Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faia o Faatusatusaga: Fai Faatusatusaga ia Faailoa ai Upumoni Taufaa’ataata mai Tusitusiga Paia

“Faia o Faatusatusaga: Fai Faatusatusaga ia Faailoa ai Upumoni Taufaa’ataata mai Tusitusiga Paia,” Tusi Lesona a le Faia’oga Seminare o le Feagaiga Tuai (2026)

“Faia o Faatusatusaga: Fai Faatusatusaga ia Faailoa ai Upumoni Taufaa’ataata mai Tusitusiga Paia,” Tusi Lesona a le Faia’oga Seminare o le Feagaiga Tuai

Tomai o le Suesueina o Tusitusiga Paia: Lesona 170

Faia o Faatusatusaga

Faia o Faatusatusaga ia Faailoa ai Upumoni Taufaa’ataata mai Tusitusiga Paia

Many spirits watch as Jehovah presents his plan to Heavenly Father.

Na ta’u atu e se agelu ia Nifae e faapea o tusitusiga paia o loo iai upumoni “e manino ma sili ona pele” (1 Nifae, 13:26).Ae ui i lea, o nisi taimi e mafai ona faafaigata ai ona iloa nei upumoni pe lagona ai e anoa tusitusiga paia.O le faia o faatusatusaga i le va o tala faatusitusiga paia eseese, manatu, ma tagata o se tomai e mafai ona fesoasoani ia i tatou e iloa ai upumoni taua mai ia Iesu Keriso ma faamanuiaina ai mai Ana afioga.O lenei lesona e mafai ona fesoasoani i tagata a’oga ia faia faatusatusaga i tusitusiga paia e faailoa ai upumoni taufaa’ataata.

Sauniuniga a le tagata a’oga: Vala’aulia tagata a’oga e suesue le Mose 4:1–2, va’ava’ai mo mea tutusa po o eseesega latou te va’aia i le va o Iesu Keriso ma Satani.Vala’aulia i latou e mafaufau loloto pe aisea e mafai ai ona aoga le fa’atusatusaga i totonu o tusitusiga paia.

Gaoioiga e Ono Mafai Ona Aoaoina Ai

Suka ma le masina

Mafaufau e aumai se suka ma le masima i le vasega, ma filifili se tagata a’oga se to’atasi pe to’alua ia fai sina tofo itiiti o mea ta’itasi.E mafai foi ona e faaali atu se ata o nei mea, e pei ona faaalia i lalo.O se isi faiga, e mafai ona faia le gaoioiga lava lea e tasi e faaaoga ai se vai inu suamalie, e pei o se vaitipolo ma se mea oona e pei o le vineta.

Showing the difference of Coarse and Fine Salt

E faapefea ona talitutusa le suka ma le masima?E faapefea ona eseese?
E faapefea i le faatusatusaina ai o le masima ma le suka ona fesoasoani ia te oe ia malamalama lelei atili ai?

I se tulaga talitutusa, a o tatou faia faatusatusaga i totonu o tusitusiga paia, e mafai ona tatou malamalama manino atili ai ma talisapaia le tele o a’oa’oga taua a le Faaola.E mafai ai ona tatou vaaia lelei atili le auala e mafai ai ona Ia faamanuiaina o tatou olaga pe a tatou ola e tusa ma nei a’oa’oga.

A o e a’oa’o e uiga i lenei mea faigaluega e suesue ai tusitusiga paia, ia tatala atu mo musumusuga mai le Agaga Paia ia e mafai ona fesoasoani ia te oe e iloa ai le auala e mafai ai ona e faia ia anoa atili au suesuega o tusitusiga paia.

Tomai: Faia o faatusatusaga

Ina ia fesoasoani i tagata a’oga e a’oa’o lenei tomai e suesueina ai tusitusiga paia, ua faatulaga lenei lesona i vaega nei: “Faamatala” (faamatalaina le tomai), “Faataitai” (tuu atu faataitaiga i tagata a’oga ma taitai i latou i le gasologa o le tomai atoa), ma “Faataitai” (tuuina atu i tagata aoga se avanoa e faataitai ai le tomai).

Faamatala

Faitau pe aotele tala nei.

O le faia o faatusatusaga i totonu o tusitusiga paia o lona uiga o le iloaina o mea e talitutusa ma eseesega i le va o tala, manatu po o tagata.O nei faatusatusaga e mafai ona fesoasoani ia i tatou ia iloa upumoni taufaa’ataata (upumoni e tatou te ono le iloaina).E mafai ona tatou faia faatusatusaga i fuaiupu ta’itasi, i mataupu, pe i le va o tusi e tele eseese.

O le fai ifo ia te oe lava o fesili nei, e mafai ona fesoasoani ia te oe e faia faatusatusaga ao faia au suesuega o tusitusiga paia:

Mafaufau e faaali atu fesili nei.O le a faasino atu iai tagata a’oga i le gasologa o le lesona.

E faapefea ona talitutusa tala, manatu, ma tagata i lenei tala?E faapefea ona eseese i latou?
O le a se mea e mafai ona ou a’oa’o mai le faia o lenei faatusatusaga?
E faapefea ona mafai ona fesoasoani mea ua ou a’oa’oina mai lenei faatusatusaga ia te au i le asō?
E faapefea ona mafai ona fesoasoani mea ua ou a’oa’oina e alofa ma mulimuli atili ai i le Alii?

Faataitaiga

Ina ia sauniA au tagata a’oga e faataitai lenei tomai e i latou lava, o le a fesoasoani le taitai muamua o i latou i le faaaogaina ai o se tala faatusitusiga paia.Mafaufau e faia lenei mea e ala i le faaaogaina o le tala i le Fono i le Lagi i le mua’i olaga, i le iloaina ai o faatinoga a Iesu Keriso ma Satani.E te ono filifili e faaaoga se isi tala, e pei o se tasi o tala nei:

O tagata i vaitaimi o Enoka (Mose 7:17–19) ma tagata i vaitaimi o Noa (Mose 8:28–30)
O le filifiliga a Aperaamo ma Lota po o le fea o laueleele e nonofo ai (Kenese 13:8–13)

Mafaufau e faaali atu le ata o i lalo ma valaaulia tagata a’oga e faasoa mai mea latou te iloa e uiga i le mea na tupu.

I le Fono i le Lagi i le mua’i olaga, ua faailoa mai ai e le Tamā Faalelagi Lana fuafuaga mo le faaolataga o Ana fanau.O Lana fuafuaga e manaomia ai se faaola.

Mafaufau e toe tepa i fesili e fa sa faaali i le taimi ua sola ma valaaulia tagata a’oga e tusifaamau a latou tali i a latou api talaaga mo suesuega a o latou faitau fuaiupu nei.

Faitau le Mose 4:1–2, vaavaai pe na faapefea ona tali atu Iesu Keriso ma Satani i le Atua.

Valaaulia tagata a’oga e faasoa mai a latou tali i fesili ta’itasi.

A o faasoa mai e tagata a’oga mea ua latou a’oa’oina mai le faatusatusaina ai o le Faaola ma Satani, latou te ono faasoa mai upumoni e pei o nei:

Na saili ma le agamaulalo Iesu Keriso e faia le finagalo o le Tamā Faalelagi.Na saili ma le manatu faapito Satani mo lona lava tamaliiga ma lona mamalu.
Na filifilia e le Tamā Faalelagi ia Iesu Keriso mai le amataga e avea ma Faaola mo le lalolagi.Sa fouvale Satani i le Tamā Faalelagi ma Iesu Keriso.

Faataitai

E mafai e tagata a’oga ona galulue ta’ito’atasi, i paga, po o vaega toalaiti e faauma lenei gaoioiga.

O “Gaoioiga Faaopoopo e Aoao Ai” i lenei lesona e aofia ai filifiliga faaopoopo.

Filifili se tasi o auala e suesue ai o lo o i lalo.Faaaoga uunaiga ua faaalia e fesoasoani ia te oe e faia ai faatusatusaga ma faailoa upumoni anoa.

Filifiliga mo suesuega:

O le lipoti a tagata matavao e toa 12. Na auina atu e Mose tagata matavao e toa 12 e suesue laueleele o Kanana pe faapeī le laueleele ma tagata (tagai i le Numera 13:17–20).Ina ua latou toe taliu mai, na tuuina atu e tagata matavao e toa 10 ni lipoti e ese mai lipoti na tuuina atu e Kalepo ma Iosua (isi tagata matavao e to’alua).Faitau le Numera 13:26–33; 14:6–9, e faatusatusa ai lipoti eseese.
O le nofoaiga a le Tupu o Solomona. O le Tupu o Solomona na sosoo atu e avea ma tupu ina ua mavae le maliu o lona tamā o Tavita.Na suia i le aluga o taimi manaoga o Solomona ma folafolaga a le Alii ia te ia.Faitau le 1 Tupu 3:3, 7–12; 11:4–6, 9–11, faatusatusa ai manaoga o Solomona ma folafolaga a le Ali’i ia te ia i le amataga ma le vaega mulimuli o lana nofoaiga.
O leoleo mamoe o Isaraelu. E auala mai Lana perofeta o Esekielu, na apoapoa’i le Alii i taitai o Isaraelu, faaigoa i latou o “leoleo mamoe o Isaraelu” (Esekielu 34:2).Faitau le Esekielu 34:2–6, 11–16, faatusatusa leoleo mamoe o Isaraelu ma le Alii, lo tatou Leoleo Mamoe Lelei.

A mae’a ona faauma e tagata a’oga le gaoioiga, e mafai ona latou faasoa mai a latou tali i fesili ua faaalia ma se isi tagata a’oga, i se paga, pe i se vaega e ese le tala na latou suesueina.Ona valaaulia lea o ni nai tagata aoga e faasoa mai i le vasega.E mafai foi ona tusi e i latou e volenitia mai i luga o le laupapa upumoni ua latou mauaina ma faamatala mai pe aisea e anoa ai ia i latou.

O faataitaiga nei o upumoni e ono faasoa mai e tagata aoga:

E mafai e le Alii ona faamalosia i tatou a o tatou filifili e vaai atu i o tatou luitau i le faatuatua nai lo o le masalosalo.
O le a faamanuiaina i tatou e le Alii pe a sili atu lo tatou alolofa atu ia te Ia, nai lo o mea a lenei lalolagi.
E avea atili ai i tatou e pei o le Alii pe a tatou saili atu ma tausi i isi.

Afai e lava le taimi, e mafai ona e valaaulia tagata a’oga e faaauau ona faataitai le faia o faatusatusaga e ala i le faaaogaina o se tala po o se poloka mau latou te filifilia.Ona mafai lea ona latou faasoa mai mea na latou a’oa’oina mai na faatusatusaga.

Faaiuga

A o e suesue i tusitusiga paia, vaavaai mo auala e mafai ai ona e faaaofia ai le tomai o le faia o faatusatusaga.Mo se faataitaiga, pe a e suesue e uiga i se tasi o faia se faaiuga le lelei, mafaufau i se isi mai tusitusiga paia na faia se faaiuga amiotonu.Afai e te vaaia se tasi o perofeta a le Alii na teenaina, mafaufau pe e te manatuaina se isi taimi na taliaina ai e tagata Ana perofeta.

E te ono tusifaamaumau mea ua e mauaina i totonu o au tusitusiga paia pe i lau api talaaga mo suesuega.

E ono tosina faapefea e mea ua e a’oa’oina i le asō ia au suesuega patino o tusitusiga paia?

Mafaufau e faauma i lau molimau i tusitusiga paia ma upumoni o maua ai.

E ono fesoasoani le toe tulitatao i isi lesona o i luma le tulaga ua iai tagata a’oga i le faataitaiina o lenei tomai o le suesueina o tusitusiga paia.

O Puna’oa Faaopoopo

O a nisi mea e mafai ona fesoasoani ia te a’u ia maua ai nisi mea aoga mai a’u suesuega o tusitusiga paia?

Na faamatala mai e Elder Richard G. Scott (1928–2015) o le Korama a Aposetolo e To’asefululua:

A o e saili le malamalama faaleagaga, saili mo mataupu faavae.Tuueseese ma le mataalia [mataupu faavae] mai le faamatalaga auiliili na faaaoga e faamatala ai i latou. …O se mataupu faavae moni, e faamanino ai faaiuga ua faia, e tusa lava pe o a tulaga e sili atu ona le mautonu ua faigata ona faafitia.E aoga se taumafaiga tele e faatulaga upumoni ua tatou aoina i ni faamatalaga faigofie o mataupu faavae.Sa ou taumafai e fai lena mea i le mauaina ai o le malamalama faaleagaga.(“Acquiring Spiritual Knowledge,” Ensign, Nov. 1993, 86)

Na ao’a’o mai Elder David A. Bednar o le Korama a Aposetolo e To’asefululua e faapea:

O le ki e tatala ai le faitotoa tele i oa natia faatusitusiga paia e aofia ai se galuega tele—galuega faigofie, masani, ma le filiga. … E le mafai ona tatou faamoemoe e selesele se seleselega tele faatusitusiga paia sei vagana ua tatou totogia le tau o le suesue e le aunoa ma le filiga. …O oa faatusitusiga paia tatou te sailia i o tatou olaga e le mafai ona nono mai pe faaune mai pe maua mai i se mea tuai tuufaasolo.E tatau ia i tatou ta’ito’atasi ona iloa tatala le faitotoa tele e ala i le faaaogaina lea o mataupu faavae o le galue.(“Because We Have Them before Our Eyes,” New Era, Apr. 2006, 6)

Gaoioiga Faaopoopo e A’oa’o Ai

O le faataitaiga a le Faaola i le faia ai o faatusatusaga

Ina ia faamamafa le taua o le a’oa’oina mai faatusatusaga i suesuega o tusitusiga paia, e mafai ona e faamatala atu e faapea, sa masani ona faaaoga e le Faaola faatusatusaga i Ana a’oa’oga.Valaaulia tagata a’oga e faasoa mai faataitaiga e mafai ona latou manatu i ai na Ia faia ai lenei mea.Afai latou te manaomia se fesoasoani, mafaufau e faasoa atu faataitaiga nei:

O le fafine ua oti lana tane na lafo ana tupe iti e lua i le mea e teu ai oloa, e faatusatusa atu i le mauoa na lafo ana mea e tele (tagai i le Mareko 12:41–44)
O le ositaulaga ma le sa Levī e faatusatusa atu i le Samaria agalelei (tagai i le Luka 10:30–37)
O atalii e to’alua i le faataoto o le atalii faamaumau ’oa (tagai i le Luka 15:11–32)

Valaaulia tagata aoga e faasoa mai mea na latou a’oa’o mai nei faatusatusaga.

Faatusatusaga faatusitusiga paia faaopoopo

Afai e aoga i au tagata a’oga faataitaiga eseese mai le vaega “Faataitaiga” po o le “Faatinoga Faataitai” o le lesona, mafaufau e faaaoga so’o se tasi o tala nei:

O tagata i taimi o Enoka ma taimi o Noa.Faitau le Mose 7:17–19 ma le Mose 8:28–30, faatusatusa le autasi ma faatinoga i le va o nei [nuu] e lua.
Iakopo ma Esau.Faitau le Kenese 25:27–34, faatusatusa manaonaoga o le au uso masaga.(Manatua: O se atalii na umia le tofi o le ulumatua na ia mauaina meatotino a lona tamā ma avea ma taitai faaleagaga ma tausia le aiga.)
O le Tupu o Tavita agasala ma le Tupu o Tavita agaga salamo.Faitau le 2 Samuelu 11:2–5, 14–17 ma le Salamo 51:1–4, 10–12, faatusatusa ai amioga a Tavita ma manaoga ina ua ia agasala, ma ona manaoga ina ua uma ona ia saili mo se faamagaloga.

Faatusatusaga ma le eseesega i le Tusi a Mamona

Mo se faataitaiga mai le Tusi a Mamona i le faia o faatusatusaga ia faailoa ai upumoni taufaa’ataata, mafaufau e valaaulia tagata a’oga e faatusatusa Nifae ia Lamana ma Lemuelu.Afai latou te manaomia se fesoasoani, e mafai ona e valaaulia i latou e suesue le vaaiga na ia Nifae i le latou faigamalaga i le 1 Nifae 17:1–6, ma le vaaiga na ia Lamana ma Lemuelu i lena lava malaga i le 1 Nifae 17:20–21.Valaaulia tagata a’oga e faasoa mai ni lesona ua latou a’oa’oina mai lenei faatusatusaga.

Mo isi faataitaiga ua faailoa mai ai eseesega i le va o Nifae ma ona uso o Lamana ma Lemuelu, mafaufau e faasoa atu le faamatalaga lenei a Elder Dale G. Renlund o le Korama o le Au Aposetolo e To’asefululua i le “Ina ia Ou Tosina Mai Tagata Uma ia te A’u” mai le faailo taimi 1:58 i le 3:52.E mafai ona fai e tagata a’oga se lisi o mea eseese latou te iloa, ona talanoaina lea o upumoni ua latou a’oa’oina.

13:40