Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

1 Mga Hari 6–9: Itinayo ni Solomon ang Bahay ng Panginoon

“1 Mga Hari 6–9: Itinayo ni Solomon ang Bahay ng Panginoon,” Manwal ng Titser ng Seminary para sa Lumang Tipan (2026)

“1 Mga Hari 6–9: Itinayo ni Solomon ang Bahay ng Panginoon,” Manwal ng Titser ng Seminary para sa Lumang Tipan

2 Samuel 11–12; 1 Mga Hari 3; 6–9; 11: Lesson 79

1 Mga Hari 6–9

Itinayo ni Solomon ang Bahay ng Panginoon

Holiness To The Lord The House of The Lord Signs Languages

Sa ating panahon, nagiging mas madali nang puntahan ang templo sa iba’t ibang panig ng mundo, ngunit hindi ito palaging ganoon noon. Sa pagtatayo ng templo ni Solomon, sa wakas ay nagkaroon na ang mga Israelita ng permanenteng bahay ng Panginoon, isang lugar kung saan ang Tagapagligtas mismo ay “maninirahang kasama ng mga anak ni Israel” (1 Mga Hari 6:13). Ang pangako ng Tagapagligtas ay natutupad din sa ating panahon dahil may mga templo na sa iba’t ibang panig ng mundo. Ang lesson na ito ay makatutulong sa mga estudyante na mapalalim ang kanilang pag-unawa na ang templo ay bahay ng Panginoon.

Paghahanda ng estudyante: Anyayahan ang mga estudyante na magdala ng larawan ng isang kalapit o paboritong templo. Maaari silang maghandang ibahagi kung bakit makabuluhan sa kanila ang templo.

Mga Posibleng Aktibidad sa Pag-aaral

Ang templo ay bahay ng Panginoon

Para simulan ang klase, anyayahan ang mga estudyante na tugunan ang sumusunod na sitwasyon (o ang katulad na sitwasyong naaangkop sa mga pangangailangan ng klase mo).

Isipin na kunwari ay nakakita ang kaibigan mong si Angela ng larawan ng bagong templong itinatayo sa inyong lugar at itinanong niya:

Bakit nagtatayo ang inyong Simbahan ng mga templo?
Paano naiiba ang templo sa iba pang gusali ng inyong simbahan?

Maaari mong sabihin sa mga estudyante na isipin kung gaano kalaki ang kumpiyansa nila na sagutin ang mga tanong ni Angela. Maaari mong anyayahan ang ilang estudyante na ibahagi ang nadarama nila.

Matapos ilaan ang Praia Cape Verde Temple, itinuro ni Elder Neil L. Andersen ng Korum ng Labindalawang Apostol:

Ang templo ay literal na bahay ng Panginoon. Hayaan na dahan-dahang tumagos ang mga salitang iyon sa inyong kaluluwa. Bahay Niya iyon. (“Ang Bahay ng Panginoon—Mga Mensahe Kamakailan mula sa mga Propeta, Apostol, at Iba pang mga Pinuno ng Simbahan”, newsroom.ChurchofJesusChrist.org, Ago. 13, 2023)

Anyayahan ang mga estudyante na isulat ang katotohanang ito sa kanilang study journal at sa pisara: Ang templo ay bahay ng Panginoon.

Maglaan ng ilang sandali para sundin ang paanyaya ni Elder Andersen na hayaang dahan-dahang tumagos ang katotohanang ito sa inyong kaluluwa habang sinasagot ninyo ang sumusunod na tanong sa inyong study journal.

Ano ang ibig sabihin sa iyo na ang templo ay bahay ng Panginoon?

Sa pag-aaral ninyo ngayon, anyayahan ang Espiritu Santo na tumulong na palalimin ang inyong pag-unawa sa templo bilang bahay ng Panginoon. Sa buong lesson, idagdag ang natutuhan ninyo sa inyong study journal.

Maaaring makatulong na tiyakin sa mga estudyante na bagama’t maaaring hindi masagot ngayon ang kanilang mga tanong tungkol sa templo, patuloy na bibigyang-sigla at gagabayan ng Espiritu Santo ang kanilang mga pagsisikap na malaman pa ang tungkol sa bahay ng Panginoon.

Iniutos ng Panginoon sa Kanyang mga tao na itayo ang Kanyang bahay

Sa Bundok ng Sinai, iniutos ng Panginoon sa mga tao na gumawa ng isang naililipat at pansamantalang tabernakulo para pagpalain ang mga anak ni Israel (tingnan sa Exodo 25:1–8). Makalipas ang maraming henerasyon, sa panahon ni Haring Solomon, wala pa ring naitayo na permanenteng templo.

Para matulungan ang mga estudyante na makita ang mga pagkakatulad sa utos ng Panginoon na itayo ang Kanyang bahay sa panahon ng 1 Mga Hari 6–9 at sa ating panahon, maaari kang magpakita ng mga larawan ng templo ni Solomon at ng pinakamalapit na templo sa makabagong panahon.

Ang isang paraan kung paano matutulungan ang mga estudyante na makita ang mga pagkakatulad na ito sa mga templo noong unang panahon at sa ating panahon ay sa pamamagitan ng pagpapakita ng sumusunod na chart.

May tatlong iminumungkahing aktibidad sa chart sa lesson. Maaari mong pag-iba-ibahin kung paano pag-aaralan ng mga estudyante ang bawat chart. Para sa unang aktibidad na ito sa chart, maaari mong sabihin sa kalahati ng klase na pag-aralan ang mga talata sa column na “Panahon ni Solomon” at sa natitirang kalahati ay ang mga talata sa column na “Ating Panahon.” Matapos pag-aralan ang mga talata, maaaring ibahagi ng mga estudyante ang nalaman nila sa isang kapartner na nag-aral ng mga talata mula sa kabilang column.

Ang isa pang paraan para gawin ang aktibidad ay hatiin ang mga estudyante sa tatlong grupo at bigyan ang bawat grupo ng isang chart. Ang mga estudyante ay maaaring mag-aral nang sama-sama at pumili ng tagapagsalita para ilahad sa klase ang bahaging pinag-aralan nila. Sa huling bahagi ng paglalahad, maaaring ibahagi ng bawat grupo kung paano makatutulong ang mga paksang kanilang pinag-aralan para masagot ang mga tanong ni Angela.

Habang pinag-aaralan ninyo ang mga sumusunod na talata, maghanap ng mga turong makatutulong sa inyo na ipaliwanag ang mga pangako ng Panginoon para sa mga templo noong unang panahon at sa kasalukuyang panahon. Idagdag sa inyong study journal ang nalaman ninyo.

Panahon ni Solomon	Ating Panahon
Panahon ni Solomon 2 Samuel 7:4–6 1 Mga Cronica 22:5–11 1 Mga Hari 5:5; 6:1	Ating Panahon Doktrina at mga Tipan 88:119–120 Doktrina at mga Tipan 97:10–16

Panahon ni Solomon

Ating Panahon

Panahon ni Solomon

2 Samuel 7:4–6

1 Mga Cronica 22:5–11

1 Mga Hari 5:5; 6:1

Ating Panahon

Doktrina at mga Tipan 88:119–120

Doktrina at mga Tipan 97:10–16

Ano ang natutuhan ninyo tungkol sa kahalagahan ng mga templo ngayon?

Para matulungan ang mga estudyante na pagnilayan kung paano natin patuloy na masusunod ang tagubilin ng Tagapagligtas na magtayo ng mga templo ngayon, maaari mong ipanood ang video ng kasalukuyang propeta na nagbabalita ng mga bagong templo sa pangkalahatang kumperensya. Bilang alternatibo, maaari mong ibahagi ang ilan sa huling istatistika ng templo, na makukuha sa Listahan ng mga Templo sa ChurchofJesusChrist.org.

Ang mga templo ay inilalaan sa Panginoon bilang Kanyang bahay

Makalipas ang pitong taong pagtatayo, natapos at inilaan ang templo ni Solomon.

Para matulungan ang mga estudyante na maunawaan na ang mga panalangin sa paglalaan ng templo ay natatanggap sa pamamagitan ng paghahayag at iniingatan sa mga talaan ng Simbahan, maaaring magbahagi sa klase ng halimbawa ng panalangin ng paglalaan. Ang panalangin ng paglalaan para sa bawat templo ay makikita sa pamamagitan ng pagpili sa templo mula sa Listahan ng mga Templo sa ChurchofJesusChrist.org.

Para sa aktibidad na ito sa chart, maaari mong ipakita ang mga talata at anyayahan ang mga estudyante na pag-aralan ang katapat na bahagi ng chart na pinag-aralan nila noon at ibahagi sa isang kapartner na pinag-aralan ang natitirang kalahati. May tanong sa talakayan para tulungan ang mga estudyante na ibahagi ang natuklasan nila.

Basahin ang mga sumusunod na passage mula sa mga panalangin ng paglalaan ng Templo ni Solomon at ng Kirtland Temple at alamin ang mga pagpapalang hinahangad ni Solomon at ni Propetang Joseph Smith mula sa Panginoon.

Panahon ni Solomon	Ating Panahon
Panahon ni Solomon 1 Mga Hari 8:29–30, 35–40	Ating Panahon Doktrina at mga Tipan 109:10–18

Ano ang mga katulad na halimbawa ng mga pagpapala ngayon kapag tayo ay naghahanda para sa bahay ng Panginoon at sumasamba rito?

Maaari mong ipaliwanag na pagkatapos ng paglalaan ng bahay ng Panginoon, nakaranas ang mga tao ng mga kamangha-manghang pagpapakita ng Kanyang kapangyarihan. Ang chart ng ito ay maaaring maging isang mapitagang sandali ng pag-aaral ng mga estudyante nang mag-isa, kung naaangkop.

Habang binabasa ninyo ang mga sumusunod na passage, anyayahan ang Espiritu Santo na tulungan kayong isipin kung ano ang maaaring pakiramdam na masaksihan ang mga pangyayaring ito.

Panahon ni Solomon	Ating Panahon
Panahon ni Solomon 1 Mga Hari 9:1–3 2 Mga Cronica 7:1–3	Ating Panahon Doktrina at mga Tipan 110:2–10

Panahon ni Solomon

Ating Panahon

Panahon ni Solomon

1 Mga Hari 9:1–3

2 Mga Cronica 7:1–3

Ating Panahon

Doktrina at mga Tipan 110:2–10

Ano ang mga naging karanasan ninyo o ng isang kakilala ninyo sa pakikibahagi sa paglalaan ng templo?
Paano ninyo nadama ang kapangyarihan ng Tagapagligtas sa pagkakaroon ng Kanyang bahay sa mundo ngayon?

Ipakita ang pag-unawa

Para matulungan ang mga estudyante na maipakita ang pag-unawa, maaari mong ipakita ang mga tanong ni Angela mula sa unang bahagi ng lesson.

Isipin kung paano makatutulong ang mga aral na natutuhan ninyo ngayon sa isang taong tulad ni Angela na mas maunawaan ang layunin ng mga templo. Sagutin ang mga tanong kasama ang isang kapartner o sa iyong study journal.

Bakit nagtatayo ang inyong simbahan ng mga templo?
Paano naiiba ang templo sa iba pang gusali ng inyong simbahan?

Anyayahan ang mga estudyante na sanayin ang pagtuturo sa isang kapartner ng natutuhan nila sa kanilang pag-aaral ng tungkol sa templo ni Solomon at sa mga templo ngayon. Iminungkahi ng paghahanda ng estudyante para sa lesson na ito na maaaring magdala sa klase ang mga estudyante ng larawan ng malapit o paboritong templo. Kung nagdala ang mga estudyante ng larawan, maaari mo silang anyayahang ipakita ito sa klase at ibahagi kung bakit makabuluhan sa kanila ang templong iyon. Maaari mong ibahagi ang iyong nadarama tungkol sa Tagapagligtas at sa Kanyang bahay sa pagtatapos ng klase.

Karagdagang Resources

Anong mga pagpapala ang ipinapangako kapag tayo ay naghahanda para sa templo at sumasamba rito?

Ipinaliwanag ni Pangulong Russell M. Nelson:

7:18

Makabuluhan na pinili ng Tagapagligtas na magpakita sa mga tao sa templo. Bahay Niya iyon. Puno ito ng Kanyang kapangyarihan. Huwag nating kalimutan ang ginagawa ng Panginoon para sa atin ngayon. Pinadadali Niya ang pagpunta sa Kanyang mga templo. Pinabibilis Niya ang pagtatayo natin ng mga templo. Dinaragdagan Niya ang ating abilidad na tumulong sa pagtipon ng Israel. Ginagawa rin Niyang mas madali para sa bawat isa sa atin na maging dalisay sa espirituwal. Ipinapangako ko na ang mas madalas na pagpunta sa templo ay magpapala sa inyong buhay na hindi matatamo sa ibang paraan. (“Magtuon sa Templo,” Liahona, Nob. 2022, 121)

Itinuro ni Pangulong Gordon B. Hinckley (1910–2008):

[Ang templo ay] isang lugar ng personal na inspirasyon at paghahayag. Maraming pumupunta sa templo na sa oras ng problema, kapag kailangang gumawa ng mahihirap na desisyon at lutasin ang nakalilitong mga problema, ay nagpupunta sa templo na nakapag-ayuno at nakapagdasal upang humingi ng banal na patnubay. Maraming nagpatotoo na kahit hindi narinig ang mga tinig ng paghahayag, tumatanggap sila ng mga impresyon hinggil sa landas na dapat tahakin sa oras na iyon o kalaunan na naging mga sagot sa kanilang mga panalangin. (“The Salt Lake Temple,” Ensign, Mar. 1993, 6)

Ano ang dapat kong gawin kung hindi ako nakatira malapit sa isang templo?

Itinuro ni Elder Ronald A. Rasband ng Korum ng Labindalawang Apostol:

Naaalala ko nang marinig ko si Pangulong Howard W. Hunter sa kanyang unang mensahe sa pangkalahatang kumperensya bilang ika-14 na Pangulo ng Simbahan. Sabi niya: “[Pinakamarubdob] na hangarin ng puso ko na maging karapat-dapat ang bawat miyembro ng Simbahan na pumasok sa templo. Malulugod ang Panginoon kung bawat miyembrong nasa hustong gulang ay magiging karapat-dapat sa—at magkaroon ng—current temple recommend” (Mga Turo ng mga Pangulo ng Simbahan: Howard W. Hunter [2015], 196). Idaragdag ko na ang limited-use recommend ay magtatakda ng isang mabuting landas para sa ating itinatanging mga kabataan. …

Hayaan ninyong bigyang-diin ko ito, kayo man ay makapupunta sa templo o hindi, kailangan ninyo ng current temple recommend para manatiling matatag sa landas ng tipan. …

Ang pagiging marapat na magtaglay ng current temple recommend ay isang proteksyon mula sa kaaway, dahil gumawa kayo ng matibay at tapat na pangako sa Panginoon tungkol sa inyong buhay, at isang pangako na ang Espiritu ay palaging makakasama ninyo. (“Rekomendado sa Panginoon,” Liahona, Nob. 2020, 25)

Mga Karagdagang Aktibidad sa Pag-aaral

Pagbibigay ng lahat ng ating makakaya para maitayo ang bahay ng Panginoon

Tulungan ang mga estudyante na maunawaan na palaging kailangan ang malaking pagsisikap at sakripisyo para maitayo ang bahay ng Panginoon. Para pag-aralan ang pagtatayo ng templo ni Salomon, ipakita ang mga sumusunod na passage at tanong. Anyayahan ang mga grupo na basahin ang mga talatang ito at talakayin ang mga tanong.

Basahin ang 1 Mga Hari 6:21–22, 29–32 at 2 Nephi 5:15–16.

Ano ang pinakamahalaga para sa inyo tungkol sa pagtatayo ng mga templong ito?
Anong pagsisikap at gastusin ang maaaring kailangan para maitayo at mapatakbo ang bahay ng Panginoon sa kasalukuyang panahon? Ano ang itinuturo niyon sa atin tungkol sa bahay ng Panginoon?

Sa open house para sa Richmond Virginia Temple, sinabi ni Elder Kevin R. Duncan ng Pitumpu:

Ito ang bahay ng Panginoon. Ibigay [Niya] sa atin ang pinakamagandang mundo na titirhan natin. At dahil itinatayo natin ang Kanyang bahay, sinisikap nating ibigay ang lahat ng makakaya natin—ang lahat ng kahusayan natin sa paggawa, ang pinakamagagandang materyal na kaya natin. (“Virginia’s First House of the Lord Opens Its Doors,” Mar. 20, 2023, newsroom.ChurchofJesusChrist.org)

Ano ang ilang paraan kung paano natin maibibigay ang lahat ng makakaya natin para makapasok sa bahay ng Panginoon?
Anong pagsisikap at mga sakripisyo ang magagawa natin para igalang ang Panginoon at ang Kanyang bahay?

Maaaring banggitin ng mga estudyante na maaari nating ibigay ang ating oras, isuot ang pinakamaganda nating damit, at isakripisyo ang mga makamundong hangarin upang maging karapat-dapat sa isang temple recommend at pagsamba sa bahay ng Panginoon.

Ang kapangyarihan ng mga sinauna at modernong templo

Para matulungan ang mga estudyante na makita ang kagandahan ng templo, maaari kang magpakita ng mga larawan ng loob at labas ng isang modernong templo, tulad ng mga matatagpuan sa “Inside Temples.” O maaari kang magpanood ng video ng isang virtual tour, tulad ng “Maligayang Pagdating sa Washington D.C. Temple” (2:10) o isa sa templong malapit sa inyo, mula sa temples.ChurchofJesusChrist.org (pumili ng templo at “Virtual Tour”).

11:45

Upang matulungan ang mga estudyante na maisalarawan sa isipan ang templo ni Solomon, maaari mong ipanood ang video na “Temples Through Time” mula sa time code na 0:00 hanggang 2:00. Anyayahan ang mga estudyante na ibahagi ang naitutulong sa kanila ng templo ni Solomon sa pag-unawa tungkol sa Panginoon at sa Kanyang bahay.

6:1

Para matulungan ang mga estudyante na maunawaan ang ilan sa pagsisikap na ginagawa sa pagtatayo ng bahay ng Panginoon, maaari mong ipanood ang video na “Pamantayan ng Templo“ mula sa time code na 0:00 hanggang 5:24. Sa video na ito, ibinabahagi ni Elder Scott Whiting ng Pitumpu ang karanasan niya matapos niyang obserbahan ang ginawang pag-iinspeksyon sa halos patapos nang renobasyon ng Laie Hawaii Temple.

9:13