Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Talateu kia ʻĪsaiá: “ʻOku Mahuʻinga ʻa e Ngaahi Lea ʻa ʻĪsaiá”

“Talateu kia ʻĪsaiá: ‘ʻOku Mahuʻinga ʻa e Ngaahi Lea ʻa ʻĪsaiá,’” Fuakava Motuʻá – Tohi Lēsoni ʻa e Faiako Seminelí (2026)

“Talateu kia ʻĪsaiá: ‘ʻOku Mahuʻinga ʻa e Ngaahi Lea ʻa ʻĪsaiá,’” Fuakava Motuʻá – Tohi Lēsoni ʻa e Faiako Seminelí

ʻĪsaia 1–12: Lēsoni 113

Talateu kia ʻĪsaiá

“ʻOku mahuʻinga ʻa e ngaahi lea ʻa ʻĪsaiá”

The Old Testament prophet Isaiah writing on a roll of parchment. Two men (New Testament apostles) are witnessing the event. They are depicted standing behind Isaiah. A landscape of mountains is in the background. Above the landscape is an image of Mary (the mother of Christ), Joseph (the carpenter) and the infant Jesus Christ in the manger. The painting depicts the prophecy of Isaiah regarding the birth of Jesus Christ.

Naʻe maʻu ʻe he palōfita ko ʻĪsaiá ʻa e fatongia mahuʻinga ʻaupito ke akoʻi fekauʻaki mo e huhuʻí ʻo fakafou ʻia Sīsū Kalaisi. Naʻe fakataumuʻa ʻa e pōpoakí ni ki he kakai ʻi he kuonga ʻo ʻĪsaiá, pea pehē kiate kitautolu ʻi hotau kuongá. ʻOku mahuʻinga ʻa e feinga ke ako faivelenga ʻa e ngaahi akonaki ʻa ʻĪsaia fekauʻaki mo Sīsū Kalaisí. ʻE lava ke tokoni ʻa e lēsoni ko ʻení ke ongoʻi ʻe he kau akó ʻoku fakaʻaiʻai kinautolu ke nau ako fekauʻaki mo Sīsū Kalaisi ʻo fakafou ʻi hono ako ʻo ʻĪsaiá.

Teuteu ʻa e tokotaha akó: Fakakaukau ke fakaafeʻi e kau akó ke nau omi mateuteu ki he kalasí ke vahevahe ha foʻi moʻoni mahuʻinga fekauʻaki mo ʻĪsaia. ʻE lava ke nau kumi ʻa e ʻĪsaiá ʻi he Fakahinohino ki he Ngaahi Folofolá.

Ngaahi ʻEkitivitī Ako ʻOku Ala Fakahokó

Ko ha tohi fakaongoongolelei

Fakakaukau ke kamata e kalasí ʻaki hano fakaʻaliʻali e ngaahi fakamatala ko ʻení pea fakaafeʻi e kau akó ke fokotuʻutuʻu kinautolu mei he fakamatala ngali moʻoni taha ki he siʻi taha ke fakalotoa kinautolu ke lau ha tohi paú.

Ngali mālie ʻaupito
Fakaongoongoleleiʻi ʻe ha mēmipa ʻo e fāmilí pe kaungāmeʻa
Vahe ki ha kalasi ʻi he akó
ʻOku lahi ʻa e ngaahi fakamatala lelei ki ai ʻi he ʻinitanetí

Te ke lava ʻo fakaafeʻi ha niʻihi ʻo e kau akó ke vahevahe ʻenau ʻuhinga māʻolunga tahá pea mo hono ʻuhingá.

Lau ʻa e 3 Nīfai 23:1–3, ʻo kumi ʻa e tohi naʻe fakaafeʻi kitautolu ʻe he Fakamoʻuí ke tau akó.

Ko e hā ha ngaahi fakakaukau ʻokú ke maʻu fekauʻaki mo e fekau ʻa e Fakamoʻuí ke fekumi faivelenga ʻi he ngaahi lea ʻa ʻĪsaiá?
ʻE tākiekina fēfē nai ʻe he fekau ʻa e Fakamoʻuí ʻa e founga hoʻo ako ʻa ʻĪsaiá?

Te ke lava ʻo kole ki he kau akó ke fakahaaʻi ʻenau loto-falala ki honau ivi malava ke ako faivelenga e ngaahi lea ʻa ʻĪsaiá. Ko e founga ʻe taha ke fai ai ʻení ko hono fakahingoa ha holisi ʻe taha ʻo e loki akó ko e “loto-falala ʻaupito” pea holisi ʻe taha ko e “ʻikai fuʻu loto-falala.” Fakaafeʻi e kau akó ke nau tuʻu ʻi he vahaʻa ʻo e ongo holisí ʻo fakatatau ki he tuʻunga ʻo ʻenau loto-falalá. ʻE lava ʻe ha kau ako ʻe loto-fiemālie ki ai ʻo fakamatala ki heʻenau tuʻunga loto-falalá.

Vahevahe mo e kau akó ʻe lava ke tokoniʻi kinautolu ʻe he Laumālie Māʻoniʻoní ke nau maʻu ha loto-falala ʻe lava ke tokoniʻi kinautolu ʻe he ngaahi akonaki ʻa ʻĪsaiá ke nau ofi ange kia Sīsū Kalaisi.

Ko e hā ʻoku tokoni ke ʻilo fekauʻaki mo e palōfita ko ʻĪsaiá?

Ke tokoni ke maʻu ʻe he kau akó ha mahino fekauʻaki mo e palōfita ko ʻĪsaiá, fakakaukau ke fakaʻaliʻali ʻa e fakamatala fakatātā “Ko e Vakai ki he Puleʻanga ʻo ʻIsileli mo Siutá.” Fakaafeʻi e kau akó ke nau kumi ʻa ʻĪsaia.

Te ke lava ʻo kole ki he kau akó ke nau kumi ha ngaahi tali ki he ngaahi fehuʻi ʻi he fakamatala fakatātaá:

Ko e hā e puleʻanga naʻe nofo ai ʻa ʻĪsaiá? (Siuta)
Ko e hā mo ha toe kau palōfita kehe naʻa nau malanga ʻi he taimi tatau mo ʻĪsaia? (Maika, Hōsea, Siona)
Ko e hā ha meʻa mahuʻinga naʻe hoko ʻi ha senituli hili hono kikiteʻi ia ʻe ʻĪsaiá? (Naʻe ʻave pōpula ʻa Siuta ʻe Pāpilone)

Ki ha fakamatala lahi ange, vakai ki he ngaahi fakamatala ki he “ʻĪsaiá” ʻi he Fakahinohino ki he Ngaahi Folofolá. Te ke lava ʻo fakaafeʻi e kau akó ke vahevahe ha toe meʻa kehe ne nau ako fekauʻaki mo ʻĪsaia ʻi heʻenau teuteu ʻa e tokotaha akó.

Lau pe fakamatalaʻi fakanounou ʻa e palakalafi ko ʻení.

Lolotonga e moʻui ʻa e palōfita ko ʻĪsaiá, naʻá ne malanga ki he kakai naʻe tafoki mei he tui kia Sihová (Sīsū Kalaisi). ʻOku fakahoʻata e pōpoaki ʻa ʻĪsaia kiate kinautolú ʻi hono hingoá ʻa ia ko hono ʻuhingá, “Ko e ʻEikí ʻa e fakamoʻuí.” ʻOku toe fakaʻaongaʻi foki e ngaahi akonaki ʻa ʻĪsaiá ki ha ngaahi vahaʻataimi kehe ʻe tafoki ai ʻa e kakaí meia Sīsū Kalaisi—hangē ko e kuonga ʻo Kalaisí pea mo e lolotongá ni, ʻi heʻetau teuteu ki Heʻene Hāʻele ʻAnga Ua Maí.

ʻE lava ke tokoniʻi kitautolu ʻe he ngaahi lea ʻa ʻĪsaiá ke tau tui kakato ange kia Sīsū Kalaisi

Mahalo ʻe fie ʻilo ʻe he kau akó “naʻe lahi ange hono faʻa ngāue ʻaki ʻe Sīsū ʻa e ngaahi lea ʻa ʻĪsaiá ʻi ha toe palōfita kehe. Naʻe lahi foki mo hono ngāue ʻaki ʻe Pita, Sione, mo Paula ʻi he Fuakava Foʻoú ʻa e ngaahi lea ʻa ʻĪsaiá. ʻOku toe lahi ange foki mo hono tohi ʻi he Tohi ʻa Molomoná mo e Tokāteline mo e Ngaahi Fuakavá ʻa e ngaahi lea ʻa ʻĪsaiá ʻi ha toe palōfita kehe, pea ʻomi foki mo e ngaahi tokoni lahi ange ki hono fakaʻuhingaʻi ʻo e ngaahi lea ʻa ʻĪsaiá” (Fakahinohino ki he Ngaahi Folofolá, “ʻĪsaia,” Gospel Library).

Lau ʻa e 1 Nīfai 19:23, ʻo kumi ʻa e ʻuhinga naʻe lau ai ʻe Nīfai ʻa e ngaahi lea ʻa ʻĪsaiá ki hono ngaahi tokouá.

Ko e hā e meʻa naʻá ke maʻú?

Kapau he ʻikai fakamahinoʻi ia ʻe he kau akó, tokoni ke mahino kiate kinautolu ʻa e foʻi moʻoni ko ʻení: ʻE lava ke tokoniʻi kitautolu ʻe hono ako e ngaahi lea ʻa ʻĪsaiá ke tau tui kakato ange kia Sīsū Kalaisi.

ʻE lava ke hoko ʻeni ko ha faingamālie lelei ki he kau akó ke nau fakakaukau ki he mahuʻinga ʻo hono ʻiloʻi lelei ange ʻa Sīsū Kalaisi ʻo fakafou ʻi he ngaahi lea ʻa ʻĪsaiá. Ko e founga ʻe taha te ke lava ʻo fai ai ʻení ko hono fakaafeʻi e kau akó ke fakakakato ʻa e sētesi ko ʻení ʻi heʻenau tohinoá: “ʻE lava ʻe he tui lahi ange kia Sīsū Kalaisí ʻo liliu ʻeku moʻuí ʻaki …” Hili hono maʻu ʻe he kau akó ha faingamālie ke tohí, te ke lava ʻo fakaafeʻi ha niʻihi te nau loto-fiemālie ke vahevahe ʻa e meʻa naʻa nau tohí mo e kalasí. Manatuʻi ke fakahaaʻi hoʻo houngaʻia ki he tokotaha ako takitaha ʻe vahevahé.

Ko e founga ʻe tahá, te ke lava ʻo fakaafeʻi e kau akó ke nau tafoki ki hanau hoa ʻo vahevahe ʻenau ngaahi fakakaukaú, kae ʻoua ʻe ʻai ke nau tohi ʻi he tohinoá.

Ngaahi huafa ʻo Sīsū Kalaisí

2026 Old Testament Seminary Teacher Materials

Lau ʻa e ngaahi veesi ko ʻení pea feinga ke ʻiloʻi pea fakakaukau ke fakaʻilongaʻi ʻa e ngaahi huafa pe ngaahi fatongia ʻo Sīsū Kalaisí.

ʻĪsaia 7:14
ʻĪsaia 9:6–7
ʻĪsaia 33:22
ʻĪsaia 40:28

Hili e laukonga ʻa e kau akó, te ke lava ʻo fakaʻaliʻali ha ngaahi fakatātā ʻo Sīsū Kalaisi mei he laipeli mītia ʻa e Siasí. Hili iá, ʻe lava ke vahevahe ʻe he kau akó ʻa e ngaahi huafa pe fatongia ʻoku nau sio ʻoku fakahoko ʻi he fakatātaá.

Fakakaukau ke fakaafeʻi ʻa e kau mēmipa ʻo e kulupú ke nau fili ha huafa pe fatongia pea ako lahi ange ki ai ʻaki hono kumi ʻa e “Sīsū Kalaisí” ʻi he Fakahinohino ki he Ngaahi Folofolá. Te ke lava ʻo fakaafeʻi e kau akó ke tānaki atu ki he fakatātaá ʻaki hono tā ha ngaahi siakale ʻoku vaʻavaʻa mei he huafa pe fatongia naʻa nau tokanga taha ki aí. Te nau lava ʻo hiki ha ngaahi fakakaukau ne nau ako fekauʻaki mo e huafa pe fatongia ko iá. (Fakatokangaʻi ange: ʻe fakaʻaongaʻi ʻa e ʻekitivitī ko ʻení ʻi he Lēsoni 133: “Siviʻi Hono 8 Hoʻo Akó.”)

Te ke lava ʻo fakaafeʻi kinautolu ke vahevahe mo ʻenau kulupú ʻa e meʻa ʻoku nau ako fekauʻaki mo e Fakamoʻuí.
Ko e hā ʻokú ke fiemaʻu ai ke fakahoko ʻe he Fakamoʻuí ha taha pe lahi ange ʻo e ngaahi fatongia ko ʻení ʻi hoʻo moʻuí?
Kuó ke fakatokangaʻi fēfē hano fakahoko ʻe he Fakamoʻuí ha taha ʻo e ngaahi fatongia ko ʻení ʻi hoʻo moʻuí pe ʻi he moʻui ʻa ha taha ʻokú ke ʻiloʻi?

Ngaahi Maʻuʻanga Tokoni Kehé

Ko e hā e vahaʻataimi naʻe tohi ʻa ʻĪsaia fekauʻaki mo iá?

Naʻe vahevahe ‘e Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

ʻOku ʻi he tohi ʻa ʻĪsaiá ha ngaahi kikite lahi ʻoku hangē kuo lahi hono fakahokó. Ko e kikite ʻe taha hangē ʻoku kau ki he kakai ʻi he kuonga ʻo ʻĪsaiá pe ko e ngaahi tuʻunga ʻe hoko ʻi he toʻu tangata ka hokó. Ko e ʻuhinga ʻe taha pe ko e fakatātā ki ha meʻa ʻe hoko ʻi he vaeuaʻangamālie ʻo taimí, ʻi he taimi naʻe fakaʻauha ai ʻa Selusalema pea fakamoveteveteʻi hono kakaí hili e tutuki ʻo e ʻAlo ʻo e ʻOtuá. ʻI he taimi tatau ko ha ʻuhinga pe ko hano fakakakato ʻe taha ʻo e kikite tatau pē ʻoku fekauʻaki ia mo e ngaahi meʻa ʻe hoko ʻi he Hāʻele ʻAnga Ua Mai ʻa e Fakamoʻuí. Ko hono moʻoní ko e konga lahi ʻo e ngaahi kikite ko ʻení ʻoku lahi honau ngaahi ʻuhingá pea ʻokú ne fakamamafaʻi ʻa e mahuʻinga ko ia ʻo ʻetau fekumi ki ha fakahā mei he Laumālie Māʻoniʻoní ke tokoni mai ki hono fakaʻuhingaʻi kinautolú. Hangē ko e pehē ʻe Nīfai, ko e ngaahi lea ʻa ʻĪsaiá ʻoku “mahinongofua ia kiate kinautolu kotoa pē ʻoku fonu ʻi he Laumālie ʻo e kikité” (2 Nīfai 25:4). (“Scripture Reading and Revelation,” Ensign, Jan 1995, 8)

Ko e hā mo ha toe meʻa ʻe lava ke mahino kiate kitautolu fekauʻaki mo e huafa ʻo Sīsū ko “ʻImanuelá”? (ʻĪsaia 7:14)

ʻOku akoʻi ʻe he folofolá ʻoku ʻuhinga ʻa e “ʻImanuelá” ko e “ʻOtuá ʻiate kitautolu.” (Vakai, Mātiu 1:23.)

Naʻe ʻomi ʻe Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ha ngaahi fakakaukau fekauʻaki mo e founga ʻoku ʻiate kitautolu ai ʻa e Tamai Hēvaní ʻo fakafou ʻia Sīsū Kalaisí:

15:29

Mei he ngaahi taumuʻa fisifisimuʻa lahi naʻe fakahoko ʻi he moʻui mo e ngāue fakafaifekau ʻa e ʻEiki ko Sīsū Kalaisí, ʻoku ʻikai faʻa fakamanatua ha tafaʻaki mahuʻinga ʻe taha ʻo e ngāue fakafaifekau ko iá. Naʻe ʻikai mahino kakato ia ki Hono kau muimuí ʻi he taimi ko iá, pea ʻoku tokolahi ʻa e kau Kalisitiane ʻi onopooni ʻoku ʻikai ke nau maʻu ia ʻi he taimí ni, ka naʻe toutou folofola ʻaki mo fakamamafaʻi ia ʻe he Fakamoʻuí Tonu pē. Ko e moʻoni maʻongoʻonga ia ko ia ko e ngaahi meʻa kotoa pē naʻe haʻu ʻa Sīsū ke tala mo fakahokó, ʻo kau ai pea tautefito ki Heʻene mamahi mo e feilaulau fakaleleí, naʻá Ne fakahaaʻi mai kiate kitautolu ʻa e ʻOtua ko ʻetau Tamai Taʻengatá mo Hono ʻulungāngá, pea mo ʻEne līʻoa kakato ki Heʻene fānaú ʻi he kuonga mo e puleʻanga kotoa pē. Naʻe feinga ʻa Sīsū ʻi he lea mo e ngāue, ke Ne fakahā mai pea ʻai ke tau ʻilo fakataautaha ʻa e natula totonu ʻo ʻEne Tamaí, ʻa ia ko ʻetau Tamai Hēvaní. (“The Grandeur of God,” Liahona, Nov. 2003, 70)

ʻOku fenāpasi fēfē ʻa e tohi ʻa ʻĪsaiá mo hono fokotuʻutuʻu ʻo e ngaahi tohi ʻo e Fuakava Motuʻá?

ʻOku fokotuʻutuʻu ʻa e Fuakava Motuʻá ki ha konga ʻe fā: ko e Fonó, Hisitōliá, Māú, mo e Kau Palōfitá. Ko e tohi ʻa ʻĪsaiá ko e ʻuluaki tohi ia ʻa e kau Palōfitá, ko e konga fakaʻosi ia ʻo e Fuakava Motuʻá, ʻa ia ʻoku fakaʻosi ʻaki ʻa Malakai.

Ngaahi ʻEkitivitī Fakalahi ki he Akó

Ako lahi ange fekauʻaki mo Sīsū Kalaisi meia ʻĪsaia

ʻE lava ke fakaʻaongaʻi ʻa e ʻekitivitī ko ʻení fakataha mo e folofola naʻe ako ʻe he kau akó fekauʻaki mo e ngaahi huafa mo e ngaahi fatongia ʻo e Fakamoʻuí. ʻI hono ako e ngaahi veesi ko ʻení, ʻe lava ke ako e kau akó fekauʻaki mo e ngaahi ʻulungaanga ʻo e Fakamoʻuí mo e ngaahi founga ʻokú Ne tokoniʻi ai kitautolú.

Hili iá, ʻe lava ke vahevahe ʻe he kau akó ʻa e meʻa ne nau ako pe ongoʻi fekauʻaki mo Sīsū lolotonga e ʻekitivitī ko ʻení.

ʻOku tokoni ʻa Nīfai ke mahino kiate kitautolu ʻa ʻĪsaia

Hili hono ako e ngaahi huafa ʻo Sīsū Kalaisí, mahalo te ke fie ʻoange ki he kau akó ha ngaahi tokoni lahi ange ki hono ako ʻo e tohi ʻĪsaiá. Te ke lava ʻo tokanga taha ki he meʻa naʻe akoʻi ʻe Nīfai fekauʻaki mo e mahino ʻa ʻĪsaiá—ʻa ia ʻe lava ke mahino lelei ange kiate kitautolu ʻa e ngaahi akonaki ʻa ʻĪsaiá ʻi heʻetau:

Ako fekauʻaki mo e “anga ʻo e kikite ʻi he kau Siú” (2 Nīfai 25:1). ʻOku kau heni ʻa e feinga ke mahino ʻa e fakatātā, ngaahi fakataipe, mo e maau naʻe fakaʻaongaʻi ʻe ʻĪsaiá.

Hangē ko ʻení, ko e hā naʻá ne fakamatala ʻi he taimi naʻá ne tohi ai fekauʻaki mo e ngoue vainé (vakai, ʻĪsaia 5:1–7), ko e ngaahi vai ʻo Siloá (vakai, ʻĪsaia 8:5–10), mo ha fuka (vakai, ʻĪsaia 5:26; 11:10, 12)?
“Fonu ʻi he laumālie ʻo e kikité” (2 Nīfai 25:4). “He ko e fakamoʻoni kia Sīsuú ko e laumālie ia ʻo e kikité” (Fakahā 19:10). Kapau te tau tui kia Sīsū Kalaisi pea tokanga taha ki he meʻa ʻoku akoʻi ʻe ʻĪsaia kau kiate Iá, ʻe mahino lelei ange kiate kitautolu ʻa e ngaahi tohi ʻa ʻĪsaiá.

Hili e vahe kotoa pē, fehuʻi pē kiate koe, “Ko e hā ʻoku ou ako fekauʻaki mo Sīsū Kalaisí?” (Vakai, 1 Nīfai 19:23.)
ʻIloʻi e “anga ʻo e meʻa ʻa e kau Siú” pea mo e “ngaahi potu takatakai ki” Selusalemá (2 Nīfai 25:6). ʻE lava ke tokoni ʻetau ako fekauʻaki mo e siokālafi ʻo Selusalemá mo e ngaahi fonua takatakaí ke mahino kiate kitautolu ʻa e ngaahi tohi ʻa ʻĪsaiá.

Hangē ko ʻení, ʻe lava ke tau vakai ki Pāpilone ko ha fakataipe ia ʻo e anga fakamāmaní mo e hīkisiá, kae ʻikai ko ha kolo fakakuongamuʻa pē. ʻE lava ke mahino ko ʻIsilelí ko e kakai ia ʻa e ʻOtuá ʻi ha faʻahinga kuonga pē. ʻE lava ke lau ʻa Saione ko e meʻa ia ʻoku tali ʻe he kakai ʻo e ʻOtuá ʻi he ngaahi ʻaho kimui ní, kae ʻikai ko ha foʻi lea pē ʻe taha ki Selusalema.

Fakaʻaongaʻi e ngaahi tokoni ki he akó ʻi he feituʻu ʻoku maʻu aí, ʻo hangē ko ha tikisinali, ngaahi ʻuluʻi vahé, mo e Fakahinohino ki he Ngaahi Folofolá.
Moʻui ʻi he “ngaahi ʻaho fakaʻosí.” Naʻe akoʻi ʻe Nīfai ko e ngaahi lea ʻa ʻĪsaiá ʻoku “ʻaonga lahi ia kiate kinautolu ʻi he ngaahi ʻaho fakaʻosí; he ʻe mahino kiate kinautolu ʻi he ʻaho ko iá” (2 Nīfai 25:8). ʻE lava ke tokoni hono fakafehokotaki e ngaahi akonaki ʻa ʻĪsaiá mo e ngaahi meʻa naʻe hoko pea mo e ngaahi tūkunga ʻi he ngaahi ʻaho fakaʻosí ke mahino kiate kitautolu ʻene ngaahi kikité.

Kumi e ngaahi kaveinga ʻoku felāveʻi ki hotau kuongá, ʻo hangē ko e moʻui mo e ngāue fakafaifekau ʻa Sīsū Kalaisí, ko hono fakamoveteveteʻi mo tānaki fakataha ʻo ʻIsilelí, ko e ngaahi ʻaho fakaʻosí, mo e Nofotuʻí. Te ke lava foki ʻo tauhi ha lisi ʻo e ngaahi fakamoʻoni fakafolofola meia ʻĪsaia ʻoku akoʻi kau ki he ngaahi kaveingá ni.

ʻE lava foki ke ako ʻe he kau akó ʻa e fakamatala “Ngaahi Founga ʻe Fā ʻa Nīfai ke Mahino ʻa ʻĪsaiá” pe “How Can I Understand Isaiah?”

ʻĪsaia 9:7

Ke mahino e ngaahi huafa ʻo Sīsū Kalaisí, ʻe lava ke tokoni ʻa e “Kuo Fanauʻi Kiate Kitautolu ha Tamasiʻi” (Liahona, Tīsema 2009, 8–9). Te ke lava ʻo fakaʻaliʻali ʻa e ngaahi konga ʻoku nau fakamatalaʻi e ʻuhinga ʻo e ngaahi huafa ʻoku hā ʻi he ʻĪsaia 9:7 pea fakaafeʻi e kau akó ke nau fili ha konga ʻe taha pe ua te nau fiemaʻu ke mahino lelei ange.

Vitiō

ʻE lava ke tokoni ʻa e foʻi vitiō “Isaiah the Prophet” ke ʻilo ʻe he kau akó ʻa e founga naʻe akonaki ai ʻa ʻĪsaia fekauʻaki mo Sīsū Kalaisí.

1:18