Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 60–66: Ny Fanjakan’ny Mpamonjy mandritra ny Arivotaona

“Isaia 60–66: Ny Fanjakan’ny Mpamonjy mandritra ny Arivotaona,” Testamenta Taloha: Boky torolalana ho an’ny mpampianatra seminera (2026)

“Isaia 60–66: Ny Fanjakan’ny Mpamonjy mandritra ny Arivotaona,” Testamenta Taloha: Boky torolalana ho an’ny mpampianatra seminera

Isaia 58–66: Lesona 129

Isaia 60–66

Ny Fanjakan’ny Mpamonjy mandritra ny Arivotaona

One oil on paper painting. Shows the figure of Christ in white robes, hands extended to the sides. Clouds, sun and moon in the background. Figure is rising from brown tomb. Green tree on right side.

Ao anatin’ny fisafotofotoan’izao tontolo izao, dia maniry fatratra fotoam-piadanana isika rehetra. Hiverina eto an-tany i Jesoa Kristy Mpamonjy ary hanjaka mandritra ny arivo taona, ka hanomboka fotoam-piadanana. Naminany momba io vanim-potoana izay antsoina hoe Arivotaona io i Isaia. Ity lesona ity dia afaka manampy ny mpianatra hahatsapa fientanentanana misimisy kokoa ny amin’ny Fiavian’ny Mpamonjy Fanindroany sy ny fanjakana amin’ny Arivotaona.

Fanomanana ny mpianatra: Asao ny mpianatra hieritreritra ny zavatra fantany momba ny Fiavian’ny Mpamonjy Fanindroany sy ny fanjakana mandritra ny Arivotaona. Asao izy ireo hisaintsaina raha toa ka miandrandra izany sy ny antony mahatonga izany. Mety hanontany ray aman-dreny na olon-dehibe azo antoka momba ny zavatra tsapany ny amin’ny fiverenan’ny Mpamonjy izy ireo.

Sahanasa fianarana azo atao

Ny Arivotaona

Mba hanampiana ny mpianatra hahatakatra ny antony mahatonga ny fiverenan’ny Mpamonjy ho fitahiana lehibe eo amin’ny fiainantsika dia hevero ny hanomboka amin’ny alalan’ny fametrahana ity fanontaniana manaraka ity:

Inona avy ireo olana sasantsasany eto amin’izao tontolo izao izay irinao hiova?

Azonao soratana eny amin’ny solaitrabe ny sasany amin’ireto andian-teny manaraka ireto mba hanampiana ny mpianatra hieritreritra valiny:

Antony mampitomany ny olona na mandratra ny olona
Ohatra amin’ny herisetra, ny tsy rariny, na faharavana
Ny fitaoman’i Satana

Makà fotoana hisaintsainana izay mety ho olana eo amin’ny fiainanao na eo amin’ny fiainan’ireo olona tianao ka tianao hiova. Rehefa mandalina ianao anio, dia katsaho ny fitarihan’ny Fanahy Masina eo am-pitadiavanao ireo fahamarinana izay mety hanampy antsika sy izao tontolo izao.

Ireo toko farany ao amin’ny Isaia

Asehoy ny sarin’ny Fiavian’ny Mpamonjy Fanindroany ary hazavao fa ny soratra masina dia mampianatra fa hiverina indray eto an-tany sy hanjaka mandritra ny arivo taona ny Mpamonjy. Antsoina hoe Arivotaona izany vanimpotoana izany.

Ireo toko farany ao amin’ny bokin’i Isaia dia ahitana ireo fampianarana sy faminanian’i Isaia momba ny Fiavian’ny Mpamonjy Fanindroany sy ny Arivotaona.

Vakio ireto andininy manaraka ireto, ary asio marika ireo andian-teny izay manampy anao hahatsapa fientanentanana amin’ny fiverenan’ny Mpamonjy:

Isaia 60:18–20
Isaia 62:11–12
Isaia 65:17–25
Asao ny mpianatra hizara ny sasany amin’ireo andian-teny hitany sy ny antony hiandrandran’izy ireo ny fanomezan’ny Mpamonjy izany fitahiana izany. Ny mpianatra dia mety hizara andian-teny mampiseho fa handresy ireo olan’izao tontolo izao ny Mpamonjy. Ohatra vitsivitsy amin’izany ny hoe:
- “Ny fampahoriana tsy ho re eo amin’ny taninao intsony” (Isaia 60:18)
- “Ho tapitra ny andro fahalahelovanao” (Isaia 60:20)
- “Ny feo mitomany tsy ho re any intsony” (Isaia 65:19)
- “Tsy handratra na hanimba … izy” (Isaia 65:25)
Ny famporisihana ireo mpianatra hanisy marika ireo andian-teny ao amin’ny soratra masina izay zarain’ireo mpiara-mianatra aminy dia mety hahomby ihany koa.
Ahoana no hamintinanao ny zavatra hataon’ny Mpamonjy ho an’ny olony rehefa miverina Izy?

Mety hizara fahamarinana samihafa ireo mpianatra. Mety hitovy amin’izao manaraka izao ny iray: Noho ny Mpamonjy dia hianoka fahasambarana sy fiadanana ary firoboroboana mandritra ny Arivotaona ny olony. Hevero ny hanoratra io fitsipika io, na iray mitovy amin’izany eny amin’ny solaitrabe amin’ny alalan’ny fampiasana ny tenin’ireo mpianatra.

Fampitomboana ny fahatakarana

Miresaha momba ilay sarin’ny Fiavian’ny Mpamonjy Fanindroany. Asao ny mpianatra hahatsiaro ny zavatra fantany sy tsapany momba an’i Jesoa Kristy.

Nahoana araka ny eritreritrao no hitarika ho amin’ny fahasambarana sy fiadanana ary fifaliana ny fananana an’i Jesoa Kristy eto an-tany?

Makà fotoana hisaintsainana izay fanontaniana anananao momba ny Arivotaona sy ireo fitahiana avy amin’ny fiverenan’ny Mpamonjy. Nanambara misimisy kokoa momba io lohahevitra io ny Tompo.

Hevero ny hampiseho ireto fanontaniana manaraka ireto.

Misafidiana iray na roa amin’ny fanontanianao manokana momba ny Arivotaona na ireto fanontaniana manaraka ireto izay mahaliana anao indrindra. Mandania minitra maromaro hitadiavana valiny ao amin’ny soratra masina sy ao amin’ireo loharanom-pahalalana nofidin’ Andriamanitra. Ny fizarana izay mitondra ny lohateny hoe “Arivotaona” ao amin’ny Torolalana ho an’ny Soratra Masina sy Ireo lohahevitra sy fanontaniana ao amin’ny ChurchofJesusChrist.org dia mety hanampy.

Inona no dikan’ny hoe “[h]ahary lanitra vaovao sy tany vaovao” ny Tompo? (Isaia 65:17). Vakio ny Fotopampianarana sy Fanekempihavanana 88:25–26 sy ny Fanekem-pinoana 1:10. Eritrereto ny zavatra ampianarin’ireo andininy ireo momba ny herin’ny Mpamonjy sy ny fahatsapany momba ny olo-marina.
Hisy fahafatesana ve mandritra ny Arivotaona? Inona no dikan’ny hoe noho ny Mpamonjy dia “[ho faty@ zato taona” ny zaza iray? (Isaia 65:20). Vakio ny Fotopampianarana sy Fanekempihavanana 101:29–31 ary saintsaino ny zavatra ampianarin’ireo andininy ireo anao momba ny herin’ny Mpamonjy.
Inona no hitranga amin’i Satana noho ny fiverenan’ny Mpamonjy? Vakio ny sasany amin’ireto andininy manaraka ireto: Fotopampianarana sy Fanekempihavanana 45:55, 101:28, 1 Nefia 22:26, ary Apokalypsy 20:1–3. Eritrereto ny zavatra ampianarin’ireo andinin-tsoratra masina ireo momba ny Tompo.
Inona avy ireo anjara asan’ny Mpamonjy mandritra ny Arivotaona? Inona no ho ataony? Vakio ny Fotopampianarana sy Fanekempihavanana 29:11 sy ny 45:59 ary ny Fanekem-pinoana 1:10.
Inona koa no nambaran’ny Tompo momba ny Arivotaona? Vakio ny sasany amin’ireto manaraka ireto: Fotopampianarana sy Fanekempihavanana 45:54, 56–58; 101:26–29; ary ny “Arivotaona” ao amin’ny Lohahevitra sy fanontaniana ao amin’ny ChurchofJesusChrist.org.

Asao ireo mpianatra hizara ny zavatra nianarany. Hevero ny hanontany hoe amin’ny fomba ahoana no hampitomboan’ny zavatra nianaran’izy ireo ny fientanentanan’izy ireo ny amin’ny fiverenan’ny Mpamonjy sy ny Arivotaona.

Raha anontanian’ny mpianatra ny hevitry ny hoe “hovahana kelikely aloha” i Satana (Apokalypsy 20:3) amin’ny fiafaran’ny Arivotaona, dia asao izy ireo hamaky ny Fotopampianarana sy Fanekempihavanana 88:111–115.

Alaovy sary an-tsaina ny zavatra nianaranao

Mety hahomby indraindray ny fakana sary an-tsaina ny zavatra ianaranao. Akimpio ny masonao ary alaovy sary an-tsaina ny zavatra nianaranao momba ny Mpamonjy sy ny fotoana hanjakany eto an-tany mandritra ny Arivotaona. Mivavaha hahazoana ny fanampian’ny Fanahy Masina mba hanan-danja aminao ity sahanasa ity. Alaovy sary an-tsaina ny fiverenan’ny Mpamonjy sy ny fomba mety hitahiany anao sy ireo olon-tianao ary ny olombelona rehetra.

Azonao vakina ity teny nambaran’ny Loholona Andersen manaraka ity, izay manasa ny mpianatra haka sary an-tsaina ny zavatra ren’izy ireo.

Nijoro ho vavolombelona ny Loholona Neil L. Andersen ao amin’ny Kôlejin’ny Apôstôly Roambinifolo hoe:

Mampientanentana ny fanahiko ny mieritreritra ny fiverenany. Tena hampitolagaga mihitsy izany! Ny velarana sy ny fahalehibiazana, ary ny hakantony, dia hihoatra noho izay rehetra fahitan’ny maso mety maty na niainana.

… hiseho Izy“eny amin’ny rahon’ny lanitra, mitafy hery sy voninahitra lehibe; miaraka amin’ny anjely masina rehetra” (Fotopampianarana sy Fanekempihavanana 45:44).

… Handohalika amim-panajana isika, “Ary hiloa-bava ny Tompo ka handre izany avokoa ny faran’ny tany;” (Fotopampianarana sy Fanekempihavanana 45:49) …

Hisy fihaonana tsy hay hadinoina eo amin’ny anjelin’ny lanitra sy ny Olomasina eto an-tany.(jereo ny Mosesy 7:63). Fa tena zava-dehibe, araka ny nambaran’i Isaia hoe: “Ary ny faran’ny tany rehetra hahita ny famonjen’ Andriamanitra,” (Isaia 52:10) ary “hanjaka amin’ny nofo rehetra” Izy (Fotompampianarana sy fanekempihavanana 133:25). (“Ho Tonga anie ny Fanjakanao,” Liahona, mey 2015, 122)

Asao ny mpianatra hanoratra ao amin’ny diary fandalinany ny zavatra nianarany momba ny Mpamonjy androany sy ny zavatra tsapan’izy ireo momba ny fiverenany indray. Asao ireo mpianatra izay terem-panahy mba hizara ny eritreritr’izy ireo sy ny fahatsapan’izy ireo. Hevero ny hizara ihany koa ny eritreritrao sy ny fahatsapana anananao.

Loharanom-pitaovana fanampiny

Inona no nampianarin’ireo mpaminany sy apôstôly momba ny Arivotaona?

Nampianatra izao ny Filoha Russell M. Nelson:

Tadidio fa ny fahafenoan’ny fanompoan’i Kristy dia tanteraka any amin’ny hoavy. Mbola vao hotanterahina ireo faminaniana momba ny Fiaviany fanindroany. Mihamizotra mankany amin’ny fotoana manan-danja indrindra amin’ity fotoampitantanana farany ity isika—dia ilay fotoana tena hitrangan’ny Fiavian’ny Mpamonjy fanindroany….

Hiverina any amin’ny tany izay nohamasininy tamin’ny alalan’ny iraka notontosainy tany nandritra ny fiainany an-tany ny Tompo. Ho avy indray ao Jerosalema toy ny mpandresy Izy. Hiverina ao amin’ilay Tanàna Masina Izy, manao akanjo mena fanaon’ny mpanjaka mba ho tandindon’ny rany, izay nitete teo amin’ny mason-koditra rehetra (jereo ny Fotopampianarana sy Fanekempihavanana 133:46–48). Any Jerosalema sy any amin’ny toeran-kafa dia “hiseho ny voninahitr’i Jehovah, ary ny nofo rehetra hiara-mahita izany” (Isaia 40:5; jereo koa ny Fotopampianarana sy Fanekempihavanana 101:23). “Ny anarany atao hoe Mahagaga, Mpanolo-tsaina, Andriamanitra Mahery, [Ny Ray Maharitra Mandrakizay], Ny Andrian’ny Fiadanana” (Isaia 9:6).

Hanapaka avy ao amin’ny renivohitra roan’izao tontolo izao Izy: ao Jerosalema fahiny ny iray (jereo ny Zakaria 14) ary ao Jerosalema Vaovao ny iray hafa izay “haorina eo amin’ny kaontinanta Amerikana” (Ireo Fanekem-pinoana 1:10). Hotarihiny avy any amin’ireo ivon-toerana ireo ny raharahan’ny Fiangonana sy ny fanjakana. Mbola hisy tempoly iray hafa haorina ao Jerosalema. Hanjaka mandrakizay amin’ny maha-Mpanjakan’ny Mpanjaka Azy avy ao amin’izany tempoly izany Izy.

Amin’izany andro izany dia hitondra anarana vaovao maro Izy ary ho voahodidin’ Olomasina miavaka. Izy dia ho fantatra amin’ny anarana hoe “Tompon’ny tompo sy Mpanjakan’ny mpanjaka …, ary haharesy azy koa izay homba Azy, dia [ho ireo] olona voantso sy voafidy ary mahatoky” (Apokalypsy 17:14) noho ny fahatokiany eto amin’ny fiainana an-tany. Dia “hanjaka mandrakizay mandrakizay” (Apokalypsy 11:15) Izy.

Haverina amin’ny toetran’ny paradisany sy hohavaozina ny tany. Hisy lanitra vaovao sy tany vaovao (jereo ny Apokalypsy 21:1; Etera 13:9; Fotopampianarana sy Fanekempihavanana 29:23–24).

Andraikitsika sy voninahitra ho antsika ny manampy amin’ny fanomanana izao tontolo izao ho amin’izany andro izany. (“Ny hoavin’ny Fiangonana: Manomana izao tontolo izao amin’ny Fiavian’ny Mpamonjy fanindroany,” Liahona, Apr. 2020, 14, 16–17)

Ny Loholona Neil L. Andersen ao amin’ny Kôlejin’ny Apôstôly Roambinifolo dia nampiseho ilay sary hosodoko hita ao amin’ny lesona etsy ambony ary nijoro ho vavolombelona hoe:

15:34

Tiako ny sary hosodokon’ny Fiavian’ny Mpamonjy Fanindroany nataon’i Harry Anderson. Mampahatsiahy ahy izany fa ho avy amin-kery sy amim-boninahitra Izy. Hisy zava-hitranga mahagaga maro eto an-tany sy eny amin’ny habakabaka (jereo ny Fotopampianarana sy Fanekempihavanana 43:18; 45:40).

Ireo izay miandry ny fiavian’ny Mpamonjy dia “hiandrandra [Azy].” Ary nampanantenainy hoe: “Ho avy Aho!” Ireo olo-marina dia hahita Azy “eny amin’ ny rahon’ ny lanitra [miaraka amin’ireo anjely masina], mitafy hery sy voninahitra lehibe” (Fotompampianarana sy Fanekempihavanana 45:44). “Hisy anjely hitsoka trompetra, ary ireo olomasina … dia hivoaka avy amin’ ny vazan-tany efatra” (Fotopampianarana sy Fanekempihavanana 45:45–46) ary “hitsena Azy” (Fotopampianarana sy Fanekempihavanana 88:96). Ka ireo “izay efa nandry,” izany hoe ireo olomasina mendrika efa nodimandry, “dia hivoaka [koa] mba hitsena [Azy]” (Fotopampianarana sy Fanekempihavanana 45:45; jereo koa ny Fotopampianarana sy Fanekempihavanana 29:13; 88:96–97).

Milaza ny soratra masina hoe: “ny Tompo dia [h]ametraka ny tongony eo amin’ [ity] tendrombohitra [ity]” (Fotompampianarana sy Fanekempihavanana 45:48) ary “Hiloa-bava Izy ka handre izany avokoa ny faran’ ny tany” (Fotompampianarana sy fanekempihavanana 45:49).

… mijoro ho vavolombelona aho ny amin’ny voninahitra, kanefa ambonin’ny zava-drehetra, ny amin’ny tena hisian’izany zava-hitranga mahavariana izany. Velona ny Mpamonjy. Hiverina eto an-tany Izy. Na mandritra ity fotoana ity na any ambadiky ny voaly dia hiara-paly amin’ny Fiaviany izaho sy ianao (“Fanomanana izao tontolo izao ho amin’ny Fiaviana Fanindroany,” Liahona, mey 2011, 52)

Sahanasa fianarana fanampiny

Ny fanehoana an’ohatra ny fitafian’ny Mpamonjy rehefa miverina Izy

Asao ny mpianatra hamaky ny Isaia 63:1–3 sy ny Fotopampianarana sy Fanekempihavanana 133:46–53 raha tsapanao fa hanampy ny mpianatrao hahatakatra ny fomba hanadiovan’ny Tompo izao tontolon’ny faharatsiana izao izany amin’ny fiverenany.

Inona no ianaranao momba ny Mpamonjy avy amin’ny akanjo hanaovany?

Ampio ny mpianatra hahatakatra fa ny loko menan’ny fitafian’ny Mpamonjy dia maneho ny ràn’ireo ratsy fanahy izay haringana rehefa hampiharina amin’izy ireo ny fitsipiky ny fahamarinana amin’ny Fiaviana Fanindroany. Afaka mampahatsiahy an’ireo olo-marina koa izany ny amin’ny ran’i Jesoa izay nalatsaka ho azy ireo.

Nahoana no zava-dehibe ny mahatakatra ny famindram-po sy ny fahamarinan’ny Mpamonjy?

Ny famindrampon’ny Tompo

Raha toa ka ilaina ny mifantoka amin’ny fitiavana sy ny famindram-pon’ny Tompo ho an’ny olony dia hevero izao manaraka izao: Hazavao fa rehefa nampianatra i Isaia fa hiverina hanafay ny ratsy fanahy ny Tompo dia niato izy mba hijoro ho vavolombelona momba ny fitiavan’ny Mpamonjy sy ny Sorompanavotany ary ny famindram-pony. Asao ny mpianatra hamaky ny Isaia 63:7–9. Mety hanampy ny fanazavana fa ny teny nadika hoe famindrampo (andininy 7) dia entina ilazana “karazana fitiavana sy famindram-po miavaka izay tsapan’ Andriamanitra ho an’ireo izay nanao fanekempihavanana Taminy” (Russell M. Nelson, “Ny fanekempihavanana maharitra mandrakizay,” Liahona, ôkt. 2022, 6).

Inona avy ireo ohatra vitsivitsy maneho ny “Famindrampon’i Jehovah”? (Isaia 63:7)
Inona avy ireo andian-teny mijoro ho vavolombelona momba ny Sorompanavotan’ny Mpamonjy?
Inona no zavatra tsapanao momba ny Tompo sy ny fitiavany antsika?

Miomana amin’ny fiverenany

Raha hitondra tombontsoa ho an’ny mpianatrao izany dia zarao ilay teny nambaran’ny Filoha Nelson ao amin’ny Loharanom-pitaovana fanampiny. Avy eo dia azon’ny mpianatra atao ny mizara ny fomba ahafahan’izy ireo manampy amin’ny fanomanana ny tany amin’ny fiverenan’ny Mpamonjy. Azon’izy ireo atao ihany koa ny mamakafaka ilay fizarana ao amin’ny lahatenin’ny Filoha Nelson mitondra ny lohateny hoe: “Manangona an’i Isiraely eo amin’ny lafiny roan’ny voaly” mba hahitana fomba vitsivitsy hanomanana ny tany.