Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Jeremia 2–3: “Miverena hianao … Fa mamindra fo aho, hoy Jehovah”

“Jeremia 2–3: -Miverena hianao … Fa mamindra fo aho, hoy Jehovah,-” Testamenta Taloha: Boky torolalana ho an’ny mpampianatra seminera (2026)

“Jeremia 2–3: -Miverena hianao … Fa mamindra fo aho, hoy Jehovah,-” Testamenta Taloha: Boky torolalana ho an’ny mpampianatra seminera

Jeremia 1–3; 7; 16–18; 20: Lesona 131

Jeremia 2–3

“Miverena hianao … Fa mamindra fo aho, hoy Jehovah”

Nahery vaika tahaka ny amin’izao vaninandro misy antsika izao ny fitaoman’izao tontolo izao tamin’ny andron’i Jeremia. Betsaka tamin’ny vahoakan’ Andriamanitra no niala tamin’ny fampianarany ary tsy ela dia babon’ny fahavalony. Na dia teo aza ny faharatsian’izy ireo dia mbola nalefa ihany i Jeremia hampianatra fa Andriamanitra dia mbola manasa azy ireo hitodika Aminy ary hanasitrana azy. Ity lesona ity dia afaka manampy ny mpianatra hampitombo ny faniriany hitodika amin’ny Mpamonjy mba hahazoany famindrampo sy fanasitranana.

Fanomanana ny mpianatra: Asao ny mpianatra hikaroka soratra masina izay mampianatra momba ny fitahiana avy amin’ny fibebahana. Azon’izy ireo atao ny mivonona hizara ny antony maha-manan-danja ireo fitahiana ireo aminy.

Sahanasa fianarana azo atao

Siniben-drano tsy misy rano

Mba hanampiana ny mpianatra hahatakatra ny toe-javatra niainan’ny olona tamin’ny andron’i Jeremia dia hazavao fa manampy antsika hahita ireo fahamarinana ara-panahy ny Tompo matetika amin’ny fampitahana izany amin’ny zavatra mahazatra antsika andavanandro.

Hevero ny hitondra ao an-dakilasy zinga lava taho, koveta na lovia lehibe ary kaopy misy kiloadoaka kely maromaro ao ambaniny.

Eo am-pamakian’ny mpianatra ity andininy manaraka ity dia tazony ambony ilay zinga lava.

Vakio ny Jeremia 2:13 ary tadiavo ny anarana fiantsoana ny Mpamonjy izay azo’ilay rano haseho. (Ny “siniben-drano” dia lavaka ambanin’ny tany hitahirizan-drano.)

Inona no ampianarin’ny anarana fiantsoana hoe “loharanon’aina” antsika mikasika an’i Jesoa Kristy?

Ireo mpianatra dia afaka mizara zavatra toy ny hoe, loharanon’ny fanadiovana sy mpamatsy aim-panahy tsy tapaka i Jesoa.

Asao ny mpianatra iray hitazona ny kaopy eo ambonin’ilay koveta (mba tsy hiparitahan’ny rano) ary raraho rano avy amin’ilay zinga lava ao anatin’ilay kaopy. Mety hanampy ny mpianatra ny mamerina mijery ny andininy 13 indray alohan’ny hametrahana ny iray amin’ireto fanontaniana manaraka ireto na izy roa.
Inona no mety asehon’ilay fandrarahana ny rano anatin’ny kaopy voalaza ao amin’ilay andininy?
Inona no ampianarin’ilay lavaka eo amin’ilay siniben-drano antsika mikasika ny toe-panahin’ny olona tamin’ny andron’i Jeremia?

Zarao amin’ny mpianatra fa ny olona tamin’ny andron’i Jeremia dia nitodika tamin’ny zavatr’izao tontolo izao, toy ny fikatsahana tombontsoa sy hery eo amin’ny fiainany avy amin’ny andriamanitra sandoka fa tsy tamin’ny Tompo.

Eritrereto kely ny fahavononanao hitodika amin’i Jesoa Kristy ho tombontsoa sy hery eo amin’ny fiainanao. Rehefa mandalina ianao anio dia manàna fahavononana handray ireo bitsika na fahatsapana avy amin’ny Fanahy Masina mikasika ny fitodihana amin’ny Mpamonjy fa tsy amin’ny loharano hafa mba hahazoana fitahiana sy fanasitranana.

Mahatsapa ho lavitra ny Ray any An-danitra sy i Jesoa Kristy

Mba hanampiana ny mpianatra hampifandray ny tenany amin’ity rafi-tantara manaraka ity dia azonao atao ny mampiseho sarina zatovo tahaka ilay iray izay aseho eto. Asao ny mpianatra hanome anarana sy hamorona antsipirian-javatra vitsivitsy mombamomba azy.

Alaovy sary an-tsaina hoe misy tovolahy iray ao amin’ny kilasin’ny semineranao, izay mahatsapa fa toy ilay siniben-drano vaky ny fiainany noho ny safidy ratsy nataony tany aloha. Mahatsapa ho lavitra ny Ray any An-danitra sy i Jesoa Kristy izy ary tsy manana fanantenana hoe hihatsara ny zavatra iainany.

Vakio ny Jeremia 3:12–15, 22 ary tadiavo ny fanoritsoritana an’i Jesoa Kristy izay mety hahasoa an’ity tovolahy ity ny fahatakarany azy. (Mety hanampy ny mahalala fa ny hoe “mpiodina” ambara ao amin’ilay andininy dia midika hoe tsy manam-pinoana na naniasia.)

Azonao atao ny manoratra ity fehezan-teny tsy feno ity eny amin’ny solaitrabe. Asao ny mpianatra hizara ireo fomba hamenoany ilay fehezan-teny amin’ny alalan’ny fampiasana teny na andian-teny ao amin’ilay andinin-tsoratra masina.

Ny Tompo dia … amin’ireo izay mibebaka sy miverina Aminy”

Mety ho isan’ny valinteny amin’izany ny hoe “hamindra fo,” “tsy ho tezitra,” (andininy 12), “hitondra azy any Ziona,” (andininy 14), “hanome anao mpiandry (mpitarika) hamahana anao amin’ny fahalalana sy fahatakarana,” (andininy 15), “hanasitrana anareo mpiodina,” (andininy 22), sy ny sisa sy ny sisa.

Mety hanampy ny manokana fotoana hifanakalozan-kevitra momba ny andian-teny avy amin’ilay andininy izay ananan’ny mpianatra fanontaniana. Asao ny mpianatra hanoratra andian-teny iray na roa ao amin’ny diary fandalinany izay heveriny fa hanampy ilay tovolahy ao amin’ilay rafi-tantara ka hahatakarany mikasika an’i Jesoa Kristy. Hanana fahafahana hizara izay safidiny ny mpianatra ao aoriana kely ao.

Famindrampon’ny Ray any An-danitra sy i Jesoa Kristy

Mba hanampiana ny mpianatra hampitombo ny fatokiany fa maniry hitahy sy hanasitrana ireo izay mitodika Aminy ny Tompo dia azonao atao ny mizara ity teny nambara manaraka ity.

Ny Loholona Dieter F. Uchtdorf ao amin’ny Kôlejin’ny Apôstôly Roambinifolo dia nampianatra izao manaraka izao mikasika ny fanirian’ny Ray any An-danitra sy i Jesoa Kristy hanasitrana ireo izay mibebaka:

Iza amintsika no tsy mbola niala tamin’ny lalan’ny fahamasinana, ka nieritreritra adaladala fa afaka mahita fahasambarana bebe kokoa amin’ny fanarahana ny lalantsika manokana izay be fitiavan-tena?

Iza amintsika no tsy mbola nahatsapa fanetrentena, torotoro fo, ary naniry mafy hahazo famelan-keloka sy famindram-po?

Mety efa nanontany tena ny sasany hoe: “Mbola azo atao ve ny miverina? Homen’ireo namako taloha anaram-bositra sy holaviny ary halavirany ve aho? Aleo ve mijanona ho very eto fotsiny? Ahoana no ho fihetsik’ Andriamanitra raha toa ka miezaka miverina aho?”…

Hihazakazaka hanatona antsika ny Raintsika any An-danitra, feno fitiavana sy fangorahana ny fony. …

Mijoro ho vavolombelona anefa aho fa rehefa manapa-kevitra ny hiverina sy handeha amin’ny lalan’ny Mpamonjy sy Mpanavotra antsika ianareo, dia hiditra ao amin’ny fiainanareo ny heriny ary hanova izany. (“Ilay adala sy ny lalana miverina mody,” Liahona, nôv. 2023, 88)

Soraty ao anaty diary fandalinanao izay voarainao avy amin’ity teny nambara ity ka mety hitahy ilay tovolahy ao amin’ilay rafi-tantara. Omena fotoana hizarana ireo ianao ao aoriana kely ao.

Fehin-kevitra

Ity sahanasa manaraka ity dia fotoana ho an’ny mpianatra hahafahany mahatsapa ny fijoroana ho vavolombelona ataon’ny Fanahy Masina amin’izay lazainy sy reny avy amin’ny mpianatra hafa.

Hevero ny hampiseho ireto torolalana manaraka ireto. (Ny teboka voalohany eo ambany dia manome fahafahana ny mpianatra hizara izay nataony nandritra ny fanomanana ny mpianatra talohan’ny fampianarana.)

Omano izay zavatra holazainao amin’ilay tovolahy ao amin’ilay rafi-tantara amin’ny alalan’ny famerenana mijery izay nosoratanao tao amin’ny diary fandalinanao. Azonao atao ihany koa ny mampiditra ireto manaraka ireto:

Zavatra avy amin’ny soratra masina na tantara ao amin’ny soratra masina hafa izay mampiseho ny fitahiana avy amin’ny fibebahana (Azonao atao ny mijery ny teny hoe fibebahana ao amin’ny Torolalana ho an’ny soratra masina.)

Ny zavatra tsapanao mikasika ny fitiavana sy ny fanirian’ny Mpamonjy hanampy ireo izay mitodika Aminy

Rehefa nomena fotoana hiomanana ny mpianatra dia asao izy ireo hizara ny heviny amin’ny namana iray na amin’ny vondrona kely iray.

Rehefa nomena fahafahana hizara ny mpianatra dia azonao atao ny mamarana ny lesona amin’ny fanasana izay terem-panahy mba hizara ny valiteniny amin’ity fanontaniana manaraka ity.

Inona no nianaranao na tsapanao androany ka mety hisy fiantraikany amin’ny fanirianao hitodika amin’ny Mpamonjy mba hahazoana ny famindrampony sy ny fanasitranany?

Loharanom-pitaovana fanampiny

Inona no mety ho fitahiana azo avy amin’ny fitodihana amin’i Jesoa Kristy?

Nampianatra izao ny Loholona Neil L. Andersen ao amin’ny Kôlejin’ny Apôstôly Roambinifolo:

13:25

Rehefa ampifantohana amin’i Jesoa Kristy ny saintsika, dia hitantsika amin’ny alalan’ny fitiavantsika Azy ny zavatra hafa rehetra manodidina antsika, na dia eo foana aza izy ireny. Miha tsy hita ireo fanelingelenana tsy dia manan-danja loatra, ary esorintsika ireo zavatra tsy mifanaraka amin’ny fahazavany sy ny toetrany. Rehefa manohy mifantoka tsara amin’io eritreritra momba an’i Jesoa Kristy io ianareo, ary matoky Azy sy mitandrina ny didiny, dia mampanantena anareo aho fa tsy vitan’ny hoe fitarihana avy any an-danitra fotsiny no azonareo fa omena hery avy any an-danitra koa, hery izay manome tanjaka ny fanekempihavananareo, sy fiadanana amin’ny fahasahirananareo ary fifaliana amin’ny fitahiana azonareo. (“Nifantoka tamin’izany eritreritra momba an’i Jesoa Kristy izany ny saiko,” Liahona, Mey 2023, 93)

Ahoana raha mahatsapa ho tena nivily lalana lavitra ianao?

Nizara izao ny Loholona Dieter F. Uchtdorf ao amin’ny Kôlejin’ny Apôstôly Roambinifolo:

14:32

Na inona na inona mety ho nitranga teo amin’ny fiainanao, dia mamerina sy manambara ny tenin’ny namako malala sy Apôstôly toy ahy ny Loholona Jeffrey R. Holland aho hoe: “Tsy misy izany hoe milentika lalina loatra ianao ka tsy ho tratran’ny hazavana tsy manam-pahataperan’ny Sorompanavotan’i Kristy.”

Na dia niala lavitra ny Mpamonjy sy ny Fiangonany aza ianao noho ny safidy natao, dia mijoro eo amin’ilay lalana miverina mody ilay Mpanasitrana Lehibe, mandray anao. Ary izahay, amin’ny maha-mpikambana ao amin’ny Fiangonan’i Jesoa Kristy, dia mikatsaka ny hanaraka ny ohatra nasehony sy handray anareo amin’ny maha-rahalahy sy anabavinay anareo, amin’ny maha-namanay anao. Mifaly sy miara-mifaly aminao izahay. (“Ilay adala sy ny lalana miverina mody,” Liahona, nôv. 2023, 88)

Nanambara izao manaraka izao ny Loholona Jeffrey R. Holland ao amin’ny Kôlejin’ny Apôstôly Roambinifolo hoe:

Ny zava-drehetra ao amin’ny filazantsara dia mampianatra antsika fa afaka miova isika raha mila izany, afaka ampiana isika raha tena maniry izany, ary azo sitranina isika na inona inona olana tany aloha tany. (“He Hath Filled the Hungry with Good Things,” Ensign Nov. 1997, 66)

Sahanasa fianarana fanampiny

“Tsy mahasoa” (Jeremia 2:8, 11)

Ho tohin’ny fandalinana ny Jeremia 2:13 dia asaivo mitady sy manisy marika ny andian-teny hoe “tsy mahasoa” sy ny hoe “ireny tsy mahasoa ireny” ao amin’ny Jeremia 2:8, 11 ny mpianatra. Azonao atao ny manasa ny mpianatra hamaky ity teny manaraka izay nambaran’ny Filoha Nelson ity ary mijery ny fifandraisan’izany amin’ny fampianaran’i Jeremia:

18:44

Izao anefa ny fahamarinana lehibe: raha toa izao tontolo izao manizingizina fa mitondra fahasambarana ny fahefana, ny fananana, ny fananana laza ary ny fahafinaretan’ny nofo, dia tsy izany anefa no izy! Tsy afaka manao izany izy ireo. Ny zavatra entin’ireo dia tsy misy afa-tsy ny mifamadika amin’ny “toetry ny fitahiana sy fahasambarana an’ireo [izay] mitandrina ny didin’ Andriamanitra.”

Ny marina dia hoe mandreraka kokoa ny mitady fahasambarana any amin’izay tsy hahitanao izany na oviana na oviana! Kanefa, rehefa miara-miasa amin’i Jesoa Kristy ianao sy manaraka Azy ary manao ny asa ara-panahy takina mba handresena an’izao tontolo izao, dia Izy ary Izy irery ihany no manana ny hery hankaherezana antsika eo amin’ity izao tontolo izao ity. (“Mandresy izao tontolo izao dia mahita fitsaharana,” Liahona, Nôv. 2022, 96–97)

Inona avy ireo ohatra amin’ireo zavatra izay itadiavan’ny olona fahasambarana any amin’ny toerana tsy ahitana izany velively? Amin’ny fomba ahoana no maha-toy ny siniben-drano vaky izany?
Ahoana no nahitanao, na ny olona fantatrao, fifaliana tamin’ny fanarahana ny Mpamonjy?

Miverena amin’ny Tompo

Mampiasa andian-teny heverintsika fa takatry ny mpianatra ny soratra masina indraindray, kanefa dia tsy izany. Mety hanampy ny mahazo antoka fa mazava amin’ny mpianatra ny fomba “hiverenana” amin’i Jesoa Kristy (jereo Jeremia 3:12, 22). Fomba iray ahafahanao manao izany ny manasa azy ireo hikaroka soratra masina izay mampianatra mikasika ny fiverenana amin’ny Tompo. Ohatra sasantsasany amin’izany ny 2 Nefia 31:20; Enôsa 1:2–4; Môrônia 7:16; ary ny Fotopampianarana sy Fanekempihavanana 11:12.

Azonao atao avy eo ny manasa ny mpianatra hizara izay zavatra hitany sy ny mety hanampian’izany zavatra izany olona iray hitodika na hiverina amin’ny Tompo.