Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Jeremia 1: “Hatry ny fony hianao tsy mbola noforoniko tany an-kibo no efa fantatro … ary … notendreko”

“Jeremia 1: -Hatry ny fony hianao tsy mbola noforoniko tany an-kibo no efa fantatro … ary … notendreko,-” Testamenta Taloha: Boky torolalana ho an’ny mpampianatra seminera (2026)

“Jeremia 1: -Hatry ny fony hianao tsy mbola noforoniko tany an-kibo no efa fantatro … ary … notendreko,-” Testamenta Taloha: Boky torolalana ho an’ny mpampianatra seminera

Jeremia 1–3; 7; 16–18; 20: Lesona 130

Jeremia 1

“Hatry ny fony hianao tsy mbola noforoniko tany an-kibo no efa fantatro … ary … notendreko”

Jeremiah is clothed in sackcloth. He stands dramatically, illuminated from behind before a leading priest while others look on from behind.

Efa nanontany tena ve ianao hoe inona no nitranga tany amin’ny fiainana talohan’ny nahaterahana izay nanomana anao ho amin’ny andraikitrao amin’ny fiainana an-tany? Tany amin’ny fiainana talohan’ny nahaterahana dia nomen’ny Ray any An-danitra andraikitra masina ny zanany mba hotanterahina eto amin’ny fiainana an-tany. Ohatra amin’izany i Jesoa Kristy (jereo 1 Petera 1:19–20) sy i Jeremia (jereo Jeremia 1:5). Ity lesona ity dia afaka hanampy ny mpianatra hanana faniriana hanatanteraka ny tanjony masina.

Fanomanana ny mpianatra: Asao ny mpianatra haka sary an-tsaina hoe mitrotro zaza vao teraka izy sy hisaintsaina ireto fanontaniana roa ireto:

Sahanasa fianarana azo atao

Miomàna hianatra

Mba hanampiana ny mpianatra hianatra fa ny Ray any An-danitra dia mahalala azy ireo ary manana tanjona masina ho azy ireo, dia asao izy ireo haka sary an-tsaina izao toe-javatra manaraka izao. (Azonao ovaina mba ho mety kokoa amin’ny mpianatrao ilay toe-javatra iainana. Ohatra amin’izany ny mpampianatra mandrisika azy ireo hahazo naoty ambony amin’ny taranja sarotra iray.)

Alaovy sary an-tsaina hoe mandrisika anao hanatratra tanjona sarotra ny mpanazatra, toy ny fihazakazahana amin’ny halavirana 1,5 km ao anatin’ny fotoana fohy anatin’ny daty voatondro.

Inona no mety ho fiantraikan’ity toe-javatra iainana manaraka ity amin’ny fanirianao hanatanteraka izany sy ny fatokisanao fa ho vitanao izany?
Ilay mpanazatra izay efa mahalala tsara anao dia efa niara-niasa taminao aman-taonany ary nanomana manokana izany fanamby izany ho anao.
Mpanazatra vaovao hafa tsy mahafantatra anao no nanome io fanamby io ho an’ny ekipa rehetra.

Asehoy ity fanombanan-tena manaraka ity hanampiana ny mpianatra hisaintsaina fa ny Ray any An-danitra sy i Jesoa Kristy dia mahalala azy ireo tanteraka sy ny tanjony masina (Fanamarihana: Hasaina hiverina amin’ity fanombanan-tena ity ny mpianatra ao amin’ny Lesona 148: “Tombany ny fianaranao 9.”)

Aiza ho aiza no hametrahanao ny tenanao (1 – marina momba ahy; 10 – tsy marina momba ahy) amin’ireto fehezan-teny manaraka ireto? Soraty ao amin’ny diary fandalinanao ny antony nanomezanao isa toy izany ny teny nambara tsirairay.

Mino aho fa mahalala ahy mihoatra lavitra noho ny olona hafa rehetra ny Ray any An-danitra sy i Jesoa Kristy.
Mino aho fa nomen’Izy Ireo tanjona masina azoko tanterahina miaraka amin’ny fanampian’Izy Ireo aho.
Te hamantatra sy hanatanteraka ny iraka masina nomen’ny Ray any An-danitra sy i Jesoa Kristy aho.

Asao ny mpianatra hihaino tsara ny eritreritra sy fahatsapana voarainy avy amin’ny Fanahy Masina eo am-pianarany bebe kokoa mikasika ny tanjona masin’izy ireo.

“Hatry ny fony ianao tsy mbola noforoniko tany an-kibo no efa fantatro … ary … notendreko”

Mba hanampiana ny mpianatra hahatakatra momba an’i Jeremia dia afaka manontany azy ireo izay mety ho fihetseham-pony ianao raha mangataka azy ireo hanao zavatra sarotra ny Tompo, toy ny mandray fitenenana ao am-piangonana, mampianatra lesona, manao asa fitoriana, sy ny sisa.

Mety nahatsapa zavatra toy izany i Jeremia rehefa niantso azy ho mpaminany ho an’ny fanjakan’i Joda ny Tompo. Mety hahaliana ny mpianatra ny mamantatra fa naminany tao Jerosalema tamin’ny vaninandron’i Lehia i Jeremia (jereo ny 1 Nefia 7:14).

Ny Jeremia 1:4–5 dia andalan-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Jeremia 1:4–5 sy ity teny nambaran’ny Filoha Russell M. Nelson ity. Avy eo dia fintino izay nianaranao mikasika ny fifandraisantsika amin’ny Tompo.

14:25

Ny fanahinao dia misy mandrakizay. Hoy ny Tompo tamin’i Abrahama Mpaminaniny: “Efa nofinidy ianao talohan’ny nahaterahanao” (Abrahama 3:23). Nilaza zavatra mitovitovy amin’izany tamin’i Jeremia sy ny maro hafany Tompo. Nilaza izany koa aza Izy mikasika anao.

Efa nahafantatra anao nandritra ny fotoana ela be ny Rainao any An-danitra. Ianao, amin’ny maha-zanany lahy na zanany vavy anao, dia nosafidiany ho tonga etỳ an-tany amin’izao fotoana izao indrindra, mba ho mpitarika iray ao amin’ny asany lehibe eto ambony ny tany. Nosafidiana ianao tsy noho ny toetoetranao ara-batana fa noho ny toetoetranao ara-panahy. … (“Fanapahan-kevitra ho an’ny mandrakizay,” Liahona, Nôv. 2013, 107)

Inona no fahamarinana azontsika ianarana avy amin’ny Jeremia 1:4–5 sy ny teny nambaran’ny Filoha Nelson?

Rehefa mizara ny mpianatra dia ampio izy ireo hahita fa talohan’ny nahaterahantsika dia efa nahalala antsika ny Tompo ary nanome antsika andraikitra manokana ho tanterahina eto amin’ny fiainana an-tany.

Azonao atao ny manasa ny mpianatra hametraka izay fanontaniana ananany mikasika izany fahamarinana izany. Raha mametraka fanontaniana tsy mbola tena nahazoana valiny mazava avy amin’ny Tompo izy ireo dia isaory ny amin’izany fanontaniany mampieritreritra izany kanefa mitandrema mba tsy hanome valiny avy amin’ny eritreritrao manokana.

Mety hanampy amin’ny famaliana ny fanontanian’ny mpianatra ireo teny nambara ao amin’ny Loharanom-pitaovana fanampiny.

Raha mila ohatra ahitana olona hafa nantsoina ho amin’ny andraikitra manokana eto amin’ny fiainana an-tany dia azon’ny mpianatra atao ny mamaky iray na maromaro amin’ireto manaraka ireto: Lioka 1:13–17, 1 Nefia 11:14–20, Môzià 3:5–10, Fotopampianarana sy Fanekempihavanana 138:53–56.

Araka ny fanontaniana sy ny filan’ny mpianatrao dia misafidiana iray na maromaro amin’ireto fizarana telo amin’ny lesona ireto izay heverinao fa mety hanampy betsaka azy ireo.

Safidy 1: Ny fampanantenan’ny Tompo

Amin’ireto fandalinana ny soratra masina manaraka ireto dia azonao atao ny manentana ny antsasaky ny mpianatra hanisy marika ny torohevitra nomen’ny Tompo ary ny antsasany hafa hanisy marika ny fampanantenana nataon’ny Tompo. Avy eo dia asaivo mitady namana izay nanisy marika zavatra hafa ny mpianatra mba hifampizara izany.

Avy eo dia ifanakalozy hevitra miaraka amin’ny rehetra ao an-dakilasy ireto fanontaniana manaraka ireto.

Vakio ny Jeremia 1:6–9, 17–19 ary asio marika ny torohevitra sy fampanantenana nomen’ny Tompo an’i Jeremia manoloana ny fahatsapany ho tsy mahavita azy.

Ahoana no mety nanampian’ny fampanantenanan’ny Tompo an’i Jeremia hahita ny antsony amin’ny fomba fijery mibanjina ny mandrakizay?
Inona no notenenin’ny Tompo tamin’i Jeremia ka mety hanampy anao androany amin’ny andraikitra izay nomen’ny Tompo anao?

Safidy 2: Zava-dehibe ny fahalalako ny tanjoko masina

Ahoana no hanampian’izany anao hahafantatra ny andraikitra masina nomen’ny Tompo anao?

Safidy 3: Mamantatra ny tanjoko masina

Asao ny mpianatra hikaon-doha anaty vondrona kely maromaro ary hitady valiny betsaka araka izay tratra amin’ireto fanontaniana manaraka ireto ao anatin’ny roa minitra. Avy eo dia entano izy ireo hanao ny listr’ireo hevitra hitany eny amin’ny solaitrabe.

Mety hizara valinteny toy ireto ny mpianatra: mamaky ny tsodranon’ny patriarika, vavaka, fanambarana ho an’ny tena manokana, maka torohevitra avy amin’ny olona akaiky ny fo ary milofo amin’ny antso.

Ahoana no ahafahako mahafantatra ny andraikitra masina nomen’ny Tompo ahy?

Asehoy ity teny nambara manaraka ity. Asao ny vondrona tsirairay hisafidy ny iray amin’ireo sosokevitra efatra nomen’ny Loholona Pingree ary hifanakalo hevitra momba ny mety hanampian’izany sosokevitra izany ny tanora iray hahatakatra ny andraikitra masina nomen’ny Ray any An-danitra azy.

Ny Loholona John C. Pingree Jr. ao amin’ny Fitopololahy dia nizara zavatra efatra azontsika atao mba hahatakarantsika ny andrikitra nomen’ny Tompo antsika:

Voalohany, mifantoha amin’ny hafa. …

Faharoa, fantaro sy ampitomboy ireo fanomezam-pahasoavana ara-panahy. …

Fahatelo, ampiasao ny fotoan-tsarotra. …

Ary fahefatra, miantehera amin’ Andriamanitra. Rehefa manontany Azy amin’ny tena finiavana isika, dia haneho amintsika ny andraikitsika masina Izy. (“Manana asa ho anao Aho,” Liahona, Nôv. 2017, 33–34)

Mahafantatra ahy ny Tompo

Mba hanampiana ireo mpianatra hizara izay nianarany sy tsapany androany dia entano izy ireo hanao ireto manaraka ireto. Amporisiho ny mpianatra hanaraka izay bitsika mety ho azon’izy ireo avy amin’ny Fanahy Masina eo am-panaovana izany.

Manorata hafatra ho an’ny tenanao any aoriana any ao anaty diary fandalinanao ary ny zavatra nianaranao androany no ampiasao hanoratana izany. Soraty izay tianao hotsaroana mikasika ny fahalalan’ny Ray any An-danitra sy i Jesoa Kristy anao sy ireo andraikitra masina nomeny anao.

Fanaovana tsianjery

Azonao atao ny manampy ireo mpianatra hitadidy ilay toko sy andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa any aoriana any. Ny andian-teny manan-danja ao amin’ny soratra masina ho an’ny Jeremia 1:4–5 dia ny hoe, “Hatry ny fony hianao tsy mbola noforoniko tany an-kibo no efa … notendreko ho mpaminany ho an’ny firenena.” Ireo hevitra ho an’ny sahanasa fanaovana tsianjery dia hita ao amin’ny tovana etsy ambanin’ny “Sahanasa famerenana fifehezana fotopampianarana.”

Loharanom-pitaovana fanampiny

Ahoana no hahalalako ny drafitr’ Andriamanitra ho ahy?

Ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo dia nanazava hoe:

Manana drafitra manokana ho an’ny fiainanao Andriamanitra. Hanambara ny ampahan’izany drafitra izany aminao izy rehefa mikatsaka izany amim-pinoana sy amim-pankatoavana tsy tapaka ianao. (“How to Live Well amid Increasing Evil,” Liahona, May, 2004, 102)

Manana tanjona masina ve aho?

Ny Loholona Alan T. Phillips ao amin’ny Fitopololahy dia nijoro ho vavolombelona hoe:

Aza diso hevitra na manambany ny maha-manan-danja anao amin’ny Rainao any An-danitra. Tsy vokatry ny kisendrasendran’ny natiora ianao, na singan’olona, na vokatry ny fivoaran-javatra. Matoa misy ny zavaboary dia misy ny mpamorona.

Misy dikany sy manan-tanjona ny fiainanao. … Zanaka malalan’ny Ray any An-danitra ianao. (“Mahafantatra sy tia anao Andriamanitra,” Liahona, Nôv. 2023, 49)

Inona no atao hoe fanendrena mialoha? (Jeremia 1:5)

Tany amin’ny tontolon’ny fanahy tamin’ny fiainana talohan’ny nahaterahana dia nanendry fanahy maromaro Andriamanitra hanatanteraka iraka manokana mandritra ny fiainany eto an-tany. Izany no antsoina hoe fanendrena mialoha. Ny fanendrena mialoha dia tsy manome antoka fa handray antso na andraikitra manokana ny olona. Ny tombontsoa toy izany dia tonga eto amin’ity fiainana ity vokatry ny fampiasana amim-pahamarinana ny fahafahana misafidy, toy ny fanendrena mialoha izay miseho vokatry ny fahamarinana tany amin’ny fiainana talohan’ny nahaterahana. (Lohahevitra sy fanontaniana, “Fanendrena mialoha,” Tahirim-pitaovana)

Inona ireo zavatra mety hanelingelina ahy amin’ny fanatanterahana ireo andraikitra nomen’ny Tompo ahy?

Nampianatra ny Loholona John C. Pingree Jr. ao amin’ny Fitopololahy hoe:

Amin’ny fotoana izay hanampian’ Andriamanitra antsika hanatanteraka andraikitra masina, dia miezaka ny fahavalo hanary dia antsika sy handresy lahatra hoe tsisy dikany ny fiainana.

Ny fahotana angamba no vato mahatafintohina lehibe indrindra ho antsika, izay mampihena ny fahaizantsika mahatsapa ny Fanahy Masina sy misakantsakana ny fahazoantsika hery ara-panahy. …

I Satana koa dia miezaka ny manary dia antsika amin’ny zavatra izay tsy manan-danja kokoa. …

Fanampin’ izany i Satana dia manakivy antsika amin’ny fahatsapana ho tsy mahavita azy. Ataony ho toy ny hoe sarotra na mampihemotra ilay asantsika. …

Mety handresy lahatra antsika koa i Satana mba hijery ny asantsika ho latsa-danja noho ny asa nampandraiketina ny hafa. Kanefa ny iraka rehetra avy amin’ Andriamanitra dia samy manan-danja avokoa. …

Rehefa miasa amin’ny alalantsika Andriamanitra, dia mety haka fanahy antsika ilay fahavalo mba hitady sitraka isaky ny zava-bita. Na dia izany aza dia azontsika alain-tahaka ny fanetrentenan’ny Mpamonjy amin’ny fialana amin’ny fidokan-tena sy amin’ny fanomezam-boninahitra an’ Andriamanitra (jereo ny Matio 5:16Mosesy 4:2). (“Manana asa ho anao Aho,” Liahona, Nôv. 2017, 34–35)

Sahanasa fianarana fanampiny

“Indro, tsy mahay mandaha-teny aho, fa mbola zaza” (Jeremia 1:6)

Indraindray mahatsiaro ho tsy mahavita azy isika manoloana ny andraikitra omen’ny Tompo antsika. Hevero ny hanao ireto manaraka ireto hanampiana ny mpianatra hahita ohatra fanampiny ao amin’ny soratra masina ahitana olona izay, tahaka an’i Jeremia, dia nahatsapa tena ho tsy mahavita azy hanao ny zavatra ampanaovin’ny Tompo azy.

Rehefa hitan’ny mpianatra hoe inona no tsapan’i Jeremia ao amin’ny Jeremia 1:6 raha niantso azy ho mpaminany ny Tompo dia asao ny mpianatra hampifandray na hampifandrohy ny andininy faha 6 amin’ny Eksodosy 4:10–12 sy ny Mosesy 6:31–34.

Avy eo dia asao ny antsasaky ny mpianatra hamaky ny Eksodosy 4:10–12 ary ny antsasany kosa hamaky ny Mosesy 6:31–34. Azon’ny mpianatra atao ny mamantatra hoe iza no nantsoin’ny Tompo sy ny zavatra nampanantenainy hanampiana azy ireo amin’izany andraikitra izany.

Azonao marihina fa na i Jeremia (“zaza,” Jeremia 1:6) na i Enoka (“zaza,” Mosesy 6:31) dia samy nihevitra ny tenany ho tanora sy tsy ampy traikefa rehefa nahazo ny antso avy amin’ny Tompo. Azon’ny mpianatra atao avy eo ny mitady toe-javatra iainana (ohatra hoe mitarika ny hafa, manao asa fitoriana, manao asa fanompoana, mandray fitenenana ao am-piangonana) mety ahatonga ny tanora hiteny hoe, “Tsy vitako izany. Mbola kely loatra aho.” Dia manontania avy eo hoe:

Ahoana no ahafahan’ny torohevitry ny Tompo ao amin’ireo soratra masina ireo manampy anao hanatanteraka ireo andraikitra nomeny anao?

Ny fanagonana an’i Isiraely—“ilay iraka nanirahana anareo ety an-tany”

Nampianatra ny tanora ao amin’ny fiangonana ny Filoha Russell M. Nelson fa ny fanangonana an’i Isiraely dia anisan’ny iraka masina ampanaovina azy ireo ety an-tany. Mba hanampiana ny mpianatra hahatakatra ny andraikiny masina amin’io fanangonana io dia hevero ny hijery ny “Fanantenana ho an’i Israely” manomboka amin’ny minitra faha-32:40 ka hatramin’ny faha-33:36 sy ny minitra faha-39:35 ka hatramin’ny faha-40:06.

61:34

Azon’ny mpianatra atao ny miasaintsaina ny fanomezam-pahasoavana sy talenta azony avy amin’ny Tompo ka manampy azy ireo handray anjara feno amin’ny fanangonana an’i Isiraely. Amporisiho izy ireo hikaroka fomba hampiasana ny fanomezam-pahasoavany hanampiana ny hafa hanatona an’i Kristy sy hanao fanekempihavanana Aminy.

“Efa nataoko ao am-bavanao ny teniko” (Jeremia 1:9)

Raha manampy ny mpianatra hampitombo ny fanirian’izy ireo hanaraka ny tenin’ireo mpaminanin’ Andriamanitra ireto sahanasa manaraka ireto dia ataovy izany. Asao ny mpianatra hamaky ny Jeremia 1:9 ary hitady izay nolazain’ny Tompo mikasika ny tenin’i Jeremia. Azonao atao ny manasa azy ireo hampifandray na hampifandrohy ilay andininy amin’ny Fotopampianarana sy Fanekampihavanana 1:38. Dia apetraho amin’ny mpianatra ity fanontaniana manaraka ity avy eo:

Inona no nianaranao avy tamin’ireo andininy roa ireo?

Azon’ny mpianatra atao avy eo ny mikaroka fampianarana avy amin’ny fihaonamben’ny fiangonana maneran-tany farany indrindra, ary mijery izay ampianarin’ny mpaminany amin’izao vaninandro misy antsika izao. Azon’ny mpianatra zaraina ny hoe afaka ny hisy akony amin’ny fahavononan’izy ireo hanaraka ny mpaminany amin’ny fomba ahoana ny fahafantarana hoe avy amin’iza ny fitaomam-panahy nahazoana ireo tenin’ny mpaminany.