Seminare
Kenese 12–17; Aperaamo 1–2: Vaaiga Aoao

“Kenese 12–17; Aperaamo 1–2: Vaaiga Aoao,” Tusi Lesona a le Faiaoga Seminare o le Feagaiga Tuai (2026)

“Kenese 12–17; Aperaamo 1–2: Vaaiga Aoao,” Tusi Lesona a le Faiaoga Seminare o le Feagaiga Tuai

Kenese 12–17; Aperaamo 1–2

Kenese 12–17; Aperaamo 1–2

Vaaiga Aoao

Sa saili atu Aperaamo i le Alii ma sa manao e avea ma se soo o le amiotonu. Na osifeagaiga le Alii e tuuina atu ia Aperaamo ia laueleele, fanau, ma faamanuiaga o le perisitua. O fanau a Aperaamo o le a i ai le tiutetauave e faamanuia ai atunuu uma o le lalolagi i faamanuiaga o le talalelei a le Faaola. O lenei feagaiga ua ta’ua o le feagaiga Faa-Aperaamo. I le avea ai ma tagata o le Ekalesia a le Faaola, e mafai ona tatou maua faamanuiaga ma tiutetauave o le feagaiga Faa-Aperaamo.

aikona seminare

Fesoasoani i tagata aoao e saili, iloa, ma faatino faaaliga patino. E mafai e faiaoga ona fesoasoani i tagata aoga ia iloa ma faatino musumusuga mai le Agaga Paia. O se tasi auala e faia ai lenei mea o le fai atu lea o fesili e fesoasoani ai i tagata aoga e faatino faaaliga faaletagata lava ia. Sa fesoasoani foi le Faaola i tagata aoao e faatino faaaliga e ala i le fai atu o fesili ia i latou. O se faataitaiga o le auala e fesoasoani ai i isi e faatino faaaliga e mafai ona maua i le Lesona 24: “Aperaamo 2:9–11.” Ina ia aoao atili, tagai “Sa Fesoasoani le Faaola i Isi e Saili, Iloa, ma Faatino Faaaliga Faaletagata Lava Ia” (Aoao Atu i le Ala a le Faaola [2022], 18).

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Aperaamo 1

Faamoemoega o le lesona: Ina ia fesoasoani i tagata aoga ia lagona le faamoemoe e mafai e le Tama Faalelagi ona fesoasoani ia i latou ia maua faamanuiaga e finagalo o Ia latou te maua.

  • Sauniuniga a le tagata aoga: Valaaulia tagata aoga e fai se lisi o mea e sili ona latou mananao ai i le olaga ma mafaufau i lagona o le Tama Faalelagi e uiga i mea e sili ona latou mananao i ai.

  • Vitio: “O Le Laveaiina o Aperaamo” (1:38); “O Se Susulu Atoatoa o le Faamoemoe” (17:45) mai le faailo taimi 11:09 i le 11:38

Kenese 12, 17

Faamoemoega o le lesona: Ina ia fesoasoani i tagata aoga e faamalamalama le feagaiga faa-Aperaamo ma pe faapefea ona faatatau ia i latou.

  • Sauniuniga a le tagata aoga: Valaaulia tagata aoga e suesue le “Feagaiga FaaAperaamo” i le Potutusi o le Talalelei po o le Taiala i Tusitusiga Paia, po o le “Abraham, covenant of” i le Bible Dictionary, ma o mai saunia e faasoa mai mea na latou maua.

  • Anotusi e faaali atu: O le siata e lua koluma i lalo o le ulutala “O le a le feagaiga faa-Aperaamo?”; o fuaitau o mau e fesootai i ai mo koluma taitasi

Aperaamo 2:9–11

Faamoemoega o le lesona: Ina ia fesoasoani i tagata aoga e faatino ia tiutetauave ua tuuina atu e le Alii ia i latou o fanau a Aperaamo.