Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Aperaamo 3: O Le Mua’i Olaga

“Aperaamo 3: O Le Mua’i Olaga,” Tusi Lesona a le Faiaoga Seminare o le Feagaiga Tuai (2026)

“Aperaamo 3: O Le Mua’i Olaga,” Tusi Lesona a le Faiaoga Seminare o le Feagaiga Tuai

Mose 1; Aperaamo 3: Lesona 3

Aperaamo 3

O Le Mua’i Olaga

I se faaaliga, sa faaali atu ai e Ieova ia Aperaamo Ana galuega ma foafoaga. Sa Ia faaali atu foi ia Aperaamo le mua’i olaga, e aofia ai agaga tamalii ma le maoae na filifilia e avea ma taitai i le olaga faitino. O lenei lesona e mafai ona fesoasoani i tagata aoga ia malamalama i le ala e mafai ai e se malamalama i le mua’i olaga i le fuafuaga a le Tama Faalelagi ona fesoasoani ia i latou i o latou olaga.

Sauniuniga a le tagata aoga: Valaaulia tagata aoga e fesili i se uo po o se tagata o le aiga i se mea ua latou iloa e uiga i le muai olaga ma pe mafai faapefea e le iloaina e uiga i le muai olaga ona fesoasoani ia i latou.

Gaoioiga e Mafai ona Fai e Aoao Ai

Ua fia ou tausaga?

Valaaulia ni nai tagata a’oga e faasoa mai pe ua fia tausaga o latou tausaga.

Ta’u atu e faapea, o le tausaga na latou fefaasoaai ai o le umi lea na latou i ai i o latou tino faaletino i le aluga o o latou olaga. O o tatou agaga ua loa atu ona iai nai lo o tatou tino faaletino. A o lei fananau mai, sa tatou nonofo faatasi ma le Tama Faalelagi ma le Faaola o Iesu Keriso. Tatou te ta’ua lenei tulaga o lo tatou mua’i olaga.

Valaaulia tagata aoga e tusi a latou tali i fesili nei i a latou apitalaaga mo suesuega.

O a nisi o mea ua e iloa e uiga i le muai olaga?
E mafai faapefea e le malamalama e uiga i le muai olaga ona fesoasoani ia te oe i le taimi nei?

Fautuaina le vasega e faaopoopo i a latou tali a o latou faaauauina lenei lesona. Fautuaina i latou e saili le fesoasoani mai le Tama Faalelagi e ala i le Agaga Paia e aoao ai pe mafai faapefea e le malamalama e uiga i le mua’i olaga ona fesoasoani ia i latou.

O mea ua tatou aoao mai ia Aperaamo

Ina ia fesoasoani i tagata aoga ia iloa po o fea na sau ai le Tusi a Aperaamo, e mafai ona e valaaulia i latou e faasoa mai mea ua latou iloa, pe faasoa mai nisi o mea nei i au lava upu.

Sa tusifaamaumauina e Aperaamo se aafiaga e mafai ona fesoasoani ia i tatou e malamalama atili ai e uiga i le muai olaga. Sa fanau Aperaamo pe tusa ma le 2,000 tausaga a o lei fanau mai Iesu Keriso. Sa tusifaamaumauina e Aperaamo talaaga o lona olaga faatasi ai ma fa’aaliga vaaia sa ia mauaina mai le Atua, ma e mafai ona maua ia mea i le tusi a Aperaamo. O lenei faamaumauga paia sa afua mai i tusi taai papairasi na maua i Aikupito ma sa faatauina mai e tagata o le Ekalesia. Ona faaali atu ai lea o lenei talafaamaumau ia Iosefa Samita e ala i le meaalofa ma le mana o le Atua.

Faitau le Aperaamo 3:11–12, 21 e vaai ai i mea na aoao atu e le Alii ia Aperaamo.

O le a se mea sa tulagaese ia te oe mai nei fuaiupu?
O a ni upumoni na e aoaoina e uiga i le Alii?

A o faasoa mai tagata aoga, valaaulia i latou e faasino mai fasifuaitau po o fuaiupu lea e maua mai ai o latou malamalamaaga ina ia mafai ai e isi tagata aoga ona maka pe afai latou te mananao ai.
E ono mafai faapefea e le malamalama ai i nei upumoni e uiga ia Iesu Keriso ona aafia ai oe i le taimi nei?
Na faapefea ona e molimauina pe mauaina nei upumoni e uiga i le Faaola i lou olaga?

O lo tatou mua‘i olaga

Ina ua uma ona iloaina le silisiliese o Iesu Keriso i le muai olaga (tagai Aperaamo 3:16–21), sa aoao foi Aperaamo e uiga i lo tatou muai olaga. A o lei faitauina mea na faaali atu e le Alii ia Aperaamo, mafaufau pe faape’i pe ana mafai ona e vaai atu i lou muai olaga faatasi ma le Tama Faalelagi ma Iesu Keriso. Mafaufau loloto pe faapefea ona aafia ai oe.

Tuu se taimi ia lava mo tagata aoga e vaai faalemafaufau ai i le aafiaga o le mata’ituina o i latou lava i o latou tulaga i le muai olaga.

O leAperaamo 3:22–23 o se fuaitau o le atamai i aoaoga faavae. Mafaufau e valaaulia tagata aoga e faailoga ia fuaitau o le atamai i aoaoga faavae i se auala iloga ina ia mafai ona latou mauaina gofie.

Faitau le Aperaamo 3:22–23, vaavaai mo mea na aoaoina e Aperaamo i lana faaaliga e uiga i le mua‘i olaga. Atonu e fesoasoani le iloa e faapea o “atamai” i nei fuaiupu e faasino i agaga o le muai olaga.

O a ni upumoni e te manatu na aoaoina pe na malamalama lelei i ai Aperaamo ona o lenei aafiaga?

Tusi upumoni eseese ua faasoa mai e tagata aoga i luga o le laupapa. Afai e le ta’ua maia e tagata o le vasega, faaopoopo i ai le mea lenei: Na filifilia e le Atua Ana fanau agaga tamalii ma le maoae e avea ma pule a o lei fananau mai i latou. O lenei mea e masani ona ta‘ua o le mua‘i faauuina.
O a ni auala e te manatu e ese ai le faauigaina e le lalolagi o le “tamalii ma silisili” mai le faauigaga a le Alii?

O avea ea i tatou ma se vaega o e tamalii ma silisili?

I se faigalotu i le lalolagi atoa, sa saunoa Peresitene Russell M. Nelson i se tasi o auala e faatatau ai le upumoni o loo aoao mai i le Aperaamo 3 ia te oe.

Sa faapolopolo e lo tatou Tamā Faalelagi le toatele o Ana agaga aupito sili ona tamalii—atonu, e mafai ona ou fai atu, o Lana ‘au aupito sili ona lelei—mo le vaitaimi faaiu lenei. O na agaga tamalii—o na tagata ta’aalo silisili ona lelei, o na toamanumanu—o outou! … O outou o ni e e aupito sili ona lelei ua auina mai e le Alii i lenei lalolagi. Ua ia te outou le gafatia e atamamai ma popoto atili atu ma tele atu le aafiaga i le lalolagi nai lo soo se augatupulaga ua mavae atu! (“Faamoemoe o Isaraelu” [faigalotu a le autalavou i le lalolagi atoa, 3 Iuni, 2018], 8, 16)

Mafaufau e valaaulia tagata aoga e maka a latou tusitusiga paia i se auala o le a fesoasoani ia i latou e manatua ai mea na aoao mai e Peresitene Nelson. A uma le fuaiupu 22 e mafai ona latou tusia le fasifuaitau “e aofia ai a’u,” pe mafai foi ona latou tusia o latou igoa i luga a’e o le igoa o Aperaamo i le fuaiupu 23, pe atonu foi e mafai ona latou faafesootaia le Aperaamo 3:22–23 ma le saunoaga a Peresitene Nelson o loo i luga i le Potutusi o le Talalelei.

Afai e aoga, tuu atu i tagata aoga sina taimi e aoao atili ai e uiga i le muai olaga. E mafai ona latou suesue i le “mua’i olaga” i le Taiala i Tusitusiga Paia po o le Taiala mo Autu. Pe mafai foi e tagata aoga ona faia se filifili o mau, e fesootai ai fuaiupu e uiga i le muai olaga e pei o le Ieremia 1:4–5; Alema 13:3–4; ma le Mataupu Faavae ma Feagaiga 138:55–56. Fai atu i tagata aoga e faasoa mai mea ua latou maua ma pe aisea e taua ai ia i latou.

Fai mea nei i ni vaega toalaiti ona tuuina atu lea o nisi o o latou manatu i le vasega.

Manatu faapea e i ai se tasi i lau vasega e le o mautinoa pe faapefea ona faatatau le Aperaamo 3:22–23 ia i latou.

Saunia mea nei:

O se aotelega o mea na aoao mai e Aperaamo 3:22–23 ma Peresitene Nelson.
O manatu mo auala e mafai ai e oe po o isi talavou ona aafia ai isi mo le lelei pe aumaia faalatalata atili ai i latou ia Iesu Keriso.
O ou lagona i lou malamalama i le muai olaga e mafai ona fesoasoani ia te oe i lou olaga.

Tauloto

Atonu e te manao e fesoasoani i tagata aoga e tauloto le mau faasino o le atamai i aoaoga faavae ma le fuaitau autu o le mau i le taimi o lenei lesona ma iloilo i latou i lesona i le lumanai. O le fasifuaitau o le mau autu o le “I le avea ai o ni agaga sa faatulagaina a o lei iai le lalolagi.’” O manatu mo gaoioiga o le taulotoina o loo i ai i anomea faaopoopo i lalo o le “Gaoioiga Toefaamanatu o le Atamai i Aoaoga Faavae.”

O Punaoa Faaopoopo

O fea e mafai ona ou aoao atili ai e uiga i le tusi a Aperaamo?

O nisi o punaoa maoae e aoao atili ai e uiga i le tusi a Aperaamo o le:

O le mataupu, “O Le Tusi a Aperaamo” i le tusi lesona a le tagata aoga inisititiuti o le Penina Tau Tele
O le autu o le Talafaasolopito o le Ekalesia, “Faaliliuga o le Tusi a Aperaamo”
O le tusiga o Autu o le Talalelei, “Translation and Historicity of the Book of Abraham”

Aperaamo 3:19, 21. O le a se isi mea ua tatou iloa e uiga i le silisili ese o le Faaola i le muai olaga?

Na aoao mai Elder Neal A.Maxwell (1926–2004) o le Korama a Aposetolo e Toasefululua:

E uiga ia [Iesu Keriso] sa faapea mai o Ia e “sili lona atamai nai lo i latou uma.” Aperaamo 3:19.) … E le gata i lea, o le mea ua silafia e le Alii, o le mea e lelei ai, e matua sili tele lava—e le na o le toetoe a sili atu—nai lo le tuufaatasiga o mea e iloa e tagata soifua uma. (O Nei Mea Uma O le a E Maua Ai Le Potomasani [1979], 22)

O lo tatou Togiola Paia… e matua sili mamao lava o Ia nai le taitoatasi ma le tuufaatasiga o gafatia ma ausiaga a i latou uma o e sa ola ai, o loo ola ai i le taimi nei, ma o le a ola ai! (“O, Divine Redeemer,” Ensign, Nov. 1981, 8)

Gaoioiga Faaopoopo e Aoao Ai

Faaaogaina o fetu e aoao atu ai le silisiliese o le Faaola

I le Aperaamo 3, sa faaaoga ai e le Alii paneta ma fetu eseese e aoao ai Aperaamo e uiga i le natura e faavavau o le taimi ma le faatulagaga pulea o Ana foafoaga. O se tasi o nei fetu, ua lauiloa i le Tama Faalelagi o Kolape, e mafai foi ona avea o se faatusa o Iesu Keriso.

Mafaufau e valaaulia tagata aoga e faitau le Aperaamo 3:2–3, ma vaavaai mo upu ma fasifuaitau na faaaoga e le Alii e faamatala ai Kolape.

O le a se mea ua e maitauina e uiga i le faamatalaina e le Alii o Kolape lea e mafai foi ona avea ma se faamatalaga o Iesu Keriso?

E mafai ona tatou aoao ia faia soo se mea e poloai mai ai le Alii

Valaaulia tagata aoga e faitau ia uiga faaalia nei ma faasoa mai pe aisea atonu e manatu ma lagona ai faapea tagata.

Tagata #1: Ou te lē mautinoa lelei pe aisea ua ou i ai iinei. Ou te le iloa lelei pe o i ai se faamoemoega sili atu o le i ai iinei.

Tagata #2: Ua ou ola ia maua [mea] faafiafia. Ou te faia ina ia na ona maua se aoga tele o le olaga ma faafiafia a’u lava.

I le faaaliga lava lea e tasi na tuuina mai e le Alii ia Aperaamo e uiga i agaga tamālii ma ta’uta’ua i le muai olaga. Na faaalia mai ai foi e le Alii se tasi o faamoemoega o lenei olaga. Faitau le Aperaamo 3:24–26 ina ia iloa ai le mea na fetalai mai ai le Alii. O le fasifuaitau “esetete muamua” e faatatau i le muai olaga, ma le “esetete lona lua” e faatatau i le olaga faaletino.

A o faasoa mai e tagata aoga mea sa latou aoaoina, ia mautinoa ua manino e faapea o le suega o le olaga o le fuafua lea pe o le a tatou faia soo se mea e poloaiina ai i tatou e le Atua.

O le faamatalaga lenei a Elder Dale G. Renlund o le Korama a Aposetolo e Toasefululua e ono aoga:

O le fuafuaga a le Atua e aofia ai faatonuga mo i tatou, o loo faatatau i ai tusitusiga paia o ni poloaiga. O nei poloaiga e le o ni mea faataalo pe o se faaputuga faaletaupulea o tulafono ua faamalosia ua faamoemoe e na o le aoaoina ai o i tatou ia usiusitai. Latou te fesootai ma lo tatou atinaeina o uiga paia faaleatua, e toe foi atu ai i le Tama Faalelagi, ma le mauaina o le olioli tumau. (“Ina Filifili Ia o Outou i le Aso Nei,” Liahona, Nov. 2018, 105)

Mafaufau e valaaulia tagata aoga e faasoa mai ni faataitaiga o tagata o e o loo taumafai i taimi uma e usitai i poloaiga a le Atua ma mea ua latou aoaoina mai ia i latou. Afai e le masani ona ta’ua e le tagata aoga le Faaola, fesili atu i mea ua latou aoaoina mai Lana faataitaiga o le usiusitai.

E mafai e tagata aoga ona tusi i lalo se auala se tasi latou te mananao e faateleina ai lo latou usiusitai i poloaiga a le Atua.