Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Taula’i Atu ia Iesu Keriso i Tusitusiga Paia: Va’ava’ai mo Fa’ailoga ma Uiga o le Fa’aola

“Taula’i Atu ia Iesu Keriso i Tusitusiga Paia: Va’ava’ai mo Fa’ailoga ma Uiga o le Fa’aola,” Tusi Lesona a le Faia’oga Seminare o le Feagaiga Tuai (2026)

“Taula’i Atu ia Iesu Keriso i Tusitusiga Paia: Va’ava’ai mo Fa’ailoga ma Uiga o le Fa’aola,” Tusi Lesona a le Faia’oga Seminare o le Feagaiga Tuai

Tomai o le Suesueina o Tusitusiga Paia: Lesona 166

Taula’i Atu ia Iesu Keriso i Tusitusiga Paia

Va’ava’ai mo Fa’ailoga ma Uiga o le Fa’aola

Young adult students sitting on church chairs holding their scriptures.

O se tasi o fa’amoemoega autū o tusitusiga paia o le fesoasoani lea ia i tatou e a’oa’o e uiga i le Tamā Fa’alelagi ma Iesu Keriso.O le a’oa’o ai e uiga ia Iesu Keriso o se auala taua e mafai ai foi ona tatou a’oa’o e uiga i le Tamā Fa’alelagi.O le tele o lo tatou a’oa’o e uiga ia i Laua, o le tele foi lea o le tuputupu ae o lo tatou fa’atuatua ia i Laua.O lenei lesona ua fa’amoemoe e fesoasoani i tagata a’oga e taulai atu ai i le Fa’aola a o suesueina tusitusiga paia.

Sauniuniga a le tagata a’oga: Vala’aulia tagata a’oga e saili mo malamalama’aga latou te a’oa’oina e uiga i le Tamā Fa’alelagi ma Iesu Keriso a o faia a latou suesuega patino po o suesuega o tusitusiga paia a le aiga.Vala’aulia tagata a’oga e o mai sauni e fa’asoa mai mea na latou maua.

Gaoioiga e Ono Mafai Ona Aoaoina Ai

O le Faamoemoega o Tusitusiga Paia

Mafaufau e tusi se ata o se faailoga taulai i luga o le laupapa.

Vala’aulia se tasi pe lua o tagata a’oga e togi se mea faitino vaivai i le faailoga taulai.A mae’a, tape ese le faailoga taulai.Afai e te manao ai, e mafai ona e fai atu i se tagata a’oga e taumafai ia lavea le faailoga taulai e ui e leo toe iai iina.(O lenei mea o le a iu ai i le fenumiai.)E mafai ona e fesili atu po o a o latou lagona e uiga i le gaoioiga pe afai e leai so latou taulaiga.

Aisea e lelei ai le iai o se taulaiga po o se fa’amoemoega mo se gaoioiga?
O le a le taulaiga po o le fa’amoemoega o le suesuega i tusitusiga paia?

E ono faasoa mai e tagata a’oga ni tali eseese.Afai e te manao ai, e mafai ona e toe tusi le ata o le faailoga taulai ma tusi ni nai tali e fa’asoa mai e tagata a’oga e uiga i le fa’amoemoega o le suesuega fa’atusi paia i totonu o le faailoga taulai po o autafa foi.

Fa’amatala atu o le malamalama ai i le fa’amoemoega o tusitusiga paia, e mafai ona fesoasoani ia i tatou i a tatou suesuega o i latou.

Faitau le saunoaga lenei mai ia Elder D. Todd Christofferson o le Korama a Aposetolo e To’asefululua; vaava’ai i se fa’amoemoega tutotonu o tusitusiga paia.

I le taunu’uga, o le fa’amoemoega tutotonu o tusitusiga paia uma o le fa’atumuina lea o ō tatou agaga i le fa’atuatua i le Atua le Tamā, ma Lona Alo o Iesu Keriso—fa’atuatua o lo o soifua i La’ua; fa’atuatua i le fuafuaga a le Tamā mo lo tatou tino ola pea ma le ola e fa’avavau; fa’atuatua i le Togiola ma le Toetu o Iesu Keriso, lea e galueaiina lenei fuafuaga o le fiafia; fa’atuatua e avea le talalelei a Iesu Keriso ma ala tatou te ola ai; ma le fa’atuatua e oo ina iloa “le Atua moni e to’atasi, ma Iesu Keriso, o le [ua Ia] auina mai” (Ioane 17:3).(“O Le Fa’amanuiaga o Tusitusiga Paia,” Liahona, Me 2010, 34)

15:36

E fa’apefea ona e aoteleina le fa’amoemoega o tusitusiga paia?

Tusi le upumoni lenei i luga o le laupapa: O le fa’amoemoega tutotonu o tusitusiga paia, e tapu’e ai lo tatou fa’atuatua i le Tamā Fa’alelagi ma Iesu Keriso.E te ono manao e tusi se aū mai le upumoni lenei agai atu i le ogatotonu o le faailoga taulai.
E fa’apefea e le iloaina ai o lenei fa’amoemoe ona a’afia ai le auala tatou te suesue ai i tusitusiga paia?
Aisea e ono taua ai le fa’aauau pea ona tauivi e fausia le fa’atuatua i le Tamā Fa’alelagi ma Iesu Keriso?

Mafaufau loloto i mea e te taulai iai a o e suesue i tusitusiga paia.O le a le lelei o lou lagona e taulai atu i le fausiaina o lou fa’atuatua i le Tamā Fa’alelagi ma Iesu Keriso a o e suesue i tusitusiga paia?

A o e a’oa’o le tomai e suesue ai tusitusiga paia i lenei lesona, saili mo le fesoasoani a le Agaga Paia e iloa ai pe fa’apefea ona fa’aaoga nei tomai e fausia ai lou fa’atuatua i le Tamā Fa’alelagi ma Iesu Keriso.

O lenei lesona o le a talanoaina ai ni tomai e suesue ai tusitusiga paia se lua, e mafai ona fesoasoani i tagata a’oga e taulai atu ai i le Fa’aola.E ono aoga le fa’amatala atu e faapea talu ai o le Tamā Fa’alelagi ma Iesu Keriso e autasi atoatoa, a o tatou a’oa’o ai e uiga i le Fa’aola, o uiga lava na e tasi e fa’atatau i le Tamā Fa’alelagi (taga’i i le Ioane 6:38; 10:30; 14:7–9).O tomai i lenei lesona o le a fesoasoani ia i tatou e taulai atu ai ia Iesu Keriso.O lenei taulaiga foi e fesoasoani ia i tatou e a’oa’o e uiga i le Tamā Fa’alelagi.

Mo tomai ta’itasi, o le a e fa’amatala le tomai, fa’ataitai, ona tuu atu lea o se avanoa i tagata a’oga e fa’ataitai ai.

Tomai: Va’avaai mo faailoga o le Fa’aola ma mafaufau loloto i o latou uiga

Fa’amatala [le uiga]

O tusitusiga paia ua fa’atumulia i faailoga o le Fa’aola.O se faailoga o le Fa’aola o se mea faitino po o se mea e mafai ona fa’amanatu mai ai ia i tatou matafaioi a le Fa’aola i o tatou olaga.Mo lenei tomai, fai mea nei:

Mafaufau e tusi la’asga nei i luga o le laupapa:

Vaavaai mo faailoga e fa’amanatu atu ai ia te oe le Fa’aola.
Ia fesili ifo ia te oe i fesili nei:
- E fa’apefea ona avea le Fa’aola e faapei o lenei faailoga?
- E fa’apefea i le fa’atusaina o le Fa’aola i lenei faailoga ona fesoasoani ia te a’u e malamalama ai i le auala e mafai ai e le Fa’aola ona fesoasoani ia te a’u i lo’u olaga?

Fa’ataitaiga

Fa’ataitai lenei tomai e ala i le faia fa’atasi o se vasega.O le faia o lenei mea e mafai ona fesoasoani i tagata a’oga e malamalama ai i lenei mea ma pe fa’apefea ona fai.

E ala mai i le perofeta o Ieremia, na fa’aaoga ai e le Ali’i se faailoga mamana e a’oa’o ai i tatou e fa’atatau ia te Ia.Faitau le Ieremia 2:13; 17:13, va’ava’ai mo se fa’ailoga o le Fa’aola.

E fa’apefea ona pei le Fa’aola o lenei faailoga? (o se punavai o vai ola)
Afai e faafaigata mo tagata a’oga ona tali, e mafai ona e fai atu nisi o fesili nei:
- O a nisi o aoga o le vai?(E faamalie ai le fia inu, e fesoasoani ia i tatou e maua ai le ola, e fa’amama, ma toe fa’afoisia ai.)E fa’apefea e le Fa’aola ona faapei o le vai i nei auala?
- E fa’apefea ona taua le Fa’aola e pei o le vai?Aisea tatou te ono manaomia soo ai o Ia e pei ona tatou manaomia le vai?
- Aisea atonu na fa’atusa ai e le Ali’i ia lava i se punavai (po o le vai puna) nai lo o se vaito’a po o se isi puna?
- E fa’apefea e le fa’atusaina o le Fa’aola i lenei fa’atusaga ona fesoasoani ia te oe e malamalama ai i le auala e mafai ai ona Ia fesoasoani ia te oe i lou olaga?

Fa’ataitai

Tuu atu se avanoa i tagata a’oga e fa’ataitai ai lenei tomai na o i latou pe i ni vaega toalaiti, pe a e lagona e aoga ia i latou.E mafai ona fai atu i tagata a’oga e filifili se tasi o mau o i lalo po o nisi e te ono tuuina atu.

Faitau se tasi o mau nei.Saili se fa’atusaga o le Fa’aola ma fai ifo ia te oe lava, fesili e lua ua i luga o le laupapa.

2 Samuelu 22:2–4

Isaia 25:4 (Manatua: O le upu oe e fa’asino i le Ali’i.)

Malaki 3:2–3

Vala’aulia ni nai tagata a’oga e fa’asoa mai mea na latou mauaina.Va’ava’ai mo ni auala e fa’afetai ma faamalo atu mo a latou taumafaiga.Afai e faafaigata mo tagata a’oga, fa’amautinoa atu ia i latou e le afaina tele; o nei tomai e manaomia ona fa’ataitai [ma faatino].

Tomai: Va’ai mo mea e mafai ona tatou a’oa’oina e uiga i le Fa’aola mai Ana faatinoga ma fetalaiga

Fa’amatala [le uiga]

E mafai foi ona tatou taulai i le Fa’aola a o tatou suesue mau e ala i le va’ava’ai mo Ana faatinoga ma fetalaiga i totonu o tusitusiga paia.Ona mafai lea ona tatou mafaufau loloto i mea e mafai ona tatou a’oa’oina e uiga ia te Ia mai Ana faatinoga ma fetalaiga, ma pe fa’apefea i mea tatou te a’oa’oina e uiga ia te Ia ona fesoasoani ia i tatou i o tatou olaga.

E te ono manao e fa’aali atu la’asaga nei i luga o le laupapa e mulimuli ai tagata a’oga.

Va’ai mo fetalaiga ma faatinoga a le Fa’aola.
Ia fesili ifo ia te oe i fesili nei:
- O a mea o a’oa’o mai e nei fetalaiga ma faatinoga ia te a’u e uiga i le Fa’aola?
- E fa’apefea e nei fetalaiga ma faatinoga ona fesoasoani ia te a’u e malamalama ai i le auala e mafai ai e le Fa’aola ona fesoasoani ia te a’u i lo’u olaga?

Fa’ataitaiga

E mafai ona tatou a’oa’o e uiga i le Fa’aola e ala i le suesueina o le tala ia Sataraka, Mesako, ma Apeteniko.O nei ali’i amiotonu e to’atolu na lafo i se ogaumu a’asa ona sa latou tetee e tapuai atu i se tupua auro na fausia e le tupu o Nepukanesa (taga’i i le Tanielu 3:13–22).

Mafaufau e fa’amatala atu i tagatai a’oga e iai taimi e tatau ai ona latou faitau ma le toto’a, saili fa’apitoa mo mea na fetalai pe faia e le Ali’i.O se fa’ataitaiga o loo i fuaiupu nei.

Faitau le Tanielu 3:23–25, va’ava’ai mo mea na faia e le Fa’aola i totonu o nei fuaiupu.

Jesus Christ depicted standing with the Old Testament figures Shadrach, Meshach and Abednego in the fiery furnace of King Nebuchadnezzar. The three men standing with Christ are unharmed by the flames. The servants of the king are backing away and falling to the ground due to the intense heat of the furnace.

O le a se mea ua a’oa’o mai e lenei faatinoga e uiga i le Fa’aola?
E fa’apefea e lenei faatinoga ona fesoasoani ia te a’u e malamalama ai i le auala e mafai ai ona fesoasoani le Fa’aola ia te a’u i lo’u olaga?

Mai lenei a’afiaga, tatou te a’oa’o mai ai o le a lagolagoina i tatou e le Ali’i i o tatou tofotofoga (taga’i foi i le Alema 36:3, 27; Mataupu Fa’avae ma Feagaiga 3:8; 24:8).

Fa’ataitai

Ina ia fa’ataitai lenei tomai, faitau se tasi o fuaiupu nei, va’ava’ai po o le a se mea na fetalai mai ai pe na faia e le Ali’i, ona fesili lea ia te oe lava i fesili nei e lua e o fa’atasi ma lenei tomai.

Esoto 14:21–22, 30.Na maileia le fanauga a Isaraelu i le va o le ’autau a Aikupito ma le Sami Ulaula.

1 Samuelu 16:6–7.Na taumafai Samuelu e fa’ailoa mai le tupu e soso’o ai o Isaraelu.

Isaia 1:16–18.Na pau’u atu le nuu o Isaraelu i le agasala.

Isaia 53:3–5.O se valoaga o le Togiola a le Fa’aola.

Vala’aulia ni nai tagata a’oga e fa’asoa mai mea na latou mauaina.Afai e aoga, fesili atu: “E fa’apefea e le iloaina o le uiga lenei o le Fa’aola ona fesoasoani ia te oe e faatino ai le fa’atuatua ia te Ia?”

Fa’aiuga

E ono fesoasoani fa’apefea nei tomai ia te oe i au suesuega o tusitusiga paia?

Fa’aiu i le fa’asoaina atu o ou manatu patino e uiga i le Fa’aola ma nei tomai.Vala’aulia tagata a’oga e saili ni auala e fa’aaoga ai nei tomai i a latou suesuega o tusitusiga paia.Mo se fa’ataitaiga, latou te ono teuina se api tala’aga o suesuega ma mea ua latou a’oa’oina e uiga i le Tamā Fa’alelagi ma Iesu Keriso.

O Puna’oa Fa’aopoopo

E fa’apefea e le taulai atu i le fa’ataitaiga a Keriso ona fesoasoani ia i tatou i o tatou olaga i aso ta’itasi?

Na a’oao atu e Chad H. Webb o le na avea ma pule o Seminare ma Mataupu Fa’alelotu, i faia’oga seminare ma inisitiuti e fa’apea:

[O Iesu] o se fa’ataitaiga atoatoa, o le fuaitino ma foliga o mataupu fa’avae uma o le tala lelei. …O le taulai atu ai i Lana fa’ataitaiga atoatoa ua vala’aulia ai le Agaga Paia e molimau e uiga ia te Ia. …

Na fesili talu ai nei se tasi o tagata a’oga [pe na fa’apefea ona avea le Fa’aola ma se] fa’ataitaiga o le agamalu.Na faasolosolo ona mafaufauga ma lagona i le auala agamalu lea na masani ona taulimaina ai o ia e le Faaola.O lenei aafiaga, i totonu o se potuaoga, na tupu a’e ai ia te ia se naunautaiga loloto ina ia avea atili faapei o Keriso ma sili atu ona agalelei i tagata o e faalagolago ia te ia, ao ia faalagolago atu i le Alii.(“Tatou Te Tautalatala ia Keriso, Tatou te Olioli ia Keriso,” [lauga na tuuina atu i le fa’asalalauga fa’aletausaga o a’oa’oga a Seminare ma Mataupu Fa’alelotu, Iuni 12, 2018])

Gaoioiga Fa’aopoopo e A’oa’o Ai

Tomai: Vaavaai mo suafa ma fa’alagiga o Iesu Keriso

Afai e aoga, mafaufau e fa’aaogaina se tomai mo le suesueina o tusitusiga paia fa’aopoopo lenei.

Fa’amatala le tomai: O se isi tomai i suesuega o tusitusiga paia e mafai ona aoga, o le a’oa’o lea e uiga i le Faaola mai Ona suafa ma fa’alagiga eseese.

Fa’ataitai le tomai: Faitau le Isaia 40:28 (po’o se isi fuaiupu e te filifilia), vaavaai se suafa po’o se fa’alagiga se tasi pe sili atu o Iesu Keriso.

O le a se mea e mafai ona tatou a’oa’oina e uiga ia Iesu mai nei suafa po’o fa’alagiga eseese?
O le fea fa’alagiga e sili ona anoa ia te oe?E faapefea e le malamalama ai i lena faalagiga ona fesoasoani ia te oe i lou olaga?

Mo se fa’ata’ita’iga, a tatou malamalama o le Fa’aola o lē Foafoa, e mafai ona fa’ateleina ai lo tatou fa’atuatua, e na te Ia tausia ma fesoasoani i Ana foafoaga uma, e aofia ai ma i tatou.E mafai foi ona tatou liliu atu ia te Ia mo se fesoasoani a’o tatou taumafai e fatufatu.

Fa’ataitai: Faitau se vaega po’o fuaitau uma o lo o i lalo mai i tusitusiga paia, ma tusi i totonu o lau api tala’aga mo suesuega so’o se suafa po’o se fa’alagiga e te mauaina.Mafaufau loloto i mea e te ono a’oa’oina e fa’atatau ia Iesu mai i le suafa po’o le fa’alagiga, ma pe fa’apefea ona fesoasoani o Ia i lou olaga: Iopu 19:25; Iopu 32:8; Isaia 7:14; 9:6.Ina ia fesoasoani e malamalama i le uiga o se suafa po’o se fa’alagiga, mafaufau e va’ava’ai i vaefa’amatalaga pe saili atu i puna’oa e pei o le Taiala i Tusitusiga Paia po’o le Bible Dictionary.

Gagana Fa’atusatusa

Afai e aoga, e mafai ona e fa’amatala atu e fa’aaoga foi e le Ali’i gagana fa’atusatusa e a’oa’o ai i tatou e fa’atatau ia te Ia. E talitutusa ia ma faailoga.Vala’aulia tagata a’oga e faitau le Isaia 54:5, vaavaai mo ni tagata a’oga e fa’atumu ia avanoa: “Auā o Le na Ia faia oe .”Fa’ailoa atu i tagata a’oga e faapea e fa’atusatusa e le Ali’i Lana sootaga ma i latou na latou osifeagaiga i totonu o le Fegaiga Tuai atoa, i se fa’aipoipoga.

E fa’apefea ona fa’atusatusa le sootaga ma le Ali’i i se fa’aipoipoga?

A faafaigata i tagata a’oga ona tali, e mafai ona e fesili atu:

E fa’apefea ona ese le ta’utinoga i totonu o se fa’aipoipoga mai i isi ituaiga sootaga?
E fa’apefea ona e fa’amatalaina le alofa ma le tuuto atu o se tasi o le ulugali’i mo le isi—tusa pe le atoatoa lana pa’aga?E fa’apefea ona fa’atusa lena ta’utinoga ma le alofa o le Ali’i iā i tatou?(Taga’i i le Efeso 5:25.)
E mafai fa’apefea e le malamalama e fa’atatau i le alofa fa’alefeagaiga o le Ali’i mo i tatou, ona fesoasoani ia i tatou e fa’aali atu le faatuatua ia te Ia?