I-assess ang Iyong Pagkatuto 5

Maaaring ipakita ang larawan sa itaas, o katulad na larawan, na nagpapakita ng pagtubo ng binhi para maging isang halaman o puno sa buong lesson. Sa bawat aktibidad, titingnan ng mga estudyante sa larawang ito sa panahon ng kanilang pagninilay o para sagutin ang mga tanong tulad ng mga sumusunod.

Ibahagi sa mga estudyante na ang layunin ng mga lesson na I-assess ang Iyong Pagkatuto ay para huminto nang sandali at anyayahan ang Espiritu Santo na tulungan sila na matukoy ang kanilang mga pagsisikap at progreso, at maging mas katulad ng Tagapagligtas. Maaaring pagnilayan ng mga estudyante ang mga pagbabagong kailangan nilang gawin habang sumusulong sila sa landas ng tipan patungo sa Ama sa Langit at kay Jesucristo. Maaari mong ibahagi ang iyong patotoo na ang ating espirituwal na progreso ay nagpapatibay ng ating ugnayan sa Kanila at tumutulong sa atin na maging mas katulad Nila.

Maaari mong anyayahan ang mga estudyante na ibahagi ang isinulat nila, kung hindi ito masyadong personal. Maaaring hikayatin ang mga estudyante na hindi nakadarama na umunlad sila sa espirituwal sa pamamagitan ng pagpapabatid sa kanila na, tulad ng mga tumutubong binhi, ang espirituwal na pag-unlad ay nangangailangan ng oras at pagsisikap. Bigyan ng katiyakan ang mga estudyante na mahal sila ng Panginoon at inaanyayahan silang maging matiyaga at patuloy na magsikap.

Anyayahan ang mga estudyante na rebyuhin ang kanilang mga banal na kasulatan at study journal para matukoy ang ilan sa mga titulo ni Jesucristo na napag-aralan nila sa Lumang Tipan.

Para matulungan ang mga estudyante na maipakita ang kanilang pag-unawa, maaari mong isulat sa pisara ang ilan sa mga titulo o tungkulin ni Jesucristo na pinag-aralan ninyo sa taon na ito. Maaaring kapaki-pakinabang na bigyan ang mga estudyante ng kaukulang scripture reference sa Lumang Tipan. Maaari kang magbahagi ng mga titulo at tungkulin tulad ng mga ito:

• Manunubos (Ruth)

• Tagapagligtas (Mga Hukom 2–4)

• Tagapaglikha (Genesis 1:1–23)

• Tagabigay ng Batas (Exodo 20)

• Hari ng Sion (Moises 7)

Maaari mong bigyan ng pagkakataon ang mga estudyante na ibahagi ang kanilang outline. Maaaring angkop na anyayahan ang ilang handang estudyante na magbahagi sa klase ng kanilang mga ideya.

Para matulungan ang mga estudyante na maghanda para sa aktibidad na ito sa assessment, maaari kang magpakita ng larawan ng templo. Maaaring ang templo ni Solomon, Kirtland Temple, o isang kalapit na templo.

Kabilang sa ilang banal na kasulatan tungkol sa templo na maaaring pinag-aralan ng mga estudyante kamakailan ang sumusunod:

• Exodo 25; 35–40

• 2 Samuel 7; Doktrina at mga Tipan 88:119–120

• 1 Mga Hari 5–9; Doktrina at mga Tipan 109:10–18

• 1 Mga Cronica 22; Doktrina at mga Tipan 97:10–16

• 2 Mga Cronica 7; Doktrina at mga Tipan 110:2–10

Matapos rebyuhin ng mga estudyante ang kanilang mga tala at banal na kasulatan, maaari mong anyayahan ang ilan sa kanila na magbahagi ng isang bagay na pinakanagustuhan nila. Maaari kang magpakita ng mga tanong na tulad ng mga ito.

Maaari kang magbigay ng pagkakataon sa mga handang estudyante na ibahagi ang kanilang patotoo tungkol sa bahay ng Panginoon.

Maaari mong anyayahan ang mga estudyante na muling mangakong tuparin ang kanilang mithiin. Para matulungan ang mga estudyante na maalala ang kanilang mithiin, maaaring kapaki-pakinabang na ipasulat ito sa isang bagay na maiuuwi nila, tulad ng sticky note o maliit na papel. Maaari ding i-text ng mga estudyante sa kanilang sarili ang mithiin. Maaari mong tiyaking sa mga estudyante na kailangan ng oras at pagsasanay para mahiwatigan ang personal na paghahayag mula sa Ama sa Langit. Purihin sila sa kanilang mga pagsisikap at kahandaang patuloy na mapalapit sa Ama sa Langit at kay Jesucristo.