Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Manao fampitahana: Manao fampitahana mba hamantarana ireo fahamarinana voafono ao amin’ny soratra masina

“Manao fampitahana: Manao fampitahana mba hamantarana ireo fahamarinana voafono ao amin’ny soratra masina,” Testamenta Taloha: Boky torolalana ho an’ny mpampianatra seminera (2026)

“Manao fampitahana: Manao fampitahana mba hamantarana ireo fahamarinana voafono ao amin’ny soratra masina,” Testamenta Taloha: Boky torolalana ho an’ny mpampianatra seminera

Fahaiza-manao eo amin’ny fandalinana soratra masina: Lesona 170

Manao fampitahana

Manao fampitahana mba hamantarana ireo fahamarinana voafono ao amin’ny soratra masina

Many spirits watch as Jehovah presents his plan to Heavenly Father.

Nisy anjely iray niteny tamin’i Nefia fa ny soratra masina dia ahitana fahamarinana “tsotra sady sarobidy indrindra” (1 Nefia 13:26). Na izany aza dia mety ho sarotra ny mamantatra ireo fahamarinana ireo na mahatsapa fa manan-danja ny soratra masina. Ny fampitahana tantara sy hevitra ary olona ao amin’ny soratra masina dia fahaiza-manao afaka manampy amin’ny antsika hamantatra fahamarinana sarobidy avy amin’i Jesoa Kristy sy handray fitahiana avy amin’ny teniny. Ity lesona ity dia afaka manampy ny mpianatra hanao fampitahana ao amin’ny soratra masina mba hamantarana fahamarinana voafono.

Fanomanana ny mpianatra: Asao ny mpianatra handalina ny Mosesy 4:1–2, ka hitady ireo fitoviana sy fahasamihafana hitan’izy ireo eo amin’i Jesoa Kristy sy i Satana. Asao izy ireo hisaintsaina ny antony ilàna ny fanaovana fampitahana ao amin’ny soratra masina.

Sahanasa fianarana azo atao

Siramamy sy sira

Hevero ny hitondra siramamy sy sira any am-pianarana ka avelao ny mpianatra iray na roa hanandrana kely ny tsirairay amin’izany. Azonao atao koa ny mampiseho ny sarin’ireo zavatra ireo tahaka ity aseho manaraka ity. Raha tsy izany dia azonareo atao ihany io sahanasa io fa amin’ny alalan’ny fampiasana zava-pisotro mamy sy zavatra marikivikivy toy ny vinaingitra.

Showing the difference of Coarse and Fine Salt

Inona no hitovian’ny sira sy ny siramamy? Inona no tsy mampitovy azy ireo?
Nahoana no ny fampitahana ny sira sy ny siramamy no manampy anao hahatakatra azy ireo bebe?

Torak’izany koa, rehefa manao fampitahana ao amin’ny soratra masina isika dia afaka mahatakatra mazava kokoa sy mankasitraka ireo fampianarana maro avy amin’ny Mpamonjy. Afaka mahita tsara kokoa ny fomba ahafahany mitahy ny fiainantsika isika rehefa miaina ireo fampianarana ireo.

Eo am-pianaranao ity fomba fandalinana soratra masina ity dia aoka ianao hisokatra amin’ny fandraisana fahatsapana avy amin’ny Fanahy Masina izay afaka manampy anao hamantatra ny fomba ahafahan’ny fandalinanao soratra masina ho manan-danja kokoa.

Fahaiza-manao: Manao fampitahana

Mba hanampiana ny mpianatra hianatra ity fahaiza-manao eo amin’ny fandalinana ny soratra masina ity dia mizara toy izao ny lesona: “Mamaritra” (mamaritra ilay fahaiza-manao), “Manome lamina hakan-tahaka” (manome ohatra ho an’ny mpianatra ary mitarika azy ireo hampiasa ilay fahaiza-manao), ary “Manao fampiharana“ (manome fahafahana ny mpianatra hampihatra ilay fahaiza-manao).

Mamaritra

Vakio na fintino ity manaraka ity.

Ny fanaovana fampitahana ao amin’ny soratra masina dia midika hoe mijery ireo zavatra mitovy sy tsy mitovy eo amin’ireo tantara, na hevitra na olona. Manampy antsika hamantatra fahamarinana voafono ireo fampitahana ireo (fahamarinana mety tsy ho hitantsika raha tsy atao izany). Afaka manao fampitahana ao amin’ny andinin-tsoratra masina tokana isika, na ao amin’ny toko, na manerana ireo boky maromaro.

Ny fametrahana ireto fanontaniana manaraka ireto amin’ny tenanao dia hanampy anao amin’ny fanaovana fampitahana mandritra ny fandalinana soratra masina ataonao:

Hevero ny hampiseho ireto fanontaniana manaraka ireto. Hampiasa izany mandritra ny lesona iray manontolo ny mpianatra.

Inona no hitovian’ireo tantara, na hevitra na olona ao amin’ity tantara ity? Inona no tsy mampitovy azy ireo?
Inona no azoko ianarana amin’ity fampitahana ity?
Ahoana no ahafahan’ny zavatra nianarako avy amin’ity fampitahana ity manampy ahy androany?
Ahoana no fahafahan’ny zavatra nianarako manampy ahy hitia na hanaraka bebe kokoa ny Tompo?

Manome lamina hakan-tahaka

Mba hanampiana ny mpianatra hampihatra ity fahaiza-manao ity samirery dia mety hanampy ny fitarihana azy ireo hampiasa tantara ao amin’ny soratra masina aloha. Hevero ny hampiasa izany amin’ny alalan’ny fampiasana ny tantara momba ny Filankevitra tany An-danitra talohan’ny nahaterahana ka jereo ny zavatra nataon’i Jesoa Kristy sy i Satana. Azonao atao ny misafidy ny hampiasa tantara hafa toy ny amin’ireto manaraka ireto:

Ny olona talohan’ny vanim-potoanan’i Enoka (Mosesy 7:17–19) sy ny olona nandritra ny vanim-potoanan’i Noa (Mosesy 8:28–30)
Ny safidy nataon’i Abrahama sy nataon’i Lota momba ny tany honenana (Genesisy 13:8–13)

Hevero ny hampiseho ilay sary etsy ambany ary hanasa ny mpianatra hizara izay fantany mikasika ny zavatra nitranga.

Nandritra ilay Filankevitra tany An-danitra talohan’ny nahaterahana dia nampahafantatra ny drafiny ho an’ny famonjena ny zanany ny Ray any An-danitra. Hitaky mpamonjy ilay drafiny.

Hevero ny hamerina hijery ireo fanontaniana efatra naseho teo aloha ka hanasa ny mpianatra hanoratra ny valinteniny ao amin’ny diary fandalinany eo am-pamakian’izy ireo ireto andinin-tsoratra masina manaraka ireto.

Vakio ny Mosesy 4:1–2 ka tadiavo ny fomba namalian’i Jesoa Kristy sy i Satana an’ Andriamanitra.

Asao ny mpianatra hizara ny valinteniny amin’ny fanontaniana tsirairay.

Rehefa mizara izay nianarany avy tamin’ny fampitahana ny Mpamonjy sy an’i Satana ny mpianatra dia mety hizara fahamarinana tahaka ireto manaraka ireto izy ireo:

I Jesoa Kristy dia mikatsaka ny hanao amim-panetrentena ny sitrapon’ny Ray any an-danitra. I Satana dia mikatsaka amim-pitiavan-tena ny voninahiny manokana.
Ny Ray any an-danitra dia nifidy an’i Jesoa hatrany am-boalohany ho Mpamonjy an’izao tontolo izao. Nikomy tamin’ny Ray any an-danitra sy i Jesoa Kristy i Satana.

Manao fampiharana

Afaka manao ity sahanasa fampiharana ity samirery na tsiroaroa na ao anaty vondrona kely ny mpianatra.

Ny “Sahanasa fianarana fanampiny” ao amin’ity lesona ity dia ahitana safidy fanampiny.

Misafidiana iray amin’ireo safidy atolotra hanaovana fandalinana etsy ambany. Ampiasao ireo tari-dresaka aseho mba hanampiana anao hanao fampitahana sy hamantatra fahamarinana manan-danja.

Safidy atolotra hanaovana fandalinana:

Ny tatitra nataon’ireo mpisafo tany niisa 12. Naniraka mpisafo tany niisa 12 hizaha ny tany Kanana mba hijery ny toetran’ny tany sy ny olona i Mosesy (jereo ny Nomery 13:17–20). Rehefa niverina izy ireo dia tsy nitovy ny tatitra nataon’ireo mpisafo tany niisa 10 sy ny tatitra nataon’i Kaleba sy i Josoa (ireo mpisafo tany roa hafa). Vakio ny Nomery 13:26–33; 14:6–9 ka ampitahao ireo tatitra.
Ny fanjakan’i Solomona Mpanjaka. I Solomona Mpanjaka no lasa mpanjaka manaraka taorian’ny nahafatesan’i Davida rainy. Rehefa nandeha ny fotoana dia niova ireo fanirian’i Solomona sy ireo fampanantenana nomen’ny Tompo azy. Vakio ny 1 Mpanjaka 3:3, 7–12; 11:4–6, 9–11 ka ampitahao ireo fanirian’i Solomona sy ireo fampanantenana nataon’ny Tompo taminy tany am-piandohana sy tany amin’ny fiafaran’ny fanjakany.
Mpiandry ondrin’i Israely. Nanoro hevitra ireo mpitarika Isiraelita ny Tompo tamin’ny alalan’i Ezekiela mpaminaniny ka niantso azy ireo ho “mpiandry ondrin’[i] Isiraely” (Ezekiela 34:2). Vakio ny Ezekiela 34:2–6, 11–16 ka ampitahao ny mpiandry ondrin’i Isiraely sy ny Tompo, ilay Mpiandry Ondry Tsara.

Rehefa vitan’ny mpianatra ny sahanasa dia afaka mizara ny valinteniny amin’ireo fanontaniana napetraka amin’ny mpianatra iray hafa, na amin’ny mpianatra miara-miasa tsiroaroa na amin’ny vondrona iray izay nandalina tantara hafa izy ireo. Avy eo dia manasà mpianatra vitsivitsy hizara izany amin’ny iray kilasy. Afaka manoratra eny amin’ny solaitrabe ireo fahamarinana hitany sy manazava ny maha- zava-dehibe izany amin’izy ireo koa ny mpianatra manolo-tena.

Ireto manaraka ireto dia ohatra ahitana fahamarinana mety hozarain’ny mpianatra:

Afaka mampahery antsika ny Tompo rehefa misafidy ny hijery ireo olana atrehintsika amin’ny finoana isika fa tsy amim-panahiana isika.
Hitahy antsika ny Tompo rehefa mitia Azy kokoa noho ny itiavantsika ny zavatr’izao tontolo izao isika.
Lasa mitovy kokoa amin’ny Tompo isika rehefa mitady sy miahy ny hafa.

Raha ampy ny fotoana dia azonao atao ny manasa ny mpianatra hanohy ny fampiharana ny fanaovana fampitahana amin’ny alalan’ny fampiasana tantara na andian-tsoratra masina safidin’izy ireo. Afaka mizara izay nianarany avy tamin’ny fanaovana izany fampitahana izany izy ireo avy eo.

Fehin-kevitra

Rehefa mandalina soratra masina ianao dia mitadiava fomba ahafahanao mampiditra ny fahaiza-manao eo amin’ny fanaovana fampitahana. Ohatra, raha mandalina mikasika ny olona iray nandray fanapahan-kevitra tsy mahasoa ianao dia hevero ny hitady olona hafa ao amin’ny soratra masina izay nandray fanapahan-kevitra tsara. Raha mahita ny iray amin’ireo mpaminanin’ny Tompo izay nolavina ianao dia eritrereto raha tsaroanao ny fotoana naneken’ny olona ny mpaminaniny.

Azonao soratana ao amin’ny soratra masinao na ao amin’ny diary fandalinanao ireo zavatra hitanao tao anatin’izany.

Ahoana no mety ho fiantraikan’ny zavatra nianaranao androany eo amin’ny fandalinanao manokana ny soratra masina?

Hevero ny hamarana izany amin’ny fijoroanao ho vavolombelona mikasika ny soratra masina sy ny fahamarinana fonosin’izany.

Mety hanampy ny fanaovana fanaraha-maso ao anatin’ireo lesona any aoriana ka manontany ny mpianatrao ny fizotran’ny fampiharany io fahaiza-manao iray eo amin’ny fandalinana soratra masina io.

Loharanom-pitaovana fanampiny

Inona ihany koa no afaka manampy ahy hahazoako tombony bebe kokoa avy amin’ny fandalinana soratra masina androany?

Ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo dia nanazava hoe:

Rehefa mikatsaka fahalalana ara-panahy ianareo dia tadiavo ireo fitsipika. Avaho tsara amin’ny antsipirian-javatra nampiasaina mba hanazavana azy izany. … Ny fitsipika marina iray dia mampazava ny fanapahan-kevitra na dia ao anatin’ny toe-javatra tena mampikorontan-tsaina sy feno faneriterena aza. Mendrika ny hanaovana ezaka lehibe ny fandaminana ireo fahamarinana izay angonintsika mba ho lasa fanambarana fitsipika amin’ny fomba tsotra. Efa nanandrana nanao izany aho teo amin’ny fahazoana fahalalana ara-panahy. (“Acquiring Spiritual Knowledge,” Ensign, nôv. 1993, 86)

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

Ny fitambaran-javatra manokatra ny varavaran’ilay efitra mitahiry ireo harena miafin’ny soratra masina dia tena mitaky asa: asa tsotra, asa efa mahazatra, asa mafy. … Tsy afaka manantena hijinja vokatra tena tsara ara-tsoratra masina isika raha tsy mikiry mandalina tsy tapaka sy amim-pahazotoana. … Ireo harena sarobidin’ny soratra masina katsahintsika eo amin’ny fiainantsika dia tsy azo hindramina na hofaina na azo amin’ny alalan’olon-kafa. Tsy maintsy mianatra manokatra ny varavaran’ilay efitra isika amin’ny alalan’ny fampiharana ny fitsipiky ny asa. (“Because We Have Them before Our Eyes,” New Era, apr. 2006, 6)

Sahanasa fianarana fanampiny

Ohatra nasehon’ny Mpamonjy eo amin’ny fanaovana fampitahana

Mba hanamafisana ny maha-zava-dehibe ny fianarana mampitaha rehefa mandalina soratra masina dia azonao hazavaina fa matetika ny Mpamonjy dia nampiasa fampitahana tao anatin’ny fampianarany. Asao ny mpianatra hizara ohatra azony eritreretina tamin’ny fotoana nanaovany izany. Raha mila fanampiana izy ireo dia hevero ny hizara ireto ohatra manaraka ireto:

Ilay vehivavy mpitondratena nandatsaka ireo farantsakeliny roa tao amin’ny fandatsahan-drakitra dia nampitahaina tamin’ny mpanankarena nandatsaka be (jereo ny Marka 12:41–44)
Ny mpisorona sy ny Levita dia nampitahaina tamin’ilay Samaritana tsara fanahy (jereo Lioka 10:30–37)
Ireo zanaka roa lahy ao amin’ny fanoharana momba ny zanaka adala (jereo ny Lioka 15:11–32)

Asao ny mpianatra hizara izay nianarany avy tamin’ireo fampitahana ireo.

Fampitahana soratra masina fanampiny

Raha mahazo tombony avy amin’ireo ohatra samihafa ao amin’ny fizarana “Manome lamina hakan-tahaka” na “Manao fampiharana” ao amin’ity lesona ity ny mpianatra dia hevero ny hampiasa ny iray amin’ireto tantara manaraka ireto:

Ny olona nandritra ny andron’i Enoka sy i Noa. Vakio ny Mosesy 7:17–19 sy ny Mosesy 8:28–30 ka ampitahao ny firaisan-kina sy ny zavatra nataon’ireo fiarahamonina roa ireo.
I Jakoba sy i Esao. Vakio ny Genesisy 25:27–34 ka ampitahao ny fanirian’ireo mpirahalahy kambana. (Fanamarihana: Ilay zanakalahy nanana ny fizokiana no nandova ny fananan-drainy ary lasa mpitarika ara-panahy sady mpiahy ny ankohonana.)
I Davida mpanjaka feno fahotana sy i Davida mpanjaka nibebaka. Vakio ny 2 Samoela 11:2–5, 14–17 sy ny Salamo 51:1–4, 10–12 ka ampitahao ireo fihetsika nasehon’i Davida sy ny faniriany rehefa nanota izy sy ny faniriany taorian’ny nangatahany famelan-keloka.

Mampitaha sy mampifanohitra ao amin’ny Bokin’i Môrmôna

Mba hahitana ohatra mikasika ny fanaovana fampitahana ao amin’ny Bokin’i Môrmôna mba hamantarana fahamarinana voafono dia hevero ny hanasa ny mpianatra hampitaha an’i Nefia amin’i Lamana sy i Lemoela. Raha mila fanampiana izy ireo dia azonao atao ny manasa azy ireo handalina ny fomba fijerin’i Nefia mikasika ny dia nataony ao amin’ny 1 Nefia 17:1–6 sy ny fomba fijerin’i Lamana sy i Lemoela izany dia izany 1 Nefia 17:20–21. Asao ny mpianatra hizara ireo lesona nianarany tamin’ny fanaovana izany fampitahana izany.

Mba hahitana ohatra hafa izay mampiseho ny fahasamihafana nisy teo amin’i Nefia sy ny rahalahiny, Lamana sy Lemoela, dia hevero ny hizara ny teny nambaran’ny Loholona Dale G. Renlund ao amin’ny Kôlejin’ny Apôstôly Roambinifolo ao amin’ny ““Mba hahazoako misintona ny olon-drehetra atỳ Amiko”” manomboka amin’ny mari-potoana 1:58 ka hatramin’ny 3:52. Afaka mitanisa ireo fahasamihafana hitany ny mpianatra ary mifanakalo hevitra momba ireo famaharinana nianarany avy eo.

13:40