Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 37–41: “Sa I Ai Ieova ia Iosefa”

“Kenese 37–41: ‘Sa I Ai Ieova ia Iosefa,’” Tusi Lesona a le Faiaoga Seminare o le Feagaiga Tuai (2026)

“Kenese 37–41: ‘Sa I Ai Ieova ia Iosefa,’” Tusi Lesona a le Faiaoga Seminare o le Feagaiga Tuai

Kenese 37–41: Lesona 33

Kenese 37–41

“Sa I Ai Ieova ia Iosefa”

E ui lava ina sa faatau atu o ia o se pologa, tuuaia sese, ma faafalepuipuiina, ae sa ola Iosefa ma le amiotonu ma faaali le faatuatua i le Atua. O le taunuuga, na faamanuiaina ma fesoasoani le Alii ia te ia i ona tofotofoga. E mafai ona fesoasoani lenei lesona i tagata aoga e lagona ai le faamoemoe e faapea e mafai e le Atua ona faaaoga o latou tofotofoga e faamanuia ai o latou olaga.

Sauniuniga a tagata aoga: Valaaulia tagata aoga e mafaufau i tofotofoga po o luitau na latou feagai pe atonu foi o le a latou feagai. Valaaulia i latou e o mai i le vasega ua saunia e faasoa mai pe mafai faapefea ona faaaoga pe sa faaaogaina foi e le Alii luitau e faamanuia ai o latou olaga.

Gaoioiga E Ono Mafai Ona Aoao Ai

O se tala faafagogo i le asini

Mafaufau e faaali atu se ata o se asini a o faitau e se tagata aoga le parakalafa lenei.

Ua ta’ua le tala faafagogo e uiga i se asini na pau i totonu o se lua. I le fefe ma le maileia, sa tagi ma faataio le asini. Ina ua uma ona saili mo se auala e laveai ai le asini, sa amata ona suo e lē ona le asini le palapala i totonu o le lua. O suo taitasi e tumu i palapala sa lafo tonu ifo i le tua o le asini, ma atili ai ona ia tagi.

A o lei faaauauina le tala, atonu e aoga mo tagata aoga le taofi ma mafaufau e uiga i le tala faafagogo e ala i le taliina o fesili e pei o nei:

Pe e te manatu o suo palapala o se mea lelei pe leaga? Aisea?
O a ni mea e ono mafai ona faatusa i ai suo tumu i palapala i o tatou olaga?

Valaaulia se tagata aoga e faitau le faaiuga o le tala faafagogo i le parakalafa lenei.

E lulu ese e le asini le palapala mai lona papatua, ma maua ai ni faaputuga palapala i lalo ifo [o le asini]. Sa faafia ona faia e le asini le faatinoga o le lulu ese o le palapala ma laa atu i luga o le faaputuga ua faatupulaia, seia oo ina tulai maualuga le asini i luga o le palapala e sola ese ai mai le lua.

E mafai faapefea ona fesootai lenei tala faafagogo i tofotofoga ma luitau ua faatagaina i tatou e le Tama Faalelagi e oo i ai?

Mafaufau e faaali atu le [iloiloga] lenei ma valaaulia tagata aoga e faamaea e i latou lava.

Mafaufau i taimi i lou olaga na e oo ai i tofotofoga po o taimi o le lotovaivai. Tusifaamaumau au tali i nisi o fesili nei i lau api faamaumau mo suesuega:

Na faapefea ona e tali atu i na aafiaga?
Aisea e mafai ai ona faigata ona manatua le Alii pe a e feagai ma luitau?
Mai se vaaiga e faavavau, e mafai faapefea e le Tama Faalelagi ona faaaoga ou luitau e faamanuia ai lou olaga?

A o e suesue i le soifuaga o Iosefa i le aso, saili faaaliga mai le Agaga Paia e tuuina atu ia te oe le faamoemoe e faapea e mafai e le Tama Faalelagi ma Iesu Keriso ona liliuina e oo lava i tofotofoga faigata i ni faamanuiaga i lou olaga.

Vaaiga Aoao o le Kenese 37–41

Ina ia fesoasoani i tagata aoga ia malamalama i le tala faasolo o le Kenese 37–41, e mafai ona e faaali atu ata e lima o loo aofia faatasi atu i lalo i se faasologa faafefiloi. E mafai ona galulue faatasi tagata aoga o se vasega po o ni vaega toalaiti e tuu [ata] i le faatulagaga e fua faasolo i le taimi na tutupu ai. Ona mafai lea ona e fai atu i ni nai tagata aoga e faaaoga ata e aotele otooto ai le tala i le Kenese 37–41.

E ono mafai e tagata aoga ona faaaoga aotelega o loo i lalo ifo o ata taitasi po o ulutala o mataupu e fesoasoani ai ia i latou e aotele pe faamaonia ai le faasologa o ata.

Ina ua 17 tausaga o Iosefa, sa matau’a ona uso matutua i lona tulaga o se tama faapito a lo latou tamā o Iakopo. Sa latou inoino ia Iosefa ona o le faasoaina atu o ana miti e uiga ia i latou o loo ifo i ona luma i le lumanai. Mulimuli ane, na latou faatauina atu Iosefa e avea o se pologa (tagai Kenese 37).

Na faatau atu Iosefa iā Potifara, o se alii leoleo i le Farao o Aikupito. Na iu lava ina avea Iosefa ma se pule o le aiga o Potifara (tagai Kenese 39:1–4).

Sa manao le avā a Potifara ia Iosefa, ae sa musu Iosefa e soli le tulafono o le legavia ma sola ese mai ia te ia. Sa tuuaia sese e le avā a Potifara ia Iosefa i le sauaina o ia, ma sa lafoina o ia i le falepuipui (tagai Kenese 39:7–20).

A o i ai i le falepuipui, sa faamatala e Iosefa miti a auauna a Farao (tagai Kenese 40).

I le lua tausaga mulimuli ane, na fai ai e Farao ni miti e lē mafai ona ia malamalama i ai. O se tasi o auauna a Farao, o le na tatala mai le falepuipui, na ia tau atu ia Farao e mafai e Iosefa ona faamatala miti. Sa aoao atu e Iosefa ia Farao o ana miti e faatusa i tausaga e fitu o seleselega lelei ma tausaga e fitu o le oge lea o le a le pine ae oo mai ia Aikupito (tagai Kenese 41).

O faamanuiaga mai o tatou tofotofoga

Ina ia fesoasoani i tagata aoga e faailoa mai lesona e mafai ona tatou aoaoina mai le aafiaga o Iosefa, mafaufau e tuu tagata aoga i ni vaega toalaiti ma tuuina atu pe faaali atu faatonuga ma fesili nei.

Manatua: Lesona 34, “Kenese 39,” o le a taulai atu i le tulafono o le ola mama.

Faitau fuaiupu nei ma vaavaai pe na faapefea ona fesoasoani le Alii ia Iosefa i le taimi o ona tofotofoga.
1. Kenese 39:1–6 (Ina ua uma ona faatau atu Iosefa o se pologa e ona uso)
2. Kenese 39:20–23 (Ina ua uma ona lafo Iosefa i le falepuipui e Potifara)
3. Kenese 41:14–16, 25–32 (Ina ua iu ina tatalaina Iosefa mai le falepuipui)
Tali fesili nei:
- O a upumoni e mafai ona tatou aoao mai le ala na tali atu ai Iosefa i ona luitau?
- Aisea e te manatu ai sa ao ina faatalitali Iosefa mo le tele o tausaga ina ia maua faamanuiaga sa ia sailia?
- O le a se faamaoniga ua e vaaia o le fesoasoani ai o le Atua ia Iosefa i ona tofotofoga?
- E mafai faapefea e le Tama Faalelagi ma Iesu Keriso ona fesoasoani ia i tatou i ni auala faapena pe a tatou feagai ma taimi faigata?

Savalivali solo ma faalogologo a o talanoaina e tagata aoga a latou tali ma a latou vaega. Faafetai atu ia i latou mo le faasoaina mai o mea na latou maua. Faamanatu i tagata aoga e mafai e le Agaga Paia ona aoao atu i tagata upumoni eseese mai fuaitau lava e tasi o mau. O le vaega o totoe o lenei lesona o le a taulai atu i le upumoni e faapea afai tatou te faamaoni, e mafai e le Atua ona faaaoga o tatou tofotofoga e faamanuia ai o tatou olaga ma isi.

Faitau le Kenese 41:37–45, ma vaavaai mo faamaoniga o le auala na faaaoga ai e le Atua tofotofoga o Iosefa e faamanuia ai o ia ma isi.

Na faapefea ona faamanuiaina e le Alii ia Iosefa ma isi e ala i ona tofotofoga?

Fai atu fesili e mafai ona fesoasoani i tagata aoga e aoao ai e uiga i le mana ma le alofa mutimutivale o le Atua mai upumoni o loo aoaoina. O fesili nei o ni faataitaiga o mea e ono mafai ona e faaaogaina. (Mo aoaoga faaopoopo i le fesoasoani ai i tagata aoga ia aoao e uiga i le alofa, mana, ma le alofa mutimutivale o le Alii, tagai i le “Fesoasoani i Tagata Aoao ia Iloa le Alofa, Mana, ma le Alofa Mutimutivale o le Alii i o Latou Olaga” i le Tomai o le Atinaega o Faiaoga.
O le a sou manatu i le mea atonu e manao Iosefa e te iloa e uiga i le Alii ina ua mavae aafiaga na ia oo i ai?
E faapefea ona fesoasoani tofotofoga ia i tatou e faamalosia ai lo tatou sootaga ma le Tama Faalelagi ma Iesu Keriso.

Faitau le Mataupu Faavae ma Feagaiga 90:24 ma le saunoaga lenei a Elder Dieter F. Uchtdorf o le Korama a Aposetolo e Toasefululua. Vaavaai pe faapefea ona faatatau ia Iosefa ma i latou uma o e oo i tofotofoga ma luitau.

O la’u molimau, e ui lava e i ai taimi e pei tatou te lagona le lofituina ai i tofotofoga o le olaga pe siomia i le pogisa faalelagona, ae o le alofa o le Atua ma faamanuiaga o le talalelei toefuataiina a Iesu Keriso o le a aumaia se mea e le’i mafaufauina ia fotu mai. (“O Le A Faia e le Atua se Mea E Le’i Mafaufauina,” Liahona, Nov. 2020, 52)

E faapefea ona faatatau le Mataupu Faavae ma Feagaiga 90:24 ma le saunoaga a Elder Uchtdorf ia Iosefa? Ia te oe?

Faataitaiga i ona po nei

Mafaufau i aafiaga na e maua, po o isi, ina ua e vaai ai i le Tama Faalelagi o faaaogaina ou tofotofoga e faamanuia ai lou olaga. Tali ia le itiiti ifo ma le lua o fesili nei i lau api faamaumau mo suesuega:

Na faapefea ona e vaaia le Tama Faalelagi o faaaogaina tofotofoga e faamanuia ai olaga o tagata e te iloa? O a ni mea ua e aoaoina mai i na tagata?
Afai o i ai se tasi i le totonugalemu o se tofotofoga faigata i le taimi nei, o le a se mea e te manao ia latou iloa e uiga i le Tama Faalelagi ma Iesu Keriso?
O le a se mea na fesoasoani ia te oe e te tumau faamaoni ai i le Atua i taimi o tofotofoga ua e oo i ai i lou olaga?

E mafai ona valaaulia tagata aoga e faasoa mai o latou aafiaga faatasi ai ma o latou lagona mo le Faaola.

Punaoa Faaopoopo

E mafai faapefea e lo’u faamoemoe ia Iesu Keriso ona fesoasoani ia te au i taimi faigata?

Sa aoao mai Peresitene Dieter F. Uchtdorf, o lē sa avea ma se tasi o le Au Peresitene Sili:

18:49

Tatou te faamoemoe ia Iesu le Keriso, i le agalelei o le Atua, i faaaliga a le Agaga Paia, i le malamalama e faapea, e faafofogaina ma taliina mai o talosaga. Talu ai ona sa faamaoni pea ma tausia e le Atua Ana folafolaga i aso ua mavae, o lea e mafai ai ona tatou faamoemoe ma le mautinoa o le a tausia e le Atua Ana folafolaga ia i tatou i le taimi nei ma le lumanai. I taimi o mafatiaga, e mafai ona tatou taofi mau i le faamoemoe o le a “galue faatasi mea mo lo [tatou] lelei” (Mataupu Faavae ma Feagaiga 90:24) a o tatou mulimuli i fautuaga a perofeta a le Atua. O lenei ituaiga faamoemoe i le Atua, Lona agalelei, ma Lona mana e faafouina ai i tatou i le lototele i taimi o luitau faigata, ma tuuina atu le malosi ia i latou o e lagona le faamata‘uina e papupuni o le mata‘u, masalosalo, ma le leai o se faamoemoe. (“O Le Mana e Le Iu o le Faamoemoe,” LiahonaNov. 2008, 23)

O le a se mea e mafai ona ou faia e atiina aʻe ai loʻu faatuatua i taimi faigata?

Na faamalamalama mai e Sister Michelle D. Craig o lē sa i le au Peresitene Aoao o Tamaitai Talavou:

11:16

Pe a oo mai taimi faigata, ou te taumafai e manatua sa ou filifili e mulimuli ia Keriso ae ou te le’i sau i le lalolagi ma o luitau i lo’u faatuatua, lo’u ola maloloina, ma lo’u tumau o vaega uma o le mafuaaga ua ou i ai iinei. Ma e le tatau lava ona ou mafaufau faapea o tofotofoga o le asō e fesiligia ai le alofa o le Atua ia te a’u pe liua ai lo’u faatuatua ia te Ia i le masalosalo. O tofotofoga e le faapea ua le aoga le fuafuaga; o ni vaega ia o le fuafuaga e fesoasoani ia te a’u e saili le Atua. Ou te avea atili faapei o Ia pe a ou tumau ma le onosai, ma le faamoemoe, e faapei foi o Ia, pe a puapuagatia, ou te tatalo ma le faatauanau atili. (“Loto Atoa,” Liahona, Nov. 2022, 61–62)

E mafai faapefea e le Tama Faalelagi ona faamanuiaina au i o’u tofotofoga?

Na aoao mai Peresitene Thomas S. Monson (1927–2018):

18:16

Ua tatou iloa e i ai taimi o le a tatou lagonaina ai le faanoanoa lotonutimomoia, o taimi tatou te faavauvau ai, ma taimi atonu o le a tofotofoina ai i tatou i le mea e gata ai lo tatou mafai. Peitai, o ia faigata e faatagaina ai i tatou ia suia mo le lelei sili atu, ia toe fausia o tatou olaga i le ala ua aoao ai i tatou e lo tatou Tama Faalelagi, ma ia avea ma se tagata e ese mai le tagata sa tatou avea ai—ia lelei atu nai lo le mea sa tatou i ai, sili atu ona malamalama nai lo le mea sa tatou i ai, sili atu ona tigaalofa nai lo le mea sa tatou i ai, faatasi ai ma ni molimau malolosi atu nai lo a tatou molimau sa i ai muamua. (“Ou Te Le Tuua Lava Oe, Ou Te Le Tuulafoai Lava ia te Oe,” Liahona, Nov. 2013, 87)

Gaoioiga Faaopoopo e Aoao Ai

Aotelega o talafaasolo faavitio

Afai e aoga i tagata aoga le faalogo atu i se aotelega o mea na tutupu i le Kenese 37–41, e mafai ona e matamata i le “O Miti Musuia a Iosefa” (2:18) ma le “Iosefa i Aikupito” (2:51). O nei vitio e mafai ona suitulaga i le gaoioiga o ata i le lesona.

2:17

2:50

O le olaga o Iosefa o se faatusa o Iesu Keriso

Ina ia fesoasoani i tagata aoga e faailoa mai auala na avea ai le soifuaga o Iosefa ma se faatusa o Iesu Keriso, mafaufau e faaali atu le siata o loo i lalo ma na o mau faasino. Ona e tuu lea o tagata aoga ni paga. E mafai e paga taitasi ona ave itu eseese o le siata, faitau le mau faasino, ma vaavaai mo mea e tutusa ai le soifuaga o Iosefa ma le soifuaga o Iesu Keriso. O le faailoaina o nei mea e tutusa ai e mafai ona fesoasoani i tagata aoga e faaloloto ai lo latou malamalama i le soifuaga ma le misiona a Iesu Keriso.

Manatua: I le vaega o Gaoioiga Faaopoopo e Aoao ai o le Lesona 35: “Kenese 42–46,” o le a i ai se gaoioiga faapena e faaalia ai le auala o loo faaauau ai pea ona avea le olaga o Iosefa ma se faatusa o Keriso a o ia faamagalo atu i ona uso ma laveaiina lona aiga.

Iosefa o Aikupito	Iesu Keriso
Iosefa o Aikupito Kenese 37:3 (Sa matua alofagia tele e lona tama)	Iesu Keriso Mataio 3:17
Iosefa o Aikupito Kenese 37:4 (Sa itagia e nisi o ona uso)	Iesu Keriso Isaia 53:3; Ioane 1:11
Iosefa o Aikupito Kenese 37:6–7 (Sa ia iloaina e i ai se aso o le a ifo ai lona aiga i ona luma)	Iesu Keriso Roma 14:11
Iosefa o Aikupito Kenese 37:26–28 (Faalataina e i latou e sili ona latalata ia te ia mo tupe)	Iesu Keriso Mataio 26:14–16

Inoino ma le matau’a

E mafai ona fesoasoani le tala ia Iosefa i tagata aoga ia malamalama i taunuuga o le inoino ma le matau’a i isi. E mafai ona e fesili atu i tagata aoga pe aisea latou te manatu ai o le a faatau atu Iosefa e ona uso o se pologa i Aikupito. Ona mafai lea ona latou faitauina le Kenese 37:4–5, 8, 11 ma vaavaai mo, ma faailoga, upu e faamatala ai o latou lagona ia Iosefa.

Ona mafai lea ona e faaali atu “O Tagata Faigaluega i le Tovine” mai le faailo taimi 4:49 i le 5:44 ma faalogologo i mea na aoao mai e Peresitene Jeffrey R. Holland o le Korama a le Toasefululua e uiga i le inoino ma le matau’a.

15:23

E mafai ona e valaaulia tagata aoga e faatusatusa uso matutua o Iosefa o Aikupito ma le uso matua o Iosefa Samita, o Ailama, ma le uso matua o Nifae, o Sama. O Ailama ma Sama o ni uso matutua o e na mulimuli ma le lotomaualalo i le taitaiga a o laua uso laiti.

E mafai e tagata aoga ona mafaufau loloto i auala e ono faaosoosoina ai i latou e lagona le inoino po o le matau’a ma le auala e mafai ai e le Faaola ona fesoasoani ia i latou e faatoilalo na lagona.

Filifiliga o le vitiō

Ina ia fesoasoani i tagata aoga ia iloa se faataitaiga o le auala e mafai ai e le Tama Faalelagi ona faamanuiaina i tatou ma isi e ala i o tatou tofotofoga, mafaufau e faaali atu le vitio lenei i le vaega o “Faataitaiga o Ona Po Nei” o le lesona.

“Wheelz: Overcoming Is Possible” (7:13)

7:13

A uma le vitio, e mafai e tagata aoga ona talanoaina le auala na fesoasoani ai le Alii i lenei alii talavou e vaai i ona tofotofoga mai se vaaiga ese.