Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Manao asa amim-pinoana mba hahitana valiny: Mandroso hatrany, matoky ny Tompo

“Manao asa amim-pinoana mba hahitana valiny: Mandroso hatrany, matoky ny Tompo”, Testamenta Taloha: Boky torolalana ho an’ny mpampianatra seminera (2026)

“Manao asa amim-pinoana mba hahitana valiny: Mandroso hatrany, matoky ny Tompo”, Testamenta Taloha: Boky torolalana ho an’ny mpampianatra seminera

Fifehezana fotopampianarana: Lesona 163

Manao asa amim-pinoana mba hahitana valiny

Mandrosoa hatrany, matoky ny Tompo

A young woman in a green striped shirt and black skirt leans down to hug her friend who is sitting in a wheelchair.

Mety ho sarotra ny miandry ny sitrapon’ny Ray any An-danitra sy ny fotoanany mba handraisana ny valin’ireo fanontaniantsika momba ny filazantsara. Tantara maro ao amin’ny Testamenta Taloha no maneho ny fomba nanohizan’ireo mpanara-dia an’ Andriamanitra nanao safidy izay naneho ny finoany sy ny fahatokiany Azy teo am-pikatsahana valim-panontaniana. Ity lesona ity dia afaka manampy ny mpianatra hanao asa amim-pinoana an’i Jesoa Kristy rehefa mikatsaka valiny amin’ny fanontaniany momba ny filazantsara izy ireo.

Fanomanana ny mpianatra: Asao ny mpianatra hamerina hijery ny andiam-pehezanteny 5–7 ao amin’ny fizarana “Mahazo fahalalana ara-panahy” ao amin’ny Tahirin-kevitra fototra ho an’ny fifehezana fotopampianarana (2023). Azon’izy ireo atao ny miomana hizara ny antony iheveran’izy ireo fa manan-danja ny zavatra ataontsika rehefa mikatsaka valiny amin’ireo fanontaniana na olana momba ny filazantsara isika.

Sahanasa fianarana azo atao

Miandry ny Tompo mba hahazoana valim-panontaniana

Hevero ny hampiseho sary avy amin’ny tantara vitsivitsy ao amin’ny Testamenta Taloha momba ireo olona izay nanao asa tamim-pinoana ny Tompo. Azonao atao ny manome an’ireo vondrona kelin’ireo mpianatra andinin-tsoratra masina iray mba hohalalininy; andinin-tsoratra masina izay mifanaraka amin’ny iray amin’ireo sary. Afaka misafidy tantara toa an’ireto ianao:

Ilay vehivavy mahatoky tao Zarefata nandritra ny mosary (1 Mpanjaka 17:7–12).
Namàna nikatsaka fanasitranana ny habokany (2 Mpanjaka 5:1–3, 9–10).
Ny antson’i Enoka mba hitory ny filazantsara (Mosesy 6:26–28, 31).

Azon’ny mpianatra atao ny mamaky ny ampahany amin’ilay tantara izay mampahafantatra ny toe-javatra sarotra (andinin-tsoratra masina ao anaty fononteny etsy ambony) ary hamaly ireto fanontaniana manaraka ireto. (Any aoriana any mandritra ny lesona dia handalina ny fomba nanaovan’ireo olona ireo asa tamim-pinoana ireo mpianatra.)

Ahoana no nitakian’ny toe-javatra niainan’io olona io finoana ny Tompo?
Inona avy ireo olana na toe-javatra mety hatrehin’ireo zatovo amin’izao fotoana izao izay mitaky azy ireo hanao asa izay maneho ny finoan’izy ireo ny Tompo?

Raha mety hanampy ny mpianatra ny mamantatra ohatra amin’izao andro maoderina izao dia azonao atao ny mampiseho ilay horonan-tsary “Act in Faith: The Stonemason” (4:57), manomboka eo amin’ny mari-potoana 0:00 ka hatramin’ny 1:48, ary asao ny mpianatra hitady ireo toe-javatra sarotra natrehin’ireo zatovo roa ireo. Hevero ny hanampy ny mpianatra hamantatra ireo fanontaniana nananan’ireo zatovo. Azonao atao ny manasa ny mpianatra hanoratra ireo fanontaniana eo amin’ny antsasaky ny solaitrabe.

4:56

Rehefa avy namantatra fanontaniana maromaro ny mpianatra dia azonao atao ny manasa azy ireo hamaly ao amin’ny diary fandalinan’izy ireo ireto manaraka ireto.
Oviana ianao na ny olona iray fantatrao no nanana fanontaniana na olana momba ny filazantsara?
Inona avy ireo zavatra nataonao na azonao atao mba hahatsapana ho akaiky kokoa ny Mpamonjy rehefa manana ahiahy na fanontaniana momba ny filazantsara ianao?

Ara-drariny ny fananana fanontaniana na ahiahy momba ny Ray any An-danitra, na i Jesoa Kristy, na ny filazantsaran’Izy Ireo. Ireo fitsipika telon’ny Fahazoana fahalalana ara-panahy dia afaka manampy antsika hamakivaky fanontaniana na olana sarotra. Ireo fitsipika ireo dia afaka manampy antsika hahatakatra ny fomba hijanonana eo akaikin’ny Ray any An-danitra sy i Jesoa Kristy rehefa mikatsaka valim-panontaniana isika.

Ny finoana dia fitsipiky ny asa

Azonao lazaina amin’ny mpianatra fa hifantoka amin’ilay fitsipika voalohany ny lesona androany: Manao asa amim-pinoana. Soraty eny amin’ny solaitrabe ity fahamarinana tsy feno manaraka ity: Rehefa miatrika fanontaniana na olana amin’ny filazantsara isika dia afaka manao asa amim-pinoana an’i Jesoa Kristy amin’ny alalan’ny …

Azonao atao ny mandika ity tabilao manaraka ity eny amin’ny solaitrabe, ary manasa ny mpianatra hitady fomba iray farafahakeliny hamenoana ilay fahamarinana natao soratra matevina avy amin’ny andiam-pehezanteny tsirairay.

Vakio ny andiam-pehezanteny 5, 6, ary 7 ao amin’ny fizarana “Mahazo fahalalana ara-panahy” ao amin’ny Tahirin-kevitra fototra ho an’ny fifehezana fotopampianarana (2023), ka tadiavo ireo fomba hamenoana ilay fehezan-teny eny amin’ny solaitrabe.

	Rehefa miatrika fanontaniana na olana mikasika ny filazantsara isika dia afaka manao asa amim-pinoana an’i Jesoa Kristy amin’ny alalan’ny …
andiam-pehezanteny 5
andiam-pehezanteny 6
andiam-pehezanteny 7

Ahoana no hamenoanao ilay fehezanteny eny amin’ny solaitrabe amin’ny alalan’ny fampiasana ny andiam-pehezanteny tsirairay?
Misy fomba hafa ve hanaovana asa amim-pinoana an’i Jesoa Kristy izay ho ampidirinao ao amin’io lisitra io?

Azon’ny mpianatra atao ny mameno ilay fehezanteny amin’ny andian-teny toy ny hoe:

… manohy mitandrina ny didy. (andiam-pehezanteny 5)

… miantehitra amin’izay efa fantatsika fa marina. (andiam-pehezanteny 6)

… matoky ny Ray any An-danitra mandra-pandraisantsika valiny. (andiam-pehezanteny 7)

Azonao ampiasaina ireto manaraka ireto mba hanomezana fahafahana ny mpianatra hanombantombanana hoe hatraiza ny fahatsapan’izy ireo fa afaka mampiasa ny tsirairay amin’ireo fehezanteny telo ireo izy ireo mba hamaliana ny fanontaniany na ny olana momba ny filazantsara izany ananany.

Makà fotoana hisaintsainana ireo fomba ireo mba hanaovana asa amim-pinoana an’i Jesoa Kristy rehefa manana fanontaniana ianao. Raha mampiasa ny mari-drefy 1 (matoky kely) hatramin’ny 5 (tena matoky), dia hatraiza ny fatokian-tenanao rehefa manao asa amim-pinoana ny Mpamonjy amin’ireo fomba ireo ianao? Henoy tsara ireo bitsika avy amin’ny Fanahy mba hanampiana amin’ny fampitomboana ny fatokiantenanao amin’ireo lafin-javatra izay fantatrao fa azonao hatsaraina.

Asa izay maneho ny finoantsika an’i Jesoa Kristy

Alaovy sary an-tsaina hoe nasaina ianao hanome torohevitra ho an’ny olona iray izay nanana fanontaniana na olana momba ny filazantsara. Misafidiana anankiroa farafahakeliny amin’ireto fehezanteny tsy feno manaraka ireto:

Mitadiava fomba ahafahan’io olona io manao asa amim-pinoana an’i Jesoa Kristy amin’ny alalan’ny famaliana ireto fanontaniana manaraka ireto:
- Inona avy ireo didy azony tohizana ny fitandremana azy?
- Inona no antenainao ho fantatr’io olona io na hotsaroany momba ny Ray any An-danitra sy i Jesoa Kristy?
- Inona no azony atao mba hanehoana fatokiana Azy Ireo?
Mitadiava andinin-tsoratra masina fifehezana fotopampianarana iray farafahakeliny na andinin-tsoratra masina hafa izay afaka manampy io olona io hanao asa amim-pinoana an’i Jesoa Kristy.
Mitadiava teny nambara avy amin’ny mpitarika iray ato amin’ny Fiangonana izay mety hanampy io olona io hanao asa amim-pinoana an’i Jesoa Kristy.

Rehefa avy nomena fotoana ampy ny mpianatra dia asao izy ireo hizara amin’ny namana iray ny torohevitra mety homen’izy ireo. Azonao atao ihany koa ny manome fahafahana ny mpianatra hizara ny zavatra niainan’izy ireo tamin’ny fanaovana asa tamim-pinoana an’i Jesoa Kristy teo am-pikatsahana valinteny momba ny filazantsara na fitahiana.

Manaova drafitra hanaovana asa amim-pinoana

Hevero ny hanasa ny mpianatra hanao drafitra mba hanao asa amim-pinoana an’i Jesoa Kristy rehefa miatrika fanontaniana na ahiahy mikasika ny filazantsara izy ireo. Fomba iray hanaovana izany ny mizara ireto fisarihan-tsaina manaraka ireto mba hovaliana ao amin’ny diary fandalinan’izy ireo. Raha ilaina dia azonao atao ny mangataka izay mpianatra manana fahavononana mba hizara ny zavatra nosoratany.

Ny zavatra tiako hotsaroana momba ny fanaovana asa amim-pinoana an’i Jesoa Kristy dia .
Ny zavatra iray tiako hatao mba hanaovana asa amim-pinoana an’i Jesoa Kristy amin’ny fotoana manaraka hisian’ny fanontaniana na olana dia .

Loharanom-pitaovana fanampiny

Nahoana no zava-dehibe ny asa ataoko rehefa manana fanontaniana momba ny filazantsara aho?

Nampianatra izao ny Loholona Dale G. Renlund ao amin’ny Kôlejin’ny Apôstôly Roambinifolo:

13:52

Mihalalina ny finoana rehefa manao zavatra amin’ny fomba izay mampifikitra antsika mafy kokoa [amin’i Jesoa Kristy] isika.

Mety ho nahafinaritra raha nifindra toy ny sery na gripa ny finoana matanjaka. Raha izany dia ny “fihevonana ara-panahy” tsotra dia hanorina finoana ao amin’ny hafa. Saingy tsy izany no fandehany. Ny hany fomba hahafahan’ny finoana hitombo dia ny fanaovan’ny olona iray asa amim-pinoana. Mitranga avy amin’ny fanasana nomen’ny hafa ireo fihetsika ireo, saingy tsy afaka “mampitombo” ny finoan’olon-kafa isika na miantehitra amin’ny hafa irery ihany mba hampitombo ny an’ny tena manokana. Mba hahafahan’ny finoantsika hitombo, dia tsy maintsy misafidy isika ny hanao zavatra manorina finoana, toy ny mivavaka, mandalina soratra masina, mandray ny fanasan’ny Tompo, mitandrina ny didy ary fanompoana ny hafa. (“Fanolorantena tsy voahozongozona amin’i Jesoa Kristy”, Liahona, nôv. 2019, 23)

Ahoana no ahafahako miantehitra amin’ny zavatra efa fantatro?

Nizara izao ny Filoha Jeffrey R. Holland ao amin’ny Kôlejin’ny Apôstôly Roambinifolo:

14:44

Rehefa tonga ny olana ka mipetraka ny fanontaniana, rehefa mikatsaka finoana ianao dia aza atomboka amin’ny hoe hatraiza ny tsy fanananao finoana, aza atomboka amin’ny “tsy finoanao.” Izany dia toy ny mampiletra zavatra betsaka ny vorontsiloza avy any amin’ny vavany! Aoka aloha hazava tsara ity zavatra iray ity: Tsy mangataka anareo aho hilaza ho manana ny finoana izay tsy anananareo. Ny tena angatahiko aminareo dia ny hiorim-paka amin’ny finoana izay tena anananareo. Indraindray isika dia manao toy ny hoe ny fanambarana [amin-kitsim-po] ny tsy finoana no maneho herim-po ara-môraly lehibe kokoa toy izay ny fanambarana [amin-kitsim-po] ny finoana. Tsy izany mihitsy! Koa aoka isika rehetra hahatsiaro ny hafatra mazava ao amin’ity tantara ao amin’ny soratra masina ity: Aoka ianao ho marina araka izay ilaina momba ny ahiahinao; rakotra azy ireny ny fiainana ary manana karazana ahiahy foana isika rehetra. Saingy raha te ho sitranina ianao sy ny fianakavianao dia aza avela hanembantsembana ny finoana ireo ahiahy ireo ka tsy hahafahany miteraka fahagagana. (“Tompo ô, mino aho”, Liahona, mey 2013, 94)

Nizara izao ny Loholona Neil L. Andersen ao amin’ny Kôlejin’ny Apôstôly Roambinifolo:

32:25

Tiako ny lesona nampianarin’ny Filoha Dallin H. Oaks ny zanany lahy rehefa nametraka fanontaniana izay tsy voazava mazava tsara ao amin’ny fotopampianaran’i Kristy izy. Ny valiny nomeny dia hoe: “Anaka, tsy fantatro ny valin’izany fanontaniana izany saingy hamaly fanontaniana anankiray izay ananako valiny aho.” Dia nijoro ho vavolombelona ny amin’ny Mpaminany Joseph Smith sy ny Fahitana Voalohany izy. Aoka isika hivonona hiteny hoe: “Tsy fantatro ny momba izany, fa ity kosa dia fantatro. (“Ny herin’i Jesoa Kristy sy ny fotopampianarana madio” [Fampitana mivantana nataon’ny Departemantan’ny Fampianarana an’ny Fiangonana, 11 jona 2023], broadcasts.ChurchofJesusChrist.org).

Sahanasa fianarana fanampiny

Ohatra fanampiny ao amin’ny Testamenta Taloha momba ny fanaovana asa amim-pinoana an’i Kristy

Ireo ohatra hafa ao amin’ny Testamenta Taloha mikasika ny fanaovana asa amim-pinoana dia hita ao amin’ireto tantara manaraka ireto. Ireo andinin-tsoratra masina ireo dia narafitra mba ho ampiasaina ho fanampin’ireo tantaran’ny finoana ampiasaina ao amin’ny lesona na ho solon’izany.

Toe-javatra sarotra	Manao asa am-pinoana ny Tompo
Toe-javatra sarotra Niampita ny renirano Jordana nyIsiraelita (Josoa 3:9–13)	Manao asa am-pinoana ny Tompo Josoa 3:14–17
Toe-javatra sarotra I Gideona niomana niady tamin’ny Midianita (Mpitsara7:2–8)	Manao asa am-pinoana ny Tompo Mpitsara 7:16–21
Toe-javatra sarotra Nankeo anatrehan’ny mpanjaka i Estera (Estera 4:7–14)	Manao asa am-pinoana ny Tompo Estera 4:15–17; 5:1–3

Ny Loholona David A. Bednar ao amin’ny Kôlejin’ny Apôstôly Roambinifolo dia nampiasa ny tantaran’i Josoa mba hampianarana mikasika ny filantsika manao asa amim-pinoana. Azonao atao ny mampiseho amin’ny mpianatra ny horonan-tsary misy ny hafany izay mitondra ny lohateny hoe “Exercise Faith in Christ” (1:43).

1:44

Mizara hevitra momba ny fomba hanaovana asa amim-pinoana

Mba hanampiana ny mpianatra hanao drafitra hanaovana asa amim-pinoana dia mety hanampy ny famoronana sary eny amin’ny solaitrabe mba ho mora amin’ireo mpianatra ny mizara hevitra amin’ireo mpiara-mianatra hafa. Azonao atao ny manao sarina tabilao misampantsampana eny amin’ny solaitrabe miaraka amin’ny hoe “Manao asa amim-pinoana” ho toy ny hevitra fototra ary ny sampana telo misy ny tsirairay amin’ireo fanambarana anankitelo. Aorian’ny sahanasa fandalinana dia azon’ny mpianatra atao ny mankeny amin’ny solaitrabe ary manoratra hevitra momba ny fomba ahafahan’ny zatovo iray manao asa amim-pinoana amin’ny tsirairay avy amin’ireo lafin-javatra ireo. Azonao atao ihany koa ny manome taratasy kely azo araikitra izay ahafahan’ny mpianatra manoratra ny heviny ary hametraka izany eo ambanin’ny teny nambara tsirairay. Asao ny mpianatra ho eny amin’ny solaitrabe ary hamerina hijery ireo hevitra nozarain’ireo mpiara-mianatra aminy mialoha ny hanaovany ny drafiny.