Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Aperaamo 1: “Manao … ia Avea ma se … Soo … o le Amiotonu”

“Aperaamo 1: ‘Manao … ia Avea ma se … Soo … o le Amiotonu,’” Tusi Lesona a le Faiaoga Seminare o le Feagaiga Tuai (2026)

“Aperaamo 1: ‘Manao … ia Avea ma se … Soo … o le Amiotonu,’” Tusi Lesona a le Faiaoga Seminare o le Feagaiga Tuai

Kenese 12–17; Aperaamo 1–2: Lesona 22

Aperaamo 1

“Manao … ia Avea ma se … Soo … o le Amiotonu”

The painting portrays Abram kneeling, his head bowed. Melchizedek lays his hands on his head blessing him. His eyes are shut and his face looks up. An attendant holds bread and wine.

Na ola ae Aperaamo i le siomia e le amioleaga ma le ifo i tupua. E ui i nei tulaga, sa manao Aperaamo e mulimuli ia Iesu Keriso, o lē sa lauiloa i le muai olaga ma ia Aperaamo o Ieova. A o saili atu Aperaamo i ona manaoga amiotonu, sa faamanuiaina o ia e le Alii ina ia ona maua i latou. O lenei lesona e mafai ona fesoasoani i tagata aoga ia lagona le faamoemoe e faapea, e mafai e le Tama Faalelagi ona fesoasoani ia i latou ia maua faamanuiaga e finagalo o Ia latou te maua.

Sauniuniga a le tagata aoga: Valaaulia tagata aoga e fai se lisi o mea e sili ona latou mananao ai i le olaga ma mafaufau i lagona o le Tama Faalelagi e uiga i mea e sili ona latou mananao i ai.

Gaoioiga E Ono Mafai Ona Aoao Ai

O a mea e te mana’o ai?

Amata le lesona e ala i le fesoasoani i tagata aoga e mafaufau i tulaga e ono faafaigata ai ona latou talitonu e mafai e le Alii ona fesoasoani ia i latou ia maua se faamanuiaga amiotonu latou te mananao i ai. Ina ia faia lenei mea, e mafai ona e faasoa atu tulaga faataitai nei e lei maeʻa ma valaaulia tagata aoga e faailoa mai se faafitauli e ono feagai ma le tagata.

Ua i ai ia Samantha se naunautaiga malosi e mulimuli ia Iesu Keriso e ala i le talaiina atu o Lana talalelei i isi tagata. Peitai, i le taimi nei ua foliga mai ua faigata lenei mea ona …

Ua i ai ia Yuchen se naunautaiga malosi e mulimuli ia Iesu Keriso e ala i le totogiina o lana sefuluai. Peitai, i le taimi nei ua foliga mai ua faigata lenei mea ona …

Ua i ai ia Carlos se naunautaiga malosi e mulimuli ia Iesu Keriso e ala i le papatisoina. Peitai, i le taimi nei ua foliga mai ua faigata lenei mea ona …

Valaaulia tagata aoga e mafaufau e uiga i o latou lava tulaga ma faafitauli atonu latou te feagai i le mulimuli ai ia Iesu Keriso. Fai atu ia i latou e faʻamaeʻa laasaga nei i totonu o a latou api faamaumau mo suʻesuʻega.

I lau api faamaumau mo suʻesuʻega:

Tusifaamaumau nisi o faamanuiaga e sili ona e manao i ai i le olaga.
Lisi soo se mea faalavefau e te vaai i ai i le mauaina o nei faamanuiaga.

A o suesueina e tagata aoga le Aperaamo 1, valaaulia i latou e saili le fesoasoani a le Tama Faalelagi e ala i le Agaga Paia. E mafai ona fesoasoani le Agaga Paia ia i latou ia lagona le faamoemoe e mafai ona latou mulimuli ia Iesu Keriso ma maua Ana faamanuiaga e tusa lava po o a faafitauli latou te feagai.

Tulaga o Aperaamo

I le Lesona 3: Aperaamo 3, na aoao ai e tagata aoga le afuaga o le tusi a Aperaamo. Afai e te lei faamatalaina lenei mea i le Lesona 3, e mafai ona e faia nei loa. Afai e i ai ni fesili a tagata aoga e uiga i le afuaga o le tusi a Aperaamo, e mafai ona e faaali atu le vitio “O le tusi a Aperaamo | Ua E Iloa Nei” mai le faailo taimi 0:00 i le 2:43. O lo’o iai le vitio i ChurchofJesusChrist.org.

E ono fesoasoani le fai atu i tagata aoga e fai se siata e lua koluma. E mafai ona latou faaautu le koluma muamua “Faamanuiaga na Manao i ai Aperaamo” ma le lona lua “Faafitauli na fetaiai ma Aperaamo.” E mafai ona fesoasoani lenei mea e faatulaga ai mea ua aoaoina e tagata aoga mai le Aperaamo 1:1–7.

Faamanuiaga na manao i ai Aperaamo	Faafitauli na fetaiai ma Aperaamo
Faamanuiaga na manao i ai Aperaamo	Faafitauli na fetaiai ma Aperaamo

Faitau le Aperaamo 1:1–7, ma vaavaai po o a faamanuiaga na manao i ai Aperaamo ma po o a faafitauli na fetaiai ma ia i le mauaina o na faamanuiaga.

O le a se mea e tulaga ese ia te oe mai faamanuiaga na manao iai Aperaamo?
Aisea e ono avea ai nei faamanuiaga ma se mea e te manao foi i ai?
Mata na fesoasoani faapefea le manao o Aperaamo e mulimuli ia Iesu Keriso ia te ia i tulaga faigata sa feagai ma ia?

Sa fesoasoani Ieova ia Aperaamo e faatoilalo ona faafitauli

Faitau le Aperaamo 1:15–20, ma vaavaai pe na faapefea ona fesoasoani Ieova ia Aperaamo e faatoilalo ia faafitauli sa feagai ma ia.

O le a sou manatu i le mea sa aoaoina e Aperaamo e uiga ia leova mai lenei aafiaga?
E ono mafai faapefea ona fesoasoani le Tama Faalelagi ia i tatou e faatoilalo faafitauli ina ia maua ai faamanuiaga amiotonu tatou te mananao i ai?

Faamatala i tagata aoga e faapea, ina ua uma ona laveaiina Aperaamo, sa iu ina alu atu o ia i Kanana. Sa faamamaluina e le Alii ia Aperaamo mo le faatinoina o ona manaoga e ala i le faamanuiaina o ia i le perisitua ma isi faamanuiaga taua. Na folafola atu e le Atua ia Aperaamo nei faamanuiaga o se vaega o le mea ua tatou ta’ua o le feagaiga faa-Aperaamo. O le a aoao atili tagata aoga e uiga i lenei feagaiga i lesona i le lumanai.

Mulimuli ane i le soifuaga o Aperaamo, sa asiasi atu ai le Alii ia te ia ma folafola atu o le a Ia faataunuuina manaoga amiotonu uma o Aperaamo (tagai Aperaamo 2:9–11). Faitau le Aperaamo 2:12–13, ma vaavaai mo mea na fai mai ai Aperaamo ina ua mavae lenei aafiaga.

O a mataupu faavae e mafai ona tatou aoaoina mai le aafiaga o Aperaamo’?

Atonu e faailoa mai e tagata aoga ni mataupu faavae eseese e aofia ai: Afai tatou te saili e mulimuli ia Iesu Keriso, o le a tuuina mai e le Atua ia i tatou faamanuiaga amiotonu tatou te mananao i ai.

Faitau le saunoaga lenei mai ia Peresitene Jeffrey R. Holland o le Korama a Aposetolo e Toasefululua, pe matamata le vitio “O Se Susulu Atoatoa o le Faamoemoe” mai le faailo taimi 11:09 i le 11:38. O lo’o iai le vitio i le ChurchofJesusChrist.org.

17:45

Aiseā e lē tatau ai ona tatou faamoemoe o manaoga amiotonu ma faanaunauga Faa-Keriso e mafai lava ona taliina faaofoofogia, ma faavavega e le Atua o faamoemoega uma? E tatau ona tatou talitonu uma o mea tatou te mananao i ai i le amiotonu e mafai ona i ai se aso, se ala, se faiga e fai ai mo tatou. (“O Se Susulu Atoatoa o le Faamoemoe,” Liahona, Me 2020, 83)

Valaaulia tagata aoga e talanoaina fesili nei i ni paga po o ni vaega toalaiti, pe tuu atu i tagata aoga e tusi a latou tali ia latou api faamaumau mo suesuega. A uma ua lava se taimi, e mafai e tagata aoga naunautai ona faasoa mai se tasi po o a latou tali uma e lua i le vasega.

E faapefea e upu a Peresitene Holland ma le aafiaga o Aperaamo ona tuu atu ia te oe le faamoemoe e mafai e le Alii ona fesoasoani ia te oe e faatoilalo faafitauli i le mulimuli atu ia Iesu Keriso?
O anafea na fesoasoani ai le Tama Faalelagi ia te oe po o se tasi e te iloa e faatoilalo faafitauli i le mulimuli atu ia Iesu Keriso?

Mafaufau e faasoa atu lou aafiaga i se taimi na fesoasoani ai le Tama Faalelagi ia te oe e faatoilalo se faafitauli i le mauaina o se faamanuiaga amiotonu.

Valaaulia tagata aoga e tusifaamaumau mea sa latou aoaoina i le aso i a latou api faamaumau mo suesuega.

Mafaufau e valaaulia nisi o tagata aoga naunautai e faasoa mai mea sa latou tusia. Faaiu i le faasoa atu o lau molimau e uiga i nei upumoni.

Punaoa Faaopoopo

O fea e mafai ona ou aoao atili ai e uiga i le tusi a Aperaamo?

Ua lolomiina e le Ekalesia le tele o punaoa e uiga i le tusi a Aperaamo, e pei o le:

O le mataupu “O Le Tusi a Aperaamo” i le Tusi Lesona a le Tagata Aoga o le Penina Tau Tele (2017).
O Le Autu o le Talafaasolopito o le Ekalesia “Faaliliuga o le Tusi a Aperaamo.”
O le tusiga o Autu o le Talalelei “Faaliliuga ma le Talafaasolopito o le Tusi a Aperaamo.”

I le aso 5 Iulai, 1835, na tusia e Iosefa Samita e uiga i le oo mai o le tusi a Aperaamo ma le taua o nei tusitusiga faa-Aikupito anamua:

O a’u, ma W[illiam] W. Phelps ma O[liva] Kaotui i le avea ai o ni tusiupu, na amataina le faaliliuga o nisi o togitogiga po o tusitusiga faaleiloga ma, i lo matou olioli tele, na [matou] mauaina se tasi o taaiga o loo i ai tusitusiga a Aperaamo. … E moni lava e mafai ona tatou faapea ane ua amata ona faaali mai e le Alii le anoanoai o le filemu ma le upumoni. (Joseph Smith, i le History, 1838–1856 [Manuscript History of the Church], volume B-1, 596, josephsmithpapers.org; ua faalaugatasia faailoga)

A o tatou suesueina le tusi a Aperaamo, e taua le maitau o mea nei, o loo maua i le Autu o le Talafaasolopito o le Ekalesia “Faaliliuga o le Tusi a Aperaamo”:

O le tulaga o le tusi [i le avea ai] o se tusi e paia o loo taoto i totonu o upumoni e faavavau o loo aoaoina mai ai ma le agaga mamana o loo aumai ai. O le moni o le tusi a Aperaamo e tupito lava ona maua e ala i le suesue ma le toto’a o ana aoaoga faatasi ai ma le tatalo faamaoni ma le faamautuuga a le Agaga. (O Autu o le Talafaasolopito o le Ekalesia, “Faaliliuga o le Tusi a Aperaamo,” Gospel Library)

E faapefea e o’u manaoga ona faatosina ai lo’u olaga?

Sa aoao mai Peresitene Dallin H. Oaks o le Au Peresitene Sili:

O mana’oga e fa’atonuina mea e ave i ai lo tatou faamuamua, o mea e fa’amuamua e mamanuina a tatou filifiliga, ma filifiliga e filimaotia a tatou faatinoga. O manaoga tatou te faatinoina e filimaoti ai o tatou suiga, o tatou ausiaga ma tagata e avea ai i tatou. …

. … A i ai sa tatou vaaiga mamao o le tagata e mafai ona avea ai i tatou, ona matua faateleina lea o lo tatou manao ma lo tatou malosi e galue ai. (“Manao,” Liahona, Me 2011, 42, 44)

Ae faapefea pe afai e foliga mai e le faataunuuina o tatou manaoga amiotonu?

Ua aoao mai Elder Neil L. Andersen o le Korama a Aposetolo e Toasefululua:

14:50

I le avea ai o se auauna a le Alii, ou te folafola atu a outou faamaoni ia Iesu Keriso ma a outou feagaiga, o le a outou maua faamanuiaga tauia i lenei olaga ma o outou manaoga amiotonu i le faavavau i le taimi faatulagaina a le Alii. E mafai ona i ai le fiafia i le malaga o le olaga nei tusa lava pe lei faataunuuina o tatou faamoemoega amiotonu uma. (“O Le Malaga Patino a se Atalii/Afafine o le Atua,” Liahona, Me 2021, 47)

E faapefea ona tatou atiina ae ia manaoga amiotonu?

Na aoao mai Elder David A. Bednar o le Korama a Aposetolo e Toasefululua e faapea:

15:42

E oo ina tatou iloa le Faaola a o tatou faia le mea lelei sili tatou te mafaia e o atu ai i le mea e finagalo o Ia tatou te o i ai, a o tatou taumafai e fai atu le mea e finagalo o Ia tatou te fai atu ai, ma a o avea i tatou ma [nisi] e finagalo o Ia ia avea ai i tatou. Pe a tatou faailoa ma le loto faamaulalo lo tatou faalagolago atoa ia te Ia, na te Ia faalauteleina lo tatou gafatia e auauna atu ai ma le mataalia atili. E faasolosolo lava ona ogatasi atoatoa atili o tatou manaoga ma Ona naunautaiga, ma Ona faamoemoega e avea ma o tatou faamoemoega, i lena tulaga o le a tatou “lē ole atu ai i se mea ua le tusa ai ma [Lona] finagalo.” (“Ana Iloa e Outou o A’u,” Liahona, Nov. 2016, 104)

Gaoioiga Faaopoopo e Aoao Ai

Aperaamo 1:11. O le faataitaiga o tamaitai talavou amiomama

O faataitaiga a taupou amiotonu e toatolu e mafai ona faaaoga e fesoasoani ai i tagata aoga ia malamalama o nisi taimi tatou te le maua ai o tatou manaoga amiotonu i auala tatou te faamoemoeina.

Faitau le Aperaamo 1:11 ma faatusatusa le laveaiina o Aperaamo i le tala i nei tamaitai talavou e toatolu.

E mafai foi ona e tagai i le saunoaga a Elder Andersen i le Punaoa Faaopoopo e uiga i manaoga amiotonu e le faataunuuina.

Valaaulia tagata aoga e vaai faalemafaufau i se uo na auina atu ia i latou se feau tusitusia. Ua le fiafia lenei uo ona e lei faamanuiaina lava [o ia] e le Atua i le malosi e tetee atu ai i se faaosoosoga patino (po o se isi manaoga amiotonu sa latou sailia). Valaaulia tagata aoga e mafaufau pe ono faapefea ona latou tali atu i le latou uo. Atonu e mafai ona fesoasoani fesili nei:

Aisea e te manatu ai e faamatuuina mai manaoga amiotonu o nisi o tagata ae foliga mai e le faapea i isi?
E mafai faapefea ona tatou faatumauina lo tatou faatuatua ia Iesu Keriso e tusa lava pe e foliga ua le o faataunuuina o tatou manaoga amiotonu?

O isi faataitaiga o le sailia ai o manaoga amiotonu

Ina ia faalolotoina le malamalama o tagata aoga i le mauaina o manaoga amiotonu, e mafai ona latou faatusatusaina Aperaamo i isi tagata i tusitusiga paia.

Valaaulia tagata aoga e filifili se tasi o tagata nei po o se isi latou te filifilia. Tuuina atu ina ia latou vaavaai po o le a le manaoga o le tagata ma mea o loo aoao mai e le tala e uiga i le mauaina o o tatou manaoga.

Nifae: 1 Nifae 10:17; 11:1
Enosa: Enosa 1:2–8
Alema ma Amoleka: Alema 14:9–13
Ailama Samita: Mataupu Faavae ma Feagaiga 11:8, 15–17, 21–22

Faaogatusaina ai ma le finagalo o le Alii

Atonu o le a manuia tagata aoga mai nisi talanoaga faaopoopo e uiga i manaoga amiotonu i nisi o taimi ua le taliina i le ala tatou te mananao ai pe faamoemoe i ai. Afai o lea, mafaufau e faaali le vitio “Ole Atu i le Faatuatua” mai le faailo taimi 10:47 i le 13:03.

15:9

Mafaufau e fai atu fesili nei:

O le a se mea ua e aoaoina e uiga i le faaogatusa ai o o tatou manaoga amiotonu ma le finagalo o le Alii?
O le a se fautuaga o le a e ofoina atu i se tasi e lagona e faapea o le Alii e le o faamanuiaina i latou i se manaoga amiotonu?

O le taua o tusitusiga paia

Ina ia fesoasoani i tagata aoga ia iloa le taua o tusitusiga paia i o tatou olaga, mafaufau e fai atu fesili nei:

O le a le uiga o le faasao o se mea?
E mafai faapefea ona e faasaoina se ata po o se tusi mai se tasi e pele ia te oe?

Valaaulia tagata aoga e faitau le Aperaamo 1:28, ma vaavaai mo mea na maua e Aperaamo. A uma ona lipoti mai e tagata aoga mea na latou maua, valaaulia i latou e faitau le fuaiupu 31, ma fesili atu i mea nei:

O a mea na faasaoina i faamaumauga na tausia e Aperaamo?
E mafai faapefea ona tatou manuia ona ua tatou iloa nei upumoni?

Fesoasoani i tagata aoga ia iloa ua valaauina e le Alii ia perofeta e faasao tusitusiga paia ona o Lona alofa mo i tatou. Valaaulia tagata aoga e faasoa mai ni upumoni taua mai tusitusiga paia ua latou faafetai ai ona ua faasaoina.