Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Mose 1:27–42: “O La’u Galuega ma Lo’u Mamalu Lenei”

“Mose 1:27–42: ‘O La’u Galuega ma Lo’u Mamalu Lenei,’” Tusi Lesona a le Faiaoga Seminare o le Feagaiga Tuai (2026)

“Mose 1:27–42: ‘O La’u Galuega ma Lo’u Mamalu Lenei,’” Tusi Lesona a le Faiaoga Seminare o le Feagaiga Tuai

Mose 1; Aperaamo 3: Lesona 6

Mose 1:27–42

“O La’u Galuega ma Lo’u Mamalu Lenei”

I lalo o le taitaiga a le Tama Faalelagi, sa foafoa ai e Iesu Keriso ia lalolagi e le mafaitaulia. O foafoaga silisili a le Tama Faalelagi o Ona atalii ma afafine agaga. E mafai ona fesoasoani lenei lesona i tagata aoga e lagona ai le lotofaafetai mo le Tama Faalelagi ma Lana galuega e aumaia le tino ola pea ma le ola e faavavau i Ana fanau uma.

Sauniuniga a le tagata aoga: Valaaulia tagata aoga e mafaufau i le tele naua o foafoaga a le Tama Faalelagi ma le alofa o le Tama Faalelagi mo i latou taitoatasi. O se tasi o auala e mafai ona latou faia ai lenei mea o le tilotilo lea i le lagi i se po manino ma mafaufau i lagona o le Tama Faalelagi e uiga ia i latou i le tele o fetu, paneta, ma aniva ua Ia foafoaina.

Gaoioiga e ono Mafai ona Fai e Aoao Ai

Atalii ma afafine na fanaua o le Atua

Fuafua e aumai se tama’i ipu oneone ma se tama’i ipu vai i le vasega. Fai i se tagata aoga e sau i luma o le vasega ma tuu lona tamatamailima i totonu o le koneteina vai ona tuu lea o le tamatamailima susū i totonu o le koneteina oneone. I se isi faiga, e mafai ona e faaali atu i tagata aoga le ata lenei. Ona fai lea i tagata aoga e mate mai pe fia ni fatu oneone o loo pipii i le tamatamailima.

Faitau le Mose 1:27–29, ma vaavaai mo mea na faatusa e Mose i le oneone i luga o le matafaga ma pe aisea.

O le a se mea na tumatila ia te oe mai lenei faaaliga?

Tali fesili nei i lau apitalaaga mo suesuega:

Aisea na foafoaina ai e le Atua le atulaulau?
Aisea na foafoaina ai e le Atua i tatou?
O a ni o’u lagona e uiga i le Atua ma mea na te faia mo a’u?

Valaaulia tagata aoga e faaopoopo a latou tali i le faagasologa o le lesona. Faamanatu atu ia i latou o le tusifaamaumauina o o latou manatu i se api talaaga mo suesuega e mafai ona fesoasoani e valaaulia ai le uunaiga a le Agaga Paia i lo latou aoaoina.

O le galuega ma le mamalu o le Tama Faalelagi

Faitau le Mose 1:30, ma vaavaai ma maka ia fesili e lua na i ai ia Mose a o ia vaai atu i le lalolagi ma atalii ma afafine na fanaua e le Atua.

O leMose 1:39 o se fuaitau o le atamai i aoaoga faavae. Mafaufau e valaaulia tagata aoga e faailoga ia fuaitau o le atamai i aoaoga faavae i se auala iloga ina ia mafai ona latou mauaina gofie.

Faitau le Mose 1:31–33, 39, ma vaavaai pe na faapefea ona tali e le Alii ia fesili a Mose.

O a upumoni e mafai ona tatou aoao mai tali a le Atua i nei fuaiupu?

Faatasi ai ma upumoni atonu e maua e tagata aoga, fesoasoani ia i latou e faailoa mai le galuega ma le mamalu o le Atua o le aumaia o le tino ola pea ma le ola e faavavau o Ana fanau.

Ina ia aoao i mea ua malamalama i ai tagata aoga e uiga i le tino ola pea ma le ola e faavavau, e mafai ona e fai atu ia i latou e faasoa mai pe faapefea ona latou faauigaina i latou. Afai e aogā, e mafai e tagata aoga ona sailiili le “Tino Ola pea” ma le “Ola e Faavavau” i le Taiala i Tusitusiga Paia po o Autu ma Fesili i le ChurchofJesusChrist.org. I se isi faiga, e mafai ona e faasoa atu le faauigaga lenei.

O le tino ola pea, o le ola ai lea e faavavau o se tagata toetu. “O le ola e faavavau, po o le faaeaga, o le avea lea e faapei o le Atua ma ola i Lona afioaga e faavavau o ni aiga“ (Tusitaulima Aoao: Auauna Atu i O Le Ekalesia a Iesu Keriso o le Au Paia o Aso e Gata Ai, 1.1, Gospel Library).

E mafai faapefea e le upumoni o loo maua i le Mose 1:39 ona fesoasoani ia te oe e malamalama ai pe aisea na foafoaina ai e le Atua le lalolagi?

Sa faamalamalama mai e Peresitene Dieter F. Uchtdorf, i lena taimi a o i ai i le Au Peresitene Sili, le faamoemoega o le foafoaga a le Atua.

19:30

Atonu a o tatou vaavaai atu i le telē naua o le atulaulau ma faapea ane, “O le a le tagata e faatusa atu i le mamalu o le foafoaga?” Na fetalai le Atua lava Ia, o i tatou o le pogai lea sa Ia foafoaina ai le atulaulau! O Lana galuega ma Lona mamalu—o le faamoemoega mo lenei atulaulau matagofie—ia laveai ma faaeaina le tagata. I nisi faaupuga, o le telē naua o le faavavau, o mamalu ma mealilo o le vanimonimo ma le taimi e le muta, ua fausia uma mo le manuia o tagata soifua masani e pei o oe ma a’u. Sa foafoaina e lo tatou Tama Faalelagi le lalolagi ina ia mafai ona ausia ai o tatou tulaga gafatia i le avea ai o ni Ona atalii ma afafine. (“E Taua Oe ia te Ia,” Liahona, Nov. 2011, 20)

O le a se mea ua fesoasoani ai lenei faamatalaga e te malamalama ai e uiga i le Tama Faalelagi?
O le a se mea ua fesoasoani ai lenei fuaitau ia te oe e malamalama ai e uiga ia te oe lava?

E fesoasoani le Tama Faalelagi ia i tatou ia maua le tino ola pea ma le ola e faavavau

Mafaufau e tuu tagata aoga i ni vaega toalaiti mo le gaoioiga lenei. E mafai ona e tuu atu i vaega taitasi se fasipepa ma valaaulia tagata aoga e tusi fesili nei i le pito i luga o a latou pepa. Ona mafai lea e tagata aoga ona tusi a latou tali i lalo ifo o fesili. Afai e mafai, e mafai ona e valaaulia tagata aoga e sue se mau o loo molimau mai i nisi po o a latou tali uma.

O le a se mea ua faia e le Tama Faalelagi ma Iesu Keriso e aumaia ai lo tatou tino ola pea?
O le a se mea ua Laua faia ma o loo faaauau pea ona fai e fesoasoani ai ia i tatou ia maua le ola e faavavau?

Ina ia fesoasoani i tagata aoga e aoao mo i latou lava, tuu atu ia lava se taimi latou te tali atu ai i fesili na muamua atu. Ona fai atu lea ia i latou e faaopoopo i la latou lisi i le faitauina o le Ioane 3:16 ma le saunoaga lenei a Peresitene Dieter F. Uchtdorf.

Na faasoa mai e Peresitene Dieter F. Uchtdorf, a o avea o se tasi o le Au Peresitene Sili, ni auala faaopoopo e aumaia ai e le Tama Faalelagi lo tatou tino ola pea ma le ola e faavavau.

[O le Tama Faalelagi] ua tuuina mai ia i tatou le talalelei ma le Ekalesia a Iesu Keriso. Ua Ia tuuina mai ia i tatou le fuafuaga o le togiola, le ata o le faaolataga, o le fuafuaga lava lea o le fiafia.

Ua Ia tuuina mai ia i tatou le meaalofa le mafaatauina o le Agaga Paia. …

Ua Ia tuuina mai ia i tatou le avanoa e 24/7 e fesootai atu ai ia te Ia e ala i tatalo o le faatuatua ma olega o faamoemoega moni.

Ua Ia tuuina mai ia i tatou aposetolo ma perofeta o aso nei, o e faaalia mai le afioga a le Atua i o tatou aso. …

Ua Ia toefuataiina mai Lana Ekalesia. …

Ua Ia tuuina mai ia i tatou tusitusiga paia—o Lana afioga tusitusia ia i tatou.

Ua Ia tuuina mai ia i tatou le anoano o meafaigaluega o tekinolosi faaonaponei e fesoasoani i la tatou savaliga o le avea ai ma soo.

Aisea ua tuuina mai ai e le Tama Faalelagi ia i tatou le tele naua o le fesoasoani? Ona e alofa o Ia ia i tatou. Ma ona, e pei ona Ia fetalai e uiga ia te Ia, “Aua faauta, o laʼu galuega ma loʼu mamalu lenei—ia aumaia le tino ola pea ma le ola faavavau o le tagata”(Mose 1:39). (“Our Father, Our Mentor,” Ensign, Iuni 2016, 5)

Valaaulia tagata aoga e filifili ni nai auala e sili ona taua ia i latou a o latou tali atu i fesili nei.

E mafai faapefea e nei mea ona fesoasoani ia i tatou e alualu ai i luma agai atu i le ola e faavavau?
Na faapefea ona fesoasoani nisi o nei auala ia te oe e avea atili ai e faapei o le Tama Faalelagi?

Valaaulia ni tagata aoga eseese e faasoa mai se auala se tasi na latou filifilia ma a latou tali i fesili o i luga. Vaavaai mo ni auala e faafetai atu ai ma faamaonia i latou mo a latou tali. Afai e le mafai i se tulaga masani ona taulai atu tagata aoga i le Faaola, tagai i le Ioane 3:16 ma le Mosaea 4:2, ma fai i tagata aoga e faasoa mai pe faapefea ona fesoasoani le Faaola ia i latou e alualu i luma ma avea atili e faapei o le Tama Faalelagi.

Faafetai ai mo le Tama Faalelagi

Ina ia fesoasoani i tagata aoga ia lagonaina se agaga faafetai sili atu mo le Tama Faalelagi ma Lana galuega ia aumaia lo latou tino ola pea ma le ola e faavavau, valaaulia i latou e saili le fesoasoani a le Alii a o latou tali atu i fesili nei i a latou api talaaga mo suesuega. I se isi faiga, e mafai e tagata aoga ona faia se tusiga i le api talaaga e faailoa atu ai lo latou talisapaia o le Tama Faalelagi mo mea na Ia faia mo i latou.

O le a se mea ua e aoaoina pe lagonaina i le asō lea e te manao e manatua?
O a ni ou lagona e uiga i le Tama Faalelagi ma Iesu Keriso ma mea La te faia e fesoasoani ai ia te oe e toe foi atu ia i Laua?

Tauloto

Atonu e te manao e fesoasoani i tagata aoga e tauloto le mau faasino o le atamai i aoaoga faavae ma le fuaitau autu o le mau i le taimi o lenei lesona ma toe faamanatu i lesona i le lumanai. O le fasifuaitau autu o le mau, “O la’u galuega ma lo’u mamalu lenei—ia aumaia le tino ola pea ma le ola faavavau o le tagata.” O manatu mo gaoioiga o le taulotoina o loo i ai i anomea faaopoopo i lalo o le “Gaoioiga Toefaamanatu o le Atamai i Aoaoga Faavae.”

O Punaoa Faaopoopo

E faapefea e Le Ekalesia a Iesu Keriso o le Au Paia o Aso e Gata Ai ona fesoasoani e aumaia le tino ola pea ma le ola faavavau o le tagata?

Na faamalamalama mai e Sister Reyna I. Aburto, sa avea muamua ma se tasi o le Au Peresitene Aoao a le Aualofa:

10:0

Mai lava i le amataga, sa saili le Atua e faapotopoto ma faatulaga Ana fanau ina “ia aumaia lo [tatou] tino ola pea ma le ola e faavavau” (Mose 1:39). Faatasi ai ma lena faamoemoega i le mafaufau, sa Ia faatonuina ai i tatou e fausia ni nofoaga e tapuai ai, lea e tatou te maua ai le malamalama ma sauniga o le faaolataga ma le faaeaga; e osia ma tausia ai feagaiga ia e fusia ai i tatou ia Iesu Keriso; e faaeeina ai i “le mana o le faaleatua” (Mataupu Faavae ma Feagaiga 84:20); ma potopoto faatasi soo e manatua Iesu [Keriso] ma fefaamalosia’i ai le tasi ma le isi ia te Ia. O le faatulagaga o le Ekalesia ma ona fale ua faia mo lo tatou manuia faaleagaga. (“O i Tatou O Le Ekalesia a Iesu Keriso o le Au Paia o Aso e Gata Ai,” Liahona, Me 2022, 11)

E mafai faapefea ona ou iloa e alofa le Tama Faalelagi ma Iesu Keriso ia te a’u?

Na faasoa mai e Peresitene Henry B. Eyring o le Au Peresitene Sili:

15:59

E silafia ma alolofa le Tama Faalelagi ma Iesu Keriso ia te oe. E finagalo i La’ua e te toe foi atu ia i La’ua ma avea faapei o i La’ua. O lou manuia o lo La’ua manuia lea. Na e lagona le faamautu mai o lena alofa e le Agaga Paia ina ua e faitau pe faaologo i upu nei: “Aua faauta, o la’u galuega ma lo’u mamalu lenei—ia aumaia le tino ola pea ma le ola faavavau o le tagata.” (“Tofotofoina, Faamaonia, ma Faaleleia,” Liahona, Nov. 2020, 97)

Gaoioiga Faaopoopo e Aoao Ai

Se isi amataga

Ina ia fesoasoani i tagata aoga e mafaufau e uiga i le Tama Faalelagi ma Lana galuega, e mafai ona e valaaulia tagata aoga e fai se lisi o mea e fai e tagata latou te fiafia i ai. E mafai ona aofia ai galuega, mea e fiafia i ai, matafaioi, ma isi mea faapena. E mafai e tagata aoga ona talanoaina pe mafai faapefea e nei mea ona aumaia le olioli i nei tagata matutua.

Ona mafai ai lea ona e fai atu fesili nei:

O a ni mea ua e iloa e uiga i le galuega o loo faia e le Tama Faalelagi?
O le a sou manatu o le a le mea e aumaia ia te Ia le olioli i Lana galuega? (Tagai 3 Nifae 17:20–21; Mataupu Faavae ma Feagaiga 18:11–13.)

Ona mafai lea e tagata aoga ona mafaufau loloto i a latou tali i mea nei:

O le a le lelei o lo’u malamalama i le mea na faia e le Tama Faalelagi mo a’u?
O le a le lelei o lo’u iloaina ma le faaali atu o le lotofaafetai mo mea e faia e le Tama Faalelagi mo a’u i lo’u olaga?

Na toe fuataiina e Iosefa Samita upumoni na leiloloa

Ina ia fesoasoani i tagata aoga e faailoa mai le matafaioi taua a Iosefa Samita i le Toefuataiga o le talalelei, e mafai ona latou faitauina le Mose 1:40–41. E mafai ona latou faailoa mai le mea na poloaiina e le Alii ia Mose e fai (tusi upumoni i se tusi, le Tusi Paia), le mea na tupu i mea na ia tusia (upumoni na aveesea mai le Tusi Paia; tagai 1 Nifae 13:24–28; Mose 1:23), ma le ala na saunia ai e le Alii se ala mo na upumoni e oo mai ia i tatou i o tatou aso (e ala ia Iosefa Samita ma le Tusi a Mamona [tagai 2 Nifae 3:6–15; Mose 1:41]).

Filifiliga o Ala o Faasalalauga

“Galuega Tele.” O le fuaiupu lona tolu o lenei pese o loo faasino i le galuega ma le mamalu o le Alii faapea foi le sootaga a le autalavou i ai.

4:17

“O le a le Faamoemoega ma le Uiga o le Olaga? O Lea Ua E Iloa.” E mafai ona e matamata mai le faailo taimi 0:23 i le 0:58 e aoao ai tagata aoga e uiga i le sootaga i le va o le Mose 1:39 ma le ata o le faaolataga a le Tama Faalelagi.

7:43

“Tama Faalelalolagi, Tama Faalelagi” (3:59). E fesoasoani lenei vitio i tagata aoga e malamalama ai i mea e mafai ona tatou aoaoina e uiga i le Tama Faalelagi e ala i fofoga o tama faalelalolagi.

3:55