Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Sailiga o Upumoni o le Talalelei i Tusitusiga Paia: Aoao e Faailoa Aoaoga Faavae ma Mataupu Faavae

“Sailiga o Upumoni o le Talalelei i Tusitusiga Paia: A’oa’o e Faailoa A’oa’oga Faavae ma Mataupu Faavae,” Tusi Lesona a le Faia’oga Seminare o le Feagaiga Tuai (2026)

“Sailiga o Upumoni o le Talalelei i Tusitusiga Paia: A’oa’o e Faailoa A’oa’oga Faavae ma Mataupu Faavae,” Tusi Lesona a le Faia’oga Seminare o le Feagaiga Tuai

Tomai o le Suesueina o Tusitusiga Paia: Lesona 167

Sailiga o Upumoni o le Talalelei i Tusitusiga Paia

Aoao e Faailoa Aoaoga Faavae ma Mataupu Faavae

O suesuega i tusitusiga paia e mafai ona sili ona mamana pe a tatou saili ma le mataalia mo upumoni o le talalelei ia e mafai ona tatou latalata atili atu ai i le Tamā Fa’alelagi ma Iesu Keriso.O lenei lesona e mafai ona fesoasoani i tagata a’oga e fa’ateleina ai lo latou tomai e saili ai upumoni o le talalelei i tusitusiga paia, ia e mafai ona fesoasoani ia i latou e fa’alatalata atili atu ai i le Alii.

Sauniuniga a le tagata a’oga: Vala’aulia tagata a’oga e fa’ailoga pe fa’amaumau i a latou tusitusiga paia se mea ua latou a’oa’oina mai la latou suesuega patino i tusitusiga paia.Ona mafai lea ona latou fai atu i se uo po o se sui o le aiga e faitau le fuaitau o mau lava lea e tasi, fa’asoa mai le mea ua latou a’oa’oina mai ai, ma fa’atusatusa malamalama’aga.

Gaoioiga e Ono Mafai Ona Aoao Ai

E fa’asaoina e tusitusiga paia upumoni o le talalelei

Ina ia fesoasoani i tagata a’oga ia malamalama i le taua o le saili i upumoni o le talalelei i tusitusiga paia, o le faatusaga lenei e ono ofoina atu ai ni malamalamaaga e fesoasoani i le auala e faasaoina ai e tala fa’atusi paia upumoni o le talalelei.Mafaufau e aumai i le vasega se fa’i pula (po o se fualaau aina ese e mafai ona fofo’e) e lē masani ona taumafaina e tagata i lau aganu’u.Fai atu mo se isi e ofo mai na te taumafaina le fualaau aina.A uma ona fofo’e e le tagata a’oga le fualaau aina ma fai lana ū muamua, atonu e te faatagā ofo ma fesili atu pe aisea na te le’i ūina ai ma le pa’u.Ona fai atu lea o le fesili lenei.

(Afai e le o maua le fualaau aina, e mafai ona e fetu’unai le vaega lenei ia faia se talanoaga e talitutusa, e ala i le faaali atu o se ata o se fualaau aina po o le tusi o se ata i luga o le laupapa.)

Aisea e taua ai pea le pa’u o le fa’i tusa pe tatou te lē aiina?

E te ono fesoasoani i tagata a’oga ia malamalama o le pa’u e puipuia, faasaoina, ma tausisia ai le mamā o le vaega o le fualaau aina lea tatou te aia.

Ona valaaulia lea o tagata a’oga e faasoa mai o latou malamalamaaga e uiga i le mea lenei i le vasega pe ma se paga.
Afai tatou te faatusa tala o loo i tusitusiga paia i le pa’u o se fa’i, o le a le mea e ono faatusa iai le vaega lea tatou te aiina?(I nisi upu, o a mea e puipuia, faasaoina, ma tausisia le mamā e tala mo i tatou?)

Afai e manaomia, faamatala atu ina ia a’oa’o atili mai tusitusiga paia, e manaomia ona tatou vaai i tua atu o tala, ina ia maua upumoni e finagalo le Atua tatou te a’oa’oina.O tala lava ia e mafai ona pei o se pa’u e taofia ma faasaoina upumoni o le talalelei, ia e mafai ona fesoasoani ia i tatou ia iloa ma mulimuli ai ia Keriso.

Faasoa atu le faamatalaga lenei ma vala’aulia tagata a’oga e vaai mo le mafuaaga e taua ai le saili mo upumoni o le talalelei a’o tatou suesue.

Na ao’a’o mai Elder David A. Bednar o le Korama a Aposetolo e To’asefululua e faapea:

Ua ou iloa o aoaoga faavae ma mataupu faavae o le talalelei a Iesu Keriso o puna faavae lea o le faasinoga mo o tatou olaga ma le olioli tumau i le olaga nei ma le faavavau. …Ou te molimau atu ma le olioli, o lo tatou Faaola soifua o le punavai lea e tafe mai ai nei upumoni.(“O Mataupu Faavae o La’u Talalelei,” Liahona, Me 2021, 126)

E fa’apefea ona e aoteleina mea na e a’oa’oina mai ia Elder Bednar?

E te ono fesoasoani atu i tagata a’oga ia iloa se upumoni mai i le faamatalaga a Elder Bednar e pei o le: O a’oa’oga faavae ma mataupu faavae o le talalelei e mai ia Iesu Keriso ma o puna ia o faasinoga ma le olioli tumau.

(Manatua: O le eseesega i le va o a’oa’oga fa’avae ma mataupu faavae o le a lē talanoaina i le lesona lenei.Mo faamoemoega o lenei lesona, o a’oa’oga faavae ma mataupu faavae o le a talanoaina e ala i le faaupuga lautele sili atu “upumoni o le talalelei.”E iai faamatalaga i le Puna’oa Faaopoopo o lenei lesona e mafai ona e faaaoga pe a e lagona e mafai ona fesoasoani i au tagata a’oga e iloa ai le eseesega i le va o a’oa’oga faavae ma mataupu faavae.)

Ina ia fesoasoani i tagata a’oga e iloiloina lo latou tomai i le sailiga o upumoni o le talalelei i tusitusiga paia, e mafai ona e valaaulia i latou e mafaufau loloto ma le lē leoa i faamatalaga nei.

I se fua faatatau mai i le 1–5, o le a le moni o faamatalaga nei ia te oe. (1 = seāseā moni; 5 = toetoe lava moni i taimi uma)

Ou te mautinoa i lo’u gafatia e saili ai upumoni o le talalelei i tusitusiga paia.
Ou te suesue e lē aunoa i tusitusiga paia mo upumoni ia e mafai ona ou faalatalata atili atu ai i le Tamā Faalelagi ma Iesu Keriso.

Unnaia tagata a’oga e saili mo le Agaga Paia e fesoasoani ia i latou ia sili atu ona latou iloa upumoni i tusitusiga paia ua faasaoina e le Tamā Faalelagi mo i tatou.

Mo gaoioiga o mulimuli mai, e te ono manao e galue e “Faamatala” ma “Faataitai” muamua nai vaega o tomai ta’itasi ona valaaulia lea o tagata a’oga e faataitai tomai uma e lua i le taimi e tasi.E mafai ona faaaoga se tasi o manatu mai i mau ua lisiina i le vaega “Faataitai” o tomai.

Tomai: Faailoa manino upumoni ua ta’uina mai

Faamatala

O se tasi o ituaiga upumoni o le talalelei e mafai ona e maua i au suesuega, o se upumoni ua ta’uaina manino mai.O na upumoni, ua ta’ua i se fuaiupu faigofie po o se fasifuaitau i tusitusiga paia.

Faataitaiga

Faaali atu i tagata a’oga se faataitaiga o se upumoni ua ta’uina manino mai e ala i le faitauina o le mau lenei, po o se tasi o fuaiupu e te fiafia iai o ta’u manino mai ai se upumoni.

Faitau le Faataoto 3:5–6, vaavaai ma faailoga se upumoni manino o ta’u mai ai.

O a vaega na e faailogaina?

E ono faailoa mai e tagata a’oga se upumoni e pei o le “Faatuatua i le Alii ma lou loto atoa … ona Ia faatonuina ai lea o ou ala.”
Aisea e taua ai ia te oe le upumoni ua e faailogaina?

Faataitai

O se tasi o auala e faataitai ai e tagata a’oga, o le valaaulia lea o i latou e sue i le Fuaitau o le Atamai i A’oa’oga Faavae ma Fasifuaitau Autū o Mau i le Pepa Autū o le Atamai i A’oa’oga Faavae (2023).Ona mafai lea e tagata a’oga ona susue i fuaiupu eseese ma vaavaai mo upumoni ua ta’ua manino mai ai.

A mae’a ona tuu atu se taimi i tagata a’oga e faauma ai le gaoioiga, ona latou liliu atu lea i se paga pe i vaega toalaiti ma faasoa le upumoni, ua latou mauaina.

Tomai: Faailoaina o upumoni ua faa’ata’ataina mai

Faamatala

O le isi ituaiga o upumoni o le talalelei e mafai ona e mauaina i au suesuega o se upumoni [lea] o faa’ata’ataina mai.O nei upumoni ua faa’ata’ataina mai i ni fuaitau po o talafaasolo tetele e manaomia ai ona tatou mafaufau loloto i mea e finagalo le Tamā Faalelagi tatou te a’oa’oina mai ai.E mafai ona tatou maua nei upumoni e ala i le faia o fesili e pei o nei.

Atonu e te manao e faaali pe lisi nei fesili i luga o le laupapa.

Pe o iai ni manatu taua, fasifuaitau po o faailoga ua a’oa’o atu ai ia te oe se mea e uiga i le Tamā Faalelagi ma Iesu Keriso?
Pe o iai ni sootaga faale mafuaaga-ma-aafiaga (afai/ona) o iai i lenei tala?
Aisea e te manatu ai na musuia le tusitala e le Atua ina ia faaaofia nei mea na tutupu po o fuaitau?

Faataitaiga

Mafaufau e valaaulia se tasi e ofo mai e faitau leotele le Numera 21:5–9 i le vasega.O le tala i le aʻoaʻoina ma le faamaloloina e le Atua o tagata Isaraelu o e na utia e gata uogo.Ao latou faalogologo, uunaia tagata a’oga e vaavaai mo upumoni ua faa’ataina mai i lenei tala e ala i le fai ifo ia i latou lava o fesili o pei o fesili o lisiina i luga.

A mae’a ona faitauina, fai atu i nisi e ofo mai e faasoa mai ni upumoni ua faa’ataina mai na latou mauaina.E te ono uunaia tagata a’oga e tusi se upumoni i tafatafa ane o nei fuaiupu i a latou tusitusiga paia.

O upu moni ua ono faa’ataina mai e lenei tala e aofia ai:

O le tautala faasagatau i le Atua ma Ana perofeta o le a iu ina taitai atu ai i faanoanoaga.
Ua faasino atu e le perofeta i tatou ia Iesu Keriso.
E alofa mutimutivale le Atua ma e na te faia se auala mo i tatou e faamaloloina ai.

E te ono faailoa atu e faapea, na faaaogaina e Iesu Keriso lenei tala ina ia a’oa’o mai ai, o i latou e talitonu ma mulimuli ia te Ia o le a maua le ola e faavavau (Ioane 3:14–16).

Faataitai

Filifili se tasi o tala faatusi paia i lalo e suesue, po o se isi tala e te filifilia.

Ao e faitau, faailoga soo se upumoni ua ta’uina manino mai i nei mau.
Pe a uma ona faitauina, tusi i ni au lava upu se upumoni se tasi pe sili atu o faa’ataina mai lea ua e a’oa’oina mai le tala.
Mafaufau loloto pe aisea e taua ai ia te oe upumoni ua e mauaina ma le auala e te lagona e finagalo le Tamā Faalelagi e faaaogaina ai.

1 Samuelu 17:44–49 (Tavita o loo faasaga atu i le sauai o Koliata)

2 Tupu 6:14–18 (ua siomia e le au tau a Suria le aai ina ia pue ia Elisaia)

Faamasino 6:11–16 (o le valaau a Kitiona ia laveai ona tagata mai le osofaiga a se au tau)

Pe a mae’a [galuega a] tagata a’oga, valaaulia i latou e faailoa mai upumoni e anoa ia i latou ua tusiaina e isi tagata a’oga i luga o le laupapa.E ono mafai e tagata a’oga ona faasoa mai mafuaaga e taua ai le upumoni ia i latou, ma le auala e mafai ai ona latou faaaoga ai le upumoni i o latou olaga.E mafai foi ona e fesili atu pe na iai se aafiaga o se tasi, ua fesoasoani ia te i latou lea e iloa ai le moni o se mea o loo i luga o le laupapa.

Faaiuga

Mafaufau e faamanatu atu i tagata a’oga le sini patino ua latou faia mo a latou suesuega i tusitusiga paia mo lenei kuata.Afai latou te lei faatuina se sini, uunaia i latou e faia faapea.

Valaaulia tagata a’oga e mafaufau i a latou sini a’o latou taliina fesili nei i a latou api talaaga mo suesuega.Valaaulia i latou ina ia magafagafa i le fetuuna’i ai o la latou sini pe afai latou te lagona le faagaeetia ia faia faapea.

O a tomai na tulaga ese ia te oe ia e mafai ona fesoasoani ia te oe i au suesuega patino pe faaleaiga o suesuega tusitusiga paia?
E faapefea i le iloaina ma le mafaufau loloto ai i upumoni o le talalelei i au suesuega i tusitusiga paia, ona e latalata atili atu ai i le Faaola?

Mafaufau e valaaulia se tasi pe sili atu o tagata a’oga i aso ta’itasi mo lesona eseese o sosoo mai, e faasoa mai se upumoni se tasi na latou mauaina i a latou lava suesuega patino pe faaleaiga o tusitusiga paia.Vaavaai mo isi avanoa i lesona i le lumanai mo tagata aoga e faaauau ai ona faataitai lenei tomai taua.

O Puna’oa Faaopoopo

E mafai faapefea e le suesueina o tusitusiga paia ona fesoasoani ia i tatou e maua ai faaaliga mai i le Tamā Faalelagi?

Na faamalamalama mai e Elder D. Todd Christofferson o le Korama a Aposetolo e To’asefululua:

15:36

Aua o tusitusiga paia e faamalamalamaina ai mataupu faavae a Keriso, o lea ua taitoaluaina ai e le Agaga Paia, o lana matafaioi o le molimau i le Tamā ma le Alo (tagai i le 3 Nifae 11:32).O le mea lea, o le tatou i ai i totonu o tusitusiga paia o se tasi lea o auala tatou te maua ai le Agaga Paia.O le mea moni, o tusitusiga paia sa muai tuuina mai e ala mai i le Agaga Paia (tagai i le 2 Peteru 1:21; MF&F 20:26–27; 68:4), ma o le Agaga lava lea e tasi e mafai ona faamaonia lona moni ia te oe ma au.Suesue ma le toto’a ma le loto iai i tusitusiga paia.Mafaufau loloto ma tatalo e uiga iai.O tusitusiga paia o faaaliga ia ma o le a latou aumaia faaaliga faaopoopo.(“O Le Faamanuiaga o Tusitusiga Paia,” Liahona, Me 2010, 35)

O le a se mataupu faavae o le talalelei?

Na faamalamalama mai e Elder Richard G. Scott (1928–2015) o le Korama a Aposetolo e To’asefululua:

O mataupu faavae o upumoni mama, ua fuafuaina mo le faaaogaina i ni tulaga eseese e tele.O se mataupu faavae moni e faamanino ai faaiuga ua faia, e tusa lava pe o a tulaga e sili atu ona le mautonu ma faigata ona faafitia.(“Acquiring Spiritual Knowledge,” Ensign, Nov. 1993, 86)

O le a le a’oa’oga faavae?

Ua ta’ua i le A’oa’o Atu i le Ala a le Faaola e faapea:

O le a’oa’oga faavae o le upumoni e faavavau—o lo o maua i tusitusiga paia ma upu a perofeta o aso e gata ai—lea e faaali mai ai ia i tatou le ala e avea ai faapei o lo tatou Tamā oi le Lagi ma toe foi atu ai ia te Ia.(A’oa’o Atu i le Ala a le Faaola [2022], 20)

E faapefea ona ou faia ia anoa atili a’u suesuega i tusitusiga paia?

Na a’oa’o mai Peresitene Jeffrey R. Holland o le Korama a Aposetolo e To’asefululua:

Manatunatu loloto [ma] suesue i upu taitasi uma, o maataua taitasi uma. …Tuu i luga i le malamalama ma feliuliuai, vaavaai ia iloa le mea o atagia ma toe suia mai iina. …O se iloiloga faapena e ono mafai ona lagaina mai ai se ’oa ua natia i se fanua: o se penina tau tele; o se penina e le mafaatauina.(“E Manaomia e Tagata A’oga Faia’oga e Taitaia i Latou“ [tautalaga na tuuina atu i le Ofisa o A’oga a le Ekalesia i se faasalalauga faasatelite, Iuni 20, 1992], 4)

Na faamalosiau mai Peresitene Thomas S. Monson (1927–2018):

Ia faamasani i lesona e a’oa’o mai e tusitusiga paia. …Suesue iai ia pei lava o lo o latou talanoa mai ia te oe, aua o le mea moni lena.(“Ia Avea Ma Tagata Sili E Mafai Ona Avea Ai Oe,” Liahona, Me 2009, 68)

Na faapea mai Peresitene Mark L. Pace o le Peresitene Aoao o le Aoga Sa:

Ina ia sili atu ona aoga, e tatau ona avea ou aafiaga i tusitusiga paia ma ou lava aafiaga.O le faitau po o le faalogo e uiga i aafiaga ma malamalamaaga o se isi tagata e mafai ona aoga, ae o le a le aumaia e lena mea le mana lava e tasi e liua ai.E leai se mea e suitulaga mo le taimi e te faaaluina i tusitusiga paia, e faalogo ai i le Agaga Paia o fetalai sa‘o atu ia te oe.(“O le Liua O La Tatou Sini Lea,” Liahona, Me 2022, 111)

Gaoioiga Faaopoopo e Aoao Ai

Sueina o upumoni e le iloa gofie i tusitusiga paia

Ina ia fesoasoani i tagata a’oga ia malamalama o le vaavaai loloto i se tala faatusi paia e mafai ona fesoasoani ia i latou e iloa ai upumoni e le iloa gofie, e mafai ona e faaali atu se ata o le Faaola e pei o lenei.Fai atu i tagata a’oga e tusi faanatinati i lalo le mea muamua latou te a’oa’oina e uiga ia Iesu Keriso mai le ata.Ona tuu atu lea o se minute se tasi pe lua latou te manatunatu loloto atili ai e uiga i le ata, ma tusi i lalo ni malamalamaaga faaopoopo latou te a’oa’oina mai ai.

Valaaulia ni tagata a’oga e faasoa mai le upumoni muamua na latou a’oa’oina e uiga ia Iesu Keriso.Ona tuu atu lea o le avanoa latou te faasoa mai ai upumoni faaopoopo na latou mauaina ma vaaia i le ata, pe manatuaina mai le tala na fesoasoani ia i latou e iloa ai nei upumoni.

Fesoasoani i tagata a’oga ia faia le fesootaiga faapea, e pei o le ata, o nisi upumoni i tusitusiga paia e faigofie ona vaaia, a’o isi e manaomia se taimi, mafaufauga, ma taumafaiga e saili ai.

O aafiaga o le autalavou i le sailia o upumoni i tusitusiga paia

E ono fesoasoani le vaega “Faataitai” o le lesona mo tagata a’oga, ina ia faalogologo ai i aafiaga o talavou i le faailoaina o upumoni i tusitusiga paia.E mafai ona e faaali le vitiō “Iloaina o A’oa’oga Faavae ma Mataupu Faavae: Molimau a Tagata A’oga” (2:39).A uma le vitiō, atonu e te fai atu i tagata a’oga e faasoa mai ni aafiaga na latou maua ai se upumoni i se tala faatusipaia, na faamanuiaina ai o latou olaga.

2:39

O se isi auala e amata ai le lesona

Faaali atu le vitiō “Flecks of Gold” mai le faailo taimi 0:00 i le 2:26.E faatatau i se ali’i saili auro na ia a’oa’oina le taua o le faaputuputuina o fasi auro laiti i le aluga o taimi, nai lo o le saili mo na’o auro e seāseā ona maua ma lapopoa.Valaaulia tagata a’oga e mafaufau i le auala e mafai ai ona latou faafesootaia lenei tala ia latou suesuega o tusitusiga paia.

3:16