Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 39: Faatoilaloina o Faaosoosoga

“Kenese 39: Faatoilaloina o Faaosoosoga,” Tusi Lesona a le Faiaoga Seminare o le Feagaiga Tuai (2026)

“Kenese 39: Faatoilaloina o Faaosoosoga,” Tusi Lesona a le Faiaoga Seminare o le Feagaiga Tuai

Kenese 37–41: Lesona 34

Kenese 39

Faatoilaloina o Faaosoosoga

Ina ua avea Iosefa ma se pule i le fale o Potifara, na faaosoosoina o ia e le avā a Potifara e soli le tulafono o le ola mama. Sa iloa e Iosefa o le gauai atu i lena faaosoosoga o se “agasala ai i le Atua” ma filifili ai e sola ese mai le faaosoosoga (tagai Kenese 39:9, 12). E mafai ona fesoasoani lenei lesona i tagata aoga e faaali atu ai lo latou tuuto i le Atua e ala i le tetee atu i faaosoosoga e soli le tulafono o le ola mama.

Sauniuniga a tagata aoga: Valaaulia tagata aoga e vaai faalemafaufau faapea na talosagaina i latou e taitai se talanoaga i la latou vasega o le Aoga Sa e uiga i auala eseese e mafai ona latou tetee atu ai i faaosoosoga a Satani. Valaaulia tagata aoga e mafaufau i ni auala se tolu latou te faasoa atu i la latou vasega.

Gaoioiga E Ono Mafai Ona Aoao Ai

O faaosoosoga tatou te feagai

Mafaufau e fai atu i le vasega e fai se lisi i luga o le laupapa o faaosoosoga o loo feagai ma le autalavou i aso nei. Ina ia fesoasoani i tagata aoga e mafaufau atili e uiga i faaosoosoga latou te feagai patino ma le auala latou te tali atu ai, e mafai ona e valaaulia tagata aoga taitasi e faamaea le gaoioiga lenei i luga o se fasi pepa.

Filifili se faaosoosoga ma tusi se vaaiga puupuu, ma le moni lea e ono mafai ai e se talavou ona feagai ma lena faaosoosoga.

Ao mai vaaiga ma toe tufatufa atu i totonu o le vasega.

Faitau i lau vaaiga fou. I le pito i tua o le pepa, tusi ai le mea e ono faafaigata ai ona teena lena faaosoosoga. Tusi foi ni mea se lua e ono mafai ona e uunaia se tasi e fai e fesoasoani ai ia i latou e tetee atu pe faatoilalo lena faaosoosoga.

Faailoa atu i tagata aoga e ui atonu latou te le feagai ma le faaosoosoga lava lea e tasi o loo lisiina i le vaaigai, ae atonu e mafai ona latou faaaogaina fautuaga talitutusa i o latou lava tulaga. Fesoasoani i tagata aoga e iloilo lo latou lava gafatia e tetee atu ai pe faatoilalo ai faaosoosoga.

Mafaufau i faaosoosoga o loo feagai ma oe lava ia.

O le a se mea na e faia, pe mafai foi ona e faia, e maua ai le malosi mai le Tama Faalelagi ma Iesu Keriso e tetee atu ai i na faaosoosoga?

E ono mafai ona e valaaulia tagata aoga e faaopoopo atu i mea na latou tusia i le vaaiga faatasi ai ma o latou lava aafiaga. Uunaia i latou e faaauau pea ona faaopoopo manatu i o latou vaaiga a o latou suesueina le Kenese 39. Tau atu ia latou iloa a o latou sailia le fesoasoani mai le Agaga Paia, e mafai ona Ia musuia i latou i manatu e tetee atu ai ma faatoilalo ai foi faaosoosoga o loo latou feagai.

O le aafiaga o Iosefa i faaosoosoga

Afai na e faaaogaina ata e aotele ai mea na tutupu i le olaga o Iosefa i le Lesona 33: “Kenese 37–41,” mafaufau e toe faaali atu. Valaaulia se tagata aoga e aotele mai mea latou te manatua e uiga i le auala na faamanuiaina ai e le Alii ia Iosefa i le fale o Potifara. Afai e manaomia e tagata aoga se fesoasoani, valaaulia i latou e faitau ma aotele le Kenese 39:1–6.

Faitau le Kenese 39:7–8, ma vaavaai mo le mea na tupu ia Iosefa ina ua avea o ia ma se pule i le fale o Potifara.

O le a le faaosoosoga na feagai ma Iosefa?

Faamalamalama atu sa feagai Iosefa ma faaosoosoga e soli le tulafono o le ola mama. Fesoasoani i tagata aoga e mafaufau i mea ua latou malamalama ai e uiga i le tulafono o le legavia e ala i le valaauliaina ai o i latou e fai mea nei.

I lau api faamaumau mo suesuega, tusi pe faapefea ona e faauigaina le tulafono o le legavia ma le mafuaaga e taua ai.

A uma ona tusitusi tagata aoga, mafaufau e faaali atu le faamatalaga lenei. Valaaulia tagata aoga e faitau e i latou lava, ma vaavaai mo ni malamalamaaga e mafai ona latou faaopoopo atu i mea na latou tusia i a latou api faamaumau mo suesuega.

Mo Le Malosi o le Autalavou: O Se Taiala mo le Faia o Filifiliga o loo ta’ua ai mea nei e uiga i le tulafono o le ola mama:

O loo tau mai i le tulafono o le legaviā e faapea e faatagaina e le Atua le gaoioiga faalefeusuaiga i le na o le va o se alii ma se tamaitai ua faaipoipoina.

I fafo atu o le faaipoipoga i le va o se alii ma se tamaitai, e sese le pa’i atu i itutino sa,- o le tino o se isi tagata e tusa lava pe o fai ni lavalava. I au filifiliga e uiga i mea e te faia, vaai i ai, faitau, faalogo, mafaufau i ai, tuu i luga, po o le tesi, ia aloese mai soo se mea e faaosofia ai ma le faamoemoeina lagona o le tuinanau i isi po o oe lava ia. E aofia ai ponokalafi o soo se ituaiga. (Mo Le Malosi o le Autalavou: O Se Taiala mo le Faia o Filifiliga, 23, 25)

Aisea e te manatu ua tuuina mai ai e le Tama Faalelagi ia i tatou le tulafono o le ola mama?
O a nisi o auala ua faaosoosoina ai e Satani ia talavou ina ia solia le tulafono o le legaviā?

O tali e ono tuuina mai e tagata aoga e aofia ai le pueina po o le auina atu o ata le talafeagai, matamataina po o le faalogologo i ala o faasalalauga e faauigalua pe tuumanino, lē tausia ia paia o lagona faalefeusuaiga po o feusuaiga. Afai e i ai ni fesili a tagata aoga e uiga i le tosina atu i le itupatutusa, atonu e fesoasoani le faamalamalama atu faapea “o le lagonaina o le tosina atu i le itupatutusa e le o se agasala. Afai [e i ai i se tasi] nei lagona ma [e] le tulitulimatagauina pe faatinoina, o loo [latou] ola i le tulafono paia a le Tama Faalelagi o le legavia” (Mo Le Malosi o le Autalavou: O Se Taiala mo le Faia o Filifiliga, 27).

Faitau le Kenese 39:9–12, ma vaavaai pe na faapefea ona teena e Iosefa le faaosoosoga e soli le tulafono o le legavia.

O leKenese 39:9 o se fuaitau o le atamai faaleaoaoga faavae. Mafaufau e valaaulia tagata aoga e faailoga ia fuaitau o le atamai i aoaoga faavae i se auala iloga ina ia faigofie ona latou mauaina.

O le a se mea na e aoaoina mai i faataitaiga a Iosefa?

E mafai ona faailoa mai e tagata aoga upumoni e pei o le: O lo tatou tuuto atu i le Atua e mafai ona tatou maua ai le malosi e tetee atu ai i faaosoosoga e soli le tulafono o le legavia (fuaiupu 9).

E mafai e tagata aoga ona faailoga i a latou tusitusiga paia mea na mafai ai e le tuuto o Iosefa i le Atua ona ia faia, mo se faataitaiga, i le fuaiupu e 8 (“sa musu o ia”), fuaiupu 10 (“sa le gauai o ia”), ma le fuaiupu 12 (“aveese o ia i fafo”).

Ina ia fesoasoani i tagata aoga e tali le fesili lenei, atonu e te manao e tuuina atu ia i latou se vaaiga e mafai ona latou faaaogaina e faasoa atu ai pe faapefea ona faia e se tagata mea e tolu na faia e Iosefa. O se vaaiga e ono tulai mai e mafai ona aofia ai le valaauliaina i se tifaga, faaaliga, po o se konaseti lea e faaaoga ai ata ma upu lē mamā. O le isi vaaiga e ono tupu e ono aofia ai le lagonaina o le uunaiga e auina atu ni feau tusitusia po o ni ata le talafeagai ia latou tupulaga.
O a nisi o auala e mafai ona tatou mulimuli ai i le faataitaiga a Iosefa pe a tatou feagai ma faaosoosoga?

Faamalosia o lo tatou gafatia e tausia le tulafono o le ola mama

Valaaulia tagata aoga e faasoa mai mea na latou aoaoina ma a latou paga.

E mafai ona fesoasoani mai le Faaola ia i tatou e faatoilaloina faaosoosoga

Atonu e i ai ni au tagata aoga o loo tauivi ma le usitaiina o le tulafono o le legavia ma manaomia ona lagona le faamoemoe i le salamo ai ma le faatoilaloina o vaisu. Molimau atu i le natura alofa, onosai, ma le faamagalo atu o le Tama Faalelagi ma Iesu Keriso. Mafaufau e faaali le vitio “E Mou Atu faaosoosoga a o Tatou Sailia Keriso i Mafaufauga Uma” (2:57), e maua i le ChurchofJesusChrist.org. Valaaulia tagata aoga e vaavaai mo auala e mafai ai e le Faaola ona tuuina mai ia i tatou le faamoemoe.

2:58

Na aoao mai Elder Dale G. Renlund o le Korama a Aposetolo e Toasefululua le auala e mafai ai e le Faaola ona tuuina atu le faamoemoe ia i latou o e na tauivi ma le tausia o poloaiga a le Atua.

E tusa lava pe o le a le umi tatou te lei i ai i le ala pe o le a foi le mamao na tatou oo i ai, o le taimi lava tatou te filifili ai ia suia, e fesoasoani mai le Atua ia tatou toe foi mai. Mai le silafaga a le Atua, o le salamo faamaoni ma le fetaomi atu i luma ma le tumau ia Keriso, pe a tatou toe foi mai i luga o le ala, o le a pei lava na tatou le’i o ese. Na totogi e le Faaola a tatou agasala ma faasaoloto i tatou mai le faaitiitia o loo faamalumalu mai o le fiafia ma faamanuiaga. (“Ina Filifili Ia o Outou i le Aso Nei,” Liahona, Nov. 2018, 106)

O le a se mea e te manao i ai i se tagata o lagona le leai o se faamoemoe ona o a latou filifiliga ua tuanai e malamalama i ai mai le saunoaga a Elder Renlund?
O le a se mea ua fesoasoani ia te oe e tetee atu ai i faaosoosoga e ono e fautuaina atu i isi tagata?

Faia ai o se fuafuaga e tausia le tulafono o le ola mama

Ina ia fesoasoani i tagata aoga e fai se fuafuaga e faatino ai mea ua aoaoina ai i latou e le Agaga e uiga i le tausia o le tulafono o le legavia, tuu atu ia i latou ni nai minute e tali ai fesili nei i a latou api faamaumau mo suesuega.

O le a se mea na e aoaoina e mafai ona fesoasoani ia te oe e tausia ai le tulafono o le legavia pe tetee atu ai i isi faaosoosoga?
O le a se mea na e aoaoina e uiga i le tuuto atu i le Atua?
O le a faapefea ona e amata faaaogaina mea ua e aoaoina ma lagonaina i le asō?

Uunaia tagata aoga e faaaofia ai le Tama Faalelagi ma Iesu Keriso i a latou taumafaiga e tetee atu i faaosoosoga. Mafaufau e faasoa atu lau molimau i le gafatia e le Faaola ona fesoasoani ia i tatou e faatoilalo faaosoosoga ma Lona alofa mutimutivale alofa i le fesoasoani ia i tatou ia salamo.

Tauloto

Atonu e te manao e fesoasoani i tagata aoga e tauloto le mau faasino o le atamai i aoaoga faavae ma le fuaitau autu o le mau i le taimi o lenei lesona ma toe faamanatu i latou i lesona i le lumanai. O le fuaitau autu o le mau o le “Pe faapefea ona ou faia lenei mea leaga tele, ma ou agasala ai i le Atua?” O manatu mo gaoioiga o le taulotoina o loo i ai i anomea faaopoopo i lalo o le “Gaoioiga Toe Faamanatu o le Atamai i Aoaoga Faavae.”

Punaoa Faaopoopo

E mafai faapefea ona ou faatoilaloina o’u faaosoosoga?

Ua i ai i le Tama Faalelagi ma Iesu Keriso le mana e fesoasoani ai ia te oe. Faatumu lou olaga i mea e valaaulia ai lena mana i lou olaga, e pei o le tatalo, suesueina o tusitusiga paia, ma le auauna atu i isi. Liliu atu ia Iesu Keriso ma Lana talalelei ma o le a e iloa ai o vaivaiga e mafai ona avea ma malosiaga. Saili le fesoasoani mai matua, taitai, ma faufautua faapolofesa pe a manaomia ai. (Mo Le Malosi o le Autalavou: O Se Taiala mo le Faia o Filifiliga, 27)

E faapefea ona faatatau le tulafono a le Alii o le ola mama ia i latou o e tosina atu i lo latou itupa tutusa?

O le lagonaina o le tosina atu i le itupa tutusa e le o se agasala. Afai o ia te oe nei lagona ma e te le tuliloaina pe faatinoina, o loo e ola i le tulafono paia a le Tama Faalelagi o le legavia. O oe o se atalii/afafine faapelepele o le Atua ma o se soo o Iesu Keriso. Manatua e malamalama le Faaola i mea uma e te oo i ai. E ala i lau sootaga faalefeagaiga ma Ia, o le a e maua ai le malosi e usitai ai i poloaiga a le Atua ma maua faamanuiaga ua Ia folafola mai. (Mo Le Malosi o le Autalavou: O Se Taiala mo le Faia o Filifiliga, 27–28)

Aisea na aumai ai e le Atua le tulafono o le legavia?

O lagona feusuai o se vaega taua o le fuafuaga a le Atua e fausia ai ni faaipoipoga fiafia ma ni aiga e faavavau. O nei lagona e le ta’uagasalaina—e paia i latou. Ona o lagona feusuai e matua paia ma mamana tele, ua tuuina mai ai e le Atua ia te oe Lana tulafono o le legavia e saunia ai oe e faaaoga nei lagona e pei ona Ia faamoemoeina.

… O le usitaia o lenei tulafono o le a mafai ai e oe ona alualu i luma e faavavau ma avea atili e faapei o lou Tama Faalelagi. O le a tuputupu ae lou mautinoa a o e ola ai o se soo o Iesu Keriso. (Mo Le Malosi o le Autalavou: O Se Taiala mo le Faia o Filifiliga, 23, 26)

Gaoioiga Faaopoopo e Aoao Ai

Feagai ai ma faaosoosoga o tatou aso

Fesoasoani i tagata aoga ia iloa pe faapefea e le Mo Le Malosi o le Autalavou: O Se Taiala i le Faia o Filifiliga ona fesoasoani ia i latou e faatoilalo ai faaosoosoga. E mafai ona e faaali atu se kopi ma fesili atu:

O a nisi o mafuaaga e te manatu na fatuina ai e taitai o le Ekalesia le tusitaiala Mo Le Malosi o le Autalavou ?

Faasoa atu na aoao mai Elder Dieter F. Uchtdorf o le Korama a Aposetolo e Toasefululua e faapea, o le Mo Le Malosi o le Autalavou e mafai ona fesoasoani i le autalavou “ia taulimaina lelei luitau ma faaosoosoga o tatou aso” (“O Iesu Keriso o le Malosi o le Autalavou,” Liahona, Nov. 2022, 10). Ona mafai lea e tagata aoga ona suesue i le vaega ua faaulutalaina “Ae faapefea …?” i le tusitaiala Mo Le Malosi o le Autalavou ma vaavaai mo autu o loo aofia ai e ono avea ma se faaosoosoga mo le autalavou i aso nei. E mafai ona latou sueina itulau o loo talanoaina ai lena faaosoosoga ma faasoa atu se mataupu faavae e mafai ona mulimuli ai le autalavou e aloese ai mai faaosoosoga.

Fatuina o se fuafuaga e tetee atu ai i faaosoosoga

Ina ia fesoasoani i tagata aoga e fatu se fuafuaga e o mai ai ia Keriso ma tetee atu i faaosoosoga, e mafai e tagata aoga ona faaaoga le punaoa Fetuutuunai i le Olaga Faafaifeautalai. E mafai ona latou vaai i le Vaega U: Puleaina o Lagona Faalefeusuaiga po o Lagona Faamamai i lalo o le “Punaoa mo le Puleaina o Manaoga Faaleagafesootai,” ma vaavaai mo ni manatu e mafai ona latou faaopoopo i la latou fuafuaga. E mafai foi ona e valaaulia tagata aoga e faafesootai le Kenese 39:9 i le vaega lenei.

Vaaiga e faavavau

Atonu e iloa e nisi o tagata aoga e faapea na lafoina Iosefa i le falepuipui ina ua sola ese mai le faaosoosoga e soli le tulafono o le ola mama (tagai Kenese 39:20). Ina ia fesoasoani ia i latou ia iloa le auala na faamanuiaina ai Iosefa e ala i le i ai o se vaaiga e faavavau, mafaufau e matamata i le “O La Tatou Sootaga ma le Atua” mai le faailo taimi 8:41 i le 9:42.

13:17

Filifiliga o le vitiō

“Ua Ou Filifili Ia Mama” (4:19). E toaono ni tagata talavou o ekalesia soofaatasi na talanoa manino i le pogai ua latou filifili ai ia mama i feusuaiga. E mafai ona matamata tagata aoga i le vitio ma vaavaai mo mea e faagaeetia ai i latou e uiga i le mafuaaga ua filifili ai nei talavou e tausia le tulafono o le ola mama.

4:19

“Aisea e taua ai le ola i le tulafono o le legavia” (5:42). O Elder Dale G. Renlund o le Korama a Aposetolo e Toasefululua ma lona faletua, o Sister Ruth L. Renlund, ua tali atu i se fesili a se tamaitai talavou e uiga i le tulafono o le ola mama.

5:43

“Tofotofoga o Lou Faatuatua” mai le faailo taimi 7:15 i le 8:11. Na faasoa mai e Elder Neil L. Andersen o le Korama a Aposetolo e Toasefululua le auala na usitai ai lana uo i le tulafono o le legavia a o oo i lagona o le tosina atu i le itupa tutusa.

14:56