Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻĪsaia 1: “Neongo ʻa e Tatau ʻo Hoʻomou Angahalá mo e Kulaʻahoʻahó, ʻe Hoko Ia Ke Hinehina ʻo Hangē Ko e ʻUha Hinaekiakí”

“ʻĪsaia 1: ‘Neongo ʻa e Tatau ʻo Hoʻomou Angahalá mo e Kulaʻahoʻahó, ʻe Hoko Ia Ke Hinehina ʻo Hangē Ko e ʻUha Hinaekiakí,’” Fuakava Motuʻá – Tohi Lēsoni ʻa e Faiako Seminelí (2026)

“ʻĪsaia 1: ‘Neongo ʻa e Tatau ʻo Hoʻomou Angahalá mo e Kulaʻahoʻahó, ʻe Hoko Ia Ke Hinehina ʻo Hangē Ko e ʻUha Hinaekiakí,’” Fuakava Motuʻá – Tohi Lēsoni ʻa e Faiako Seminelí

ʻĪsaia 1–12: Lēsoni 114

ʻĪsaia 1

“Neongo ʻa e Tatau ʻo Hoʻomou Angahalá mo e Kulaʻahoʻahó, ʻe Hoko Ia Ke Hinehina ʻo Hangē Ko e ʻUha Hinaekiakí”

Neongo ʻoku tau faiangahala kotoa pē mo fiemaʻu ha fakamolemole, ka ʻoku tau tui he taimi ʻe niʻihi he ʻikai lava ke fakamolemoleʻi kitautolu. ʻOku mahino e pōpoaki hotau Fakamoʻuí: “neongo ʻa e tatau ʻo hoʻomou angahalá mo e kulaʻahoʻahó, ʻe hoko ia ke hinehina ʻo hangē ko e ʻuha hinaekiakí” (ʻIsaia 1:18). ʻE lava ke tokoni e lēsoni ko ʻení ke ongoʻi loto-falala ʻa e kau akó ʻe lava ke fakamaʻa ʻe he Fakamoʻuí ʻenau ngaahi angahalá.

Teuteu ʻa e tokotaha akó: Fakaafeʻi e kau akó ke lau ʻa e potufolofola fakataukei fakatokāteline ʻĪsaia 1:18 pea kumi ʻa e fakatātā naʻe fakaʻaongaʻi ʻe ʻĪsaiá. Poupouʻi e kau akó ke nau fakalaulauloto mo teuteu ke vahevahe ʻa e ʻuhinga ʻo e potufolofolá kiate kinautolú. ʻE lava foki ke akoako ako maʻuloto ʻe he kau akó ʻa e kupuʻi lea fakafolofola mahuʻinga: “neongo ʻa e tatau ʻo hoʻomou angahalá mo e kulaʻahoʻahó, ʻe hoko ia ke hinehina ʻo hangē ko e ʻuha hinaekiakí” (ʻĪsaia 1:18).

Ngaahi ʻEkitivitī Ako ʻOku Ala Fakahokó

Ko e ʻuli ʻo e angahalá

Fakakaukau ke kamata e kalasí ʻaki hano fakaʻaliʻali e fakatātā ko ʻení pe ko ha fakamatala ʻo ha vala kuo ʻuli.

Stain spot on the clothes, white t-shirt

Fakakaukau ki ha ngaahi taimi naʻe ʻuli ai haʻo vala pea ʻikai toe lava ke maʻa.

ʻE fakafehoanaki fēfē nai ʻetau ngaahi angahalá ki he ʻulí?
Ko e hā ha ngaahi ʻuhinga ʻoku fakakaukau ai ʻa e kakaí he ʻikai lava ke fakamaʻa kinautolu mei heʻenau ngaahi angahalá?

Mahalo te ke fie fakaʻaliʻali ʻa e fakamanatu ko ʻení, koeʻuhí ke lava ʻa e kau akó ʻo fakakaukau ki heʻenau ngaahi ongó.

Fakakaukau pe ko e fē ʻi he ngaahi fakamatala ko ʻení ʻokú ke felāveʻi lahi taha mo iá. Mahalo te ke fehuʻi pē kiate koe pe ko e hā ʻokú ke ongoʻi pehē aí.

ʻOku ou falala ʻe lava ʻe he Fakamoʻuí ʻo fakamaʻa au mei heʻeku ngaahi angahalá kotoa.
ʻOku ou tui ʻe lava ʻe he Fakamoʻuí ʻo fakamaʻa au mei ha niʻihi ʻo ʻeku ngaahi angahalá, kae ʻikai kotoa.
ʻOku ou tui ʻe lava ʻe he Fakamoʻuí ʻo fakamaʻa e angahala ʻa e kakai kehé, kae ʻikai ko haʻakú.
ʻOku ʻikai ke u tui ʻe lava ʻe he Fakamoʻuí ʻo fakamaʻa ʻa e angahalá.

Ko e taha ʻo e ngaahi fatongia ʻo e Laumālie Māʻoniʻoni ke fakamoʻoni kia Sīsū Kalaisi (vakai, 3 Nīfai 28:11). ʻI hoʻo ako ʻa e ʻĪsaia 1, tokanga ki he meʻa ʻoku finangalo ʻa e Tamai Hēvaní ke ke ako ʻo fakafou ʻi he Laumālie Māʻoniʻoní fekauʻaki mo Sīsū Kalaisi mo Hono mālohi ke fakamaʻa ʻa e ngaahi angahalá.

Ko ha puleʻanga faiangahala

Lau ʻa e ʻĪsaia 1:2–4, ʻo kumi e tuʻunga fakalaumālie ʻo e kakai ʻIsilelí.

Fakaafeʻi e kau akó ke lipooti e meʻa ʻoku nau ʻiló.

ʻE lava ke tokoni ʻeni ki he kau akó ke nau ako ha ngaahi taukei mahuʻinga ki hono ako ʻo e tohi ʻa ʻĪsaiá.

ʻI hoʻo ako e ngaahi akonaki ʻa ʻĪsaiá, ʻoku tokoni ke mahino naʻá ne faʻa lekooti e ngaahi folofola ʻa e ʻEikí ʻi ha founga fakapunake ʻoku ui ko e faka-potupotutataú (parallelism). ʻOku hoko ʻa e faka-potupotutataú ʻi he taimi ʻoku fakahaaʻi ai ʻe ha taha faʻu tohi ha fakakaukau peá ne toutou fakaʻasi pe fakahoa ʻa e foʻi fakakaukaú ʻo fakaʻaongaʻi ha ngaahi lea kehe. Hangē ko ʻení, kumi ʻa e ngaahi kupuʻi lea ʻoku fekauʻaki mo iá ʻi he veesi 2.

Te ke lava ʻo tokoni ke ʻiloʻi ʻe he kau akó ʻa e ongo kupuʻi lea “Fanongo, ʻa e ngaahi langí” mo e “fakafanongo mo māmani” (ʻĪsaia 1:2). Ko ha sīpinga ʻeni ʻo e faka-potupotutataú.

Naʻe fakaʻaongaʻi foki ʻe ʻĪsaia ʻa e fakatātā fakakaukaulotó ke fakatātaaʻi ʻaki ʻene ngaahi akonakí. Hangē ko ʻení, lau ʻa e veesi 3, ʻo kumi e ngaahi fakatātā kehekehe naʻe fakaʻaongaʻi ʻe ʻĪsaia ke akoʻi ʻaki e kakai ʻIsilelí.

Te ke lava ʻo fehuʻi ki he kau akó pe ko e hā naʻe akoʻi ʻe ʻĪsaia ki he kakai ʻIsilelí ʻaki hono fakaʻaongaʻi e ngaahi ʻīmisi ʻo ha pulu mo ha ʻasi. Kapau ʻe fiemaʻu, fakamatalaʻi ange naʻe ʻikai ʻiloʻi ʻe he kakai ʻIsilelí honau ʻEikí, ʻo kehe ia mei ha pulu mo ha ʻasi.

Fakakaukau ke fakamatalaʻi fakanounou ʻa e veesi 5–15 ʻaki hano vahevahe ʻa e palakalafi ko ʻení.

Naʻe fakatokanga ʻa e ʻEikí ki he kau ʻIsilelí ʻoku ʻi ai ha ngaahi nunuʻa kovi ʻo ʻenau ngaahi angahalá kiate kinautolu (vakai, ʻĪsaia 1:5–9). Naʻá Ne toe fakamatalaʻi foki naʻe ʻikai ke Ne hōifua ki heʻenau ngaahi tōʻonga moihū fakalotú koeʻuhí he naʻe fakahoko taʻe-fakamātoato kinautolu (vakai, ʻĪsaia 1:10–15).

Mei he kula ʻahoʻahó ki he hinaekiakí

Lau ʻa e ʻĪsaia 1:16–17, ʻo kumi e ngaahi fakaafe ʻa e ʻEikí ki he kakaí.

Ko e hā naʻe fakaafeʻi kinautolu ʻe he ʻEikí ke nau faí?

Lau ʻa e ʻĪsaia 1:18, ʻo kumi e talaʻofa ʻa e ʻEikí ʻi heʻetau fakatomalá. Kātaki ʻo fakatokangaʻi ange naʻe fakatou fakaʻaongaʻi ʻe ʻĪsaia ʻa e faka-potupotutataú mo e fakatātaá ke fakatātaaʻi ʻa e talaʻofa ko ʻení.

Ko e ʻĪsaia 1:18 ko ha potufolofola fakataukei fakatokāteline ia. Fakakaukau ke fakaafeʻi ʻa e kau akó ke nau fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻungofua kinautolu.

Ke tokoni ke mahino lelei ange ki he kau akó ʻa e fakatātā ʻoku fakaʻaongaʻi ʻi he veesi 18, fakakaukau ke fakaʻaliʻali ʻa e ngaahi ʻīmisi ko ʻení.

Ko e hā ʻe lava ke akoʻi mai ʻe he ngaahi fakatātā ʻo e kulaʻahoʻahó mo e hinaekiakí fekauʻaki mo e angahalá?

Naʻe fakamatalaʻi ʻe Sisitā Seiloni ʻIupangikē ʻo e Kau Palesitenisī Lahi mālōlō ʻo e Fineʻofá ʻo pehē:

11:29

Ne ʻikai ke ngata pē ʻi he lanu kehekehe ʻa e tupenu he Fuakava Motuʻá, tolonga e fakalanú, ka naʻe lanu fakaʻofoʻofa ʻo pikitai ki he fulufuluʻi sipí pea mole ngataʻa hono lanú ʻo tatau ai pē pe ʻe tuʻo fiha hono foó. ʻOku fakaʻaongaʻi ʻe Sētane e fakakaukaú ni ke tau ongoʻi ʻoku ʻikai ke fakamolemoleʻi kitautolu: he ʻikai ke toe lava ʻo lanu hinehina e fulufuluʻi sipi hinehina ne kula ʻahoʻahó. Ka naʻe folofola ʻa Sīsū Kalaisi ʻo pehē, “ʻOku māʻolunga [hoku] ngaahi halá [ʻi homou ngaahi halá],” pea ko e mana ʻo ʻEne ʻaloʻofá ʻoku hoko ia ʻi heʻetau fakatomala mei heʻetau ngaahi angahalá, te tau maʻa ʻi Hono taʻataʻá. ʻOku ngali taʻe ʻuhinga, ka ʻoku moʻoni ʻaupito ia. (“Ko Kalaisi ʻa e Maama ʻoku Ulo ʻi he Fakapoʻulí,” Liahona, Mē 2019, 75)

Ko e hā ʻe lava ke akoʻi mai ʻe he ngaahi ʻīmisi ʻo e sinoú mo e fulufuluʻi sipí fekauʻaki mo e talaʻofa ʻa e Fakamoʻuí ʻi heʻetau fakatomalá?
Te ke fakamatalaʻi fakanounou fēfē nai ʻa e veesi 16–18 ko ha fakamatala ʻo e moʻoní?

Neongo ʻe fakaʻaongaʻi ʻe he kau akó ha ngaahi lea kehe, tokoni ke nau ʻiloʻi ʻa e moʻoni ko ʻení: Kapau te tau fakatomala fakamātoato, ʻe fakamaʻa kitautolu ʻe Sīsū Kalaisi mei heʻetau ngaahi angahalá.

Ko e meʻa naʻe aʻusia ʻe he Fakamoʻuí kae lava ke tau fakatomalá

ʻE lava ke tokoni ʻa e ngaahi potufolofola ko ʻení ki he kau akó ke nau fakakaukau ki he meʻa naʻe aʻusia ʻe he Fakamoʻuí kae lava ke fakamaʻa kinautolu mei heʻenau ngaahi angahalá. Fakakaukau ke fakahoa e kau akó. ʻE lava ke lau ʻe he hoa takitaha ʻa e ngaahi potufolofola ko ʻení pea aleaʻi ʻa e meʻa ne nau akó. ʻE lava ke tokoni atu ʻa e ngaahi fehuʻi ko ʻení. Hili iá, ʻe lava ʻe ha kau ako ʻe loto-fiemālie ke vahevahé ʻo vahevahe mo e kalasí.

Lau ʻa e ʻAlamā 7:13–14 mo e Tokāteline mo e Ngaahi Fuakava 19:16–19, ʻo kumi e meʻa naʻe aʻusia ʻe he Fakamoʻuí kae lava ke ke fakatomala pea fakamaʻa koe mei hoʻo ngaahi angahalá.

Ko e hā e meʻa naʻá ke maʻú?
Ko e hā naʻá ke ako fekauʻaki mo e Tamai Hēvaní mo Sīsū Kalaisi mei he ngaahi veesi ko ʻení ʻe lava ʻo tokoni ki ha taha ke fili ke fakatomala?

Ke tokoni ke ongoʻi ʻe he kau akó ʻe lava ke fakamaʻa kinautolu ʻe he Fakamoʻuí, fakakaukau ke huluʻi ha foʻi vitiō, hangē ko e “There Is No Limit to God’s Love” (mei he taimi 0:00 ki he 4:54). ʻOku maʻu ʻa e vitioó ʻi he ChurchofJesusChrist.org. ʻE lava ke fakalaulauloto ʻa e kau akó ki he ongo naʻe maʻu ʻe he taʻahine ʻi he vitioó koeʻuhí ko ʻene ngaahi angahalá mo e fakamoʻoni ki he moʻoni naʻe akoʻi ʻi he ʻĪsaia 1:18. Hili iá, te ke lava ʻo fakaafeʻi e kau akó ke vahevahe e meʻa naʻa nau maʻú.

5:37

Ko e founga ʻe taha ke fakaafeʻi ai ʻa e Laumālie Māʻoniʻoní ko hono ʻoange ki he kau akó ha ngaahi faingamālie ke vahevahe ʻenau ngaahi ongó, fakamoʻoní, mo e ngaahi aʻusiá. Ko e fehuʻi ko ʻení ko ha founga ia ʻe taha ke fakahoko ai ʻeni. Fakakaukau ke fakaafeʻi e kau akó ke nau ʻuluaki tali e fehuʻí ʻi heʻenau tohinoá, hili iá, ʻe lava ke vahevahe ʻe he kau ako ʻe loto-fiemālie ke vahevahé ʻa e meʻa ne nau tohí mo e kalasí. Lolotonga e vahevahe ʻa e kau akó, fakamanatu ange ke ʻoua te nau vahevahe ha ngaahi hingoa pe ha meʻa ʻoku fuʻu fakataautaha.
Ko e hā kuó ke ongoʻi fekauʻaki mo Sīsū Kalaisi mo ʻEne malava ke fakamaʻa koe mei he angahalá?

Fakakaukau ke fakaʻosi ʻaki hoʻo ngaahi ongo fekauʻaki mo e Fakamoʻuí mo Hono mālohi ke fakamaʻa kitautolu ʻi he taimi ʻoku tau fakatomala aí.

Ako Ma‘uloto

Mahalo te ke fie tokoni ki he kau akó ke ako maʻuloto ʻa e fakamoʻoni fakafolofola ki he fakataukei fakatokāteliné mo e kupuʻi lea mahuʻinga ʻo e potufolofolá lolotonga ʻa e lēsoni ko ʻení pea toe vakaiʻi ia ʻi he ngaahi lēsoni ʻi he kahaʻú. Ko e kupuʻi lea fakafolofola mahuʻinga ki he ʻĪsaia 1:18 ko e: “Neongo ʻa e tatau ʻo hoʻomou angahalá mo e kulaʻahoʻaho, ʻe hoko ia ke hinehina ʻo hangē ko e ʻuha hinaekiaki.” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahí ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

Ko e hā ʻe lava ʻo tokoni mai ke u fakatomalá?

Naʻe pehē ʻe Palesiteni Tieta F. ʻUkitofa, ʻi heʻene hoko ko ha mēmipa ʻo e Kau Palesitenisī ʻUluakí ʻo pehē:

19:7

Neongo hoʻo mavahe ʻo mamaʻo ʻaupito mei he hala totonú, ʻoku kei mahino mo pau pē ʻa e hala ke tau foki aí. Mou haʻu, ako ʻi he Tamaí; ʻohake ha feilaulau ko e loto-mafesifesi mo e laumālie fakatomala. Tui, pea maʻu ʻa e tui ki he mālohi fai fakamaʻa ʻo e Fakalelei taʻefakangatangata ʻa Sīsū ko e Kalaisí. Kapau te tau vete pea fakatomala mei heʻetau ngaahi angahalá, ʻoku faitotonu mo fakamaau totonu ʻa e ʻOtuá ke Ne fakamolemoleʻi mo fakamaʻa kitautolu mei he anga taʻemāʻoniʻoni kotoa pē. “Neongo ʻa e tatau ʻa hoʻomou angahalá mo e kulaʻahoʻahó, ʻe [ngaohi] ia ke hinehina ʻo hangē ko e ʻuha hinaekiaki.” (“Ko ha Lau Tikilī Pē,” Liahona, Mē 2008, 60)

Fēfē kapau te u faingataʻaʻia ke fakamolemoleʻi pē au?

Naʻe akoʻi ʻe Palesiteni Teti R. Kalisitā, naʻe hoko ko e Palesiteni Lahi ʻo e Lautohi Faka-Sāpaté he taimi ko iá ʻo pehē:

11:46

Kuó u feʻiloaki mo ha Kāingalotu lelei ʻoku faingataʻa ke nau fakamolemoleʻi kinautolu, ʻoku nau fakangatangata e ivi huhuʻi ʻo e Fakamoʻuí, ko e fai ʻi he taʻeʻilo mo e maʻuhala. ʻOku ʻikai ke nau fakatokangaʻi, kuo nau liliu ha Fakalelei ʻoku taʻe fakangatangatá ki ha fakangatangata ʻo pehē he ʻikai lava ke ne hakeakiʻi ʻenau angahalá pe vaivaí. Ka ko ha Fakalelei ʻeni ʻoku ʻikai ke fakangatangata koeʻuhí he ʻokú ne fālute mo fakakau e angahala mo e vaivai kotoa pē, ʻo aʻu ki he ngaohikovia pe mamahi ne fakatupu ʻe he niʻihi kehé. (“Ko e Fakalelei ʻa Sīsū Kalaisí,” Liahona, Mē 2019, 86)

ʻE faitāpuekina fēfē ʻe he fakatomalá ʻeku moʻuí?

Naʻe vahevahe ʻe Palesiteni Lāsolo M. Nalesoni ʻo pehē:

14:57

[Aʻusia] e mālohi fakaivia ʻo e fakatomala fakaʻaho—ʻo e fakahoko mo toe kiʻi lelei ange ʻi he ʻaho takitahá.

Ko e taimi ʻoku tau fili ai ke fakatomalá, ʻoku tau fili ke liliu! ʻOku tau fakaʻatā ke liliu kitautolu ʻe he Fakamoʻuí ki hotau tuʻunga lelei tahá. ʻOku tau fili ke tupulaki fakalaumālie mo fiefia—ʻa e fiefia ʻo e huhuʻi ʻiate Iá. Ko e taimi ʻoku tau fili ai ke fakatomalá, ʻoku tau fili ai ke tatau ange mo Sīsū Kalaisi! (“Te Tau Lava ʻo Fai Lelei Ange pea Toe Lelei Ange,” Liahona, Mē 2019, 67)

Ngaahi ʻEkitivitī Fakalahi ki he Akó

Ko hono akoʻi ʻo e kau akó ke fakatomalá

Ke tokoni ke mahino ki he kau akó ʻa e founga te nau lava ai ʻo fakatomalá, fakakaukau ke fakaʻaongaʻi ʻa e fakamatala “Founga ke Fakatomala Moʻoní.” ʻOku ʻi he fakamatala ko ʻení ha ngaahi akonaki meia ʻEletā D.Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá. Te ke lava ʻo poupouʻi ʻa e kau akó ke nau toe vakaiʻi ʻa e ngaahi tefitoʻi moʻoni naʻe akoʻi ʻe ʻEletā Kulisitofasoní pea fakaafeʻi kinautolu ke feakoʻiʻaki ʻa e meʻa ne nau ako fekauʻaki mo e founga ʻo ʻetau fakatomalá.

Vitiō ke fili mei aí

Fakakaukau ke huluʻi ʻa e foʻi vitiō “There Is Always a Way Back” (2:21) ʻo fetongi ʻaki e vitiō ʻi he konga “Ko e meʻa naʻe aʻusia ʻe he Fakamoʻuí kae lava ke tau fakatomalá.” ʻI he vitiō ko ʻení, ʻoku fakahoko ʻe ʻEletā Niila L. ʻEnitaseni ʻo e Kōlomu ʻo e Kau ʻAposetolo ʻe Toko Hongofulu Mā Uá ha talanoa ki ha pīsope mo ha taha faihia naʻá na ako fakataha ʻoku ʻikai ha taha ʻe tō ki tuʻa mei he ʻofa ʻa e Tamai Hēvaní mo Sīsū Kalaisí. ʻI he sio ʻa e kau akó, te ke lava ʻo fakaafeʻi kinautolu ke kumi e meʻa ʻokú ne tokoniʻi kinautolu ke nau ongoʻi ha loto-falala lahi ange ki he malava ʻe he Fakamoʻuí ʻo fakamaʻa kitautolu mei heʻetau ngaahi angahalá.

2:21

ʻĪsaia 1:10–15: Ngaahi feilaulau taʻeʻaongá

Ke tokoni ke mahino ki he kau akó ʻa e mahuʻinga ʻo e moihū ki he ʻEikí ʻi he loto-fakamātoató, fakakaukau ke ʻomi ha ipu pe ipu sioʻata ʻoku maʻa ʻa tuʻa kae ʻuli ʻa loto. Te ke lava ʻo ʻeke ki he kau akó pe te nau inu mei he ipu ko ʻení. Fakamatalaʻi ange ʻoku fakafofongaʻi ʻe he ipú ʻa e kakai ʻIsilelí.

Hili iá, fakaafeʻi e kau akó ke lau ʻa e ʻĪsaia 1:11–15 pea kumi e ongo naʻe maʻu ʻe he ʻEikí fekauʻaki mo e ngaahi foaki ʻa e kau ʻIsilelí. Mahalo ʻe fiemaʻu ke ke fakamatalaʻi ange ʻoku ʻuhinga ʻa e “ngaahi feilaulau” ʻi he veesi 13 ki he ngaahi foakí.

Hili iá pea ʻeke ange ʻa e ngaahi fehuʻi ko ʻení:

ʻOkú ke pehē ko e hā naʻe ʻikai tali ai ʻe he ʻEikí ʻenau ngaahi foakí?
‘Oku felāveʻi fēfē ʻa e ngaahi veesi ko ʻení mo e lēsoni fakataumuʻá?
Ko e hā ʻokú ke ako mei he ngaahi veesi ko ʻení fekauʻaki mo e moihū ki he ʻOtuá?

Te ke lava ʻo tokoni ke ʻiloʻi ʻe he kau akó ʻa e moʻoni ko ʻení: ʻOku mahuʻingamālie ange ki he ʻOtuá ʻetau ngaahi ngāue mateaki ʻoku hāsino ki tuʻá ʻi he taimi ʻoku maʻa ai ʻetau ngaahi taumuʻá.

ʻE lava ke fakakaukau ʻa e kau akó ki heʻenau ngaahi taumuʻá ʻi heʻenau fakahoko ha ngaahi ngāue mateaki ki he ʻEikí.

ʻĪsaia 2:1–5: Moʻunga ʻo e fale ʻo e ʻEikí

Kapau ʻokú ke ongoʻi ʻe ʻaonga ki hoʻo kau akó hano ako ha kikite fekauʻaki mo e fale ʻo e ʻEikí, fakakaukau ke akoʻi ʻa e ʻĪsaia 2:1–5. Fakamanatu ki he kau akó naʻe faʻa akonaki ʻa ʻĪsaia ʻo fakaʻaongaʻi ha fakatātā. Hili iá pea fakaafeʻi e kau akó ke nau tā ʻa e meʻa naʻe fakamatalaʻi ʻe ʻĪsaia ʻi he ʻĪsaia 2:1–5. Hili ha taimi feʻunga, fakaafeʻi kinautolu ke fakamatalaʻi ʻenau fakatātaá ki ha tokotaha ako ʻe taha. Hili iá pea ʻeke ange ʻa e ongo fehuʻi ko ʻení:

ʻE hoko fēfē ʻa e kupuʻi lea “ko e moʻunga ʻo e fale ʻo [e ʻEikí]” (ʻĪsaia 2:2) ko ha fakataipe ki he temipalé?
Ko e hā ha ngaahi tāpuaki kuo talaʻofa mai ʻi he ʻalu ki he temipalé?

Tokoni ke ʻiloʻi ʻe he kau akó ʻa e tefitoʻi moʻoni ko ʻení: ʻI heʻetau ʻalu ki he fale ʻo e ʻEikí mo talangofua ki he ʻEikí, te Ne akoʻi kitautolu ʻi Heʻene ngaahi foungá. Hili ia peá ke fakakaukau ke fai ange ʻa e fehuʻi ko ʻení:

Kuó ke mamata fēfē ki hono fakahoko e ngaahi lea ʻa ʻĪsaiá?