Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Jeremia 16: “Hampodiko … izy”

“Jeremia 16: -Hampodiko … izy,-” Testamenta Taloha: Boky torolalana ho an’ny mpampianatra seminera (2026)

“Jeremia 16: -Hampodiko … izy,-” Testamenta Taloha: Boky torolalana ho an’ny mpampianatra seminera

Jeremia 1–3; 7; 16–18; 20: Lesona 132

Jeremia 16

“Hampodiko … izy”

Men and women sharing the book of Mormon with another person as they walk.

Mangataka antsika handray anjara amin’ny asa lehibe indrindra ety ambonin’ny tany amin’izao vaninandro izao ny Mpamonjy: dia ny fanangonana an’i Isiraely ary ao anatin’izany ny fizarana ny filazantsara. Zava-dehibe loatra ny fanangonana an’i Isiraely ka nahatonga ny Mpamonjy nanome fitaomam-panahy ny mpaminany fahiny toa an’i Jeremia mba haminany mikasika izany, arivotoana lasa izay. Ity lesona ity dia afaka manampy ny mpianatra handray anjara amin’ny fanangonana an’i Isiraely amin’ny fizarana ny filazantsaran’i Jesoa Kristy.

Fanomanana ny mpianatra: Entano ny mpianatra hisaintsaina olana mety handalovan’ny zatovo Olomasin’ny Andro Farany amin’ny fizarana ny filazantsaran’ny Mpamonjy sy ny fomba handresena izany olana izany. Azon’izy ireo atao ny miomana hizara ny heviny amin’ny iray kilasy.

Sahanasa fianarana azo atao

Ny herin’ny Mpamonjy

Hevero ny hanomboka ny fampianarana amin’ny alalan’ny fanasana ny mpianatra hifanakalo hevitra momba ity fanontaniana manaraka ity. Raha mila fanampiana izy ireo dia ampatsiahivo azy ny fahagagana nohalalininy tao amin’ny Testamenta Taloha. (Azonao hafohezina ity fifanakalozan-kevitra ity mba hanananao fotoana ampy tsara hanaovana ny lesona.)

Inona avy ireo fahagagana na fanehoan-kery lehibe indrindra nataon’ Andriamanitra raha ny hevitrao?

Raha tsy notononin’ny mpianatra ny fanasarahana ny Ranomasina Mena dia asehoy ny sarin’i Mosesy sy ny Ranomasina Mena. Hazavao fa tena mahagaga loatra izany toe-javatra izany ka nahatonga ny olona niresaka izany nandritra ny taonjato maro rehefa nampianatra momba ny hery lehiben’ny Mpamonjy (jereo Hebreo 11:29; 1 Nefia 4:2; Helamàna 8:11).

Eritrereto ireo fahagagana lehibe nataon’ Andriamanitra tany aloha tany eo am-pamakianareo ity teny manaraka nambaran’ny Filoha Russell M. Nelson ity:

Maro dia maro ny zavatra mahafinaritra mbola hitranga. Amin’ny andro ho avy, dia ho hitantsika ny fisehoan’ny herin’ny Mpamonjy izay lehibe indrindrahitan’izao tontolo izao hatrizay (“Mandresy izao tontolo izao dia mahita fitsaharana,” Liahona, nôv. 2022, 95)

Vakio ny Jeremia 16:14–15 dia tadiavo ny zavatra hataon’ny Mpamonjy amin’ny andro farany izay hanatantara kokoa noho ny nanafahany an’i Isiraely tany Egypta.

Inona no hitanao?

Raha mila fanampiana ny mpianatra dia azonao atao ny manazava fa i Jeremia, ao amin’ireo andininy ireo dia naminany ny amin’ny fanangonana an’i Isiraely amin’ny andro farany.

Raha ilaina dia hazavao fa ny Filoha Nelson dia nampianatra fa ny fanangonana an’i Isiraely dia entina ilazana “ny fanolorana ny filazantsaran’i Jesoa Kristy amin’ireo zanak’ Andriamanitra amin’ny lafin’ny voaly roa” (Russell M. Nelson sy Wendy W. Nelson, “Fanantenana ho an’i Isiraely” [fampaherezam-panahy ho an’ny tanora maneran-tany, 3 Jona 2018], Médiathèque de l’Évangile). Ity lesona ity dia hifantoka amin’ny fanangonana an’i Isiraely eto amin’ity lafin’ny voaly eto ity.
Rehefa mihevitra ny drafitr’ Andriamanitra ho an’ny zanany ianao dia nahoana no ho fahagagana lehibe kokoa ny fanangonana an’i Isiraely raha oharina amin’ny fanafahana an’i Israely tany Egypta?

Saintsaino ny hevitrao mikasika ireto fanontaniana manaraka ireto:

Manan-danja aminao ve ny fanangonana an’i Isiraely? Nahoana no eny, na nahoana no tsia?
Ahoana ny hevitrao mikasika ny fandraisanao anjara amin’izany?

Tahaka ny nataony tamin’i Mosesy dia afaka mampiseho ny heriny mahagaga amin’ny alalanao ny Mpamonjy raha mandray anjara amin’ny fanangonana an’i Isiraely ianao. Anio, raha mandalina ny Jeremia 16 ianao dia henoy tsara ny fahatsapana raisinao avy amin’ny Fanahy Masina. Saintsaino ny fomba mety ahafahan’ny Mpamonjy mampiasa anao amin’ity fanangonana lehibe ity.

Fampielezana sy fanangonana

Ao amin’ny Jeremia 16:10–18 ny Tompo dia nanome fitaomam-panahy an’i Jeremia mba haminany ny faharavan’i Isiraely, izay nitranga noho ny fikomian’izy ireo. Nampianatra azy ireo ny Tompo fa “[tsy] takona tamin’ny [masony] ny helony” (andininy 17) ary handefa famaizana sahaza an’izay nataon’izy ireo Izy raha mitohy ny fikomiany.

Vakio ny Jeremia 16:13 ary tadiavo ny zavatra tsy maintsy handalovan’ny Israelita vokatry ny faharatsiam-panahin’izy ireo.

Ampio ny mpianatra hahalala fa i Jeremia dia naminany ny amin’ny fampielezan’ Andriamanitra ny Isiraelita tao Jerosalema ho any amin’ny firenena samihafa noho ny fikomiany. Tanteraka izany rehefa lasa babo tany Babylona ny Isiraelita. Nandritra izany fotoana izany ihany koa no nampielezan’ny Tompo ireo olo-marina tahaka an’i Lehia sy ny akohonany, izay nentina tany amin’ny kaontinanta Amerikana mba hiarovana ny ain’izy ireo tamin’ny olona ratsy fanahy (jereo 2 Nefia 10:20–21).

Ao amin’ny Jeremia 16:14–15, dia naminany i Jeremia fa amin’ny andro farany ny Mpamonjy no hampiseho ny heriny amin’ny fanangonana an’i Isiraely hiverina Aminy sy amin’ny Fiangonany.

Hevero ny hanasa ny mpianatra hifanakalo hevitra momba ity manaraka ity miaraka amina namana iray na anaty vondrona kely.

Vakio ny Jeremia 16:16 ary tadiavo ny fampitahana nataon’ny Tompo mikasika ny olona izay manampy amin’ny fanangonana an’i Isiraely.

Nahoana no mety ho fanoharana mety tsara ho an’ny olona manampy amin’ny fanangonana an’i Isiraely ny fanjonoana sy ny fihazana?
Inona no nianaranao mikasika ny anjara asantsika amin’ny fanangonana an’i Isiraely?

Miaraka amin’ireo fahamarinana hafa mety hozarain’ny mpianatra dia ampio izy ireo hahita fa miantso antsika hitady an’i Isiraely niely patrana sy hitondra azy ireo hiverina Aminy i Jesoa Kristy.

Nampianatra izao manaraka izao mikasika io fanangonana lehibe io ny Loholona Ronald A. Rasband ao amin’ny Kôlejin’ny Apôstôly Roambinifolo:

13:48

Ny fanangonana no fomba ahafahana maneho tsara indrindra ny fanekena fa “lehibe ny hasarobidin’ny olona eo imason’ Andriamanitra” [Fotopampianarana sy Fanekempihavanana 18:10]. Tena tsotra tahaka izany ilay izy. Manangona ireo zanak’ Andriamanitra isika amin’izao andro farany izao mba hahazoan’izy ireo “fitahiana lehibe aidina eo ambony lohany” [3 Nefia 10:18] sy ny fampanantenanan’ny “harena mandrakizay” [Fotopampianarana sy Fanekempihavanana 78:18]. Manaraka izany dia mila misiônera isika mba hanangonana an’i Isiraely. (“Akory ny ho halehiben’ny fifalianareo,” Liahona, Nôv. 2023, 52)

Inona no ampianarin’ny teny nambaran’ny Loholona Rasband anao mikasika ny Ray any An-danitra sy i Jesoa Kristy?

Mandray anjara amin’ny fanangonana

Afaka mamaly ity fanontaniana manaraka ity ny mpianatra. Asao ny mpianatra hitanisa ireo valinteny ireo eny amin’ny solaitrabe.

Inona no mety ho olana ananan’ny zatovo Olomasin’ny Andro Farany amin’ny fizarana ny filazantsaran’ny Mpamonjy sy ny fanangonana an’i Isiraely?

Mba hanampiana ny mpianatra hiatrika izany olana izany dia azonao atao ny mampiseho ireto torolalana manaraka ireto.

Azonao alamina ho vondrona kely maromaro ny mpianatra ary mandalina zavatra samy hafa ny mpianatra tsirairay. Rehefa nahavita izany izy ireo dia afaka mifampianatra ny zavatra nianarany.

Misafidiana iray amin’ireto fandalinana samy hafa manaraka ireto. Miomana hizara izay olana heverinao fa tena novahan’ilay andinin-tsoratra masina sy ny anton’izany.

Vakio ny Jeremia 1:6–9 ary tadiavo ny tenin’ny Tompo raha niantso an’i Jeremia hizara ny filazantsara Izy.
Vakio ny Fotopampianarana sy Fanekempihavanana 123:12, 16–17 ary tadiavo izay nampianarin’i Joseph Smith ny Olomasin’ny Andro Farany tany am-boalohany izay mifandray amin’ny fizarana ny filazantsara.
Vakio ny Mosesy 6:32–34 mba hitadiavana ny zavatra nolazain’ny Tompo rehefa niantso an’i Enoka hizara ny filazantsara Izy.
Mitadiava soratra masina hafa izay heverinao fa hanampy amin’ireo olana voasoratra eny amin’ny solaitrabe.

Azon’ny mpianatra atao ny mifanakalo hevitra mikasika ireto fanontaniana manaraka ireto miaraka amin’ny iray kilasy na tsiroaroa na anaty vondrona kely maromaro.

Rehefa nandalina sy niezaka namaha ireo olana voasoratra teny amin’ny solaitrabe ianareo dia inona no nianaranareo mikasika ny Mpamonjy?
Inona no mety ho fiantraikan’ny zavatra nianaranao mikasika Azy amin’ny fanirianao hizara ny filazantsara amin’ny hafa?

Manaova drafitra

Inona no traikefa azonao na ny olona fantatrao tamin’ny fizarana ny filazantsaran’ny Mpamonjy tamin’ny hafa?

Afaka mizara ny traikefa rehetra azonareo ianareo. Avy eo dia asehoy amin’ny mpianatra ity teny nambara manaraka ity mba hahafahan’izy ireo mijery izany eo am-pamolavolany ny drafiny.

Nanao izao fanasana manaraka izao ny Filoha Russell M. Nelson:

Tsy misy zava-mitranga manan-danja kokoa eto amin’ity tany ity mihoatra noho ny fanangonana an’i Israely ho Azy. Ampahafantaro ny Rainareo any An-danitra fa te hanampy ianareo. Angataho Izy haniraka anao hiasa amin’izany asa be voninahitra izany. (“Safidy ho an’ny mandrakizay” [fampaherezam-panahy maneran-tany ho an’ny tanora, 15 mey 2022], Médiathèque de l’Évangile.)

Manaova drafitra manokana amin’ny fizarana ny filazantsaran’ny Mpamonjy amin’ny hafa ao amin’ny diary fandalinanao. Alohan’ny hanaovana izany drafitra izany dia mety hanaraka ny fanasan’ny Filoha Nelson ianao amin’ny fanehoanao amim-bavaka amin’ny Ray any An-danitra ny fanirianao hanampy amin’ny fanangonana an’i Israely.

Azonao ampidirina ao anatin’ny drafitrao manokana izay fahatsapana rehetra mety ho azonao avy amin’ny Fanahy Masina. Azonao ampidirana amin’izany, ohatra, ny olona tianao hizarana ny filazantsara, toy ny olona tsy mpikambana ao amin’ny Fiangonana na olona tsy mandray anjara mavitrika ao amin’ny Fiangonana. Hevero ihany koa ny hampiditra ny fomba sy ny fotoana ahafahanao mizara izany amin’izy ireo.

Hevero ny hamarana izany amin’ny fahatsapana anananao mikasika ny Mpamonjy sy ny fitondrana fanampiana amin’ny fitondrana fanahy eo Aminy.

Loharanom-pitaovana fanampiny

Zava-dehibe toy ny ahoana ny fanangonana an’i Israely?

Ny Filoha Russell M. Nelson dia nanazava hoe:

Nalefa tety an-tany ianareo ho amin’izao fotoana izao indrindra … mba hanampy amin’ny fanangonana an’i Isiraely. Tsy misy zavatra manan-danja kokoa noho izany eto amin’ity tany ity amin’izao. …

Izany fanangonana izany no zavatra tokony hanan-danja indrindra ho anareo. (Russell M. Nelson sy Wendy W. Nelson, “Fanantenana ho an’i Isiraely” [fampaherezam-panahy maneran-tany ho an’ny zatovo, 3 Jona 2018], Médiathèque de l’Évangile)

Inona ny andraikitrao amin’ny fanangonana an’i Isiraely?

Ny Loholona Quentin L. Cook ao amin’ny Kôlejin’ny Apôstôly Roambinifolo dia nizara hoe:

14:48

Raha jerena amin’ny fijery mazava sy malalaka, ireo mpikamban’ Ny Fiangonan’i Jesoa Kristy ho an’ny Olomasin’ny Andro Farany dia manana tombontsoa lehibe ny hitia, hizara sy hanasa ary hanampy amin’ny fanangonana an’i Isiraely mba hahafahana mandray ny fahafenoan’ireo fitahian’ny fanekempihavanan’ny Tompo. … “Hitohy hatrany izany fanangonana izany mandra-piangon’ireo olo-marina ao anatin’ny fivondronan’ireo Olomasina any amin’ny firenen’izao tontolo izao.” (Spencer W. Kimball, Fampianaran’i Spencer W. Kimball, 438). (“Tafangona soa aman-tsara ao an-trano,” Liahona, Mey 2023, 22)

Inona avy ireo fitahiana mety ho azontsika avy amin’ny fizarana ny filazantsaran’i Jesoa Kristy?

Hoy ny Loholona Quentin L. Cook ao amin’ny Kôlejin’ny Apôstôly Roambinifolo hoe:

14:48

Ezaho takarina fa misy ireo fitahiana miavaka ao amin’ny fizarana ny filazantsaran’i Jesoa Kristy. Ny soratra masina dia miresaka momba ny fifaliana sy ny fiadanana, ny famelana ny fahotana, ny fiarovana amin’ny fakam-panahy ary ny hery manohana avy amin’ Andriamanitra. Rehefa mijery mihoatra ity fiainana an-tany ity isika dia ho vonona ny hizara ny filazantsara amin’ireo izay “ao amin’ny haizina sy ao amin’ny famatoran’ny fahotana ao amin’ny tontolo lehiben’ny fanahin’ny maty” [Fotopampianarana sy Fanekempihavanana 138:57]. (“Tafangona soa aman-tsara ao an-trano,” Liahona, Mey 2023, 23)

Sahanasa fianarana fanampiny

Hevitra entina mizara ny filazantsara

Mba hanampiana ny mpianatra hikaroka hevitra hizarana ny filazantsara dia azonao asaina izy ireo hikaroka ao amin’ny share.ChurchofJesusChrist.org.

Jeremia 17. Fitandremana ny andro Sabata

Rahe heverinao fa hahazo tombontsoa ny mpianatra raha mifanakalo hevitra mikasika ny fitandremana ny andro Sabata dia asao izy ireo hamaky ny Jeremia 17:21–27 ary hanisy marika ny teny hoe raha sy dia. Azonao atao ny manasa ny mpianatra hizara ny fampanantenan’ny Tompo raha nitandrina ny andro Sabata ho masina ny Isiraelita sy ny mety ho voka-dratsy amin’ny fanaovana tsinontsinona izany.

Azonao atao avy eo ny manasa ny mpianatra hizara izay fitsipika nianarany mikasika ny fitandremana ny andro Sabata ho masina. Mety hampiasa teny hafa izy ireo kanefa ampio mba hahatsikaritra ity fitsipika manaraka ity: Raha mitandrina ny andro Sabata ho masina isika dia hiaro sy hanampy antsika hiroborobo ny Tompo. Afaka mizara ny traikefa teo amin’ny fiainany ny mpianatra avy eo izay mijoro ho vavolombelona momba ny fahamarinan’izany fitsipika izany.

Jeremia 18–19. Tanimanga eo an-tanan’ny Tompo

Mba hanampiana ny mpianatra hahatakatra fa vonona sy afaka manova ny fiainantsika ny Tompo dia azonao atao ny mitondra bolongan-tanimanga malemy. Asao ny mpianatra hanefy haingankaingana vilany amin’izany tanimanga izany. Azonao anontaniana ny mpianatra avy eo ny amin’izay azony atao raha toa ka tsy tiany ny endrik’ilay vilany izay vao avy notefeny. Dia asao ny mpianatra avy eo hamerina indray ka hanefy vilany iray hafa.

Angataho ny mpianatra hamaky ny Jeremia 18:1–6 ka hitady ny fifandraisan’izany lesona ampiasana zavatra azo tsapain-tanana izany amin’ny hafatry ny Tompo ho an’ny Israelita. Hevero ny hametraka fanontaniana tahaka ireto manaraka ireto:

Inona no dikan’ny hoe tanimanga eo an-tanan’ny Tompo?
Inona hoy ianao no mety ho hevitry ny hoe volavolaina sy amboarin’ny Tompo indray?

Ampio ny mpianatra hamantatra fahamarinana mitovy amin’izao manaraka izao: Raha misafidy ny hibebaka isika dia hamolavola sy hanamboatra ny fiainantsika indray ny Tompo.

Hazavao fa nandà ny tenin’i Jeremia ny Jiosy (jereo ny Jeremia 18:11–12). Asao ny mpianatra hamaky ny Jeremia 19:1–2, 10–11 ka hitady ny zavatra nolazain’ny Tompo ny amin’izay hitranga noho ny fandavan’ny Jiosy ny fanasany hibebaka.

Afaka mizara ny fomba nahitany an’ Andriamanitra namolavola sy nanamboatra ny fiainany indray, na ny fiainan’ny olona fantany ny mpianatra avy eo.

Jeremia 20:7–9. Mizara ny filazantsara—na dia sarotra aza ny manao izany

Azonao atao ny manampy ity fandalinana ity ao amin’ny fizarana “Mandray anjara amin’ny fanangonana” amin’ity lesona ity. Azonao atao aloha ny manazava fa maro tamin’ny olona tamin’ny andron’i Jeremia no nandà ampahibemaso ny filazantsara. Herisetra sy eso no nasetrin’ny olona ny ezaka nataony tamin’ny fizarana ny filazantsara (jereo ny Jeremia 20:7–8). Mety hanampy ihany koa ny fanazavana fa ny teny hoe “niaritra” dia midika hoe miato, miandry, na mitsahatra; ny teny hoe “mahazaka” amin’izany sahan-kevitra izany dia midika hoe mijanona na tsy mihetsika.

Vakio ny Jeremia 20:9 ka tadiavo ny antony nahatonga an’i Jeremia nanohy niresaka momba ny Mpamonjy sy ny filazantsarany na dia azon’ny fakam-panahy hijanona aza izy noho ny fandavan’ny olona ny hafatra nentiny.