Fesoasoani i tagata aoao e saili, iloa, ma faatino faaaliga patino.

A fai mai e se tamaititi aoga se faamatalaga pe fai se fesili, na aoao mai Elder David A. Bednar o le Korama a Aposetolo e Toasefululua: “Nai lo le mafaufau, ‘O le a se mea o le a ou ta‘u atu ia i latou?’ o le taulaiga e tatau ona i ai, ‘O le a se mea o le a ou fesili atu ai ia i latou?’ Ma e le na’o le “O le a se mea o le a ou fesili atu ai ia i latou?” ae faapea foi le “O le a se mea o le a ou valaaulia i latou e fai?” (“O se Faasauga ma Elder David A. Bednar” [afiafi ma se Pulega Aoao, 7 Fep., 2020], broadcasts.ChurchofJesusChrist.org). Pe a fai e se faiaoga le fesili “O le a se mea e mafai ona ou fesili atu ai ia i latou?” e mafai ona taialaina le faiaoga e le Agaga Paia ia maua nisi faamatalaga e vaai manino atili ai i le tagata aoao po o le iloa pe faapefea ona fesoasoani ia te ia e saili ma faatino faaaliga faaletagata lava ia.

Pe a fai atu e se faiaoga le fesili “O le a se mea ou te valaaulia i latou e fai?” e mafai e le faiaoga ona fesootai ma le Agaga Paia e iloa ai po o le a le valaaulia e tuuina atu, ma e mafai e le tagata aoga ona mafaufau lelei pe faapefea ona faatino faaaliga faaletagata lava ia.

Vaavaai pe faapefea ona mafaufau le faiaoga a o lei tali atu:

• Ina ua uma le vasega, na faatali Maria e fesili pe faapefea ona ia iloa le eseesega o ona lava manatu ma uunaiga a le Agaga.

• Ae ou te lei tali atu, ou te tu ma mafaufau, “O le a se mea e mafai ona ou fai atu ai o le a valaaulia ai o ia e saili lana lava tali e ala i faaaliga faaletagata lava ia?” ma le “O le a se mea e mafai ona ou valaaulia o ia e fai ina ia mafai ai ona ia aoaoina le tali mo ia lava?”

Kiliki ii e matamata ai se vitio o lenei faataitaiga.

1:18

I le vasega, ua fai mai e Safaira le fesili lenei: “E mafai faapefea ona ou faaaogaina le Togiola a Iesu Keriso e fesoasoani ai ia te au i mea e ese mai le faamagalo atu?”

A o lei fatuina lau tali, taofi ma mafaufau, “O le a se mea e mafai ona ou …”

Faamatalaga: O le faiga e le tuuina atu ai le fesili po o le valaaulia. O loo fai atu ia te oe e taofi ma mafaufau, “O le a se mea e mafai ona ou fai atu ia te ia pe valaaulia o ia e fai ina ia mafai ai ona ia fesootai ma le Agaga Paia ma aoao ai le tali mo ia lava?”

Fai mai Ane, “Ou te le faaipoipo lava. Ua toatele naua tagata o lo’u aiga ua tatala faaipoipoga, o lea e le aoga ai.”

A o lei fatuina lau tali, taofi ma mafaufau, “O le a se mea e mafai ona ou …”

Na fesili Niki, “O le a le mea sili e mafai ona ou faia e saunia ai mo se misiona?”

A o lei fatuina lau tali, taofi ma mafaufau, “O le a se mea e mafai ona ou …”

• O le a lau tali masani pe a uma ona fai atu e se tasi ia te oe se fesili?

• O le a se mea ua e aoaoina e uiga i le taialaina o tagata aoao e saili ma faatino faaaliga faaletagata lava ia?

O aso taitasi o lenei vaiaso, vaai faalemafaufau i se tagata aoga o fai atu ia te oe se fesili. Ae e te lei tali atu, fai ifo lemu ia te oe lava, “O le a se mea e mafai ona ou fai atu ai pe valaaulia i latou e fai o le a fesootai ai i latou ma le Agaga Paia e aoao ai le tali mo i latou lava?” Ma, i le aluga o le vaiaso, pe a fesili atu se tamaitiiti aoga ia te oe i se fesili pe fai se faamatalaga, taofi ma mafaufau po o le a le fesili po o le valaaulia e mafai ona e fesili atu ia i latou nai lo le mea o le a e ta’u atu ia i latou.

• David A. Bednar, “O Se Faasauga ma Elder David A. Bednar” (afiafi ma se Pulega Aoao, 7 Fep., 2020), broadcasts.ChurchofJesusChrist.org