Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

1 Mga Hari 3: Pinagpapala Tayo ng Panginoon Upang Maisakatuparan ang Kanyang Gawain

“1 Mga Hari 3: Pinagpapala Tayo ng Panginoon Upang Maisakatuparan ang Kanyang Gawain,” Manwal ng Titser ng Seminary para sa Lumang Tipan (2026)

“1 Mga Hari 3: Pinagpapala Tayo ng Panginoon Upang Maisakatuparan ang Kanyang Gawain,” Manwal ng Titser ng Seminary para sa Lumang Tipan

2 Samuel 11–12; 1 Mga Hari 3; 6–9; 11: Lesson 78

1 Mga Hari 3

Pinagpapala Tayo ng Panginoon Upang Maisakatuparan ang Kanyang Gawain

Norway: Youth Social Media 2020: Savannah Andrewsen

Naisip na ba ninyo kung paano nakatutulong sa inyo ang mga pagpapalang natatanggap ninyo mula sa Ama sa Langit para maisakatuparan ang Kanyang gawain? Matapos ang pagkamatay ng kanyang amang si David, hinirang ng Panginoon si Solomon na maging bagong hari ng Israel. Dahil sa kagustuhang igalang ang Panginoon, mapagpakumbabang hinangad ni Solomon ang mga pagpapala na magpapahusay sa kanyang kakayahang paglingkuran nang matwid ang Panginoon at ang mga Israelita. Ang lesson na ito ay makatutulong sa mga estudyante na maunawaan na pagpapalain tayo ng Panginoon ng kakayahang maisakatuparan ang Kanyang gawain.

Paghahanda ng estudyante: Anyayahan ang mga estudyante na isulat ang isang bagay na sinisikap nilang gawin para makibahagi sa gawain ng Ama sa Langit at ni Jesucristo. Anyayahan ang mga estudyante na mapanalanging hilingin sa Ama sa Langit ang mga pagpapalang kailangan nila para matulungan Siya na maisakatuparan ang Kanyang gawain

Mga Posibleng Aktibidad sa Pag-aaral

Mapagpakumbabang pagkilala sa ating mga kahinaan

Para simulan ang klase, magdrowing ng larawan sa pisara na tulad ng sumusunod. Maaaring kopyahin ng mga estudyante ang drowing sa kanilang study journal. Pagkatapos ay anyayahan ang mga estudyante na talakayin ang mga sumusunod na tanong:

Ano ang ilang paraan kung paano tayo inanyayahan ng Tagapagligtas na makibahagi sa Kanyang gawain?
Ano ang ilang paraan kung paano maaaring madama ng isang tinedyer na hindi siya sapat para paglingkuran ang Panginoon?

Maaari mong anyayahan ang mga estudyante na maglista, sa pagitan ng mga larawan, ng ilang paraan kung paano maaaring madama ng isang tinedyer na hindi siya sapat. Maaaring tukuyin ng mga estudyante ang mga alalahanin, tulad ng pagkabalisa, pagkamahiyain, pakiramdam na natatakot o hindi karapat-dapat. Pagkatapos ay anyayahan ang mga estudyante na pag-isipan ang mga sumusunod na tanong.

Isipin ang ilan sa mga paanyaya sa inyo ng Panginoon na makibahagi sa Kanyang gawain.

Anong mga alalahanin ang mayroon ka tungkol sa kakayahan mong maisakatuparan ang Kanyang mga paanyaya?
Gaano kalaki ang kumpiyansa mo sa kakayahan ng Panginoon na tulungan kang madaig ang mga alalahanin mo?

Habang nag-aaral kayo ngayon, anyayahan ang Espiritu Santo na tulungan kayong maunawaan kung paano kayo tutulungan ng Panginoon na maisakatuparan ang Kanyang gawain.

Hinangad ni Haring Solomon na maghari nang matwid

Ibahagi sa mga estudyante na noong mamatay si Haring David, pinili ng Panginoon ang kanyang anak na si Solomon na mamuno bilang hari ng Israel (tingnan sa 1 Mga Hari 1:11–13). Minahal ni Solomon ang Panginoon at hinangad niya na maging matwid na hari (tingnan sa 1 Mga Hari 3:3). Maaari mong palitan ang label ng stick figure sa pisara ng Solomon at palitan ang kabilang bahagi ng Maging isang matwid na hari.

Paano kaya dapat kumilos ang isang matwid na hari?
Ano ang maaaring nadama ni Salomon nang siya ang humalili sa kanyang ama bilang hari?

Maaari mong ipakita ang mga sumusunod na scripture passage at tanong. Maaari mong pagpartner-partnerin ang mga estudyante. Ipabasa sa isang kapartner ang 1 Mga Hari 3:5–9 at sa isa pa ang 1 Mga Hari 3:10–14, at pagkatapos ay ipabahagi ang kanilang mga sagot sa isa’t isa.

Basahin ang 1 Mga Hari 3:5–9, at alamin ang mga pagpapalang hiniling ni Solomon sa Panginoon.

Ano ang hinangaan mo sa kahilingan ni Solomon? Anong mga katangiang tulad ng kay Cristo ang ipinapakita ni Solomon?

Basahin ang 1 Mga Hari 3:10–14, at alamin kung anong mga pagpapala ang ipinangako ng Panginoon kay Solomon.

Paano mapapahusay ng “ isang pantas at matalinong pag-iisip” (talata 12) at ng “kayamanan at karangalan” (talata 13) ang kakayahan ni Solomon na paglingkuran nang matwid ang Panginoon?
Ano ang iniuutos ng Panginoon kay Solomon para maging karapat-dapat para sa mga pagpapalang ito? (talata 14).

Ibuod ang karanasan ni Solomon sa Panginoon bilang isang pahayag ng katotohanan.

Maaaring matukoy ng mga estudyante ang isang katotohanan na tulad ng: Kapag mapagpakumbaba nating kinikilala ang ating kahinaan at humihingi ng tulong sa Panginoon para pagpalain ang iba, dadagdagan Niya ang ating kakayahan na maisakatuparan ang Kanyang gawain. Maaaring makatulong na isulat ang katotohanang ito sa pisara at anyayahan ang mga estudyante na markahan ang mga pariralang nagtuturo ng katotohanang ito.

Basahin ang sumusunod na pahayag mula kay Pangulong Thomas S. Monson (1927–2018), at alamin ang pangakong ibinigay sa lahat na handang makibahagi sa gawain ng Panginoon.

Ngayon, ilan sa inyo ay maaaring likas na mahiyain o itinuturing ang sarili ninyo na kulang sa kakayahang magampanan ang tungkuling [ibinigay ng Panginoon]. Tandaan na ang gawaing ito ay hindi lamang sa inyo at sa akin. Ito ay ang gawain ng Panginoon, at kapag tayo ay nasa paglilingkod ng Panginoon, may karapatan tayo sa tulong ng Panginoon. Tandaan na [palalakasin] ng Panginoon ang likod [natin] para makayanan ang pasanin na ilalagay dito. (“Para Matuto, Para Gawin, Para Maging,” Liahona, Nob. 2008, 62)

Paano makatutulong ang mga turo ni Pangulong Monson sa isang taong nag-aalala tungkol sa kakayahan niyang paglingkuran ang Panginoon?

Maaari kang magdrowing ng tulay sa pagitan ng bawat gilid ng larawan sa pisara at lagyan ito ng label na Ang tulong ng Panginoon. Anyayahan ang mga estudyante na magdrowing ng katulad nito sa kanilang study journal.

Dinaragdagan ng Panginoon ang ating kakayahan na paglingkuran Siya

Pagkatapos ng aktibidad sa pag-aaral, anyayahan ang mga estudyante na tumugon sa sumusunod na paanyaya.

Sumangguni sa drowing sa inyong study journal mula sa simula ng klase. Mapanalanging isulat ang isa o dalawang kahinaan na sa palagay ninyo ay maaaring pumipigil sa inyo na mas mahusay na makapaglingkod sa Ama sa Langit at kay Jesucristo. Anyayahan ang Espiritu Santo na tulungan kayong matukoy ang mga pagpapalang maaari ninyong hangarin mula sa Panginoon na makatutulong sa inyo na madaig ang mga kahinaang ito.

Ipakita ang pag-unawa

Bigyan ang mga estudyante ng pagkakataong ibahagi ang natutuhan nila. Maaaring maanyayahan nito ang Espiritu Santo na magpatotoo na ang kanilang ibinabahagi ay totoo. Ang sumusunod na aktibidad ay isang paraan kung paano matutulungan ang mga estudyante na gawin ito.

Isipin na kunwari ay ibinabahagi ng isang kaibigan ang pag-aalala niya tungkol sa pagtanggap ng bagong tungkulin sa inyong ward o branch. Sa pinag-aralan mo ngayon, ano ang ibabahagi mo na makatutulong sa kaibigan mo?

Maaari kang mag-anyaya ng mga boluntaryo para magbahagi sa klase. Maaari mong hikayatin ang mga estudyante na iuwi ang kanilang handout at ibahagi ang natutuhan nila sa isang kapamilya o kaibigan. Maaari kang magpatotoo tungkol sa kapangyarihan at kahandaan ng Panginoon na bigyan tayo ng kailangan natin para tapat na gumawa kasama Niya sa dakilang gawaing ito.

Karagdagang Resources

Anong mga pagpapala ang maaari kong hangarin mula sa Panginoon na makatutulong sa akin na makibahagi sa Kanyang gawain?

Ipinaliwanag ni Elder Gary E. Stevenson ng Korum ng Labindalawang Apostol:

14:10

Ang mga kaloob na bigay ng Diyos ay [nagpapahusay sa] mga tao.

Sa pananaw na ayon sa ebanghelyo, pinagkakalooban ng Diyos ang Kanyang mga anak ng maraming espirituwal na kaloob, na ginagawa silang mga taong may espirituwal na kaloob. Ang mga miyembro ng Simbahan na tumutupad sa mga tipan ay pinagkalooban ng mga kaloob ng Espiritu, na kinabibilangan ng kaloob na patotoo tungkol kay Jesucristo bilang ating Tagapagligtas, kaloob na Espiritu Santo, kaloob na pananampalataya na magpagaling at mapagaling, kaloob na makahiwatig, kaloob na makatanggap ng mga himala, at mga kaloob na karunungan at kaalaman. Inaanyayahan tayo ng Panginoon na masigasig na hangarin ang pinakamahuhusay na kaloob, maging ang mga espirituwal na kaloob. Nagbibigay Siya ng mga espirituwal na kaloob upang pagpalain tayo at upang gamitin sa pagpapala sa iba. (“Mga Pahiwatig ng Espiritu,” Liahona, Nob. 2023, 42)

Paano kung panghinaan ako ng loob sa aking mga kakayahan?

Ipinaalala sa atin ni Pangulong Dieter F. Uchtdorf, na noon ay kabilang sa Unang Panguluhan:

17:55

Kung minsan pinanghihinaan tayo ng loob dahil hindi tayo “iba pa” sa isang bagay—mas espirituwal, iginagalang, matalino, malusog, mayaman, magiliw, o may kakayahan. Wala namang masama sa kagustuhang [mas bumuti] pa. Nilikha tayo ng Diyos para umunlad at lumago. At tandaan, ang ating mga kahinaan ay makakatulong para tayo ay [maging] mapagpakumbaba at bumaling kay Cristo, na magagawa “ang mahihinang bagay na malalakas.” Si Satanas, sa kabilang banda, ay ginagamit ang ating mga kahinaan hanggang sa panghinaan tayo ng loob na sumubok.

Natutuhan ko sa buhay ko na hindi tayo kailangang “lumabis” sa anumang bagay para magsimulang maging ang taong nais ng Diyos.

Tatanggapin ka ng Diyos kung sino ka sa sandaling ito at sisimulan ka Niyang hubugin. Ang kailangan mo lang ay pusong handa, hangaring maniwala, at magtiwala sa Panginoon. (“Napakaganda ng Nagagawa Nito!,” Liahona, Okt. 2015, 22)

Mga Karagdagang Aktibidad sa Pag-aaral

Paghingi ng tulong sa Panginoon para madaig ang mga hamon

Maaaring makinabang ang mga estudyante sa pag-aaral ng iba pang salaysay tungkol sa mga tao na nagsumamo nang mapagpakumbaba sa Panginoon at tumanggap ng Kanyang tulong upang maisakatuparan ang Kanyang gawain.

Maaaring maghanap ng mga salaysay ang mga estudyante nang mag-isa, o maaari kang magbigay ng ilang halimbawa na pagpipilian nila, tulad ng mga ito:

Enoc: Moises 6:27–39

Moises: Exodo 3:4–7, 10–14; 4:10–16

Gideon: Mga Hukom 6:11–16

Emma Smith: Mga Banal, Tomo 1, 109–10

Pangulong Russell M. Nelson: “Sweet Power of Prayer,” Liahona, Mayo 2003, 8

Sa pag-aaral nila, maaaring talakayin ng mga estudyante ang ilan sa mga sumusunod na tanong:

Ano ang ipinagagawa ng Panginoon sa taong ito?
Anong mga kahinaan ang maaaring nakita ng taong ito sa kanyang sarili?
Paano niya hiningi ang tulong ng Panginoon?
Paano siya pinagpala ng Panginoon? Paano siya kumilos nang may pananampalataya para maging karapat-dapat sa mga pagpapala ng Panginoon?

Maaaring maghanda ang mga estudyante ng maikling ulat tungkol sa taong pinili nila, na ibinabahagi sa isang maliit na grupo o sa klase ang salaysay at ang natutuhan nila . Maaari mong anyayahan ang mga estudyante na magdrowing ng larawan ng tao o ng salaysay na ipapakita habang nagbabahagi sila.

1 Mga Hari 3:16–28. Ipinakita ni Solomon ang kanyang maunawaing puso

Bilang halimbawa ng kung paano ginamit ni Solomon ang mga pagpapalang ibinigay ng Panginoon, maaari mong anyayahan ang mga estudyante na basahin ang 1 Mga Hari 3:16–28. Habang pinag-aaralan nila ang kuwento tungkol kay Solomon at sa dalawang babae, maaari kang magtanong para sa talakayan tulad ng mga ito:

Paano ipinakita ni Solomon ang kaloob ng Panginoon na karunungan at maunawaing puso?
Paano makatutulong sa inyo ang mga kaloob na pag-unawa at pagkilala sa pakikibahagi ninyo sa gawain ng Panginoon?

Pagkatapos ay maaaring tingnan ng mga estudyante ang 1 Mga Hari 4:29–34 para malaman kung paano pinagpala ng mga kaloob ng Panginoon kay Solomon ang kanyang mga tao.