Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 58:1–12: Ny herin’ny fifadian-kanina sy ny vavaka

“Isaia 58:1–12: Ny herin’ny fifadian-kanina sy ny vavaka,” Testamenta Taloha: Boky torolalana ho an’ny mpampianatra seminera (2026)

“Isaia 58:1–12: Ny herin’ny fifadian-kanina sy ny vavaka,” Testamenta Taloha: Boky torolalana ho an’ny mpampianatra seminera

Isaia 58–66: Lesona 126

Isaia 58:1–12

Ny herin’ny fifadian-kanina sy ny vavaka

Nangataka antsika mba hifady hanina ny Tompo. Inona no zavatra tsapanao mikasika io didy io? Ireo Jiosy dia nahatsapa fa toa tsy nankasitrahan’ny Tompo ny fifadian-kanina nataon’izy ireo. Tamin’ny alalan’i Isaia no nampianaran’ny Tompo an’ny vahoaka ny fomba fifadian-kanina tena izy. Ity lesona ity dia afaka manampy ny mpianatra hahatsapa faniriana hifady hanina araka ny fomban’ny Tompo.

Fanomanana ny mpianatra: Asao ny mpianatra hisaintsaina izay zavatra tsapany momba ny fifadian-kanina sy ny antony anaovana izany. Azon’izy ireo atao ihany koa ny mangataka ray aman-dreny na namana atokisana mba hizara ny eritreriny sy ny fahatsapany.

Sahanasa fianarana azo atao

Fifadian-kanina

Mba hanomanana ny mpianatra hianatra momba ny fifadian-kanina dia hevero ny hanao izao manaraka izao. Rehefa mifanakalo hevitra momba ity lohahevitra ity ianareo dia miezaha mamorona tontolo iray izay ahafahan’ny mpianatra mizara malalaka tsy misy tsindry na fitsaratsarana.

Alaovy sary an-tsaina hoe indray alahady maraina dia efa vonona ny hihinana sakafo maraina ianao no nahatadidy tampoka fa alahady fifadian-kanina ilay andro.

Inona no zavatra tonga voalohany ao an-tsainao?

Raha ilaina dia zarao ity fanazavana manaraka momba ny fifadian-kanina ao amin’ny Boky torolalan’ny Fiangonana maneran-tany ity:

Ny Tompo dia nametraka ny lalàn’ny fifadian-kanina sy ny fanatitra amin’ny fifadian-kanina mba hitahiana ny vahoakany sy hanolorana fomba iray hahafahan’izy ireo manompo ireo izay sahirana. …

Azo tanterahina amin’ny fotoana rehetra ny fifadian-kanina. Na izany aza, dia natokan’ny mpikambana araka ny mahazatra ho andro fifadian-kanina ny Sabata voalohany ao anatin’ny volana. Ahitana izao manaraka izao raha ny mahazatra ny andro fifadian-kanina iray:

Mivavaka

Tsy mihinana sy misotro mandritra ny 24 ora (raha mahavita izany ny vatana)

Manome fanatitra amin’ny fifadian-kanina amim-pahalalahan-tanana

Ny fanatitra amin’ny fifadian-kanina dia fanomezana hanampiana ireo izay sahirana. Rehefa mifady hanina ny mpikambana dia angatahina mba hanome fanatitra izay farafahakeliny mitovy amin’ny vidin’ireo sakafo tsy nohanina. Amporisihina ny mpikambana mba halala-tanana sy hanome bebe kokoa noho ny vidin’ireo sakafo roa raha azony atao. (Boky torolalan’ny Fiangonana maneran-tany: Manompo ao amin’ Ny Fiangonan’i Jesoa Kristy ho an’ny Olomasin’ny Andro Farany, 22.2.2, Médiathèque de l’Évangile)

Makà fotoana hisaintsainana ny zavatra tsapanao momba ny fifadian-kanina rehefa mandinika ireto fanontaniana manaraka ireto ianao:

Inona no tsapanao momba ny fifadian-kanina? Nahoana?
Raha efa nifady hanina ianao taloha dia inona no nianaranao momba ny Tompo sy ny fifadian-kanina avy amin’ny zavatra niainanao?
Inona no olana na fanontaniana anananao momba ny fifadian-kanina?

Rehefa mandalina ianao anio, dia katsaho ny fitarihan’ny Tompo mba hanampy amin’izay mety ho olana anananao sy hahatsapa faniriana hifady hanina.

Ny fampianaran’ny Tompo momba ny fifadian-kanina

Nandidy an’i Isaia ny Tompo mba hanambara tamim-pahasahiana ny fahotan’ny mpianakavin’i Isiraely. Ohatra, nanatanteraka fombafomba ara-pivavahana isehosehoana ivelany izy ireo, anisan’izany ny fifadian-kanina, kanefa niaraka tamin’ny fikasana ratsy.

Hevero ny hanazava na hampiseho ny iray amin’ireto fampahalalana manaraka ireto izay mety hanampy ny mpianatra rehefa mamaky ireo andininy etsy ambany izy ireo:

Ny hoe “Zozoro” (andininy 5) dia bozaka avo sy manify sady mikirozaroza.
Ny hoe “lamba fisaonana” (andininy 5) dia lamba matevina izay nosaloran’ny olona fahiny mba hanehoana ny fanetrentenany na ny alahelony. Norarahan’izy ireo lavenona ihany koa ny tenany noho ny antony mitovy amin’izany.

Vakio ny Isaia 58:3–5, ka tadiavo ny valin’ireto fanontaniana roa ireto:

Inona no nanontanian’ny vahoaka an’ny Tompo mikasika ny fifadian-kanina nataony?
Inona no nolazain’ny Tompo fa tsy nety natao’ny olona mikasika ny fifadian-kanina nataon’izy ireo?

Asao ny mpianatra hizara ny valintenin’izy ireo sy ny zavatra nanaitra azy ireo. Raha ilaina dia hazavao fa rehefa nifady hanina i Israely, dia nikatsaka ny fahafinaretany manokana (andininy 3), nandray ny fifadian-kanina ho fahoriana (andininy 3, 5), ary nampahory ny hafa (andininy 3–4).
Ahoana no mety hanaovantsika hadisoana mitovy amin’izany rehefa mifady hanina?

Hazavao fa ny Tompo dia miandry ny hifadian-tsika hanina amin’ny fomba tsy mitovy amin’ny an’ireo olona ireo. Miandry antsika ny hifady hanina amin’ny fihetsika feno fanetrentena sy omban-tanjona ary finiavana marina Izy (jereo ny Salamo 35:13; Joela 2:12; Jona 3:4–10; Matio 6:16–18; Almà 5:46; 6:6;17:3, 9).
Nahoana araka ny eritreritrao no tian’ny Tompo hifady hanina amim-panetrentena isika, miaraka amin’ny tanjona marina voafaritra tsara sy finiavana marina?

Fampanantenan’ny Tompo

Soraty eny amin’ny solaitrabe izao manaraka izao: Raha mifady hanina araka ny fikasan’ny Tompo isika dia…

Vakio ny Isaia 58:6–12, ka tadiavo ireo tanjona sy fitahiana nampanantenain’ny Tompo ho an’ireo izay mifady hanina araka ny fikasan’ny Tompo. Mety ilainao ny manisy marika izany.

Ny Isaia 58:6–7 dia andinin-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Asao ny mpianatra hameno ilay fehezan-teny miainga avy amin’ny fandalinana nataon’izy ireo. Azon’izy ireo soratana eny amin’ny solaitrabe ny valintenin’izy ireo. Ohatra vitsivitsy amin’izany ireto manaraka ireto:

Hamaha ny famatoran’ny faharatsiana na ny fahotana eo amintsika Izy (jereo ny Isaia 58:6).
Hanaboraka ny fehin’ny zioga izy (jereo ny Isaia 58:6).
Hikarakara ny mahantra sy ny sahirana isika (jereo ny Isaia 58:7).
Hanome antsika fahazavana sy fanasitranana Izy (jereo ny Isaia 58:8).
Hamaly ny vavaka ataontsika Izy (jereo ny Isaia 58:9).

Ny fitahian’ny fifadian-kanina

Mba hanampiana ny mpianatra hahatakatra ireo fitahiana hitany dia asao izy ireo hisafidy iray na roa amin’ireto toe-javatra manaraka ireto:

Manahy mafy ny amin’ny fianarany sy ny hoaviny ny zatovolahy iray.
Mahatsapa ny zatovovavy iray fa tsy hadio intsony izy noho ny fahotany.
Mivavaka ny zatovolahy iray mba hamantarana raha marina ny Fiangonana kanefa sahirana tsy mety maharay valim-bavaka izy.
Te hanampy ny mahantra ny zatovovavy iray.
Miatrika olana izay tsy hainy raha azony resena ny zatovolahy iray.

Mitadiava andian-teny iray avy ao amin’ny Isaia 58:6–12 izay mety hamporisika ilay olona amin’ilay toe-javatra hifady hanina sy hivavaka mba hahazo ny fanampian’ Andriamanitra. (Mety misy andian-teny mihoatra ny iray azo ampiharina amin’ny toe-javatra sasany.)

Ao anatin’ny vondrona kely na miaraka amin’ny iray kilasy, asao ny mpianatra hizara ireo toe-javatra nosafidian’izy ireo sy ireo andian-teny izay afaka manampy sy ny anton’izany.

Azonao atao ihany koa ny manasa azy ireo hizara toe-javatra hafa mety hanampian’ireo fitahiana nampanantenain’ny Tompo ao amin’ireo andininy ireo na hanontany raha toa ka misy amin’ireo fitahiana ireo no nanan-danja manokana tamin’izy ireo ary ny antony.

Ahoana no mety hampanakaiky anao kokoa amin’ny Ray any An-danitra sy i Jesoa Kristy rehefa mifady hanina sy mandray ireo fitahiana ireo ianao?

Ohatra amin’ny fifadian-kanina sy fandoavana fanatitra amin’ny fifadian-kanina

Mba hanampiana ny mpianatra hahatakatra ny ohatra nasehon’ny Mpamonjy dia hazavao fa nifady hanina sy nampianatra momba ny fifadian-kanina Izy sady niaina ilay fitsipika ihany koa. Nifady hanina Izy talohan’ny asa fanompoany teto an-tany (jereo ny Matio 4:1–2 ary mariho fa ny Dikantenin’i Joseph Smith ho an’ny Matio 4:1 dia manitsy ilay andian-teny hoe “halain’ny devoly fanahy” ho “miaraka amin’ Andriamanitra”). Nampianatra ihany koa Izy fa ny fitaoman-dratsy sasany dia tsy afaka raha tsy “amin’ny alalan’ny vavaka sy ny fifadian-kanina irery ihany” (Mat. 17:19, 21).

3:2

Asao ny mpianatra hisaintsaina ny zavatra niainany manokana momba ny fifadian-kanina, ary koa ireto fanontaniana manaraka ireto, mandritra ny fotoana fohy:

Inona avy ireo fitahiana nomen’ny Tompo anao na ireo olona fantatrao noho ny fifadian-kanina?
Inona no ataonao mba hahatonga ny fifadian-kaninao ho manan-danja kokoa na ahoana no ahafahanao manao izany?

Hevero ny hizara ihany koa ny traikefanao manokana.

Ny fahatsapanao momba ny fifadian-kanina

Eritrereto izay fahatsapana voarainao tamin’ny alalan’ny Fanahy Masina nandritra ity lesona ity rehefa manoratra ao amin’ny diary fandalinanao ny zavatra tsapanao momba ny fifadian-kanina ianao. Azonao atao ny misafidy ny hampiditra ireo fitahiana avy amin’ny Tompo izay tianao eo amin’ny fiainanao sy ny anton’izany.

Fanaovana tsianjery

Azonao atao ny manampy ireo mpianatra hitadidy ilay toko sy andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa any aoriana any. Ny andian-teny manan-danja ho an’ny “Isaia 58:6–7” dia hoe “ireo fitahiana avy amin’ny fifadian-kanina araka ny tokony ho izy.” Ireo hevitra ho an’ny sahanasa fanaovana tsianjery dia hita ao amin’ny tovana etsy ambanin’ny “Sahanasa famerenana fifehezana fotopampianarana.”

Loharanom-pitaovana fanampiny

Inona avy ireo ohatra sasantsasany amin’ireo fitahiana avy amin’ny fifadian-kanina nampianarin’i Isaia?

Nampianatra ny Loholona Carl B. Pratt hoe:

9:59

Raha mifady hanina sy mivavaka omban’ny tanjona ny hibebaka amin’ireo fahotantsika sy handresy ireo fahalemen’ny tenantsika manokana isika dia tsy azo ihodivirana fa mikatsaka ny “hamaha ny famatoran’ny faharatsiana” eo amin’ny fiainantsika isika. Raha ny ho mpampianatra ny filazantsara mahomby kokoa sy ny hanompo ny hafa ao amin’ireo antsontsika ato am-piangonana no tanjon’ny fifadian-kanintsika dia tsy azo ihodivirana fa milofo ny “hanaboraka ny fehin’ny zioga[n’]” ny hafa isika. Raha mifady hanina sy mivavaka isika mba hanampian’ny Tompo antsika amin’ireo ezaka ataontsika amin’ny fitoriana, moa va isika amin’izany tsy maniry ny “handefa ny ampahorina ho afaka”? Raha ny hampitombo ny fitiavantsika ireo mpiara-belona amintsika sy handresy ny fitiavantenantsika, sy ny avonavom-pontsika ary ny fametrahantsika ny fontsika amin’ny zavatr’izao tontolo izao no tanjon’ny fifadian-kanintsika dia tsy azo ihodivirana fa mikatsaka ny “hanapatapaka ny zioga” isika. (The Blessings of a Proper Fast, Liahona, Nov. 2004, 48–49)

Nahoana ary amin’ny fomba ahoana no tokony hifadiantsika hanina?

Nampianatra ny Filoha Russell M. Nelson hoe:

Fantatro fa Andriamanitra dia “[manana] ny hery rehetra, ny fahendrena rehetra ary ny fahazavan-tsaina rehetra; azony ny zava-drehetra ary Izy no Ilay feno famindram-po, na dia hatrany amin’ny famonjena aza, ireo izay te hibebaka sy hino ny anarany.”(Alma 26:35).

Noho izany, mandritra ny fotoan’ny hakiviana lalina … ny zavatra tokony handeha ho azy indrindra ho antsika dia ny miantso ny Raintsika any An-danitra sy ny Zanany—ilay Tompo Mpanasitrana—mba hampiseho ny herin’ Izy ireo mahatalanjona hitahiana ny vahoakan’ny tany. …

Ahoana no fomba hifadiantsika hanina? Sakafo in-droa misesy na mandritra ny 24 ora no mahazatra. Saingy ianao no misafidy izay azo faritana hoe fahafoizan-tena ho anao manokana, raha mahatsiaro ny sorona faratampony nataon’ny Mpamonjy ho anao. (“Manokatra ny lanitra mba hahazoana fanampiana,” Liahona, Mey 2020, 74)

Ahoana no hanaovako ny fifadian-kaniko mba ho ankasitrahan’ny Tompo?

Nampianatra ny loholona Joseph B. Wirthlin (1917–2008) hoe:

15:23

Raha tsy misy ny vavaka, dia fifadian-kanina tsy feno ilay fifadian-kanina; fa toy ny mandeha tsy misakafo fotsiny ihany. Raha toa ka tiantsika hihoatra noho ny mandeha tsy mihinana fotsiny ihany ny fifadian-kanina izay ataontsika, dia tsy maintsy manandratra ny fontsika sy ny saintsika ary ny feontsika hiray amin’ny ny an’ny Raintsika any An-danitra isika. Ny fifadian-kanina arahina vavaka mahery vaika dia mahery. Afaka mameno ny eritreritsika amin’ireo fanambarana avy amin’ny Fanahy izany. Afaka mampatanjaka antsika hanohitra ireo fotoan’ny fakam-panahy izany. (“La loi du jeûne,” Liahona, mai 2001, 73)

Inona no hitranga raha toa ka ampiharina manerana izao tontolo izao ireo fitsipiky ny fifadian-kanina?

Nampianatra ny Filoha Gordon B. Hinckley (1910–2008) hoe:

Inona no hitranga raha toa ka hita manerana izao tontolo izao ireo fitsipiky ny andro fifadian-kanina sy ny fanatitra amin’ny fifadian-kanina[?] Hofahanana ny noana, hampiakanjoana ny tsy manan-kotafiana, ary omena fialofana ireo tsy manan-kialofana. … Hitombo ny fiahiana ny hafa sy ny tsy fitiavan-tena ao am-pon’ny olona manerana ny toerana rehetra. (“The State of the Church,” Ensign, Mey 1991, 52–53)

Sahanasa fianarana fanampiny

Fomba hafa hanombohana

Alaovy sary an-tsaina hoe manao fifadian-kanina ho an’ny mpikambana iray manana olana ara-pahasalamana sarotra ny paroasy na sampana misy anao. Maniry ny handray anjara ny mpikambana vaovao iray ato amin’ny Fiangonana saingy tsy zatra ny fitsipiky ny fifadian-kanina. Hevero ny hanasa ny mpianatra hiara-hiasa amin’ny namana ary hizara ny fomba mety hamalian’izy ireo ireto fanontaniana manaraka ireto:

Inona no atao hoe fifadian-kanina?
Inona no nampianarin’ny Tompo mikasika ny fifadian-kanina?
Ahoana no ahafahan’izany manampy ahy na ny hafa?

Mandoa fanatitra amin’ny fifadian-kanina

Rehefa mizara ny zavatra niainany manokana tamin’ny fifadian-kanina ny mpianatra dia azonao atao ny manazava fa ny Loholona Joseph B. Wirthlin (1917–2008) tao amin’ny Kôlejin’ny Apôstôly Roambinifolo dia nampianatra fa “afaka mandoa ihany koa ny fanatitra amin’ny fifadian-kanina raha misafidy hanao izany ny zatovo” (“La loi du jeûne,” Liahona, mai 2001, 74). Azonao atao ny manontany raha toa ka nisy efa nandoa fanatitra amin’ny fifadian-kanina ny mpianatrao ary te hizara ny zavatra niainany.

Ohatra amin’ireo fitahiana avy amin’ny fifadian-kanina

Ireto horonan-tsary manaraka ireto dia azo ampiasaina ho solon’ilay horonan-tsary ao amin’ny lesona:

2:41

8:8

Mba hahitana ohatra amin’ny zavatra niainan’ny Loholona Joseph B. Wirthlin izay nanampy azy hitia ny mahantra, ny mpikamban’ny Fiangonana izay nandoa ny fanatitra amin’ny fifadian-kanina, ary ireo mpitarika izay mitantana fanampiana dia jereo ny “La loi du jeûne,” (15:23) manomboka eo amin’ny minitra faha-9:01–10:20.

15:23

Mba hahazoana ohatra amin’ny fomba hampifanarahana ny fitsipiky ny fifadian-kanina ho an’ireo izay tsy afaka mifady hanina mandritra ny 24 ora, dia jereo ny “Tsy izao va no fifadian-[kanina] izay ankasitrahako?” (17:19) manomboka eo amin’ny minitra faha- 14:07–15:45.

17:19