“Faailoaga o Mau: Faaleleia o a Tatou Suesuega e ala i le Faailogaina, Faaopoopo i ai Faamatalaga, ma Faafesootaiga o a Tatou Mau,” Tusi Lesona a le Faia’oga Seminare o le Feagaiga Tuai (2026)
“Faailogaga o Mau: Faaleleia o a Tatou Suesuega e ala i le Faailogaina, Faaopoopo i ai Faamatalaga, ma Faafesootaiga o a Tatou Mau,” Tusi Lesona a le Faia’oga Seminare o le Feagaiga Tuai
Tomai o le Suesueina o Tusitusiga Paia: Lesona 168
Faailogaga o Mau
Faaleleia o a Tatou Suesuega e ala i le Faailogaina, Faaopoopo i ai Faamatalaga, ma Faafesootaiga o a Tatou Mau
O suesuega patino o tusitusiga paia e mafai ona fesoasoani ia i tatou e atiina a’e se sootaga mautu ma le Tamā Faalelagi ma Iesu Keriso.O le faailogaga o a tatou tusitusiga paia (faailogaina, faaopoopo i ai faamatalaga, ma faafesootaiga), e mafai ona fesoasoani ia i tatou e gauai atili atu ai i upu tatou te suesueina ma lagona ai le latalata atili atu ai i le Tamā Faalelagi ma Iesu Keriso o se taunuuga.I totonu o lenei lesona, o le a a’oa’o ai e tagata a’oga le faailogaga o mau i se auala e mafai ai ona fesoasoani ia i latou ia lagona le latalata atili atu i le Tamā Faalelagi ma Iesu Keriso.
Sauniuniga a le tagata a’oga: Vala’aulia tagata a’oga e fesili i ni nai tagata i o latou aiga, uarota, po o parenesi e uiga i mea ua latou maua e mafai ona fesoasoani ia i latou pe afai latou te fa’ailogaina mau.E tatau ona o mai saunia tagata a’oga e fa’asoa mai mea na latou a’oa’oina.
Gaoioiga e Ono Mafai Ona Aoaoina Ai
Mauaina o tusitusiga paia
Ina ia amatalia le vasega, mafaufau e faaali atu pe tusi se ata o se alii talavou mai taimi o le Feagaiga Tuai, e pei o lea.Ta’u atu i tagata a’oga o ia o se talavou Isaraelu mai i le 600 TLM e igoa ia Iakopo.Valaaulia tagata a’oga e mafaufau faapea o lo o latou faatalanoaina Iakopo.Valaaulia tagata a’oga e talanoaina ma se paga po o se vaega to’alaiti le auala latou te manatu e tali mai ai Iakopo i fesili nei e tolu.
-
Na faapefea ona gaosia tusitusiga paia i ou aso?
-
O le a se mea e tatau ona e faia e a’oa’o ai mai tusitusiga paia?
-
Na faapeī au fegalegaleaiga ma tusitusiga paia?
Afai e manaomia e tagata a’oga se fesoasoani, e te ono faasoa atu e faapea, o tusitusiga paia i le 600 TLM, na vaneina i papatusi apamemea ma tusia i ni laupapa, po o pa’u o manu.Atonu sa malaga atu Iakopo i le nofoaga na maua ai tusitusiga paia ma faalogologo i se tasi a’o faitau mai i latou.Atonu sa ia faalogologo foi i tagata a’o faasoa mai mea na latou manatua.
-
Afai e faatalanoaina oe e Iakopo, e faapefea ona e tali atu i nei fesili?
-
Mata o le a sona manatu e uiga i au tali?
Ina ia fesoasoani i tagata a’oga e mafaufau i lo latou avanoa tulaga ese i le mauaina o tusitusiga paia, faasoa atu le faamatalaga lenei.
Na a’oa’o mai Elder D. Todd Christofferson o le Korama a Aposetolo e To’asefululua:
Mafaufau i le maoae o o tatou faamanuiaga i le iai o le Tusi Paia ma nisi 900 itulau faaopoopo o tusitusiga paia, e aofia ai le Tusi a Mamona, le Mataupu Faavae ma Feagaiga, ma le Penina Tau Tele.Ona mafaufau lea, e faaopoopo iai, o upu a perofeta o lo o tuuina mai a’o uunaia i latou e le Agaga Paia i nofoaga e pei o lenei, lea ua taua e le Alii o tusitusiga paia (tagai i le MF&F 68:2–4), o loo tafe mai ia i tatou toetoe lava i taimi uma. …Ou te manatu e le’i iai lava ni tagata i le tala faasolopito ua matua faamanuiaina i le tele na’uā o tusitusiga paia.Ma e le gata i lena, ae o ali’i, tama’itai, ma tamaiti ta’ito’atasi ua mafai ona iai ma suesueina a latou lava kopi patino o nei tusitusiga paia i lana ia lava gagana.E ma’eu le ofoofogia o le i ai o se mea faapena … i Au Paia o tisipenisione na muamua atu!E moni, e faatasi ai ma lenei faamanuiaga, ua fetalai mai le Alii ia i tatou o lo tatou manaomia ai o le toe tapa pea lava pea i tusitusiga paia ua matua sili atu nai lo se isi lava taimi muamua.(“O Le Fa’amanuiaga o Tusitusiga Paia,” Liahona, Me 2010, 35)
-
O le a se mea ua faagaeetia ai oe mai le saunoaga a Peresitene Christofferson?
-
O a ni faamanuiaga e maua mai i le iai o sau oe lava seti o tusitusiga paia?
Mafaufau e faaali atu lau seti patino o tusitusiga paia.(Afai e iai, e te ono aumai lau lava oe seti muamua o tusitusiga paia.)E mafai ona e faasoa atu i tagata a’oga le uiga o le iai o lau oe lava kopi patino o tusitusiga paia i lou olaga.
Faasoa atu i tagata a’oga e faapea, o se tasi o faamanuiaga o le iai o au lava tusitusiga paia totino, o le mafai lea ona e faailogaina (faailoga, tusi aifaamatalaga, ma faafesootai fuaiupu).
-
O a faamanuiaga e maua mai i le faailogaina o au tusitusiga paia totino?
Valaaulia tagata a’oga e vaavaai mo auala e ono sili ai le faaaogaina o a latou tusitusiga paia i aso nei e ala i le tomai o le faailogaina.
Atonu e leai sou taimi e a’oa’o atu ai tomai ta’itasi e tolu o le faailogaina.Filifili se tasi (pe sili atu) e te lagona e sili ona faamanuiaina ai au tagata a’oga.Afai e te a’oa’o atu ni tomai eseese, e te ono manao e a’oa’o muamua atu le vaega o le “Faamatala” ma le “Faataitai” o tomai ta’itasi, ona tuu atu lea i tagata a’oga e “Faataitai” na tomai i le taimi lava lena.
Ae le’i faailoaina atu tomai, mafaufau e faaali atu pe tusi le fuaiupu atoa o le Mose 7:18 (po o se isi fuaiupu e te filifilia) i luga o le laupapa e mafai ona faailogaina i auala eseese i le lesona atoa.
Tomai: Faailogaina o mau
Faamatala
O le faailogaina o mau o se auala e faamamafa ai se upu, fasifuaitau, po o le fuaiupu e te lagona e taua pe anoa.E mafai ona fesoasoani ia te oe e manatua ai le mea o a’oa’o mai e le fuaiupu.O le faailogaina o tusitusiga paia e mafai foi ona fesoasoani e te gauai atili atu ai i mea o lo o e faitauina, lea e mafai ona tatala atu ai lou mafaufau ma le loto i se malamalamaaga loloto atu e uiga ia Iesu Keriso, Ana a’oa’oga, ma upu a Ana auauna.
Faataitaiga
Mafaufau e valaaulia ni nai tagata a’oga e o mai i le laupapa e faaali ni auala eseese latou te ono faailogaina ai le Mose 7:18, lea o lo o i luga o le laupapa.
-
O a ni auala eseese e ono faailoga ai e tagata a latou tusitusiga paia?
O tali e ono aofia ai le valiina o se fuaiupu, vaseina o lalo o se fasifuaitau, pe o le li’oina o se upu.
Mafaufau e faaali atu le vitiō “A Marking System That Works for You” (1:56), lea e talanoaina ai e Elder David A. Bednar o le Korama o Aposetolo e To’asefululua, le auala e faailogaina ai mau.A mae’a le vitiō, e te ono fai atu i tagata a’oga e faaopoopo nisi auala e faailoga ai mau e le’i lisiina muamua.
1:58Mo tusitusiga paia faaeletonika, mafaufau e faaali atu i tagata a’oga le auala e faailoga ai i lanu eseese e faaaoga ai le vaega lanu ma vase le pito i lalo.O nei vaega e mafai ona tuuina mai ni auala eseese sili atu, i le auala e faailoga patino ai e tagata aoga a latou faailogaga.Ina ia fesoasoani i lenei mea, oomi togitogi e tolu o lo o i le pito i luga i le itū taumatau o le polokalama a le Gospel Library, ona oomi lea o le “Fesoasoaniga.”O iina e te maua ai se vitiō ua faaulutalaina “Valivaliina o se fuaitau.”
-
O a ni mafuaaga e te filifili ai e faailoga se mea i au tusitusiga paia?
Faataitai
O se tasi auala e fesoasoani ai i tagata a’oga e faataitai, o le tuu atu lea i tagata a’oga ta’ito’atasi o se kopi o le pepa e tufa atu “Faataitai le Faailogaga o Tusitusiga Paia.”Afai e faaaoga e au tagata a’oga tusitusiga paia lolomi, nai lo o le faaaoga o le pepa e tufa atu, e te ono manao e kopi se itulau o le tusitusiga paia e aofia ai le Salamo 116:1–9 mo tagata a’oga e faataitai ai.O le tuuina atu ai o se tasi o nei filifiliga, e mafai ai e tagata a’oga ona faataitai metotia eseese o le faailogaina ina ia iloa ai le auala latou te mananao pe lē mananao ai foi e faaailoga ai a latou tusitusiga paia patino.E mafai ona faitau e tagata a’oga fuaiupu e fa muamua o le pepa e tufa atu (Salamo 116:1–4) e faaaoga ai le tasi o metotia mo le faailogaina ma fuaiupu e lima mulimuli (Salamo 116:5–9) e faaaoga ai se isi metotia e faailogaina ai.Afai o lo o faaaoga e tagata a’oga tusitusiga paia faaeletonika, e mafai ona latou faitau ma faailoga fuaiupu lava na e tasi i le Gospel Library, e faaaoga ai ni metotia eseese.E te ono faaali atu ia i latou le auala e tape ai a latou faailoga faaeletonika, pe afai latou te mananao e aveese pe a uma ona faataitai.
Tomai: Tusia o faamatalaga
Faamatala
O se isi ituaiga o faailogaga o le tusia lea o ni faamatalaga.
Na a’oa’o mai e Elder David A. Bednar o le Korama a Aposetolo e To’asefululua le auala ma pe aisea tatou te tusitusia ai faamatalaga:
O le tusiina i lalo o mea ua tatou a’oa’oina, mafaufau iai, ma lagonaina a o tatou suesue i tusitusiga paia, o se isi lea ituaiga o mafaufauga loloto ma se valaaulia mamana i le Agaga Paia mo faatonuga faifai pea.(“Because We Have Them before Our Eyes,” New Era, Apr. 2006, 6–7)
Faataitaiga
-
O a ni auala eseese e mafai ona tatou tusiaina ai mea ua tatou a’oa’oina, mafaufau iai, pe lagonaina o se vaega o la tatou suesuega o tusitusiga paia?
Fesoasoani i tagata a’oga ia malamalama, e mafai ona latou tusitusi i pito avanoa o a latou tusitusiga paia, i totonu o api tala’aga o suesuega, pe i se faamaumauga faaeletonika.
I le faaaogaina o le fuaiupu ua i luga o le laupapa, faaali atu le auala e ono tusi ai e tagata a’oga se faamaumauga i pito avanoa o a latou tusitusiga paia.Mafaufau e faaali atu se faataitaiga o le auala na e tusia ai ni faamatalaga i au tusitusiga paia totino po o lau api tala’aga o suesuega.E mafai foi ona e faaali atu le tusia o se faamatalaga faaeletonika e ala i le faaaogaina o le vaega o faamatalaga o le Gospel Library (tagai i le “Record your thoughts” i le vaega o le “Help”).
Faataitai
Afai na e faaaogaina le pepa e tufa atu i le taimi ua mavae, valaaulia tagata a’oga e filifili se mea na latou faailogaina mai le Salamo 116.Ona valaaulia lea o tagata a’oga e tusi i pito avanoa o a latou tusitusiga paia se mea sa latou a’oa’oina, mafaufauina, pe lagonaina a o latou suesue.Afai o lo o faaaoga e tagata a’oga tusitusiga paia faaeletonika, e mafai ona latou faaopoopo se faamatalaga i se tasi o a latou faailoga mai fuaiupu lava ia e tasi.
Afai e lava le taimi, e te ono valaaulia tagata a’oga e faasoa mai mea na latou tusia ma le vasega pe i ni vaega to’alaiti.
Tomai: Faafesootai fuaiupu
Faamatala
Ona o mau e mafai ona faaopoopo ai le malamalama pe lagolago i isi mau, e mafai ona fesoasoani le fefaasinoa’i pe faafesootai faatasi o na mau.O se tasi o auala e faia ai lena mea o le tusi lea o se mau se tasi i le pito avanoa o le isi mau.E mafai foi ona e faaaoga le vaega “Link” i le PGospel Library.
Faataitaiga
Tagai i le mau o lo o i luga o le laupapa.Valaaulia tagata a’oga e faitau le mau lenei e fai ma fefaasinoa’iga.Afai na e filifilia se isi fuaiupu e tusi i luga o laupapa, saili se fuaiupu talafeagai e fesootai iai.
Faitau le Mataupu Faavae ma Feagaiga 97:21 ma vaavaai pe faapefea ona fesootai lenei fuaiupu i le Mose 7:18.
-
Aisea e ono aoga ai le faafesootai o nei fuaiupu e lua i le tasi ma le isi?
Tusi le Mataupu Faavae ma Feagaiga 97:21 i autafa o le fuaiupu o lo o i luga o le laupapa, e faapei o lo o tusia i le pito avanoa o le fuaiupu.Mo tusitusiga paia faaeletonika, faaali atu i tagata a’oga le auala e faafesootai ai fuaiupu e ala i le faaaogaina o le vaega “Link’” i le Gospel Library (tagai i le “Link related content” i le vaega “Help”).
Faataitai
Valaaulia tagata a’oga e toe vaai i le pepa e tufa atu.Mo lenei faataitaiga, mafaufau e faatulaga tagata a’oga i ni vaega to’alaiti ma valaaulia i latou e mafaufau i isi mau e fesootai i mea na latou faailogaina i a latou pepa.A o latou maua ia faataitaiga, e mafai ona fefaasoaa’i tagata a’oga ma a latou vaega ma latou faitau faatasi.Ona mafai lea e tagata a’oga ona faaopoopo fefaasinoa’iga i pito avanoa o pepa ma faaopoopo fesootaiga e ala i le faaaogaina o le vaega fesootai i a latou tusitusiga paia faaeletonika.
Faaiuga
Mafaufau e valaaulia ni nai volenitia e faasoa mai mea ua latou a’oa’oina mai le faataitaiina o nei tomai o faailogaga.E mafai ona e fai atu fesili e pei o fesili nei e lua:Faailoa atu le agaga faafetai mo tali a tagata a’oga.
-
Ua faapefea ona fesoasoani le faia o faailogaga i au tusitusiga paia e te latalata atili atu ai ia Iesu Keriso i au suesuega patino?
-
O le a se malamalamaaga po o se tomai ua e mauaina i le asō e mafai ona fesoasoani ia te oe e fesootai ai i se auala e sili atu le anoa ma tusitusiga paia?
E te ono faasoa atu lau molimau i le auala ua faamanuiaina ai lou olaga i le faailogaga o au tusitusiga paia totino.Valaaulia tagata a’oga e taumafai ia lagona le latalata atu i le Tamā Faalelagi ma Iesu Keriso e ala i le faataitai o le faailogaga o a latou tusitusiga paia.
Valaaulia tagata a’oga ia mafaufau e uiga i le lelei o lo latou faaaogaina o le tomai o le faailogaga ma filifili se tomai na latou a’oa’oina ma faataitai i a latou suesuega patino o tusitusiga paia.