Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 12; 17: O Le Feagaiga Faa-Aperaamo

“Kenese 12; 17: O Le Feagaiga Faa-Aperaamo,” Tusi Lesona a le Faiaoga Seminare o le Feagaiga Tuai (2026)

“Kenese 12; 17: O Le Feagaiga Faa-Aperaamo,” Tusi Lesona a le Faiaoga Seminare o le Feagaiga Tuai

Kenese 12–17; Aperaamo 1–2: Lesona 23

Kenese 12; 17

O Le Feagaiga Faa-Aperaamo

The Old Testament prophet Abraham kneeling in prayer on the plains of Mamre. Abraham's wife, Sarah, is standing in the doorway of a tent in the background. Sarah is watching Abraham. There is desert scenery in the background.

Na osia e le Alii ma Aperaamo se feagaiga ua ta’ua nei o le feagaiga faa-Aperaamo. A o tatou osia ma tausia feagaiga ma le Atua i aso nei, e mafai ona tatou maua faamanuiaga lava e tasi mai ia te Ia e pei ona sa maua e Aperaamo. O lenei lesona e mafai ona fesoasoani i tagata aoga e faamalamalama ai le feagaiga faa-Aperaamo ma pe faapefea ona fesootai ia i latou.

Sauniuniga a le tagata aoga: Valaaulia tagata aoga e suesue le “Feagaiga FaaAperaamo” i le Potutusi o le Talalelei po o le Taiala i Tusitusiga Paia, po o le “Abraham, covenant of” i le Bible Dictionary, ma o mai saunia e faasoa mai mea na latou maua.

Gaoioiga E Ono Mafai Ona Aoao Ai

O Le Feagaiga Faa-Aperaamo

Valaaulia tagata aoga e mafaufau faapea ua valaaulia i latou e fai se lauga i se sauniga faamanatuga e uiga i le feagaiga faa-Aperaamo. Ina ia fesoasoani ia i latou e iloilo pe ono faapefea lo latou saunia e faia lenei mea, valaaulia i latou e tusi i lalo ma tali fesili nei i a latou api faamaumau mo suesuega.

O le a le feagaiga faa-Aperaamo?
E mafai faapefea ona ou maua le feagaiga faa-Aperaamo?
Aisea e taua ai le feagaiga faa-Aperaamo ia te aʻu?

Ia faamautinoa atu i tagata aʻoga e le afaina pe a latou lē iloa tele e uiga i le feagaiga faa-Aperaamo. Faailoa atu ia i latou o le a mafai ona latou faaopoopo atu i a latou tali i le taimi o le vasega. Fautuaina i latou e saili le faamautinoaga mai le Agaga Paia e uiga i le moni o mea ua latou aoaoina.

Manatua: O lenei lesona e taulai atu i faamanuiaga o le feagaiga faa-Aperaamo ma pe aisea e taua ai ia i tatou. Lesona 24: “Aperaamo 2:9–11” o le a taulai atu i o tatou tiutetauave i le feagaiga faa-Aperaamo.

O le a le feagaiga faa-Aperaamo?

Manatua na manao Aperaamo “i faamanuiaga o tamā” ma ia avea o se “soo o le amiotonu” (Aperaamo 1:2). Sa folafola atu e le Alii e tuu Lona suafa i luga o Aperaamo ma tuu atu ia te ia le perisitua (tagai Aperaamo 1:18).

Mafaufau e tusi i luga o le laupapa le siata lenei. Valaaulia tagata aoga e suesue ia fuaiupu i le koluma muamua ma lisi ia faamanuiaga latou te maua i autafa o fuaiupu talafeagai i luga o le laupapa. O le a latou suesue i fuaiupu i le koluma lona lua i se taimi mulimuli ane o le lesona.

O faamanuiaga a le Alii na folafola atu ia Aperaamo

O faamanuiaga a le Alii na folafola mai ia te au

Kenese 12:2; 17:1–2, 4–6

Kenese 12:3; 17:7

Kenese 12:7; 17:8

Aperaamo 2:11

Mataupu Faavae ma Feagaiga 132:19–22, 30–31

Aperaamo 2:9–11

Mataupu Faavae ma Feagaiga 88:18–20

Mataupu Faavae ma Feagaiga 84:33–38

Faitau le Kenese 12:2–3, 7; 17:1–8; Aperaamo 2:11, ma vaavaai mo faamanuiaga na tuuina atu e le Atua ia Aperaamo.

A o faitau e tagata aoga ia mau, mafaufau e fealuai solo i le potu. O nisi tagata aoga o le a sili atu le fia faia o ni fesili pe a latalata ane se faiaoga, o lea o le fealuai solo i le potuaoga a o faitau tagata aoga e mafai ona faafaigofie ai mo nisi o tagata aoga ona fesili atu ia te oe mo se fesoasoani. A uma ona faia e tagata aoga, valaaulia i latou e faasoa mai mea na latou maua.

O le a se mea sa e mauaina?
O a ni mea ua aoao mai i nei folafolaga ia te oe e uiga i le Atua?

O se lisi lenei o nisi o faamanuiaga e ono maua e tagata aoga:

Kenese 12:2; 17:1–2, 4–6: tamā o atunuu e tele; ua matua faateleina lava; e matua fua tele (I le faaEperu, o le igoa Aperamo o lona uiga o le “tama faaeaina,” ma le igoa Aperaamo o lona uiga o le “tama o le toatele.”)
Kenese 12:3; 17:7: ua faamanuiaina aiga uma o le lalolagi e ala i ana fanau; O le feagaiga a le Atua e faaauau pea i fanau a Aperaamo
Kenese 12:7; 17:8: nuu o Kanana
Aperaamo 2:11: perisitua

E mafai foi e tagata aoga ona faailoa mai le fasifuaitau “e tupuga mai foi ia te oe o tupu” (Kenese 17:6). E faasino lenei mea i tupu o le a pulea Isaraelu ma Iuta; ae o le mea e sili ona taua, e faasino ia Iesu Keriso (tagai Mataio 1:1; Faaaliga 19:16).

Atonu e te manao e faailoa atu o le feagaiga na osia e le Atua ma Aperaamo ua taʻua o le feagaiga faa-Aperaamo. Faamalamalama atu o le ala lea ua ofoina mai ai e le Atua Ana faamanuiaga silisili i Ana fanau. Sa toe faamautuina e le Atua lenei feagaiga ma Aperaamo i le tele o taimi i lona olaga (tagai Kenese 13:14–17; 15:5, 18; 22:15–18; Aperaamo 2:8–12; 3:14).

E mafai faapefea ona ou maua le feagaiga faa-Aperaamo?

Faasoa atu le saunoaga lenei mai ia Peresitene Nelson e fesoasoani ai i tagata aoga ia iloa pe faapefea ona fesootai le feagaiga faa-Aperaamo ia i latou (tagai foi Kalatia 3:27–29; Aperaamo 2:10).

Na aoao mai Peresitene Russell M. Nelson le auala e mafai ai e i tatou taitoatasi ona maua foi nei lava faamanuiaga e tasi na folafola atu e le Atua ia Aperaamo:

Pe a tatou taliaina le talalelei ma papatisoina, tatou te tauaveina i o tatou luga le suafa paia o Iesu Keriso. O le papatisoga o le faitotoa lea e taitai atu ai i le avea ma suli soofaatasi i folafolaga uma na tuuina mai anamua e le Alii ia Aperaamo, Isaako, Iakopo, ma a latou fanau.

“O le feagaiga fou ma le tumau-faavavau” (Mataupu Faavae ma Feagaiga 132:6) ma le feagaiga faa-Aperaamo e tutusa lava—o auala e lua o le faaupuga o le feagaiga na osia e le Atua ma alii ma tamaitai faaletino i taimi eseese. …

O oe ma aʻu ua tatou ulu patino atu lava i le ala o feagaiga i le papatisoga. Ona tatou ulufale atoatoa atu lea i le malumalu. O faamanuiaga o le feagaiga faa-Aperaamo e faaee atu i totonu o malumalu paia. O nei faamanuiaga e mafai ai e i tatou, i lo tatou toetutu ai, ona “mautofi i i nofoalii, malo, itumalo, ma mana, ma puleaga… i lo tatou ‘faaeaga ma mamalu i mea uma’ [Mataupu Faavae ma Feagaiga 132:19].” (“O Le Feagaiga e Faavavau,” Liahona, Oke. 2022, 4, 6)

E faapefea ona e aoteleina mea e mafai ona tatou aoaoina mai ia Peresitene Nelson e uiga i faamanuiaga o Aperaamo?

Fesoasoani i tagata aoga e faailoa mai se upumoni e pei o le: A o tatou osia ma tausia feagaiga ma le Atua, e avea i tatou ma suli i faamanuiaga na tuuina atu ia Aperaamo.

Aisea e taua ai le feagaiga faa-Aperaamo ia te a’u?

Valaaulia tagata aoga e suesue ia mau faasino i le koluma lona lua ma lisi i a latou api faamaumau mo suesuega pe faapefea e faamanuiaga folafolaina ia Aperaamo ona folafolaina ia i latou foi. O nei fuaiupu e ono lelei mo tagata aoga le suesueina taitoalua po o ni vaega laiti.

O nisi nei o faamanuiaga e ono maua e tagata aoga:

Mataupu Faavae ma Feagaiga 132:19–22, 30–31: aiga e faavavau (“faaauauga o fanau” ma le “faaauauga o ola”)
Aperaamo 2:9–11: talalelei ua faasoa atu i aiga uma o le lalolagi; faaolataga ma le faaeaga
Mataupu Faavae ma Feagaiga 88:18–20 (e faasino i le lalolagi): mautofi i le malo selesitila (tagai foi Eperu 11:8, 13–16)
Mataupu Faavae ma Feagaiga 84:33–38: o faamanuiaga o le perisitua, e aofia ai mea uma o i ai i le Tama

O a ni auala e anoa ai nei faamanuiaga folafolaina ia te oe?
O a mea ua aoao atu e nei faamanuiaga ia te oe e uiga i finagalo o le Atua mo oe?

Ina ia tuu le feagaiga faa-Aperaamo i le faatatauga o le fuafuaga a le Tama Faalelagi, atonu e te manao e fesili i tagata aoga po o le a le mea e ono mafai ai e i tatou ona maua faamanuiaga ua latou lisiina. E mafai ona e tuuina atu i tagata aoga e mafaufau loloto pe faasoa atu nisi o o latou manatu. E mafai foi ona e faasoa atu lenei saunoaga mai ia Peresitene Nelson.

Sa ta’ua mai e Peresitene Russell M. Nelson le mea e mafai ai ona tatou maua faamanuiaga o le feagaiga faa-Aperaamo:

O le taulaga togiola a le Faaola na mafai ai e le Tama ona faataunuu Ana folafolaga na faia i Ana fanau. … O le faataunuuina o le feagaiga faa-Aperaamo e mafai ona faatinoina ona o le Togiola a lo tatou Faaola, le Alii o Iesu Keriso. O Iesu Keriso o loo i le totonugalemu o le feagaiga faa-Aperaamo. (“O Le Feagaiga e Faavavau,” Liahona, Oke. 2022, 7).

Faamalamalama le feagaigafaa-Aperaamo

Valaaulia tagata aoga e faaopoopo i a latou tali mai le amataga o le vasega:

O le a le feagaiga faa- Aperaamo?
E mafai faapefea ona ou maua le feagaiga faa-Aperaamo?
Aisea e taua ai lefeagaiga faa-Aperaamo ia te a’u?

Ina ia faamautuina lo latou malamalama, mafaufau e valaaulia tagata aoga e faatasitasi i ni paga ma faamalamalama atu le feagaiga faa-Aperaamo i le tasi ma le isi. Uunaia i latou e vaai pe mafai ona latou faapuupuu ae ia atoatoa a latou tali. O le faamalamalamaina o lenei feagaiga i ni nai upu itiiti e mafai ona fesoasoani i tagata aoga ia malamalama manino atili ai.

Molimau atu i faamanuiaga ma folafolaga ua ofoina mai e le Atua ia i tatou e ala i le feagaiga faa-Aperaamo.

Punaoa Faaopoopo

O a folafolaga o le feagaiga faa-Aperaamo?

Na saunoa mai Peresitene Russell M. Nelson:

14:20

O le feagaiga na osia e le Atua ma Aperaamo ma mulimuli ane toe faamautuina ma Isaako ma Iakopo e matuai sili ona taua. Na i ai ni isi o folafolaga, e aofia ai le:

O Iesu le Keriso o le a soifua mai i le gafa o Aperaamo.

O le a toatele fanau a Aperaamo, e agavaa i se faatoateleina e faavavau ma agavaa foi e umia le perisitua.

O le a avea Aperaamo ma tamā o atunuu e tele.

O le a mautofi lana fanau i ni laueleele faapitoa.

O le a faamanuiaina malo uma o le lalolagi i ana fanau.

Ma o lena feagaiga o le a faavavau—e oo lava “i le afe o tupulaga.”

(“Feagaiga,” Liahona, Nov. 2011, 87)

E mafai ona tatou osia feagaiga lava e tasi ma le Atua e pei ona faia e Aperaamo?

Na aoao mai Peresitene Russell M. Nelson:

O Atamu ma Eva, Noa ma lana avā, Aperaamo ma Sarai, Liae ma Sarai, ma isi uma soo tuuto o Iesu Keriso—talu mai le foafoaga o le lalolagi—na osia ia lava feagaiga e tasi ma le Atua. Ua latou mauaina ia sauniga lava e tasi ia na tatou faia foi o ni tagata o le Ekalesia toefuataiina a le Alii i aso nei, o na feagaiga ua tatou mauaina i le papatisoga ma i totonu o le malumalu. (“Sau, Mulimuli Mai ia te A’u,” Liahona, Me 2019, 89)

E faapefea ona fesootai le faailoaina o le gafa i lo’u faamanuiaga faapeteriaka i le feagaiga faa-Aperaamo?

Na aoao mai Elder David A. Bednar o le Korama a Aposetolo e Toasefululua e faapea:

A le o le gafa moni po o le vaetamaina, [o i tatou] o suli moni i folafolaga na faia e le Atua ia Aperaamo. O i tatou o fanau a Aperaamo. O se tasi o mafuaaga tonu ua tatou maua ai se faamanuiaga faapeteriaka o le fesoasoani lea ia i tatou ina ia malamalama atoatoa ai po o ai i tatou i le avea ai ma fanau a Aperaamo ma ia iloa le tiutetauave ua i o tatou luga. (“Avea ma se Faifeautalai,” Liahona, Nov. 2005, 47)

Na aoao mai Elder Kazuhiko Yamashita o le Fitugafulu:

A e mauaina se tautinoga o lou tupuaga, o le a e iloa ai o oe lava o se tasi o le aiga o Isaraelu ma o le fanau a Aperaamo. Ina ia malamalama i le taua o lenei mea, ia taulai i folafolaga na faia e le Alii i le aiga o Isaraelu e ala atu ia Aperaamo. (“O Le Taimi e Maua ai Lou Faamanuiaga Faapeteriaka,” Liahona, Me 2023, 89)

Gaoioiga Faaopoopo e Aoao Ai

O le matafaioi a feagaiga i totonu o le talalelei a Iesu Keriso

Afai e manaomia e tagata aoga se fesoasoani e faafesootai ai le feagaiga faa-Aperaamo ma feagaiga tatou te osia i le talalelei a Iesu Keriso, mafaufau e matamata le vitio “Ua saunoa Elder Nelson e uiga i Feagaiga” (4:45). Fai atu i le vasega e vaavaai pe aisea e taua tele ai feagaiga i le fuafuaga a le Atua.

4:45

Kenese 17:8. E fai foi a’u mo latou Atua”

Ina ia fesoasoani i tagata aoga ia malamalama atili i la latou sootaga faalefeagaiga ma le Atua, e mafai ona e faasino atu se manatu faavae faifai pea i le Kenese 17:7–8. Ua folafola mai e le Alii “e fai a’u ma Atua ia te oe” (fuaiupu 7) ma fai mai, “E fai foi A’u mo latou Atua” (fuaiupu 8). Valaaulia tagata aoga e fefaasinoa’i le Aperaamo 1:18 ma le Salamo 48:14 i a latou tusitusiga paia pe faafesootai i latou i le polokalama o le Gospel Library. A o latou faitauina uma seti o fuaiupu e tolu, fautuaina tagata aoga e vaavaai mo upu ma fasifuaitau e fesoasoani latou te malamalama ai i le uiga o le avea o le Alii ma o tatou Atua. Mafaufau e fai atu fesili e pei o nei:

O le a sou manatu i le uiga ina ua Ia fetalai “e fai a’u ma Atua ia te oe”?
O a isi mea i o tatou olaga e ono faaosoosoina ai i tatou e avea ma o tatou atua?
Aisea e te filifili ai e fai le Alii ma ou Atua?

Valaaulia tagata aoga e vaavaai mo taunuuga o le filifilia po o le teenaina o le Alii o lo tatou Atua a o latou suesueina le Feagaiga Tuai i lenei tausaga.