Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Siviʻi Hono 8 Hoʻo Akó: ʻĪsaia–Selemaia 20

“Siviʻi Hono 8 Hoʻo Akó: ʻĪsaia–Selemaia 20,” Fuakava Motuʻá – Tohi Lēsoni ʻa e Faiako Seminelí (2026)

“Siviʻi Hono 8 Hoʻo Akó: ʻĪsaia–Selemaia 20,” Fuakava Motuʻá – Tohi Lēsoni ʻa e Faiako Seminelí

Selemaia 1–3; 7; 16–18; 20: Lēsoni 133

Siviʻi Hono 8 Hoʻo Akó

A young man sits in his home in Malaysia. He is studying.

ʻOku tokoni ʻetau fakakaukau mo fakafuofuaʻi ʻetau fakalakalaka fakalaumālié ke tau hoko ai ko ha kau ākonga lelei ange ʻa Sīsū Kalaisi. ʻOku fakataumuʻa ʻa e lēsoni ko ʻení ke tokoni ke fakakaukau ʻa e kau akó ki he ngaahi taumuʻa kuo nau fokotuʻú pea mo e tupulaki kuo nau aʻusia lolotonga ʻenau ako kimuí ni ʻo e Fuakava Motuʻá.

Teuteu ʻa e tokotaha akó: Fakakaukau ke ʻoange ki he kau akó e lea ʻa ʻEletā Tēvita A. Petinā ʻi he lēsoní. Fakaafeʻi kinautolu ke fakakaukau ki he founga ʻoku kaunga ai e fakamatala ko ʻení ki heʻenau fakalakalaka fakalaumālié lolotonga e seminelí he taʻu ní. Poupouʻi kinautolu ke vakaiʻi ʻenau ngāué ʻaki hono toe vakaiʻi e ngaahi meʻa ne hiki ʻi heʻenau tohinoá, ngaahi potufolofola kuo nau fakaʻilongaʻí, mo e ngaahi fakamatala kuo nau faí.

Ngaahi ʻEkitivitī Ako ʻOku Ala Fakahokó

Ko e taumuʻa ʻo e lēsoni ko ʻení ke tokoniʻi e kau akó ke vakaiʻi ʻenau fakalakalaka fakalaumālié ʻi he hokohoko atu ʻenau ako e Fuakava Motuʻá. Mahalo naʻe nofotaha hoʻo kalasí ʻi ha ngaahi ola kehekehe mei he ngaahi ola naʻe siviʻi ʻi he lēsoni ko ʻení. Kapau ko ia, liliu e ngaahi ʻekitivitií ke siviʻi ʻa e meʻa naʻe ako ʻe he kau akó ʻi he ngaahi lēsoni semineli fakamuimuitahá. Te ke lava foki ʻo fili ke fakaʻaongaʻi ʻa e Siviʻi Hoʻo Ngaahi ʻEkitivitī Akó ki ha faʻahinga kulupu pē ʻo e Teuteu ki he Moʻuí kuó ke ʻosi akoʻi. ʻOku ʻoatu ha ngaahi fakakaukau ʻi he fakamatala fakalahi ʻo e tohi lēsoni ko ʻení.

ʻI he lēsoni ko ʻení, ʻe siviʻi ʻe he kau akó ʻenau fakalakalaká ʻi ha niʻihi pe kotoa ʻo e ngaahi tafaʻaki ko ʻení:

Fakamatalaʻi e ngaahi huafa mo e ngaahi fatongia ʻo Sīsū Kalaisí (Fakatokangaʻi ange: ʻOku fakaʻaongaʻi ʻe he ʻekitivitī ko ʻení ʻa e Lēsoni 113: “Talateu kia ʻĪsaiá,” ka ʻe ala fakaʻaongaʻi foki mo ha ngaahi lēsoni kehe.)
Ko hono ongoʻi ha holi lahi ange ke ikunaʻi ʻa e angahalá ʻo fakafou ʻi he Fakalelei ʻa Sīsū Kalaisí (Fakatokangaʻi ange: ʻOku maʻu ʻa e ʻekitivitī ko ʻení mei he Lēsoni 114: “ʻĪsaia 1,” ka ʻe lava pē ke fakaʻaongaʻi foki ʻa e Lēsoni 103: “Saame 24” mo e Lēsoni 124: “ʻĪsaia 53”.)

Ko hono vakaiʻi ʻetau tupulaki mo e fakalakalaka fakalaumālié

Ko ha fakamatala fakanounou ʻeni ʻo ha fakamatala naʻe vahevahe ʻe ʻEletā Maikolo A. Tani ʻo e Kau Fitungofulú.

Kuo laka hake ʻi he senituli ʻe tahá hono “fakakata” ʻaki ʻe he kau lova pasikala ʻa e māmaní ʻa e timi lova pasikala ʻa Pilitāniá. Ka neongo ia, ʻi he 2003, naʻe liliu ia. Naʻe ohi mai ʻe he faiako foʻou ko Teivi Pelesifōtí ha founga foʻou ke fakalakalaka ai. Naʻe nofotaha ʻa Pelesifooti ʻi he meʻa naʻá ne ui “ko hono ʻiloʻi e fanga kiʻi meʻa iiki ke fakatupulakí ʻo maʻu ai ha ola lelei,” kae ʻikai nofotaha ʻi hono “fakahoko ha liliu lahi ʻi ha taimi nounoú.” ʻI hono fakalea ʻe tahá, naʻá ne poupouʻi ʻene kau heka pasikalá ke fai ha fanga kiʻi fakalakalaka iiki ʻi he ngaahi tafaʻaki kotoa pē.

Naʻá ne pehē, “Ne maʻu e tefitoʻi moʻoni ko iá mei he fakakaukau ke veteveteki e ngaahi meʻa lalahí kotoa pē he lova pasikalá ke fakaikiiki, pea fakatupulaki māmālie leva ia, pea te ke maʻu ai ha ola lelei ʻaupito he taimi ʻe fakatahaʻi ai kinautolú” (vakai, “Lelei Ange ʻAki e Peseti ʻe Taha,” Liahona, Nōvema 2021, 106).

ʻE fakaʻaongaʻi fēfē nai ʻa e tefitoʻi moʻoni ko ʻení ki heʻetau fakalakalaka fakalaumālié ʻi heʻetau ngāue ke hoko ko ha kau ākonga lelei ange ʻa Sīsū Kalaisí?

Ke hoko ko ha konga ʻo e fealeaʻakí, te ke lava ʻo vahevahe ʻa e lea ko ʻeni ʻa ʻEletā Petinaá.

Naʻe akonaki ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku finangalo e ʻEikí ke tau fakahoko ha ngaahi fakalakalaka iiki, taʻeueʻia, mo tupulaki fakalaumālie. Ko e teuteu ko ia ke ʻaʻeva taʻe-halaia ʻi he ʻao ʻo e ʻOtuá ko e taha ia ʻo e ngaahi taumuʻa tefito ʻo e moʻui fakamatelié mo e tulifua ʻi he kotoa ʻo e moʻuí; ʻoku ʻikai ko ha ola ia mei he ngaahi momeniti taʻepau ʻo e mālohi fakalaumālie lahí. (“Clean Hands and a Pure Heart,” Liahona, Nov. 2007, 82)

Vahevahe mo e kau akó ko e taumuʻa ʻo e ngaahi lēsoni Siviʻi Hoʻo Akó, ke nau kiʻi tuʻu hifo ʻo fakaafeʻi ʻa e Laumālie Māʻoniʻoní ke tokoni ke nau fakatokangaʻi ʻa e founga ʻoku nau ako mo tupulaki aí.

Ke tokoni ke teuteu e kau akó ke tali e ngaahi fehuʻi hokó, mahalo te ke fie fakapapauʻi ange kiate kinautolu ʻoku ʻikai faingofua hono fakatokangaʻi e leʻo ʻo e Laumālié pea ʻoku fiemaʻu ki ai ha taimi mo ha akoako. Te ke lava ʻo fakamanatu kiate kinautolu ʻa e fakamatala kia Samuelá (vakai, 1 Samuela 3:2–10) pe ko ʻIlaisiā (vakai, 1 Ngaahi Tuʻi 19:11–12).

Tuku ha kiʻi taimi ke ke fakakaukau ki he meʻa kuó ke ako kimuí ni mai ʻi hoʻo ako ʻa e Fuakava Motuʻá. Te ke lava ʻo toe vakaiʻi ʻa e ngaahi potufolofola kuó ke laú mo e ngaahi fakakaukau kuó ke lekooti ʻi hoʻo ngaahi fakamatala pe tohinoa akó.

Ko e hā ha ngaahi ngāue kuó ke fai kimuí ni ke maʻu mo ke fakatokangaʻi e ngaahi ueʻi mei he Laumālie Māʻoniʻoní?
Ko e hā ha ngaahi ongo fakalaumālie kuó ke maʻu kimuí ni mai mei he Laumālie Māʻoniʻoní? Kuó ke ngāueʻi fēfē kinautolú?
Ko e hā ha fanga kiʻi fakalakalaka fakalaumālie iiki kuó ke fakahoko ʻi hoʻo hoko ko e ākonga ʻa Sīsū Kalaisí?
Ko e hā ha ngaahi tafaʻaki te ke kei fiemaʻu ke fakahoko ai ha fanga kiʻi fakalakalaka fakalaumālie iiki?

Fakamatalaʻi e ngaahi huafa mo e ngaahi fatongia ʻo Sīsū Kalaisí

Ke kau ko ha konga ʻo e Lēsoni 113: “Talateu kia ʻĪsaiá,” mahalo naʻe faʻu ʻe he kau akó ha fakatātā fekauʻaki mo e ngaahi huafa mo e ngaahi fatongia ʻo Sīsū Kalaisí. Kapau naʻe fai ʻeni ʻe hoʻo kau akó, te ke lava ʻo kole ange ke nau toe vakaiʻi ʻenau fakatātaá pea tānaki atu mo ha toe ngaahi huafa kuo nau ako kimuí ni mai. Hili iá, te ke lava ʻo ʻai ke nau aleaʻi ʻa e ngaahi fehuʻi ʻoku hoko atu ʻi he fakatātā ʻi laló.

Kapau naʻe ʻikai fakahoko ʻe hoʻo kau akó ʻa e ʻekitivitī ko ʻení, te ke lava ʻo fakaʻaliʻali ʻa e fakatātā ʻi laló. Kole ange ke nau hiki ia ʻi heʻenau tohinoa akó pea ʻoange kiate kinautolu ʻa e ngaahi fakahinohino ko ʻení. ʻOange ha taimi ke nau kumi ai ha ngaahi huafa kehe mahalo naʻa nau ako kimuí ni ʻi he folofolá.

Tohiʻi ʻa e “Sīsū Kalaisí” ʻi lotomālie ʻi he siakalé. Lau ʻa e ʻĪsaia 7:14; 9:6–7 pea hiki ʻa e ngaahi huafa mo e ngaahi fatongia ʻo Sīsū Kalaisi ʻokú ke ʻiló ʻi he ngaahi siakale kehé.

Ko e hā mo ha ngaahi huafa kehe kuó ke toki maʻu kimuí ni? Tānaki atu ʻeni ki hoʻo fakatātaá.

Diagram for Jesus Christ and his various roles

Mahalo ko e lelei tahá ke fakaʻaliʻali e ngaahi fehuʻi ko ʻení pea tuku ke tali kinautolu ʻe he kau akó ʻiate kinautolu pē. Te ke lava ʻo fakaafeʻi e kau akó ke vahevahe ʻenau ngaahi fakakaukaú ʻi ha fanga kiʻi kulupu iiki, pe ko ha kalasi.

Talu mei hoʻo ako fekauʻaki mo e ngaahi huafa pe fatongia ko ʻení, kuo tākiekina fēfē koe ʻe he fakakaukau kia Sīsū ʻi he founga ko ʻení?
Ko e hā ha ngaahi tūkunga ʻi hoʻo moʻuí ʻe ʻaonga ki ai hono manatuʻi ha taha ʻo e ngaahi huafa ko ʻeni ʻo Sīsū Kalaisí?
Ko e hā te ke ala fai he ʻahó ni koeʻuhí ʻokú ke ʻiloʻi ʻeni fekauʻaki mo Sīsū Kalaisi?

Mahalo te ke fie vahevahe foki ha taha ʻo e ngaahi huafa pe fatongia ʻo Sīsū Kalaisi ʻokú ke saiʻia taha aí mo e kau akó. Talaange kiate kinautolu ʻa e ʻuhinga ʻoku mahuʻinga makehe ai kiate koe ʻa e huafa pe fatongia ko ia kiate Iá. Ki he ngaahi huafa mo e ngaahi fatongia kehé, mahalo naʻa fiemaʻu ke ke tataki e kau akó ki he maʻuʻanga tokoni ʻoku maʻu ʻi he Ko e Ngaahi Huafa ʻo Kalaisí (churchofjesuschrist.org).

Ongoʻi ha holi lahi ange ke ikunaʻi ʻa e angahalá ʻo fakafou ʻi he Fakalelei ʻa Sīsū Kalaisí

Fakakaukau ke fakaʻaliʻali ʻa e ngaahi ʻīmisi ko ʻení, ʻa ia mahalo kuo mamata ai ʻa e kau akó ʻi heʻenau ako ʻa e ʻĪsaia 1. Kole ange ke nau vahevahe ʻa e meʻa ʻoku akoʻi ange ʻe he ngaahi fakatātaá fekauʻaki mo e fakatomalá pea mo e Fakalelei ʻa Sīsū Kalaisí. Kapau ʻe fiemaʻu, fakaafeʻi e kau akó ke toe vakaiʻi ʻa e ʻĪsaia 1:18 ko ha fakamanatu.

Hili e vahevahe ʻa e kau akó, mahalo te ke fie hiki ʻa e foʻi moʻoni ko ʻení ʻi he palakipoé mei he Lēsoni 114: “ʻĪsaia 1.”

Kapau te tau fakatomala fakamātoato, ʻe fakamaʻa kitautolu ʻe Sīsū Kalaisi mei heʻetau ngaahi angahalá.

Hili iá pea fakaʻaliʻali pe lau ʻa e palakalafi ko ʻení pea fakaafeʻi e kau akó ke fakakakato ʻa e ʻekitivitií.

Fakakaukauloto ʻoku ʻi ai haʻo kaungāmeʻa ʻokú ne ongoʻi he ʻikai toe fakamolemoleʻi ʻe he ʻEikí. Fai ha tohi ki he kaungāmeʻa ko iá, ʻo vahevahe ʻa e meʻa kuó ke ako pe ongoʻi fekauʻaki mo e Fakamoʻuí pea mo e fakatomalá. Fakapapauʻi ʻokú ke fakaʻaongaʻi ʻa e ngaahi potufolofola kuó ke ako kimuí ni maí. ʻE lava ke kau ʻi he ngaahi sīpingá ʻa e ʻĪsaia 1:18, ʻĪsaia 53:3–5, mo e Selemaia 3:12–15.

Te ke lava ʻo poupouʻi e kau akó ke nau toe vakaiʻi ha faʻahinga fakamatala pē ʻoku nau maʻu fekauʻaki mo e ngaahi potufolofola ko ʻení pea fakakau ʻi heʻenau tohí ha ngaahi meʻa pau ne nau ako. Te nau lava foki ʻo fakakaukau ki he meʻa kuo nau ako pe ongoʻi ʻi he ngaahi uike siʻi kuo hilí ʻi heʻenau fakakaukau ki he malava mo e loto-fiemālie ʻa e Fakamoʻuí ke fakamolemoleʻi kitautolu ʻi he taimi ʻoku tau fakatomala aí.