Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mitodika amin’ireo loharanom-pahalalana nofidin’ Andriamanitra mba hanampiana amin’ny fitadiavana valim-panontaniana: Ireo loharanom-pahalalana nofidin’ny Tompo

“Mitodika amin’ireo loharanom-pahalalana nofidin’ Andriamanitra mba hanampiana amin’ny fitadiavana valim-panontaniana: Ireo loharanom-pahalalana nofidin’ ny Tompo”, Testamenta Taloha: Boky torolalana ho an’ny mpampianatra seminera (2026)

Fifehezana fotopampianarana: Mitady valiny ho an’ireo fanontaniako: Lesona 165

Mitodika amin’ireo loharanom-pahalalana nofidin’ Andriamanitra mba hanampiana amin’ny fitadiavana valim-panontaniana

Ireo loharanom-pahalalana nofidin’ny Tompo

A young woman in Thailand sits on a couch studying. In some shots her father is with her.

Satria miaina ao anatin’ny fotoana izay maro no “milaza ny ratsy ho tsara ary na tsara ho ratsy” (Isaia 5:20) isika, dia mety ho sarotra ny mamantatra ny fahamarinana. Na izany aza dia efa nanome ireo fanampiana ilaina ny Ray any An-danitra sy i Jesoa Kristy. Ity lesona ity dia afaka manampy ny mpianatra hikatsaka fahamarinana avy amin’ireo loharano nomen’ny Ray any An-danitra sy i Jesoa Kristy tamim-pitiavana.

Fanomanana ny mpianatra: Asao ny mpianatra hieritreritra hoe inona avy ireo loharanom-pahalalana hitodihan’izy ireo rehefa manana fanontaniana momba izao manaraka izao izy ireo: enti-mody, zavatra mahaliana na fialam-boly, zava-nitranga ara-tantara, ny filazantsaran’ny Mpamonjy sy ny Fiangonany. Asao izy ireo hisaintsaina ny antony hitodihan’izy ireo amin’ireo loharanom-pahalalana hitan’izy ireo.

Sahanasa fianarana azo atao

Inona no marina?

Hevero ny hanomboka ny fotoam-pianarana amin’ny alalan’ny fampisehoana zavatra azo tsapain-tanana na sary iray izay sandoka. Ohatra, azonao atao ny mampiseho ilay sary ao anatin’ny lesona momba ilay mpivoy bisikileta sy ilay bera. Angataho ny mpianatra mba hizara raha toa ka mino izy ireo fa tena misy ilay sary. Avy eo dia asehoy ilay sary marina izay maneho ilay mpivoy bisikileta fotsiny.

Oviana ianao no nahita na namaky zavatra izay nahatonga anao hametra-panontaniana raha marina izany?
Inona no mety hampananosarotra ny famantarana ny fahamarinana amin’izao androntsika izao?

Tamin’ny alalan’ny mpaminany Isaia, ny Tompo dia nampitandrina mikasika ny olana iray izay hatrehantsika amin’izao androntsika izao ka hanasarotra ny famantarana ny fahamarinana. Vakio ny Isaia 5:20, ka tadiavo ny zavatra nampianarin’ny Tompo.

Oviana ianao no nahita zavatra ratsy nantsoina hoe “tsara” na zavatra tsara nantsoina hoe “ratsy”?

Mba hanampiana antsika hahatakatra ny filana fitandremana rehefa manavaka ny fahamarinana sy ny fahadisoana dia nanazava ny Filoha Dallin H. Oaks ao amin’ny Fiadidiana Voalohany hoe:

Isika dia miaina ao anatin’ny fotoana izay iparitahan’ny fampahalalana sy ivelarany lehibe tokoa. Saingy tsy marina avokoa izany fampahalalana rehetra izany. Mila mailo isika rehefa mikatsaka fahamarinana sy misafidy ireo loharano ho an’izany fikarohana izany. Tsy tokony hoheverintsika ho loharanom-pahamarinana azo antoka ny zavatra manan-danja na manam-pahefana amin’izao tontolo izao. Tokony ho mailo isika amin’ny fianteherana amin’ny fampahalalana na ny torohevitra atolotr’ireo olo-malaza na mpanao fanatanjahan-tena fanta-daza na loharano tsy fanta-pihaviana ao amin’ny internet. Ny fahaizana amin’ny sehatra iray dia tsy tokony horaisina ho fahaizana momba ny fahamarinana amin’ny lohahevitra hafa. (“Ny fahamarinana sy ilay drafitra”, Liahona, nôv. 2018, 25)

Apetraho amin’ny tenanao ireto fanontaniana manaraka ireto:

Manao ahoana ny fatokian-tenanao amin’ny fahaizanao mamantatra fahamarinana?
Iza no azonao itokiana fa hanome valim-panontaniana marina momba ireo fanontaniana mikasika nyny filazantsara sy ireo fanontaniana mifandray amin’ny Fiangonana?

Tia antsika ny Ray any An-danitra sy i Jesoa Kristy ary te hanampy antsika hamantatra ny tena marina sy izay tsy izy Izy Ireo. Mandritra ny lesona anio dia henoy tsara ny bitsiky ny Fanahy mba hanampiana anao hamantatra ny zavatra nomen’Izy Ireo antsika.

Ireo loharanom-pahalalana nofidin’ Andriamanitra

Vakio ny andiam-pehezanteny 11 sy 12 ao amin’ny fizarana “Mahazo fahalalana ara-panahy” ao amin’ny Tahirin-kevitra fototra ho an’ny fifehezana fotopampianarana (2023) ary asio marika ireo fampianarana tsapanao fa manan-danja ny ahafantarana azy rehefa mikatsaka valiny amin’ireo fanontanianao ianao.

Azonao atao ny manasa ny mpianatra hizara amin’ny namana iray ny zavatra hitany sy ny antony iheverany izany ho manan-danja.

Asao ny mpianatra mba hizara amin’ny iray kilasy ny zavatra nianarany. Mety hahita fahamarinana toa ireto izy ireo:

Nomen’ny Tompo loharanom-pahalalana nofidin’ Andriamanitra isika mba hanampiana antsika hahita valiny sy fitarihana.
Hanampy antsika hanavaka ny fahamarinana amin’ny fahadisoana ny Tompo rehefa mitodika amin’ireo loharanom-pahalalana voafidy isika, anisan’izany ny fikatsahana fitarihana avy amin’ny Fanahy Masina.

Nahoana araka ny eritreritrao no zava-dehibe ny miantehitra amin’ireo loharanom-pahalalana nofidin’ Andriamanitra rehefa mikatsaka ny valin’ireo fanontaniantsika isika?

Manavaka ny marina sy ny diso

Mba hanomezana ohatra amin’ny fomba anampian’ny Tompo antsika hanavaka ny fahamarinana amin’ny fahadisoana, dia azonao atao ny mandalina ny tantara ao amin’ny soratra masina momba an’i Satana mifanehitra amin’i Mosesy ao amin’ny Mosesy 1. Hevero ny hampiseho ilay sary ao anatin’ny lesona momba an’i Satana mifanehitra amin’i Mosesy. Anontanio ny mpianatra ny zavatra fantany na tadidiny momba io tantara io.

Rehefa avy niresaka tamin’ Andriamanitra nifanatrika i Mosesy dia tonga i Satana ary nanandrana namitaka an’i Mosesy mba hitsaoka azy (jereo ny Mosesy 1:12).

Hevero ny handamina ny mpianatra ho tsiroaroa. Azon’ny mpianatra atao ny mandalina manokana ireo andininy etsy ambany ary avy eo mifampizara ny valintenin’izy ireo amin’ireto fanontaniana manaraka ireto:

Vakio ny Mosesy 1:13–16, ka tadiavo ny fomba nahafahan’i Mosesy nanavaka an’i Satana tamin’ Andriamanitra.

Inona no hitanao?
Ahoana no ahafahantsika mampifandray ny zavatra niainan’i Mosesy amin’ny fiainantsika rehefa misafidy loharanom-pahalalana isika mba hahitana fahamarinana sy valiny amin’ireo fanontaniantsika?

Mety hanome valinteny toy izao ny mpianatra: afaka mamantatra fahamarinana isika amin’ny alalan’ny fisaintsainana ny zavatra niainantsika niaraka tamin’ Andriamanitra; afaka miantehitra amin’ Andriamanitra isika amin’ny maha loharanon’ny fahamarinana faratampony ho antsika Azy, na afaka manampy antsika hanavaka ny fahazavana sy ny haizina Andriamanitra.

Azonao atao ny mampiseho ny ambin’ilay horonan-tsary “In Search of Truth,” manomboka eo amin’ny mari-potoana 1:27 ka hatramin’ny 3:03. Azon’ny mpianatra atao ny mitady sy mizara izay loharanom-pahalalana ampiasain’ireo olona ao amin’ilay horonan-tsary mba hitadiavana fahamarinana.

3:3

Raha manampy dia hevero ny hampiseho ity fanontaniana manaraka ity sy hanasa ny mpianatra hanoratra ny valintenin’izy ireo eo amin’ny taratasy kely iray. Azon’ny mpianatra atao ny mamoritra ny taratasiny ary mametraka izany ao anaty fitoeran-javatra iray. Avy eo dia azon’ny mpianatra atao ny misintona sy mamaky valinteny maromaro izay nosoratan’ny mpianatra hafa.
Inona ny zavatra maha-feno fankasitrahana anao ny fahafantaranao azy kanefa tsy ho fantatrao raha tsy teo ireo loharanom-pahalalana nofidin’ Andriamanitra izay nomen’ny Ray any An-danitra amin’izao androntsika izao? Nahoana?

Fanazaran-tena

Ity sahanasa manaraka ity dia natao hanampiana ny mpianatra hizatra hitodika amin’ireo loharanom-pahalalana nofidin’ Andriamanitra mba hitadiavana ny valin’ny fanontanian’izy ireo.

Zarao ho tsiroaroa na anaty vondrona kely ny mpianatra ary asehoy ireto fehezanteny manaraka ireto. Azonao atao ny mampifanaraka ireo fehezanteny ireo amin’ny zavatra ilain’ny mpianatrao.

Ampiasao ny iray amin’ireto fehezanteny diso manaraka ireto na misafidana iray noforoninao manokana:

Diso: Tsy mampaninona an’ Andriamanitra firy izay fomba fiainantsika raha mbola tsy mandratra ny hafa koa isika.
Diso: Tsy misy afa-tsy ity fiainana ity irery ihany. Tsy nisy isika talohan’ny nahaterahantsika, ary tsy hisy isika aorian’ny fahafatesantsika.
Diso: Tena tsy mila ny Bokin’ i Môrmôna mihitsy isika satria efa manana ny Baiboly.

Amin’ny alalan’ny fampiasana loharanom-pahalalana nofidin’ Andriamanitra, tadiavo ireo fehezanteny izay manitsy ilay fehezanteny diso nosafidinao. Raketo an-tsoratra ao amin’ny diary fandalinanao ny zavatra hitanao.

Ireto manaraka ireto dia ohatra amin’ireo loharanom-pahalalana nofidin’ Andriamanitra azonao ampiasaina:

Andinin-tsoratra masina fifehezana fotopampianarana, Torolalana ho an’ny Soratra Masina, na Tovana ho an’ny soratra masina
Lohahevitra sy fanontaniana ao amin’ny ChurchofJesusChrist.org
Lahateny nandritra ny fihaonamben’ny Fiangonana maneran-tany
Médiathèque de l’Évangile
Ny ray aman-dreninao na ny mpitarika ao amin’ny Fiangonana
Raha mila fanampiana ny mpianatra dia hevero ny hizara ireto loharanom-pahalalana manaraka ireto ho ohatra:
- Tsy mampaninona an’ Andriamanitra firy izay fomba fiainantsika raha mbola tsy mandratra ny hafa koa isika. (Eksodosy 20:3–17; “Ireo didy” ao amin’ny Lohahevitra sy fanontaniana)
- Tsy misy afa-tsy ity fiainana ity irery ihany. Tsy nisy isika talohan’ny nahaterahantsika, ary tsy hisy isika aorian’ny fahafatesantsika. (Abrahama 3:22–23; Jeremia 1:4–5; Joba 19:25–26; “Drafitry ny famonjena” ao amin’ny Lohahevitra sy fanontaniana)
- Tena tsy mila ny Bokin’ i Môrmôna mihitsy isika satria efa manana ny Baiboly. (Ezekiela 37:15–17; 2 Nefia 29:6–10; “Bokin’i Môrmôna” ao amin’ny Lohahevitra sy fanontaniana)
Rehefa avy nomena fotoana ampy ny mpianatra dia asao izy ireo hanoratra eny amin’ny solaitrabe ireo fehezanteny marina ho an’ny tsirairay amin’ireo fehezanteny diso ireo.

Asao ny mpianatra hizara ny loharanom-pahalalana nitodihany sy ny zavatra hitany avy tao amin’ireo loharanom-pahalalana ireo. Azon’ny mpianatra atao ihany koa ny mizara ny zavatra nataony mba hahitana ny valinteniny.

Mba hamaranana ny fotoam-pianarana dia hevero ny hametraka ity fanontaniana manaraka ity: Azonao atao ihany koa ny mizara ny zavatra niainanao na ny fijoroana ho vavolombelona anananao momba ireo loharanom-pahalalana nofidin’ ny Ray any An-danitra sy i Jesoa Kristy.
Inona no nianaranao androany mikasika ireo loharanom-pahalalana nofidin’ Andriamanitra izay nomen’ny Ray any An-danitra sy i Jesoa Kristy tamim-pitiavana ho antsika?

Loharanom-pitaovana fanampiny

Aiza no ahafahako mahita fahamarinana?

Nijoro ho vavolombelona ny Filoha Russell M. Nelson hoe:

Andriamanitra no loharanon’ny fahamarinana rehetra. Ny Fiangonan’i Jesoa Kristy ho an’ny Olomasin’ny Andro Farany dia manaiky ny fahamarinana rehetra izay ampitain’ Andriamanitra amin’ireo zanany, na nianarany tao amin’ny laboratoara siantifika izany na azo tamin’ny fanambarana mivantana avy Aminy. (“Inona no marina?” Liahona, nôv. 2022, 30)

Inona no afaka manampy ahy hamantatra loharano marina?

Nanazava ny Filoha Dieter F. Uchtdorf, fony izy tao amin’ny Fiadidiana Voalohany hoe:

Raha ny marina dia manana namana mahery vaika sy mpitarika azo ianteherana ianao ato anatin’ity fikarohana tsy ankiato ny fahamarinana ity. Iza izany? Ny Fanahy Masina izany. Fantatry ny Raintsika any An-danitra fa ho sarotra ho antsika ny hanavaka ao anatin’ny tabataba rehetra izay miezaka ny hisarika ny sofina ka hahita ny fahamarinana mandritra ny fiainantsika eto an-tany. Fantany fa tsy hahita afa-tsy ampahany amin’ny fahamarinana fotsiny isika, ary fantany fa hiezaka ny hamitaka antsika i Satana. Noho izany dia nomeny antsika ny fanomezana avy any an-danitra, dia ny Fanahy Masina, mba hanazava ny saintsika sy hampianatra antsika ary hijoro ho vavolombelona amintsika momba ny fahamarinana. (“What Is Truth?“ [worldwide devotional for young adults, Jan. 13, 2013], Médiathèque de l’Évangile)

Ny Boky torolalan’ny Fiangonana maneran-tany an’ Ny Fiangonan’ I Jesoa Kristy Ho An’ Ny Olomasin’ Ny Andro Farany dia milaza izao manaraka izao:

Mora ny mahazo sy mizara fampahalalana eto amin’ity izao tontolo izao ankehitriny ity. Mety ho fitahiana lehibe ho an’ireo izay mikatsaka ny hianatra sy hahafanta-javatra izany. Kanefa loharanom-pahalalana maro no tsy azo antoka sy tsy manabe amin’ny tsara. Ny loharanon-kevitra sasany dia mamporisika ny hatezerana, na ny fifandirana, na ny tahotra, na manome vahana ny foto-kevitra mifono tsikombakomba izay tsy misy fotony (jereo ny 3 Nefia 11:30; Môzià 2:32). Noho izany dia zava-dehibe ny hananan’ny mpikamban’ny Fiangonana fahendrena eo am-pikatsahany ny fahamarinana.

Ny mpikamban’ny Fiangonana dia tokony tsy hitady sy tsy hizara afa-tsy loharanom-pahalalana azo antoka, azo ianteherana, ary marina. Tokony hialan’izy ireo ny loharanon-kevitra izay tsy voaporofo na mifototra amin’ny tsaho. Ny fitarihan’ny Fanahy Masina miaraka amin’ny fandalinana amim-pitandremana tsara dia afaka manampy ny mpikambana hanavaka ny marina sy ny diso (jereo ny Fotopampianarana sy Fanekempihavanana 11:12; 45:57). Mahakasika ny fotopampianarana sy ny fitsipiky ny Fiangonana, ny loharanom-pitaovana nahazoana fankatoavana dia ny soratra masina, sy ny fampianaran’ireo mpaminany velona, ary ny Boky torolalan’ny Fiangonana maneran-tany. (Boky torolalan’ny Fiangonana maneran-tany: Manompo ao amin’ Ny Fiangonan’i Jesoa Kristy ho an’ny Olomasin’ny Andro Farany, 38.8.41, Médiathèque de l’Évangile)

Aiza no ahafahantsika mahita ny fotopampianarana marin’i Jesoa Kristy?

Nampianatra ny Loholona Neil L. Andersen ao amin’ny Kôlejin’ny Apôstôly Roambinifolo hoe:

14:56

Misy olona vitsivitsy izay mametra-panontaniana ny amin’ ny finoan’ izy ireo rehefa mahita teny iray nambaran’ ny mpitarika iray tato amin’ ny Fiangonana am-polon-taonany maro lasa izay, izay toa tsy mifanaraka amin’ ny fotopampianarantsika. Misy fitsipika iray manan-danja izay mitantana ny fotopampianaran’ny Fiangonana. Ampianarin’ireo mpikambana 15 ao amin’ny Fiadidiana Voalohany sy ny [Kôlejin’ny Roambinifololahy] izany fotopampianarana izany. Tsy miafina ao anatina andiam-pehezanteny iray saro-takarina ao anaty lahateny iray izany. Ampianarina imbetsaka ary ampianarin’ny olona maro ny fitsipika marina. Tsy sarotra hita ny fotopampianarantsika. (“Fitsapana ny finoanao”, Liahona, nôv. 2012, 41)

Sahanasa fianarana fanampiny

Ny maha zava-dehibe ny ezaka

Diniho ity teny manaraka nambaran’ny Filoha Russell M. Nelson ity.

Ireo mpianatra malaina sy manao tsirambina dia hijalijaly mandrakariva vao mahangona na dia sombiny amin’ny finoana aza.

Mitaky ezaka ny fahombiazana amin’ny zava-drehetra. Tsy maningana amin’izany ny fahalasana ho mpianatra marina an’i Jesoa Kristy. Mitaky ezaka ny fampitomboana ny finoanao sy ny fahatokianao Azy. (“Nitsangana i Kristy; hamindra tendrombohitra ny finoana Azy”, Liahona, mey 2021, 103.)

Asao ny mpianatra hizara ny zavatra tsapany momba ny fomba ifandraisan’io teny nambara io amin’ny fitodihana amin’ireo loharanom-pahalalana nofidin’ Andriamanitra mba hahazoana fanampiana amin’ny fitadiavana ny valin’ireo fanontaniantsika.

Mba hahitana ohatra amin’ny fikatsahana amim-pahavitrihana mifanohitra amin’ny fianarana feno hakamoana dia hazavao fa i Lehia mpaminany ao amin’ny Bokin’i Môrmôna dia nitantara nofy iray tamin’ny fianakaviany. Tsy takatry ny fianakaviany ilay nofy. Asao ny mpianatra hamaky ny 1 Nefia 10:17–19; 11:1 sy ny 1 Nefia 15:1–3, 6–9, ka hampitaha ny fihetsika nasehon’i Nefia amin’ny fihetsika nasehon’i Lamàna sy i Lemoela. Azonao atao ihany koa ny mametraka fanontaniana toy ireto manaraka ireto:

Inona no ianaranao avy amin’ny ohatra nasehon’i Nefia sy ireo rahalahiny?
Amin’ny fomba ahoana araka ny eritreritrao no hoe fitahiana ny fiandrandran’ Andriamanitra ny hanaovantsika ezaka toy izay hoe homeny valim-panontaniana fotsiny isika?

Mampiasà loharanom-pahalalana azo antoka

Mba hanampiana ny mpianatra hahafantatra ny fomba hanombanana ny kalitaon’ny loharanom-pahalalana ananan’izy ireo dia zarao ireo torohevitra hita ao amin’ilay lahatsoratra hoe “Consult Reliable Sources.” Azonao zaraina amin’ny mpianatra ireo torohevitra ireo ary asao izy ireo hamintina ny zavatra novakiny sy ny antony ahatsapan’izy ireo fa manan-danja izany torohevitra izany.

Manavaka ny marina amin’ny diso

Raha tsapanao fa afaka mahazo tombontsoa avy amin’ny fifanakalozan-kevitra misimisy kokoa momba ny fahafantarana ireo loharanom-pahalalana azo antoka ny mpianatrao dia hevero ny hanoratra ireto andinin-tsoratra masina manaraka ireto eny amin’ny solaitrabe. Azonao atao ny mandamina ny mpianatra ho tsiroaroa, ka ny mpianatra tsirairay dia mandalina andinin-tsoratra masina iray na roa. Avy eo dia azon’ny mpianatra atao ny manazava amin’ilay iray hafa ny zavatra nianarany momba ny famantarana loharanom-pahalalana azo antoka sy tsy azo antoka.

Jakoba 1:5–6
Môrônia 7:15–17
Môrônia 10:5–6
Fotopampianarana sy Fanekempihavanana 1:37–38

Mahita fahamarinana ao amin’ireo loharanm-pahalalana avy amin’ Andriamanitra

Hevero ny hampiseho ny ampahany amin’ilay horonan-tsary hoe “Divinely Appointed Sources“ (9:16) mba hahafahan’ny mpianatra mandre ny zavatra niainan’ny zatovo sasany amin’ny alalan’ny fitodihana amin’ireo loharanom-pahalalana nofidin’ Andriamanitra mba hahitana fahamarinana. Azonao atao ny mampiseho io horonan-tsary io mialoha na aorian’ilay sahanasa fampiharana.

9:16