Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

O Faatinoga e Valaaulia ai le Agaga Paia i Suesuega o Tusitusiga Paia: Fatuina o se Siosiomaga mo le Agaga e A’oa’o Atu Ai

“O Faatinoga e Valaaulia ai le Agaga Paia i Suesuega o Tusitusiga Paia: Fatuina o se Siosiomaga mo le Agaga e A’oa’o Atu Ai,” Tusi Lesona a le Faia’oga Seminare o le Feagaiga Tuai (2026)

“O Faatinoga e Valaaulia ai le Agaga Paia i Suesuega o Tusitusiga Paia: Fatuina o se Siosiomaga mo le Agaga e A’oa’o Atu Ai,” Tusi Lesona a le Faia’oga Seminare o le Feagaiga Tuai

Tomai o le Suesueina o Tusitusiga Paia: Lesona 169

O Faatinoga e Valaaulia ai le Agaga Paia i Suesuega o Tusitusiga Paia

Fatuina o se Siosiomaga mo le Agaga e A’oa’o Atu Ai

O se tamaitai talavou o lo o faitau tusitusiga paia i tafatafa o se faamalama o lo o matala

Sa iai uma ni taimi na tatou suesueina ai tusitusiga paia i se auala e sili atu ona faasamasamanoa ma i se auala e sili atu ona toto’a.A o tatou faia taumafaiga mautinoa e faafoefoe ai a tatou suesuega toto’a o tusitusiga paia, e auina mai e le Tamā Faalelagi le Agaga Paia e fesoasoani ia i tatou ia iloa ma faatatau mau i o tatou olaga (tagai i le 2 Nifae 32:3, 5; Ioane 14:26).I lenei lesona, o le a faataitai ai e tagata a’oga tomai e valaaulia ai le Agaga Paia i suesuega o tusitusiga paia.

Sauniuniga a le tagata a’oga: Vala’aulia tagata a’oga e fai se lisi o manatu e mafai ona latou tuu atu i se uo e fesoasoani ai i le fa’aleleia o a latou suesuega o tusitusiga paia.E mafai ona latou fesili atu i isi mo ni manatu e fa’aopoopo i a latou lisi.

Gaoioiga e Ono Mafai Ona Aoaoina Ai

Aafiaga eseese e lua

Ina ia amatalia le vasega, mafaufau e tusi ni ata faafasilaau se lua i luga o le laupapa, e pei o ata nei, faaavanoa ai se vaega e tusitusi ai i le va pe i o latou autafa foi.E te ono valaaulia foi tagata a’oga e tusi ni ata faafasilaau faapena i se pepa pe i totonu o a latou api tala’aga o suesuega.

Vaai faalemafaufau i ai e faapea o ni talavou masani nei se to’alua.

O a ni mea e la te ono tutusa ai?

Tusi manatu o tagata a’oga i le va o ata faafasilaau e lua.

Valaaulia tagatai a’oga e vaai faalemafaufau o i laua nei e to’alua e iai ni o la aafiaga eseese a’o la suesue i tusitusiga paia.Tusi le “Mauaina o aafiaga anoa mai suesuega o tusitusiga paia” i autafa o le isi ata ma le “Tauivi i suesuega o tusitusiga paia” i autafa o le isi.

Mafaufau e tusi tali a tagata a’oga i le fesili lenei i lalo o le ata faafasilaau.
O a nisi o faatinoga e mafai ona iai ni aafiaga lelei pe le lelei i suesuega o tusitusiga paia?

Na a’oa’o mai e Elder Gary E. Stevenson o le Korama o le Au Aposetolo e To’asefululua le mea lenei e ono mafai ona faaaoga ia tatou suesuega o tusitusiga paia.

E le mafai ona faamalosia mataupu faaleagaga. E mafai ona e atiina a’e se uiga faaalia ma se siosiomaga e valaaulia ai le Agaga, ma e mafai ona e saunia oe lava, ae e le mafai ona e faatonuina pe faapefea ae po o le a foi le taimi e oo mai ai musumusuga.Ia onosai ma talitonu o le a e maua mea e te manaomia i le taimi e tatau ai. (“O Uunaiga a le Agaga,” Liahona, Nov. 2023, 45)

E faapefea ona ono faatatau upu a Elder Stevenson i suesueina o tusitusiga paia?

Afai e lei faailoa mai e tagata a’oga, fesoasoani ia i latou ia iloa e mafai ona e atiina a’e se uiga faaalia ma se siosiomaga e valaaulia ai le Agaga Paia i a tatou suesuega o tusitusiga paia.
O a ni faamanuiaga e maua mai i le valaauliaina o le Agaga Paia ia tatou suesuega o tusitusiga paia?

Mafaufau e valaaulia tagata a’oga e mafaufau loloto i le fesili lenei.
O le a le mautinoa i ou lagona i lou gafatiaga e valaaulia ai le Agaga Paia i au suesuega o tusitusiga paia?

A o e suesue i le asō, gauai atu i manatu po o uunaiga e mafai ona fesoasoani ia te oe e valaaulia ai le Agaga Paia i au suesuega patino o tusitusiga paia.

O faatinoga e valaaulia ai le Agaga Paia i suesuega o tusitusiga paia

Ae le’i valaauliaina tagata a’oga e tali fesili nei, faitau fesili ma fai atu i tagata a’oga e mafaufau e uiga i a latou tali mo le lima i le sefulu sekone.

O le a se mea na fesoasoani ia te oe e valaaulia ai le Agaga Paia i au suesuega o tusitusiga paia?
O le a se mea na e taumafai e fai ae foliga mai e le’i aoga?

Mafaufau e lisi tali a tagata a’oga i le fesili muamua i luga o le laupapa.O nisi tali e ono aofia ai le aveese o mea e faataumaoi, tatalo, ma le mafaufau loloto.Afai latou te le’i tuuina mai nei tali, e mafai ona e faaopoopo atu ia mea i le laupapa.O lenei lesona o le a talanoaina ai manatu nei e tolu.E te ono manao e talanoa i isi faatinoga ua lisiina i luga o le laupapa e te manatu o le a fesoasoani lelei atili i au tagata a’oga e valaaulia ai le Agaga Paia ia latou suesuega o tusitusiga paia.

E mafai ona e faia vaega ta’itasi nei o se vasega.I se isi auala, e te ono faatulagaina vaega ta’itasi o se tama’i potu.E mafai ona e muai tofi se tagata a’oga e taitaia le talanoaga i tama’i potu ta’itasi.Faamautinoa e tuu atu ia lava se taimi mo taitai o talanoaga e sauniuni ai a o le’i amataina le vasega.I le vasega, e mafai ona vaevaeina tagata a’oga i ni vaega toalaiti ma fesuisuia’i faataamilo i tama’i potu o loo faatautai e tagata a’oga.

Aveeseina o mea faalavefau

O a ni mea e ono faalavefau e mafai ona faafaigata atili ai ona lagona le Agaga Paia i le taimi o suesuega o tusitusiga paia?

Mafaufau e lisi a latou tali i luga o le laupapa.Atonu e ta’ua e tagata a’oga ni mea e pei o telefoni, tulaga o iai le malosi, o latou siosiomaga, ma isi.
Aisea e te manatu ai o le aveeseina o faalavefau e mafai ona fesoasoani i le valaaulia ai o le Agaga Paia i au suesuega o tusitusiga paia.

E te ono manao e faailoa atu sa masani ona saili e le Faaola o Iesu Keriso nofoaga filemu i taimi sa Ia fia mafuta atu ai i le Atua (tagai i le Mataio14:22–23).O se tasi nei o auala na Ia aveeseina ai mea faalavefau.
O a nisi o mea patino e mafai ona e faia e aveese ai mea faalavefau na ta’ua?

Mafaufau e lisi tali a tagata a’oga i luga o le laupapa i tafatafa o le faalavefau e faatatau iai.

Afai e faaaoga e au tagata a’oga telefeoni po o isi masini feavea’i, e mafai ona fesoasoani le faaali atu pe valaaulia se tagata a’oga e faaali atu le auala e faaola ai le tulaga o le vaalele [airplane mode] i na masini.E mafai e lena faiga ona taofia faailoaga mai polokalama o le telefoni feavea’i e mafai ona faalavelavea ai tagata a’oga mai le suesueina o a latou tusitusiga paia.E mafai lava e tagata a’oga ona faaaoga le polokalama o le Gospel Library ao i ai le telefoni i le tulaga o le vaalele [airplane mode].

Tatalo

O le tatalo atu i le Tamā Faalelagi o se auala aoga e valaaulia ai le Agaga Paia i au suesuega o tusitusiga paia.

Valaaulia ni nai tagata a’oga e faasoa mai pe ono faapefea ona latou tali atu i le fesili lenei.Valaaulia i latou e faasoa atu ma le migao upu latou te ono fai atu ai (e aunoa ma le faaleoina o se tatalo aloaia).

O le a se mea e te ono fai atu ai i se tatalo i le Tamā Faalelagi a’o le’i faia [au] suesuega o tusitusiga paia?

Na faasoa mai Peresitene Dallin H. Oaks o le Au Peresitene Sili le auala na te faaaogaina ai le tatalo e valaaulia ai le Agaga Paia i ana suesuega o tusitusiga paia.

1:9

Ae ou te le’i amata ona faitau tusitusiga paia i aso ta’itasi, e punou lo’u ulu, ma talosaga atu i le Alii e faamanuia mai ia te a’u ia maua Lona Agaga e faamalamalamaina ai a’u i le uiga o mea o lo o ou faitauina, ma ia faatasi mai i le aso atoa e fesoasoani ia te a’u i le faia o faaiuga, ma tetee atu i faaosoosoga.Ou te uunaia outou ia avea lena ma au masani. (“2.3.1.I Love My Daily Scripture Study,” Welcome to Seminary, 2012)

O a nisi malamalamaaga na e maua mai ia Peresitene Oaks?

Mafaufau loloto i tusitusiga paia

Ina ia fesoasoani i tagata a’oga ia malamalama i le auala latou te mafaufau loloto ai a’o suesue i tusitusiga paia, e mafai ona e faasoa atu se tasi po o faamatalaga uma e lua nei.Valaaulia tagata a’oga e faasoa mai se mea na tumatila ia i latou mai nei a’oa’oga.

O le Taiala i Tusitusiga Paia ua a’oa’o mai ai o le mafaufau loloto o le “mafaufau loloto ma manatunatu loloto, e masani lava i tusitusiga paia ma isi mea tau i le Atua.Pe a tuufaatasia ma le tatalo, o le manatunatu loloto i mea a le Atua e mafai ona aumai ai faaaliga ma le malamalamaaga” (Guide to the Scriptures, “Ponder,” Gospel Library).

Na fa’amalamalama mai e Elder D. Todd Christofferson o le Korama a Aposetolo e To’asefululua, foliga o le mafaufau loloto i tusitusiga paia:

11:21

O se mea lelei i nisi taimi le faitau o se tusi mai tusitusiga paia, i totonu o se taimi faatulagaina ia maua ai se lagona aoao o lana savali, ae ina ia liua, e tatau ona e manatu mamafa i le tele o le taimi e te faaaluina i tusitusiga paia, nai lo le tele o lau faitau i lena lava taimi.Ou te iloa o nisi taimi tou te faitauina ai ni nai fuaiupu, taofi ma mafaufau loloto iai, ma toe faitau ma le faaeteete na fuaiupu, ma a o outou mafaufau e faatatau i le uiga, tou te tatalo mo se malamalama, tuufesilisili i lou mafaufau, faatalitali mo ni musumusuga faaleagaga, ma tusitusi i lalo musumusuga ma malamalamaaga e oo mai ina ia mafai ai ona outou manatua ma a’oa’o atili ai.O le suesue ai faapea, atonu e le tele ni mataupu po o ni fuaiupu tou te faitauina i se afa itula, ae peitai o le a e tuuina ai se vaega i lou loto mo afioga a le Atua, ma o le a fetalai atu o Ia ia te oe.(“Pe a Liua Mai Oe,” Liahona, Me 2004, 11)

O le a se mea o tulagaese mai ia te oe e uiga i mea na a’oa’o mai e Elder Christofferson?
Aisea e te manatu ai o le mafaufau loloto i tusitusiga paia e mafai ona valaaulia ai le Agaga Paia?
O a ni aafiaga na oo ia te oe (po o se tasi e te iloaina) i le mafaufau loloto ai i tusitusiga paia?Manatua e aua nei faasoa atu se mea e ma’ale’ale patino tele pe paia.

Fai se fuafuaga

Afai e faasolosolo faataamilo tagata aoga i tama’i potu, ia toe faapotopoto faatasi mai o se vasega ma faasoa mai so’o se mea na tulaga ese ia i latou.Valaaulia i latou ta’ito’atasi e faia se mea e faavae mai mea na latou a’oa’oina.E mafai ona e faasoa atu le valaaulia lenei ia fesoasoani ai ia i latou i le faia o lenei mea.

O le mafaufau ai e uiga i mea ua e a’oa’oina i le asō, fai se fuafuaga ia lelei sili atu ai le valaauliaina o le Agaga Paia i au suesuega o tusitusiga paia.Tali fesili nei i totonu o lau api talaaga mo suesuega:

O a ni faatinoga e mafai ona e faia ia lelei sili atu ai le valaauliaina o le Agaga Paia i au suesuega patino?
O le a se taunuuga e ono iai mai le faatasi ai o le Agaga Paia ma oe a o e suesue i afioga a le Atua?

E te ono faasoa atu lau molimau i le auala ua fesoasoani ai faatinoga ua talanoaina i le asō, e valaaulia ai le Agaga Paia i au suesuega o tusitusiga paia ma e latalata atili atu ai ia Iesu Keriso.

O Puna’oa Faaopoopo

O a ni auala eseese e faaaoga ai e Satani mea faalavefau?

Ua a’oa’o mai e Elder Alvin F. Meredith III o le Fitugafulu i tatou:

E foliga naunau le fili ia aunoa se mea e faia e tagata lelei, pe ina ia faamaimau foi o latou taimi i mea o le a faalavefauina ai i latou mai o latou faamoemoega ma sini maualuluga. …E malamalama le fili e faapea, e le tau tuli ina ia leaga pe lē mama ni faalavefau ina ia tino mai.(“Vaai i Luma Atu,” Liahona, Nov. 2021, 115)

E faapefea ona ou valaaulia musumusuga i a’u suesuega?

Na faasoa mai Peresitene M. Russell Ballard (1928–2023) o le Korama o Aposetolo e To’asefululua le manatu lenei e uiga i le taua o le aveeseina o faalavefau ina ia lelei atili ai ona lagona aafiaga o le Agaga Paia.

1:46

E le mafai ona e fesootai ma le lagi i se gasu tele o le gaogaosa.E tatau ona e sailia na taimi filemu i lou olaga ia e mafai ai ona e mafaufau loloto i mea a le Agaga.I lo’u aafiaga masani, o le taimi lena ou te maua ai musumusuga.(“How I #HearHim: President M. Russell Ballard,” 2020, Gospel Library)

E faapefea ona aoga le suesueina lemu o tusitusiga paia?

Sa faasoa mai e Peresitene Henry B. Eyring o le Au Peresitene Sili ona manatu i le faitauina lemu.

Tatou te faapelepele i afioga a le Atua e le gata i le faitauina o upu o mau ae e ala foi i le suesue iai.E mafai ona fafagaina atili i tatou e ala i le mafaufau loloto ai i ni nai upu, tuu atu i le Agaga Paia e faia o ni mea taua ia i tatou, nai lo le faia ia faanatinati ma faaleiloga o le anoa’i o mataupu o tusitusiga paia.(“Feed My Lambs,” Ensign, Nov. 1997, 84)

Ae faapefea pe a faafaigata ona ou gauai toto’a i taimi ou te mafaufau loloto ai?

Na faasoa mai e Elder Scott D. Whiting o le Fitugafulu ona manatu e uiga i le mafaufau loloto ai.

Mai o’u lava aafiaga masani, ua ou a’oa’oina ai o le mafaufau loloto ai o se faagasologa faatino e manaomia ai le amio pulea, taulai, ma le tutumau. …O le a manaomia ai ona faatino atoa ma le onosai, ae e mafai ona ou tuuina atu se molimau patino o le manatunatu loloto i ai o le a taitai atu ai i faaaliga.(“The Power of Pondering,” [Ensign College devotional, Nov. 7, 2017], ensign.edu)

Gaoioiga Faaopoopo e A’oa’o Ai

Se isi amataga

Nai lo o le tusi o ni ata faafasilaau i le amataga o le vasega, mafaufau e faaaoga le ata faataitai lenei.

Na iloa e Isapela e faitau i aso uma tusitusiga paia e lana uo o Clara.Ina ua fesili Isapela pe aisea, na tali atu Clara ona e na te lagona ai le filemu ma le taitaiga mai le Atua i lona olaga.Na matua fia iloa e Isapela le uiga o lenei mea ma ae le’i alu e moe i lena po, na ia maua se Tusi Paia i lona fale, na ia susu’e ma amata ona faitauina.Na matua faanoanoa o ia ona e na te le’i maua le aafiaga lava e tasi e pei o lana uo.

O le a sou manatu aisea na le maua ai e Isapela le aafiaga lava lea e tasi na oo ia Clara?
O le a se fautuaga o le a e tuuina atu ia Isapela?

O mea faaleagaga e le mafai ona fai faamalosia.

Ina ia fesoasoani i tagata a’oga ia malamalama i le taua o le fatuina o se siosiomaga mo le Agaga Paia e a’oa’o ai i tatou, mafaufau e aumai se fatulaau i le vasega.A mae’a ona faitauina le faamatalaga mai ia Elder Stevenson, tuu le fatulaau i luga o se laulau.E te ono fai atu i tagata a’oga pe mafai ona latou faia ina ia ola le fatulaau i le taimi lava lenei.Mafaufau e fai atu fesili nei:

E faapefea ona e faato’a se siosiomaga ina ia ola a’e ai se fatulaau?
E faapefea ona fesootai lenei mea i le valaauliaina o le Agaga Paia i au suesuega o tusitusiga paia?

Ia faamanatu atu i tagata a’oga e faapea, e taua lo tatou naunau mo le Agaga Paia e taitaia a tatou suesuega i tusitusiga paia.E mafai ona tatou valaaulia o Ia i a tatou suesuega i tusitusiga paia e ala i le fatuina o se siosiomaga e mafai ona Ia nofo ai.

Mafaufau loloto i gaoioiga faataitai

A mae’a ona a’oa’o le vaega “Mafaufau loloto i tusitusiga paia”, e mafai ona e faaali atu manatu nei e fa i faatonuga mai le faamatalaga a Elder Christofferson:

Faitau ni nai fuaiupu ma malolo ina ia mafaufau loloto i mea na e faitauina.
Toe faitau ma le toto’a fuaiupu.
Tatalo atu mo le malamalamaaga ma fai ni fesili e ono o’o ane i le mafaufau.
Faatali mo mafaufauga, manatu, po o musumusuga, ona tusi lea i lalo ina ia manatua ma a’oa’o atili ai.

Valaaulia tagata a’oga e faaalu se lua pe lima minute (fuafua i le taimi o avanoa) e faitau ma mafaufau loloto ai le Isaia 55:1–3, 8–11 po o se fuaitau o se mau e te filifilia.Uunaia tagata a’oga ia faato’ato’a a o latou suesue, ae le o le iai o le lagona e manaomia ona faauma fuaiupu uma.

E te ono fai atu i tagata a’oga e faasoa mai mea latou te fiafia iai e uiga i le faitauina o tusitusiga paia i lenei auala po o a foi luitau sa latou feagai.