Fai se iloiloga maeaea o le olaga e faamautinoa ai o loo e i ai i luga o le ala o feagaiga.
Tatalo i aso uma ina ia maua e fanau uma a le Atua faamanuiaga o le talalelei a Iesu Keriso.
Tu matila ma ia ese. Suesue ma faasoa atu le tamaitusi o le Mo Le Malosi o le Autalavou . (Fetuunai mai ia Russell M. Nelson ma Wendy W. Nelson, “Faamoemoe o Israel” [faigalotu a le autalavou i le lalolagi atoa, Iuni 3, 2018], Potutusi o le Talalelei)

E mafai ona e maua nisi faamatalaga auiliili e faasoa atu i tagata aoga e uiga i valaaulia taitasi a Peresitene Nelson ma Sister Wendy W. Nelson i le faigalotu a le autalavou “Faamoemoe o Israel.”

O Vitio

E mafai ona e faaaogaina vitio nei e fesoasoani ai i tagata aoga e vaai i auala e mafai ona latou fesoasoani ai i aiga uma o le lalolagi ia faamanuiaina i le talalelei a le Faaola.

O le vitio “Valaaulia Isi e ‘O Mai ma Nonofo’” (1:39) o loo faaalia ai auala e mafai ai e tagata aoga ona fesoasoani i isi ia lagona le taliaina i le lotu.

1:39

O vitio “Valaauliaina o Tagata Uma e O Mai ia Keriso: Faasoaina Atu o le Talalelei” (4:30) ma le “Valaauliaina o Isi e ‘O Mai ma Vaai’” (1:17) o loo faaalia ai auala e mafai ai e tagata aoga ona valaaulia isi e auai i gaoioiga a le Ekalesia.

4:23

1:17

O le vitio “Aiga uma o le lalolagi” (2:55) e mafai ona fesoasoani i tagata aoga ia lagona le faaosofia e auai i galuega o le malumalu ma talafaasolopito o aiga.

2:50